'ഠാ'യില്ലാത്ത മുട്ടായികൾ

by Aswathy Sreekanth, അശ്വതി ശ്രീകാന്ത്

ഒരു പുഴ ഒരു സുപ്രഭാതത്തില്‍ ഒഴുകിവരുന്നതല്ല. ഒരു നീരുറവ, ചെറുതായി കിനിയുകയാണ്; മെല്ലെ ഒഴുകിത്തുടങ്ങുകയാണ്. പോകെപ്പോകെ, തടംതല്ലിയാര്‍ത്ത്, കടന്നുപോന്ന വഴികളെ അത് ഫലസമൃദ്ധമാക്കും. അതാണ് ഒരു പുഴയുടെ നിയോഗം! അശ്വതി ശ്രീകാന്തിന്റെ കഥാലോകത്തിലുമുണ്ട്, നന്മയുടെ, തനിമയുടെ, നേരിന്റെ, നെറിയുടെ പ്രവാഹം. അരികുചേര്‍ന്നു നില്‍ക്കുന്ന ജീവിതങ്ങളെ തലോടി, നീര്‍പാറ്റിയുണര്‍ത്തി എന്തെങ്കിലുമൊക്കെ ആക്കിത്തീര്‍ക്കുന്ന സര്‍ഗ്ഗചേതനയുടെ ഊര്‍ജ്ജപ്രവാഹമാണിത്. ആഖ്യാനത്തിന്റെ ചാരുതയ്‌ക്കൊപ്പം മിന്നിമായുന്ന സൂക്ഷ്മഭാവങ്ങളെ കയ്യെത്തിപ്പിടിക്കാതിരിക്കില്ല സഹൃദയര്‍. കാലം കടന്നുപോകുന്ന വഴികളിലൂടെയല്ല, കാലത്തിനൊപ്പം സഞ്ചരിച്ച മാന്ത്രികപ്പരവതാനിയിലിരുന്നാണെഴുത്ത്. ഓര്‍മ്മകളില്‍ നിന്ന് ചിത്രങ്ങള്‍ മാത്രമല്ല, തന്നെ പുണര്‍ന്ന ഗന്ധങ്ങള്‍ കൂടി അനുഭവിപ്പിക്കുന്നുണ്ട് കഥകള്‍. ഒരു പെണ്‍കുട്ടിയെ ജീവശാസ്ത്ര പുസ്തകം പഠിപ്പിക്കേണ്ട പാഠം എന്തെന്നും, ജീവിതം പഠിപ്പിക്കുന്ന പാഠം, എഴുത്തറിവുകളെക്കാളും കേട്ടറിവുകളേക്കാളും മെച്ചമെന്നും പറയുന്നുണ്ട്, പ്രായപൂര്‍ത്തിയെത്തിയ ഈ പതിനെട്ടു കഥകള്‍!

118 pages, Paperback

First published January 1, 2017

About the author

Aswathy Sreekanth is an Indian television actress, television host, writer and YouTuber from Kerala.

Also see: അശ്വതി ശ്രീകാന്ത്

Reviews

[Manoj Unnikrishnan · Rating 3 out of 5]

കാളി വായിച്ച ഹാങ്ങോവർ മാറുന്നതിനുമുന്നേ അശ്വതി ശ്രീകാന്തിന്റെ ആദ്യ കഥാസമാഹാരമായ ‘ഠാ’യില്ലാത്ത മുട്ടായികൾ വായിക്കാനെടുത്തു. അശ്വതിയുടെ വാക്കുകളിൽ പറയുകയാണെങ്കിൽ “വാരിക്കൂട്ടിയെടുത്ത ഓർമ്മകൾ, വെറുതെ ചില വിചാരങ്ങൾ, കണ്ടതും കേട്ടതുമായ കഥകൾ, സ്വപ്‌നങ്ങൾ, നിറങ്ങൾ, മണങ്ങൾ. എല്ലാം നുണയല്ല, എല്ലാം നേരുമല്ല, എല്ലാം നടന്നതല്ല, എല്ലാം ഭാവനയുമല്ല. ‘മുട്ടായി’ പോലെ മധുരിച്ചിരുന്നൊരു കാലത്തിന്റെ ഓർമ്മപ്പൊടികളെ ചേർത്തു വെച്ചത് മാത്രമാണ്.”

കുട്ടിക്കാലത്തിന്റെ, അക്കാലത്തെ നാടിന്റെ ഓർമ്മകളിലും നിറങ്ങളിലും പൊതിഞ്ഞ പതിനെട്ട് കുഞ്ഞുകഥകൾ. ഉള്ളടക്കം താഴെ ചേർക്കുന്നു.

1. കഥവഴി
2. ‘ഠാ’യില്ലാത്ത മുട്ടായികൾ
3. യുധിഷ്ഠിരന്റെ പട്ടി
4. മലയിലേക്കുള്ള വഴികൾ
5. മാന്ത്രികപ്പരവതാനി
6. ഒറ്റ രൂപ
7. ആനന്ദം
8. ഒരമ്മക്കഥ
9. സ്വപ്നത്തിന്റെ പടങ്ങൾ
10. ഊട്ടിപ്പൂവ്
11. പാൽച്ചായ
12. പൂച്ചനഖങ്ങൾ
13. മുടിപ്പെണ്ണ്
14. നിങ്ങളറിയാത്ത ഒരാൾ
15. ഒന്നായ നിന്നെയിഹ
16. ഇത്താക്കിന്റെ ചതുരക്കാഴ്ചകൾ
17. നേർച്ച
18. നെയ്യുരുള

ഒട്ടുമിക്ക കഥകളും കുഞ്ഞുനൊമ്പരങ്ങളും പേടികളും പങ്കുവെച്ചപ്പോൾ കൂട്ടത്തിൽ നിന്നും മാറി മനസ്സിൽ ഇത്തിരി ചിരി നിറച്ച രായപ്പായിയുടെ കഥ 'പാൽചായ'യുടെ മധുരത്തോടെ വേറിട്ടുനിൽക്കുന്നു. കാളിയെപ്പോലെ മനസ്സു നിറച്ച എഴുത്ത്.

[COLIN JOHNSON · Rating 4 out of 5]

Reverse killer

[Dr. Sidharth Sivaprasad · Rating 3 out of 5]

ഓർമ്മക്കഥകൾ
2.8/5 stars

[Bimal Kumar · Rating 3 out of 5]

I know it's my limitation, but I have to say that I likes only few stories in this book. Most of the stories in this book are neither exciting nor interesting. But some stories are exceptionally outstanding.

[Dr. Charu Panicker · Rating 3 out of 5]

അവതാരക എന്ന നിലയിൽ അറിയപ്പെടുന്ന വ്യക്തിയാണ് അശ്വതി ശ്രീകാന്ത്. 18 കഥകളാണ് ഇതിൽ ഉള്ളത്. ഈ പുസ്തകത്തിലെ കഥകൾക്കെല്ലാം ഗൃഹാതുരത്വം ഉണർത്തുന്ന ഒരു കാലത്തെ അടയാളപ്പെടുത്താനുണ്ട്. നിഷ്കളങ്കമായ ബാല്യം മിഠായി പോലെ മധുരിക്കുന്നു.