‫أقوى من الرصاص‬

by ميسون سرور

عندما تواجه الجميلة أعداءها بقلم من رصاص،وتصيب أهدافها ببراعة القناص.وعندما تكون مهمته الانتقام.ومن أجل عينيها،يتحول الصياد إلى حارس خاص.فيكون ما جمعهما بين نار الحب والحرب أقوى من الرصاص.

693 pages, Kindle Edition

First published July 3, 2016

About the author

ميسون سرور أديـبــة وموسيقيــة
✍ ا 🎶
▪ حاصلة على ليسانس لغات وترجمة إسباني \ إنجليزي..
وشهادة الكلية البريطانية الموسيقية فى نظريات الموسيقى والجيتار..
▪ مؤلفـة وكاتبـة سيناريــو..
▪ لها أعمال روائية وشعريـة وموسيقيـة.. إلى جانب عملها كملحنة ومدرسة موسيقى فى مدرسة دولية.
■ا■ا■
🔸 مؤلفـة ملحمـة (فرسـان الحـب والحـرب)..
أول وأطـول روايـة في العـالم.. (Crossover Novel)..
أضخم رواية مجمعـة لتداخـل أبطـال 6 روايات طويلة للكبـار..
ليكـون عـدد أبطال الروايـة الرئيسييـن 50 بطـل وبطلـة..
تتداخـل أدوارهـم طـوال أحـداث الروايـة المشوقـة..
على نحـو متـوازن مستمــر..
ولذلك تتميـز روايـة فرسان الحـب والحـرب..
بحبكـة جديـدة خاصة بهـا..
تعـد الحبكـة الروائيـة الأولى من نوعهـا للروايـات الطويـلة..
وتـدور أحـداث الروايـة المشوقـة حـول مواجهـات..
المخابـرات المصريـة والأمـن المصـري..
ضد الإرهـاب الدولي وتنظيماتـه..
في مصـر والخــارج..
■ا■ا■
🔸 مؤلفـة أول (رحمــــة) في العالـم..
أول روايات بوليسية اجتماعية طويلة (بطلتهـا ضابطة شرطة)..
وهي سلسلة روايات للكبـار تسلط الضوء على جرائـم حقيقيـة..
وتناقش قضايا المرأة والطفـل والصراع بين القانـون والعـدالة..
في مواجهـات ناريـة خطـرة تتصدرهـا لأول مـرة..
ضابطـة الشرطـة (رحمــة القـاضي)..
وأسرتهـا من رجـال الشرطـة والقضـاء..
في سلســلة الروايـات المشوقــة..
الأولى من نوعهــا..
رحمــــــــة..
■ا■ا■
🔸 مؤلفـة (لحظـة مصيــر)..
- أول عمل فني وأدبي توثيقـي في مصر والوطـن العـربي..
يوثق بطولات شهـداء الشرطة والقـوات المسلحة المصرية..
في المجموعـة الروائيـة المشوقـة لحظة مصيـر..
■ا■ا■
🔸 مؤلفـة (تحـت الحصــار)..
الرواية المخابراتية التي صدرت عام 2017..
وهي الرواية العربية التي تنبـأت بفيـروس مميت يهـدد العالـم..
تتصارع الدول على إنتاج علاجـه
بينمـا تستخدمه دول أخـرى كسـلاح بيولوجـي..
كما تنبأت الرواية بالحـرب البيولوجيـة والبيوكيميائية القادمـة..
وسلطت الضوء على عالمة مصرية شابـة..
تعمل باحثـة في الـ (CDC)..
مركز مكافحة الأمراض والأوبئة بالولايات المتحدة الأمريكية..
نجحت في اكتشاف وتصنيع السيرم المضاد للفيـروس..
"وفي عام 2020 ..
عندما تحققـت تنبؤات الرواية وأرعب فيروس الكورونا العالم..
كانت العالمـة المصريـة الشابـة..
الدكتورة (هبـة مصطفـى) أستاذ مساعـد الباثولجـي..
بجامعة جونـز هوبكنـز ومدير وحـدة الفيروسـات..
تقـف هي وفريقهـا البحثـي (الأمريكي)..
الذي ترأسـه للوصـول إلى التحليـل الجينـي للفيـروس..
فيـروس كورونـا الذي اجتـاح العـالم..
وذلك في جامعـة من أكبـر الجامعــات الأمريكيــة..
وسجـل العـالم مساهمـة العالمـة المصريـة..
في تطويــر فحــص جديــد هــام..
لفيـروس كورونـا المستجـد"
■ا■ا■
🔸 أول مؤلفــة..
يصدر لها 6 روايات طويلة في عام واحد 2018..
متنوعـة بين بوليسية ومخابراتية واجتماعيـة وخياليـة..
🔸 أول مؤلفــة..
عام 2018 قامت بتحويل مسلسل درامي أكثر من 60 حلقـة..
إلى عمـل أدبـي روائـي وهـي (رواية يوميـات ونيــس)..
من الجـزء الأول والثاني لمسلسل يوميـات ونيـس..
للفنان الكبيـر محمد صبحــي..
■ا■ا■
(أعمالهـــــا الأدبيــــة والفنيــــة)
▪ مسرحيــة "شهــــداء العـرب" - عام 2001
▪ روايـة غيــرت حيــاتى - 2013 \ 2015
▪ روايات لحظة مصيــر - 2014 \ 2015
▪ روايــة رحمـــــــــــة - 2016
▪ روايـة أقـوى من الرصـاص - 2016
▪ رواية رحمــة 2 : (سيـف رحمــة) - 2017
▪ رواية تحــت الحصــــــار - 2017
▪ رواية عشـق ابـن صهيــون - 2018
▪ رواية فارس النيل 1 : (الأميــرة المحاربـة) - 2018
▪ رواية يوميـــات ونيـــس - 2018
▪ رواية فارس النيل 2 : (كتاب السحر الأسود) -2018
▪ رواية رحمة 3 : (مواجهة المجهول) - 2018
▪ رواية امنية موت👇
ترجمة_ومعالجة_Death_Wish
▪ رواية آدم السَيَّـــاف وابنة الجنــرال - 2019
▪ رواية فرســان الحب والحرب - 2019 👇
#كروس_أوفر_Crossover_Novel
((أول وأكبر رواية مجمعة في العالم لأبطال 6 روايات طويلة))
▪ رواية لآخــر العُـمــر - 2020
▪ رواية شكاوَى مُحـرَّمَــة - 2021
🔸ا🔸
Social Media..
Official Web. https://www.maisoonsorour.com
https://www.facebook.com/Maisoon.Soro...
https://www.youtube.com/c/MaisoonSorour
twitter.com/MaisoonSorour
instagram.com/maisoonsorour
https://www.goodreads.com/maisoon_sorour
wattpad.com/user/Maisoon-Sorour
https://www.facebook.com/groups/Maiso...

Reviews

[هدى خورشيد · Rating 3 out of 5]

لايمكني انكار اجادة الكاتبة لاختيار العنوان وجعله محور الرواية وصلبها وليس مخادعا كمعظم الروايات الاخرى لايمت للصلب بصلة ولكن اجد فى صلب الموضوع سقطات عدة للكاتبة اثناء اندماجها فى وضع حبكة محكمة ومنطقية مثل انحراف بطل الرواية "زين " عن هدفه الاصلي وذلك على مدار طويل بالرواية وايضا اخفاء سر الطفل لهذه المدة وتقبل الامر بعد الاعتراف لم يكن منطقيا لم يكن بالوقت الملائم ولا بالانفعال المطلوب المتوقع , وكذلك ترك الطفل بمدرسة داخلية فحتي لو لم تجد وقتا كافيا له وكثر عليها السفر للعمل فكأم غريزيا لن تستطيع ترك ابنها من شخص تذوب به عشقا كما رأينا بالرواية في مدرسة خاصة أقل تقدير تترك مربي له بالمنزل ويكون برفقتها وهذا ينافي كليا مشاعرها القوية كأم فى نهاية الرواية ولم تقنعني بتاتا
أتي الى طول الرواية الزائد والذي تعدى الحد .. حتي انني شعرت برغبتي بأنهائها لمجرد معرفة النهاية وليس كقارئ متحمس يلتهمها بشغف , ولاانكر ان الرواية اخذت محور الافلام الهندية بالاكشن والوطنيه المبالغ فيها بأجواء وهميه رغم انني اتفق معها في قدرتها على اظهار الشخصيات بجوانب اقرب للواقع ونفاق البعض وظلم الاخر ولكني لااتفق علي الاجواء المبالغة فهي هنا ابتعدت عن ارض الواقع ,
اللغة : اتت عامية ولااعيب عليها فهي ناسبت الجو العام للرواية لكنني من مناصرين اللغة العربية الفصحى فهي الاقرب للفهم وللوصول لابعد حد من الاوطان العربية ...
ومنحت تقييمي 3 نجوم اثنان على الحبكة والشخصيات وواحدة لفصل من فصول الرواية وهو الاقرب لقلبي <3 وسأجعله سرا
وارجو للكاتبة المزيد من التوفيق فى القادم فهي عقلية ذكية بحق واتوقع الافضل منها

[Moon Light · Rating 5 out of 5]

مش عارفة اقولك الرواية دى عملت فيا ايه والله
انا تقريبا من ساعة ما جبتها وانا بفتحها كل يوم
فيها كمية مشاعر جميلة ومشاهد تجنن بعيد قراءتها مرات ومرات
شخصياتها اتعلقت بيهم لدرجة انهم بيوحشونى
وبيوحشنى المشاعر اللى بينهم .. قد ايه مشاعر رقيقة وراقية وعظيمة
كلها اخلاص ووفاء وحب ووطنية وصداقة وكل حاجة
رواياتك راقية اووووى يا استاذة وبتكتبى باحساس عالى وراقى
فى كل رواية عملتى قدوة رائعة للشباب والبنات
وبين السطور دايما في مبادىء وقيم جميلة قربنا نفقدها فى حياتنا وروياتك بتفكرنا بيها دايما
بتفكرنا بالنخوة والشهامة والاخلاق والاخلاص فى الحب ، والحب الراقى من غير قلة ادب وانحلال
وكلماتك ووصفك ومشاهدك مفيش فيها ذرة اسفاف او شىء خارج بالعكس
حتى الحوار باللغة العامية كله رقى وشياكة زى كلامنا فى بيوتنا وحياتنا
بجد بشكرك على ابداعك وقلمك الجميل الراقى
المختلف عن اللى بيقلدوا بعض الايام دى فى الاسفاف والقرف وبس
اما عن رومانسيتك الطاغية على كل حرف
واسلوبك المشوق وتمكنك من وصفك للاحداث والمشاعر والشخصيات
والمشاهد وخاصة مشاهد الاكشن فده الشىء المعتاد اللى خلاص اتعودنا عليه فى رواياتك
وبيخلينا بننتظر اعمالك على احر من الجمر ونفسنا لو تعمللنا سلسلة ولا حتى اصدار كل شهر ولا شهرين
دمتى مبدعة الى الابد يا فنانة

[Elgeneral Hossam · Rating 5 out of 5]

#أقوي_من_الرصاص
انا مش عارف اقولك ايه عليها أو اوصفها بايه بس هي فعلا اقوي من أي حاجة انا قرأتها قبل كده
رواية متكاملة اتكلمتي فيها في اكتر من جانب
الحب بين جميلة و زين و ازاي بدأ بصداقة جميلة و اتحول لحب حقيقي و انتهي بزواج
الفراق الصعب جدا بين زين و جميلة فعلا ميحسش بيه غير اللي جرب الفراق و الحنين لاعز شخص في حياته
الدفاع عن الوطن و قد ايه مصر مستهدفة من أنظمة و أجهزة عالمية و تشابك الأيدي في الدفاع عن الوطن بكل وسيلة .. زين و مروان و اللي معاهم بالخطط .. جميلة و الدكتور فؤاد بقلمهم اللي فعلا اقوي من الرصاص .
و مشاركة حاتم و موندا و زياد اللي ضحي بحياته عشان وطنه.
و أهل لبنان و حبهم الشديد لمصر و أهلها
و الأهم انتصار الوطن علي أي مخرب بفضل عزيمة و تضحية ابناءه
و دايما الحب اقوي من الحرب و السبب الرئيسي و الدافع القوي لانتصار الحق .
و لو هنتكلم علي الأسلوب .حدث و لا حرج أسلوب بسيط و في نفس الوقت محافظة علي اللغة و الوصف التفصيلي و التصويري للأشخاص و الأماكن و الأحداث فوق الرائع بجد
#ميسون_سرور. انتي عظيمة
و في انتظار رحمة 2 و لحظة مصير 2 و بالتوفيق في أعمالك القادمة ان شاء الله

[Chaimaa Abdel Hamid · Rating 2 out of 5]

افضل من سلسلة رحمة
رغم طبعا فيها مبالغات لا تتفق مع الطابع المصري

[Ana · Rating 5 out of 5]

رواية أقوى من الرصاص فعلا ♥مهما قلت من كلمات مش هعرف اوصف جمال الرواية
رواية شيقة جدا واستمتعت وانا بقرأها خلصتها فى يومين فقط
الكاتبة ميسون سرور ليها اسلوبها الخاص والمشوق تجبر القارئ انه مايسبش الرواية الا لما يخلصها
عجبنى جدا الحب الي بيجمع بين جميلة وزين رغم ان حسيت انه فيه شوية مبالغة
الرواية نقشت قضية مهمة جدا وازاى مصر مستهدفة من انظمة واجهزة عالمية عشان يسيطروا على الشرق الاوسط
واغتيال الموساد للعلماء والمفكرين
عجبتنى صداقة مروان وحاتم لزين وازاى كانوا خايفين عليه وبيحموه ووطنية زين ومروان وزياد وشجاعتهم في الدفاع عن وطنهم خصوصا زياد الي دفع عمره عشان يكشف المؤامرات على بلده
وشجاعة جميلة ووالدها فؤاد العربي لم يخشوا على نفسهم وكان قلمهم اقوى من الرصاص
للاسف الاعلام الفاسد مثل محسن ماهر ليه دور كبير للي بيحصل للبلد وازاى استغل اوضاع البلد بغرض الشهرة والانتقام من زين
دمتى مبدعة يا فنانة ومن نجاح الى نجاح ان شاء الله

[HÊbà Tàllàh · Rating 5 out of 5]

صي بقي انا مش لاقيه كلام اوصفلك بيه روعه الرواية
اثرتني بكل كلمة فيها وحسيت اني عايشة معاهم و خايفة عليهم و طبعا زعلت ع زياد و حالة زين و الواقع اللي مرينا بيه ان الظلم هو اللي كان بيتحقق
بس احلي حاجة الحب اللي بين جميله و زين حب صادق بكل اللي مروا فيه كان الحب بيزيد و طبعا زيدووو ده عسل خالص و كمان علاقة زين و حاتم و مروان الصداقة اللي بجد ده شئ مفتقدينه ف حياتنا

[Mony Essam · Rating 5 out of 5]

#اقوي-من-الرصاص
تاني روايه اقرها ليكي وتبهرني كالعاده ازاي الاحداث مترتبه ومشوقه اوي كده فعلا خلتيني ارجع احس بروعه القرايه من تاني بعد متوقفت فتره بسبب الدراسه مخيبتش ظني ابدا في ان الروايه متعجبنيش وبتكلم في قضيه مهمه جداا للاسف كتير نساهاا لو فعلا في اكتر من 5 نجوم كنت قيمتلك وانا ضميري مستريح رااااائعه رااااائعه رااااائعه وانصح الكل فعلا يقراهااا وهستني رحمه 2 بفااااارغ الصبر ^_^

[Nero Hassan · Rating 5 out of 5]

مش عارفه اقول ايه بصراحه علي الروايه التحفه دي من الروايات اللي استمعت بيها وعشت جواها لاخر حرف فيها ومن جمالها مكنتش عايزاها تخلص بهني الكاتبه الجميله علي الروايه وعلي اسلوبها الساحر البسيط والمشوق ومن نجاح لنجاح وبالتوفيق في الاعمال الجايه ان شاء الله

[Mona Ezz · Rating 5 out of 5]

ومازالت تبهرنى الكاتبه بأفكرها ولم اندم على قرائتها وكانت عكس ما تقعت فكنت اتخيل انها مثل روايه رحمه او ان تكون قريبه منها

[Mayoy · Rating 5 out of 5]

😠😠😥😥☺☺😍😍💖💖😂😂😁😁😯😯😱😱😰😰😇😇💂💂👮👮💑💑💑💑💑💑💑💑💑💑💑💑💑💪💪💪👏👏👏👏👏👏👏👏👏👏👏👏👏👊👊👊👊👊👌👌👌👌👌👍👍👍👍👍💞💞💝💝💕💕💖💖💟💟💍. بس كدة

رواية + هدف + دفعة للشباب + وطنية + عروبة + دور المرأة وقوتها + حبكة + تشويق + مشاعر + اكشن + مصر بقى ولبنان وموساد + رومانسية حاجة كدة استغفر الله محصلتش وبأدببببببببببببب = اعظم حاجة قرأتها لحد دلوقت ... شابوووووووه ميسون سرور

[Kuki Tuti · Rating 5 out of 5]

ايه الروعة والجمال اللى فى الرواية دى بجد !!!
الرواية اسمها اقوى من الرصاص وهى اقوى من الرصاص فعلا
فى كل حاجة ، الاحداث المشوقة ، قصة الحب بين زين وجميلة والشجن اللى فيها
الاكشن الفظيع والشخصيات الجميلة حتى الشخصيات الشريرة كانت مختلفة عن اى رواية
الفكرة نفسها وتسليط الضوء على اغتيال الموساد للعلماء والمفكرين العرب فكرة جديدة على رواية
ومطروحة فى الرواية بشكل حلو جدا ومشوق ، وكمان الوطنية وخط المعارك والدفاع عن الوطن كان راااااائع
ومن اجمل ما فى الرواية الصداقة الجميلة وخوف الاصدقاء على بعض للنهاية
صداقة حاتم موريس ومراون ضابط المخابرات لـ زين ووقوفهم جانبه هو اللى خلاه يقدر يحمى جميلة من الاغتيال
زى ما الموساد اغتال ابوها الدكتور فؤاد ، ومساعدة الجنرال عابد و ميجور ميادة ليهم فى بيروت بين قد ايه فى ترابط بين اهل مصر ولبنان
وقد ايه الارهاب والقتل جريمة بتهدد كل شعب وكل بلد فى الوطن العربى وان عدونا كلنا واحد
المزج بين اللهجة المصرية واللهجة اللبنانية كان هاااااااايل وممتاز وخلانا نعيش الحالة ونتصور الشخصيات كلها بجد
حبكة الرواية ومفاجاتها متقنة ببراعة وفعلا المفاجات فاقت وتخطت توقعات اى حد
كم التشويق فى الرواية خرافى زى كل روايات الكاتبة من اول صفحة لاخر صفحة
وبحب جدا تفاصيلها فى الوصف اللى بتخلينى اعيش جوه الحدث
كنت طول الرواية متاثرة بالظلم اللى عاشه زين وحزينة عشانه واعجبت بيه جدا لما نسي
الظلم اللى اتظلمه فى بلده وعرض نفسه للموت عشانها بعد كل اللى حصله
وكنت خايفة النهاية تكون نكد وحد يموت فى الاخر وخاصة زين
لكن الحمدلله النهاية كانت راااااااائعة
والله رواية فوووووووق الوصف مش عارفة اقول عنها ايه تانى غير انها اقوى من الرصاص
برافوووووووووووو للكاتبة وفى انتظار اعمالك القادمة بفارغ الصبر

[Khaled Elmehallawey · Rating 4 out of 5]

لقد استمتعت جدا بقراءة هذه الروايه الجميلة وذلك علي الرغم من إحساسي بوجود بعض المبالغات وعلي الرغم من انها احيانا كانت تتحول لإحدي مغامرات رجل المستحيل ولكن في المجمل استمتعت كثيرا وأصبحت متشوقا جدا لقراءة جميع اعمال كاتبة الرواية وانا علي ثقة تامة بأنها كاتبة جيدة جدا تستحق بالتأكيد ان يقرأ لها

[Abdelrahman Moustafa]

بجد الروايه تحفه كل حاجه في الروايه حلوة الصراحه انا كنت مش قادر اسيب الروايه بجد انتي عظيمه يا استاذة ميسووون

[Mohamed Atia · Rating 4 out of 5]

اُسلوب الكاتبه. سلس. وشيق. احسنت

[Osama Yosre · Rating 5 out of 5]

زين الصياد ضابط حراسات يقع فى حب جميل العربى الكاتبه الشابه ولكم يتم التفرقه بينهم ويعود لها بعد خمس سنين لتروى الكاتبه ماذا حدث فى حياة الاثنين وهل سيعودن لبعضهم ام لا
الاحداث سريعه وبها كثير من التشويق واسلوب الكاتبة مميز جدا
الروايه بتناقش العديد من القضايا الوطنية زى الارهاب واغتيال العلماء من قبل الموساد

[Sam · Rating 3 out of 5]

هو ممكن سلاحك يبقى قلمك وكلماتك رصاصك؟

ايوه ممكن جدًا خصوصًا لو أنت شُجاع كفاية في مواجهة عدوك بقلمك زي بطلة الرواية.

الرواية بتدور أحداثها حوالين جميلة العربي بنت الدكتور فؤاد العربي وزينا سليمان الصحفية، جميلة هي ثمرة حُبهم اللي كانت بتحارب الصهاينة بقلمها، ودا بعدما استلمت عرش الدفاع عن بلدها بقلمها زي والدها.

تدور بيها الأيام وتتعرف على زياد أخو حبيبها وزوجها المستقبلي زين، لكن لما اتعرفوا على بعض اتقلبت الموازين كلها، لكن حاولوا يقاوموا أي ظروف ممكن تقف قصاد حبهم

في رأيك هل هيكملوا مع بعض ولا الظروف هيكون ليها رأي تاني؟

بداية الرواية كانت في زمن الحاضر في مشهد مأسوي بتوضح فيه الكاتبة سادية العدو وإنه مش بيهمه القانون اللي ممكن يجيبه في يوم من الأيام ويتففه طقم أسنانه عقابًا له على جرائمه.

سرد الرواية كان بالفُصحى والحوار كان بالعامية المصرية ودا ميقلش من الرواية خالص بل كنت مُستمتعة بكل لحظة عيشتها مع الرواية.

الرواية كانت مليانة بملحمة مشاعر وصراعات داخلية ما بين الأبطال وبعض وإذا هيوصلوا لشط النجاة في حُبهم، وما بين صراعات خارجية مع عنصر الشر وهو عاصي أبو الدهب والناس اللي شغال لصالحهم.

الكاتبة قدرت توصف كل حاجة في الرواية وعيشتني في قلب الأحداث، الوصف كان عذب جدًا ومفيش أي ملل قيه.

الحوارات ما بين الأبطال كانت حلوة ومُتسقة جدًا مع الأحداث، ومن أجمل الحوارات اللي حبيتها هي حوار جميلة العربي مع مُذيع بريطاني وشدوا جامد في حوار إن في فرق ما بين اليهود والصهاينة وإن دول تبع ديانة ودول فكرة اتكونت.

شخصيات الرواية كانت بسيطة والكاتبة قدرت توصفهم بالتفصيل، لكن في الحقيقة مقتنعتش بنسبة كبيرة بشخصية جميلة يعني واحدة زيها وبذكائها
إزاي تخلي أرباحها تتحول على حساب مُدير أعمالها؟
وإزاي تدخل نفسها في كل المتاهات دي؟
وإزاي تخلي باسل يعرف عنها حاجات كتير قادرة إنها تأذيها؟
وإزاي من أصلًا مسألتش على ورقة طلاقها من زين؟
وإزاي كانت فاكرة نفسها هتتجوز من بعده؟

الأماكن والأزمنة في الرواية كانوا مُحددين جدًا ودا عُنصر مُقنع جدًا بالنسبة لي.

التيمة بتاعت الرواية هي إن سلاحك في قلمك اللي تقدر تفضح بيه عدوك، لكن متحاولش تزيف حقيقته وتشوه سُمعته عشان تلمع على حسابه.

حجم الرواية كان فوق ال 570 صفحة ودا في الواقع رقم كبير بالنسبة لي مش عارفة كانت المفروض تُختصر ولا لأ، بس أعتقد لأ.

نهاية الرواية كانت سعيدة وشبه مُقنعة بالنسبة لي مع إني مش متفقة إن الأبطال هتنتهي حياتهم بسعادة؛ لإن في كذا عاصي أبو الدهب عايشين حوالينا.

لغة الرواية كانت جميلة جدًا وبكلمات بسيطة عبّرت الكاتبة عن كلام كتير حسيت إنه جوايا.

أسلوب الرواية كان جميل جدًا محستش بملل، وكنت مستمتعة بال Flashbacks اللي في الرواية.. أعتقد Technique الرواية كان إن يوم ورا يوم التشويق بيزيد أكتر ومع الصفحات هنكتشف حاجات جديدة.

غلاف الرواية كان مُعبر جدًا وهو إن في اتنين بيحبوا بعض، لكن حواليهم نار قادرة تفرقهم.

اسم الرواية كان مُتناسب جدًا مع مضمونها على عكس بعض الرواية الخادعة اللي تجذبك بعنوان، وتطلع في الأخر على فشوش.

رأيي في الرواية إنها حلوة وأرشحها لأي حد بيحب الرومانسية اللي بيتخللها أكشن ووطنية، بس أحب أقولكم إني حسيتها من أجواء فيلم تيمور وشفيقة وكود 36😂

مش فاكرة عرفت الرواية دي إزاي بس فاكرة إن من السنة اللي فاتت تقريبًا وأنا حطاها في ال Writing list بس الحمد لله إني خرجتها من ال List دي عشان تفُك Block القراءة اللي صابني بعد التخرج من الكلية الفقرية ورحلة البحث عن الذات وشغفها😂

مقرأتش لميسون قبل كدا بس أعتقد إني هقرألها تاني على رواقة كدا.

اللي عجبني في الرواية هي حُب الأبطال لبعض يعني في الزمن دا مبقتش أشوف حد زي زين كدا اللي فضل متمسك بمراته، ولا بشوف كتير حد شُجاع زي جميلة وبيتصدر للعدو بقلم بس.

اللي معجبنيش في الرواية هو وصف جميلة العربي كأنها مثالية وذكية ومستحيل تقع في ورطة يعني معرفش إزاي تبقى ذكية وتوقع نفسها الوقعات دي اللي كانت في الرواية.

دي شوية اقتباسات عجبتني src="https://i.postimg.cc/L5sYMJYH/Screens..." alt="Screenshot-Facebook"/>






























الرواية نقلت لي مشاعر حلوة وزي ما قولت فكت قفلة القراءة عني في وقت كنت محتاجة أقرأ حاجة زيها يمكن تحرر كلماتي.

التقييم النهائي: 5/3 عشان فكرتها القوية وقدرة الكاتبة على الوصف وسحبي في الأحداث.

[Heba Elkhwaga · Rating 5 out of 5]

#ريفيو
#اقوى_من_الرصاص
#ميسون_سرور
#رواية 575 صفحة
اصدار دار سما / سنة 2016

روايا مكس💙 دراما 😭على اكشن💪🏻 على رومانسية ❤️❤️
مود رايق كده مادخلتوش من ايام روايات زهور وعبير ❤️❤️
مكتوبة بطريقة جميلة السرد فصحى والحوار عامى💙🧡
عشت معاها ايام طووويلة زي المسلسل العربى كده 💚💚 لان بقالى شهر تقريبا بقرا فيها 🌟كل يوم او يومين شوية ❤️ فصلتني من الواقع اللى مليان قواقع ده 😂 😂
كانت تجربة حلووة ❤️❤️ ترشيح Mayoy Mezo ال��لوووة ❤️❤️❤️
وارشحها لاي حد عايز يفصل دماغه شوية 💙❤️❤️
ويعرف حكاية الجميلة والصياد ❤️❤️
تقييمي 5/5 ❤️💙💚🧡💜

[Hizam · Rating 1 out of 5]

ما قدرت اكمل .. حرام أضيع يوم ميلادي في هالرواية ✋🏻👎🏼

[Mariam Gawwad · Rating 3 out of 5]

الروايه شدتني وخلصتها كلها ف يوم م اول ما مسكتها مسبتهاش ٥٦٠ صفحه😂 الا اني حسيت بافوره شديده جدا يمكن ده اسلوب الروايات وانا مبحبوش بس ف المجمل هي شيقه 😊

[Malak Yasser · Rating 3 out of 5]

عندما تقع في حب خيال الكاتب/الكاتبة من أول رواية تقرأها له/لها تظل تلك الفكرة في عقلك أن ذلك الكاتب سيمتعك دائما بخياله ومواهبه المختلفة في وصف الأحداث ومزج الواقع بالخيال وهكذا , وهذا بالظبط ما حدث معي عندما قرأت أول رواية للكاتبة ميسون سرور وهي رحمة التي أخذتني في شباكها وعشت في جوها فعلا , وهذا ما انتظرته في تلك الرواية التي ظللت اسأل عنها كل يوم أنا وصديقتي تقريبا متشوقات لقرآتها ومعرفة من سيكون فارسها الجديد , لن أنكرأني بالفعل وجدت ما طمحت فيه , فالرواية تضمنت ذلك المزيج الخاص بميسون وذلك العطر الشبابي او الرومانسي الذي تملأ به الرواية دون أن تبخل علينا طبعا ببعض الأكشن والدراما . لكن ربما لم أحب تلك الرواية بقدر ما أحببت رحمة وذلك لعدة أسباب شخصية وأولها أني لم أعجب بشخصية جميلة وذلك أثر بشكل كبير جدا في تكملتي للرواية , أيضا شعرت بجمال قصة حب جميلة والصياد بالطبع فكما يقولون love was in the air ولكن في بعض المواقف شعرت بأنها مبتذلة أو ساذجة قليلا -لا أجد الكلمة الأنسب لوصفها- ... أكثر ما أعجبني حقا هو وضع الكاتبة ميسون لجوانب شخصياتها المتعددة داخل الشخصيا التي تبتكرها فتشعر أنك كما تقرأ القصة فأنت تقرأ الكاتب , كنت أتمني أن اعجب بالرواية أكثرمن ذلك حقا ولكن ذلك لن يمنعني أن اقتني باقي روايات الكاتبة الرائعة ميسون

[Aya Abdelhady · Rating 4 out of 5]

الروايه دي بالنسبالي افضل من ( غيرت حياتي) بمراااحل، توفر فيها عنصر الاثاره والتشويق، لكن هيفضل محيرني دايما هو ليه لازم البطله تبقي ذات جمال مبهر! والبطل يكون غايه في الجدعنه والرجوله! يعني بصراحه هذا النوع من الرجال يوجد في الروايات بس! معتقدش فيه راجل يجمع بين كل مواصفات زين دي متوفر في الحياه😁 وكمان هو لو البنت مكنتش بكل جاذبية جميله دي مش هتتحب! يعني ليه تملي التركيز علي المواصفات الشكليه الفاتنه في البطله ورجولة سوبر مان في البطل! نفس توليفة خالد وحبيبته في(غيرت حياتي) اعتقد الكاتبه محتاجه تكون اكثر واقعيه في مواصفات شخصيات الروايه! وكمان غيرة جميله كانت مستفزه جدااا في الروايه، يعني لقطة اعلان جوازها من عاصي دي مكنش ليها لزمه في الاحداث لانها اظهرتها غبيه مش غيوره! ويبقي سؤالي للكاتبه هل ستستمرين علي نمط واحد من الروايات وهو الاكشن والقصص البوليسيه و العصابات؟ من وجهة نظري النجاح يكون في التنوع والتجدد وليس في ركن واحد فقط! خاصة اني المس لديكي حس رومانسي جيد، فلماذا لا تفكرين في كتابة روايه رومانسيه اجتماعيه بعيده عن العنف والحركات القتاليه! لا تكرري نفسك اكثر من ذلك!

[Ahmed Taha · Rating 2 out of 5]

صدمت من الروايه كنت متوقع انها أفضل من رحمه لان رواية رحمه عجبتني جدا الررايه جيدة فقط وليست رائعه
اولا: شخصية جميله اللي كل الناس بتحبها وشخصيه مثيره وجميله ونفس مواصفات رحمه بالظبط
ثانيا: البطل طبعا قوات خاصة زي البطل في رحمه من الشرطة الكاتبه شايفه ان هما دول اللي بيخدوا حقهم في البلد وهنا دول اللي اقوياء ودي عدستها من الظاهر
ثالثا:الاكشن ركيك جدا كأنه فيلم عربي قديم لفريد شوقي
رابعا:الروايه طويلة بشكل لايستحق فكرة عدم مصارحة البطله للبطل عشان الأحداث تكون ممطوطه
خامسا:الأسماء اختيارها سخيف الجميله والصياد حاسس اني فيلم عربي فعلا
الكاتبه محتاجه تغير جلدها تتكلم عن طبقه تانيه غير الطبقه دي مش لازم اكشن
-طيب انا ليه اديت للروايه نجمتين عشان اسلوب الكاتبه سهل وجذاب ولذيذ
-ان الروايه مش سيئه هي رواية جيده لكاتبه كمان ٥ روايات هتبقا كاتبه معررفه ومشهوره وليها فكر مختلف يعني مسألة وقت

[Aziz · Rating 2 out of 5]

GOOD

[Night_whisper · Rating 3 out of 5]

اقوى من الرصاص للكاتبة الموهوبة ميسون سرور
=============================

كل منا يعيش روايته الخاصة
و فى داخلنا صراعات بين ضمائرنا و خطايانا ..
بعضنا عاش مطارداً من خطيئته و مطارداً من راحة النفس بسببها ..
و بعضنا اختار أن يطارد خطيئته و يواجه الدنيا بها ..
فقط علينا أن نختار .. حتى و أن كان الأختيار ..
أقوى من الرصاص

[Haitham Abdo]

حم

[Mayada · Rating 3 out of 5]

رواية حلوة و ممتعة بس مش رومانسية هي رواية شاملة فيها كل حاجة.

[Sandy HANY]

رائعه جداااااااا
انا بداتها وخلصتها فى يوم
وصفك للمشاهد وخصوصااااا الاكشن كان الواحد فى المشهد بالضبط والرومانسيى
بصراحه حاله مختلفه خالص
دومتى مبدعه

[Walaa Allam]

ثم تعيدك تفصيله صغيره لألم كنت تظن يوما انك شفيت منه 💔
ولو لفيت بلاد الله ووقعت ف. غرامها هتفضل بلدك ساكنه روحك و تفضل ذكرياتها موشومه على قلبك كانك اسير و كان طعم الأسر فيها لا يمل 😊

أن تري عينين تحيا بداخلهم شىء من اللاوعى و اللامنطق ترى بهم عمر من السعادات و المعارك
فتعلم أن هذه العيون ستحييك على شفا حفره من الهاويه 💕
ربما نحترق ربما ينزف قلبنا مستنجدا و لكن نبقي صامدين كى لا نترك الخراب بداخلنا يكشر عن أنيابه 😒
تايه بقالى سنين بلف و اخيرا رجعت 💔
لتستفيق على صوت تناسيته لتجد أنه ما زال يقتلك و يحييك 🤩
ليلتقى قلبي بك ف مساحات شاسعه نمضي فيها بخطى من شوقى و لهفتك و حبى و جنونك و جاذبيتك العشقيه المفرطه لارتمى بين ذراعيك و اترك خلفى خريف واهن و احيا بين ضلوعك عمر من ربيع 💜⁦❤️⁩💕

[Huda Hadoya89 · Rating 3 out of 5]

قصة فيها اكشن وحب وسياسة .. حلوة واندمجت فيها وحسيت اني قاعدة اطالع فلم مصري ابيض واسود

[Diroo · Rating 5 out of 5]

رواية مقدرش اوصفها بكلام من اسلوب كتابة للاحداث لكل حاجة فيها بصراحة انا بنصح كله يقراها لاني شايفة ان مفيهاش غلطة فعلا هي اقوي من الرصاص