What do you think?
Rate this book
كتالوج سي السيد
حصريا من كتب العالم
295 pages, Paperback
First published January 1, 2018
210 people are currently reading
2683 people want to read
About the author
إيهاب معوض
7 books749 followersمهندس ديكور و كاتب صحفي ومقدم برامج حاصل علي بكالوريوس فنون
ودبلومة الارشاد الزوجي
ودبلومة الارشاد الزوجي
Ratings & Reviews
Friends & Following
Create a free account to discover what your friends think of this book!
Community Reviews
Displaying 1 - 30 of 141 reviews
December 1, 2022
اختار إيهاب قضية اجتماعية نفسية لها حضورها في السياقات الشبابية عمل صياغة تأليفية سردية ظريفة من أول مقدمة هبة السواح ومقدمة المؤلف بحديثه مع صديقه وائل (الحقيقي أو المحتمل) فمهّد للقراء دخول عالمه بصفتهم أصدقاء
جر رجل القارئ لطاولة الحوار أخذ طرقا متنوعة بدأت باستحضار أصدقاء وامتدت لعبارات تداولية ثقافية لم يكن بحاجة إليها مثل السخرية التي تصل إلى حد كثرة الدعاء على النفس والألش
لكن على كل الأحوال فإن عددا غير قليل من المواقف المتداولة في الكتاب مرايا لاهتمام الشباب، وصور لطريقة التفكير الأكثر انتشارا
المشكلة في التنميط يعني افتراض أن العالم يقوم على ثنائية الانقسام الحاد بين الذكورة والأنوثة، وحذف المشترك الإنساني والأدوار والتربية من الرؤية
افتراض أن كل الرجال واحد - نظرية ماري منيب في الأفلام العربية _ وافتراض أن كل البنات لها التفكير نفسه - نظرية زينات صدقي - طبعا العالم ليس بهذه الصورة
أهم ما في الكتاب هو علامة سي السيد التي تؤكد أن نجيب نحفوظ أستاذ علامات ثقافية
سي السيد لم يكن له كتالوج
هو يجمع المتناقضات الإنسانية معا، هو ينهزم في معارك كثيرة حتى مع أولاده الذين يختارون طرقهم رافضين نصائحه (هكذا فعل فهمي وياسين وكمال)
أمّا وضع كتالوج لسي السيد فهذه علامة على عصر التسليع
كل شيء له كتالوج ومركز تأهيل وصيانة - إعلان هالة فاخر- سيظل الإنسان بلا تنميط، لن ينحصر أبدا في كتالوج مهما كان ظريفا وعمليا لأن من ستسير خلف الكتالوج ستكتشف أن سي السيد لا يمكن إعادته إلى التاجر أو تركيب أسلاك في رأسه لفهمه وتحويله لإنسان آلي - نظرية لينين الرملي مع صبحي في نهاية الهمجي- ستكتشف من تكتفي بأي كتالوج أنها لم تتخط بعد سنة أولى حضانة في رؤية الآخر
وستكتشف أن الاعتماد على أي كتالوج هو إهمال للعقل وإهدار لخصوصية الذات
كتاب يكشف لنا ما يفعله كثيرون ولا يقال
ما نعلمه ونعلم أن الآخر يعلمه ولا نتطرق إليه
ما يقال في الواقع
وما يقال بيننا وبين أنفسنا
كتاب يحاول ببساطة أن يلغي مساحة الازدواجية
ويقول للذات إن الآخر يعرفك ربما أكثر مما تعرف نفسك
جر رجل القارئ لطاولة الحوار أخذ طرقا متنوعة بدأت باستحضار أصدقاء وامتدت لعبارات تداولية ثقافية لم يكن بحاجة إليها مثل السخرية التي تصل إلى حد كثرة الدعاء على النفس والألش
لكن على كل الأحوال فإن عددا غير قليل من المواقف المتداولة في الكتاب مرايا لاهتمام الشباب، وصور لطريقة التفكير الأكثر انتشارا
المشكلة في التنميط يعني افتراض أن العالم يقوم على ثنائية الانقسام الحاد بين الذكورة والأنوثة، وحذف المشترك الإنساني والأدوار والتربية من الرؤية
افتراض أن كل الرجال واحد - نظرية ماري منيب في الأفلام العربية _ وافتراض أن كل البنات لها التفكير نفسه - نظرية زينات صدقي - طبعا العالم ليس بهذه الصورة
أهم ما في الكتاب هو علامة سي السيد التي تؤكد أن نجيب نحفوظ أستاذ علامات ثقافية
سي السيد لم يكن له كتالوج
هو يجمع المتناقضات الإنسانية معا، هو ينهزم في معارك كثيرة حتى مع أولاده الذين يختارون طرقهم رافضين نصائحه (هكذا فعل فهمي وياسين وكمال)
أمّا وضع كتالوج لسي السيد فهذه علامة على عصر التسليع
كل شيء له كتالوج ومركز تأهيل وصيانة - إعلان هالة فاخر- سيظل الإنسان بلا تنميط، لن ينحصر أبدا في كتالوج مهما كان ظريفا وعمليا لأن من ستسير خلف الكتالوج ستكتشف أن سي السيد لا يمكن إعادته إلى التاجر أو تركيب أسلاك في رأسه لفهمه وتحويله لإنسان آلي - نظرية لينين الرملي مع صبحي في نهاية الهمجي- ستكتشف من تكتفي بأي كتالوج أنها لم تتخط بعد سنة أولى حضانة في رؤية الآخر
وستكتشف أن الاعتماد على أي كتالوج هو إهمال للعقل وإهدار لخصوصية الذات
كتاب يكشف لنا ما يفعله كثيرون ولا يقال
ما نعلمه ونعلم أن الآخر يعلمه ولا نتطرق إليه
ما يقال في الواقع
وما يقال بيننا وبين أنفسنا
كتاب يحاول ببساطة أن يلغي مساحة الازدواجية
ويقول للذات إن الآخر يعرفك ربما أكثر مما تعرف نفسك
October 25, 2024
على ضمانتك ؟
حقيقي يا أستاذ إيهاب هل الكتاب ده و كل كلمة فيه على ضمانتك أنها الحقيقة ؟ أنها الخطوات اللي المفروض كل بنت تعملها عشان خاطر سي السيد !
أنت قولت أن مفهومه عن الأكل و النوم و المشاعر و التسوق و الخناقة و الخيانة و أنه مش بيفهم في الستات و سهل يضحك عليه و في نفس الوقت صياد بالفطرة و متملك و بيحب الغموض و التميز بس تبقي واضحة و مش مهم يفهم المشكلة المهم ينهيها و بيحب الحرية و يكره الحصار بس لازم تهتمي جدًا لأن كائن بصري و مش ضامنين بقي و طبعا مش بيدفع فلوس في حاجة ممكن يأخدها ببلاش ما هي بيعة و شاورة .. و مطلوب من كل بنت أنها تستستم نفسها على كل ده عشان هو المفروض كده ما هو أصله الرجل كده مش بيتغير بس البنت ممكن تشقلب نفسها عشان سي السيد يرتاح !!
و بما أنك راجل زيهم أزاي أستوعبت كل التفاصيل دي و لا حضرتك ما شاء الله الفلته في جيلك ؟؟
أنا عايزه إجابة واضحة هل الكتاب ده على ضماتنك يعني ، نعمل اللي فيه ولو النتيجة جت عكس نروح لمين ولا نعمل إيه ؟
مش واخد بالك أن الناس مختلفة و الطباع مختلفة و الظروف و الشخصيات و البيئة و المجتمع و أن ممكن ده لو ظبط مع واحدة يفشل مع عشرين ؟
وراد مش كده
أنت ببساطة بعد ما طلبت في الكتب اللي قبل كده أن الست تكون الدينمو بتاع العلاقة اللي بيحركها و التاني هيكل محرك صورة كده ، أنها هنا تزيف الصورة ..
بافتراض أن جواز الصالونات ظاهرة صحية ، أنا مش ضد طريقة أي جواز طالما ماشيه مع دماغ صاحبها ، بس الحقيقة أن جواز الصالونات له عيب كبير أوي و هو الزيف ، أصلك أنت عارف أنها العروسة و هي عارفه أنك العريس و بالتالي الأتنين ماشين حسب الكتاب ، محدش بيظهر عيوبه أه بس الناس بالمعرفة بتسيب سيطرتها شويه بشويه ، لكن لما تكون عارف أن ده بيراقبك طبيعي تحط كل سيطرتك وحصونك عشان تظهر المثالي اللي مفيش منه ..
غير أن جواز الصالونات مقابلاته عبارة عن الشقة و العفش و الشبكة و الفرح ، ناهيك عن أن كل واحد فيهم بيدور على زوج أو زوجة ، أي زوج و أي زوجة طالما محترم و جاهز و طيب و خلاص ، و مش عايزه أقولك أن الاحترام و الطيبة و الفلوس الجاهزة مش أسباب كفاية للجواز وبالتالي بيحصل طلاق ..
نسب الطلاق عالية مش بس بين قصص الحب ، نسب الطلاق بقت عالية عمومًا و نص اللي بيكمل حتى لو كلهم جواز صالونات فده عشان مبدأ أعتقد سمعت عنه ؛ المركب تمشي ، عشان خاطر العيال و عشان معندناش طلاق .. و بالتالي النتيجة جوازة مكملة و اتنين لا طاقين بعض و لا طاقين حياتهم وكل واحد فيهم بيخون التاني بأي شكل يا اتنين مستنين الأيام تعدي عشان تخلص و عيال متعقدة أو واخدة فكرة زفت عن الجواز .
عارف ليه كل ده ؟ عشان التزيف .. عشان لما نوهم حد بأننا حاجة تانيه ، بأننا أوكي مع طباعه و طريقته و حياته ، بأننا متفاهمين كل دوافعهم و متفانين في الاهتمام بيهم و حبهم ، و أننا تمام مع أنهم كده ده مفهومهم بقي ، و أننا مستعدين نتنازل عن مفهومنا و مشاعرنا في سبيل تبني مفهومهم .. و دي – هفاجئك – مش الحقيقة خالص ، بعد فترة ما بتخطب أو بتتجوز أو بتدخل العلاقة بترتاح ، المخرج اختارك و أنت بطل الفيلم خلاص ، المجهود بيقل و السيطرة القصوى على الانفعالات و التمثيل بيبهت .. محدش يقدر يمثل 24 ساعة كل يوم في حياته ، هيرجع لطبيعته و ساعتها يحصل الكوارث لأننا بنكتشف ناس تانيه خالص .
يعني مثلًا لما يتقدملها العريس المحترف الجاذب اللي هتوافق عليه على طول لازم تلبس مقفول و متحفظة و كلام بحدود و حياء أوفر عشان هو لف و جرب و عايز قطة بيتي بقي ، متعبرش عن إعجابها و لا تحبه و ياريت تعيط لو اتصل بها الساعة 12 .. و بعد الجواز يكتشف الحقيقة ، هي مش مقفلة أوي كده ، هي طبيعية بتهرج و بتكلم و فاهمه و ردودها هجومية و جريئة فيطلقوا ليه ؟ عشان مش دي الصورة اللي أخدها أصلًا !
أفرض مثلًا العريس المدهول الخام فضل مدهول ؟ أصلك جبت الثقة دي منين أنها هتغيره و لا هيعرف يتكلم ؟؟ .. معلش لا بجد جبتها منين ؟ بحث علمي ده و لا إيه !
أفرض أتجوزت واحد متدين زي ما وصفته و مرتحوش مثلًا ؟أصل الدين مش سبب كافي للجواز برضو .. طبيعي يبقي من نفس ديني ، هو كونه مسلم دي مش ميزة إضافية ده المفروض حاجة أساسية طبيعي تبقي زي كونه إنسان ..
هل أنك تتجوز إنسان دي ميزة ؟ هي ممكن في حالة أن الطرف التاني قرد .
و المطلق ده حكاية هو أنا لازم أسمع ،أفرضت سمعت أنها محترمة و أخلاقها عالية و مسمعتش أنها بتكلم عنه كويس و لا لا ، أصل الناس مش بتمشي في الشارع تتكلم عن مشاكلها الشخصية ده حضرتك في أفلام السبعينيات و التمانينات ، دلوقتي لا خالص .. غير أن الناس بتزود و ممكن تكون هي نفسها بتكدب و ممكن يكون الجواز فشلت بسببهم هم الاتنين ، أصل عادي في جوازات بيكون الاتنين هم سبب الفشل مش واحد !
طيب حضرتك عندك فكرة أن مفيش شخصية بتظهر من أول مقابلة و دي نقطة متفقين فيها ، طيب تعرف أن أول مقابلة للشكل و الهدوم و طريقة الكلام .. عشان للأسف محدش هيقع في غرام شخصيتك و أنت مبهدل و مش بتعرف تتكلم و لا تلبس و مش جايب لا ورد و لا شيكولاته .. و إلا بلاش مقابلة أولى ندخل في التانية طالما الأولى مالهاش لازمة كده خالص .
طيب عندك فكرة أن جواز الصالونات هو قائم علي القضايا المصيرية دي زي هنسكن فين وأشتغل و لا لا و هنخلف كام بيبي .. آه و الله ده تقريبًا 90% و أكتر .. حمدالله على السلامة في مصر .
و الاتنين بيستجوبوا بعض عشان ميعرفوش حاجة عن بعض ، إيه البديل يعني أنه يعرف سنها و دراستها و دماغها ، محدش بيمثل أنه بيتكلم عادي و هو عارف أنه في مقابلة شغل للأسف ، كلنا بنحفظ أجابات عشان تريح اللي قدامنا و تنجحنا و خلاص .
مفأجاة مش كده ؟
ده غير بعد الخطوبة و التناقض ، يعني أنت عايزهم يتعرفوا و لا لا ، ما هو أصل اللي هينزل صورك بعد ما تفركشوا يبقي لازمتها إيه قعدتين قبل الخطوبة اللي معرفونوش حاجة دول .. اللي هيسجل الفيديو كول ده إيه الضمان قبل ما أوفق .. مافيش مش كده ؟ كل كلام جواز الصالونات نمسحه و نحط عكسه في الخطوبة عشان دي أصلها وراد تفشل ..
يا راجل !!
حضرتك طيب تعرف أن الستات كمان كائنات ليها احتياجات مش مشاعر بس ، مش دينمو مشاعر خالص لا و الله في احتياجات و أحلام و أماني و سعاد و طموحات .. عارف كمان أن الإنسان عبارة عن دراسة و شغل و أصحاب و أفكار و حرية و آراء و عيلة ، !! لما نطلع أحنا الاتنين بره دول هنعقد سوا نتكلم في إيه ؟ في الحب و الهيام و الغرام اللي قولت بلاش في فترة الخطوبة
الاتنين بيشاركوا بعض أفكارهم و يتناقشوا و بيحكوا عن أصحابهم و عيلتهم و شغلهم ودراستهم و بيحتفظوا بمساحة الحرية .. مش هتنزل تعقد معه على القهوة يعني ، بس لو هتعزم أصحابه زي ما قلت ع الأقل يكون حكيلها عنهم و لا إيه ؟
عارف كمان أن وراد متحبهوش ، آه وراد يبقوا كويسين و متفاهمين بس متحبهوش .. و الحب هو الحاجة اللي بتخليك تماين مع اللي قدامك ، يعني بتعدي عشان بتحبه و كلنا بنغلط ، أنما لو مش بتحبه و في بينكم عقل بنقف على الواحدة ..
الحقيقة أن فعلًا الكتاب في حاجات كتير غلط ، مش عشان هي غلط قدر ما عشان هي خارجه من عقل بيحاول يخلي البنت توقع الراجل أو تفهمه هي ، تقوم بالمجهود و التفكير و التطبع و هو لا .. بتحوله لكائن سي السيد فعلًا اللي لازم أمينة هي اللي تتحرك له و للأسف عشان أي جواز تنجح لازم الاتنين يتحركوا .
لازم كل واحد ميخدتش التاني علي قد عقله .. لازم يشوف هيفهم و يقدر يعيش مع عقله و لا لا .
80% من الكتب الساخرة هي كتب عن أزاي الست تفهم الراجل أو توقعه أو تضحك عليه ، و لا كتاب بيتكلم عن العلاقة نفسها ، مش عن نوع الرجال و دماغ الستات و أزاي نساعد الكائنات الفاشلة دي عشان تتجوز أو تفوز براجل ، لأنه مش مطالب منه أي حاجة .
الكتاب مش بس بيناقض نفسه ده بيأكلها ، بتقول حاجة في فصل و تطلب عكسه في التاني ، ده غير التعميم لدرجة أن اللي مش موجود ده استثناء .. الحقيقة أن اللي موجود هنا مش استثناء و لا حاجة ، أنت اتكلمت عن نوعية واحدة من زاوية واحدة ، زاويتك أنت أنما في شخصيات و أنماط تانيه على فكرة ..
و كمان مفأجاة لازم الاتنين يفهموا بعض مش واحد مطالب منه يستوعب و يفهم التاني و التاني لا ..
الكتاب فعلًا سيء حتى لو في منطق طفيف في فقرات ما ، فهو منطق سطحي جدًا و بيعتمد على الهو�� حرفيًا .. و مفيش كتاب يبقي كله عامية ، في لغة ما بين العامية و الفصحى لطيفة و خفيفة و كوميدية على اعتبار أن اللي بين الأقواس و المبالغة في تضخيم تصرفات و انفعالات الستات عشان توصل المعني كوميديا ما ..
و الأهم مش لازم نعمل كتاب لكل كتاب ساخر أجنبي أو عربي حد يعمله .. يمكن لو اعتمادنا على نفسنا شويه نعمل كتاب منفصل ، مش رد أو تمصير لكتاب تاني .
حقيقي يا أستاذ إيهاب هل الكتاب ده و كل كلمة فيه على ضمانتك أنها الحقيقة ؟ أنها الخطوات اللي المفروض كل بنت تعملها عشان خاطر سي السيد !
أنت قولت أن مفهومه عن الأكل و النوم و المشاعر و التسوق و الخناقة و الخيانة و أنه مش بيفهم في الستات و سهل يضحك عليه و في نفس الوقت صياد بالفطرة و متملك و بيحب الغموض و التميز بس تبقي واضحة و مش مهم يفهم المشكلة المهم ينهيها و بيحب الحرية و يكره الحصار بس لازم تهتمي جدًا لأن كائن بصري و مش ضامنين بقي و طبعا مش بيدفع فلوس في حاجة ممكن يأخدها ببلاش ما هي بيعة و شاورة .. و مطلوب من كل بنت أنها تستستم نفسها على كل ده عشان هو المفروض كده ما هو أصله الرجل كده مش بيتغير بس البنت ممكن تشقلب نفسها عشان سي السيد يرتاح !!
و بما أنك راجل زيهم أزاي أستوعبت كل التفاصيل دي و لا حضرتك ما شاء الله الفلته في جيلك ؟؟
أنا عايزه إجابة واضحة هل الكتاب ده على ضماتنك يعني ، نعمل اللي فيه ولو النتيجة جت عكس نروح لمين ولا نعمل إيه ؟
مش واخد بالك أن الناس مختلفة و الطباع مختلفة و الظروف و الشخصيات و البيئة و المجتمع و أن ممكن ده لو ظبط مع واحدة يفشل مع عشرين ؟
وراد مش كده
أنت ببساطة بعد ما طلبت في الكتب اللي قبل كده أن الست تكون الدينمو بتاع العلاقة اللي بيحركها و التاني هيكل محرك صورة كده ، أنها هنا تزيف الصورة ..
بافتراض أن جواز الصالونات ظاهرة صحية ، أنا مش ضد طريقة أي جواز طالما ماشيه مع دماغ صاحبها ، بس الحقيقة أن جواز الصالونات له عيب كبير أوي و هو الزيف ، أصلك أنت عارف أنها العروسة و هي عارفه أنك العريس و بالتالي الأتنين ماشين حسب الكتاب ، محدش بيظهر عيوبه أه بس الناس بالمعرفة بتسيب سيطرتها شويه بشويه ، لكن لما تكون عارف أن ده بيراقبك طبيعي تحط كل سيطرتك وحصونك عشان تظهر المثالي اللي مفيش منه ..
غير أن جواز الصالونات مقابلاته عبارة عن الشقة و العفش و الشبكة و الفرح ، ناهيك عن أن كل واحد فيهم بيدور على زوج أو زوجة ، أي زوج و أي زوجة طالما محترم و جاهز و طيب و خلاص ، و مش عايزه أقولك أن الاحترام و الطيبة و الفلوس الجاهزة مش أسباب كفاية للجواز وبالتالي بيحصل طلاق ..
نسب الطلاق عالية مش بس بين قصص الحب ، نسب الطلاق بقت عالية عمومًا و نص اللي بيكمل حتى لو كلهم جواز صالونات فده عشان مبدأ أعتقد سمعت عنه ؛ المركب تمشي ، عشان خاطر العيال و عشان معندناش طلاق .. و بالتالي النتيجة جوازة مكملة و اتنين لا طاقين بعض و لا طاقين حياتهم وكل واحد فيهم بيخون التاني بأي شكل يا اتنين مستنين الأيام تعدي عشان تخلص و عيال متعقدة أو واخدة فكرة زفت عن الجواز .
عارف ليه كل ده ؟ عشان التزيف .. عشان لما نوهم حد بأننا حاجة تانيه ، بأننا أوكي مع طباعه و طريقته و حياته ، بأننا متفاهمين كل دوافعهم و متفانين في الاهتمام بيهم و حبهم ، و أننا تمام مع أنهم كده ده مفهومهم بقي ، و أننا مستعدين نتنازل عن مفهومنا و مشاعرنا في سبيل تبني مفهومهم .. و دي – هفاجئك – مش الحقيقة خالص ، بعد فترة ما بتخطب أو بتتجوز أو بتدخل العلاقة بترتاح ، المخرج اختارك و أنت بطل الفيلم خلاص ، المجهود بيقل و السيطرة القصوى على الانفعالات و التمثيل بيبهت .. محدش يقدر يمثل 24 ساعة كل يوم في حياته ، هيرجع لطبيعته و ساعتها يحصل الكوارث لأننا بنكتشف ناس تانيه خالص .
يعني مثلًا لما يتقدملها العريس المحترف الجاذب اللي هتوافق عليه على طول لازم تلبس مقفول و متحفظة و كلام بحدود و حياء أوفر عشان هو لف و جرب و عايز قطة بيتي بقي ، متعبرش عن إعجابها و لا تحبه و ياريت تعيط لو اتصل بها الساعة 12 .. و بعد الجواز يكتشف الحقيقة ، هي مش مقفلة أوي كده ، هي طبيعية بتهرج و بتكلم و فاهمه و ردودها هجومية و جريئة فيطلقوا ليه ؟ عشان مش دي الصورة اللي أخدها أصلًا !
أفرض مثلًا العريس المدهول الخام فضل مدهول ؟ أصلك جبت الثقة دي منين أنها هتغيره و لا هيعرف يتكلم ؟؟ .. معلش لا بجد جبتها منين ؟ بحث علمي ده و لا إيه !
أفرض أتجوزت واحد متدين زي ما وصفته و مرتحوش مثلًا ؟أصل الدين مش سبب كافي للجواز برضو .. طبيعي يبقي من نفس ديني ، هو كونه مسلم دي مش ميزة إضافية ده المفروض حاجة أساسية طبيعي تبقي زي كونه إنسان ..
هل أنك تتجوز إنسان دي ميزة ؟ هي ممكن في حالة أن الطرف التاني قرد .
و المطلق ده حكاية هو أنا لازم أسمع ،أفرضت سمعت أنها محترمة و أخلاقها عالية و مسمعتش أنها بتكلم عنه كويس و لا لا ، أصل الناس مش بتمشي في الشارع تتكلم عن مشاكلها الشخصية ده حضرتك في أفلام السبعينيات و التمانينات ، دلوقتي لا خالص .. غير أن الناس بتزود و ممكن تكون هي نفسها بتكدب و ممكن يكون الجواز فشلت بسببهم هم الاتنين ، أصل عادي في جوازات بيكون الاتنين هم سبب الفشل مش واحد !
طيب حضرتك عندك فكرة أن مفيش شخصية بتظهر من أول مقابلة و دي نقطة متفقين فيها ، طيب تعرف أن أول مقابلة للشكل و الهدوم و طريقة الكلام .. عشان للأسف محدش هيقع في غرام شخصيتك و أنت مبهدل و مش بتعرف تتكلم و لا تلبس و مش جايب لا ورد و لا شيكولاته .. و إلا بلاش مقابلة أولى ندخل في التانية طالما الأولى مالهاش لازمة كده خالص .
طيب عندك فكرة أن جواز الصالونات هو قائم علي القضايا المصيرية دي زي هنسكن فين وأشتغل و لا لا و هنخلف كام بيبي .. آه و الله ده تقريبًا 90% و أكتر .. حمدالله على السلامة في مصر .
و الاتنين بيستجوبوا بعض عشان ميعرفوش حاجة عن بعض ، إيه البديل يعني أنه يعرف سنها و دراستها و دماغها ، محدش بيمثل أنه بيتكلم عادي و هو عارف أنه في مقابلة شغل للأسف ، كلنا بنحفظ أجابات عشان تريح اللي قدامنا و تنجحنا و خلاص .
مفأجاة مش كده ؟
ده غير بعد الخطوبة و التناقض ، يعني أنت عايزهم يتعرفوا و لا لا ، ما هو أصل اللي هينزل صورك بعد ما تفركشوا يبقي لازمتها إيه قعدتين قبل الخطوبة اللي معرفونوش حاجة دول .. اللي هيسجل الفيديو كول ده إيه الضمان قبل ما أوفق .. مافيش مش كده ؟ كل كلام جواز الصالونات نمسحه و نحط عكسه في الخطوبة عشان دي أصلها وراد تفشل ..
يا راجل !!
حضرتك طيب تعرف أن الستات كمان كائنات ليها احتياجات مش مشاعر بس ، مش دينمو مشاعر خالص لا و الله في احتياجات و أحلام و أماني و سعاد و طموحات .. عارف كمان أن الإنسان عبارة عن دراسة و شغل و أصحاب و أفكار و حرية و آراء و عيلة ، !! لما نطلع أحنا الاتنين بره دول هنعقد سوا نتكلم في إيه ؟ في الحب و الهيام و الغرام اللي قولت بلاش في فترة الخطوبة
الاتنين بيشاركوا بعض أفكارهم و يتناقشوا و بيحكوا عن أصحابهم و عيلتهم و شغلهم ودراستهم و بيحتفظوا بمساحة الحرية .. مش هتنزل تعقد معه على القهوة يعني ، بس لو هتعزم أصحابه زي ما قلت ع الأقل يكون حكيلها عنهم و لا إيه ؟
عارف كمان أن وراد متحبهوش ، آه وراد يبقوا كويسين و متفاهمين بس متحبهوش .. و الحب هو الحاجة اللي بتخليك تماين مع اللي قدامك ، يعني بتعدي عشان بتحبه و كلنا بنغلط ، أنما لو مش بتحبه و في بينكم عقل بنقف على الواحدة ..
الحقيقة أن فعلًا الكتاب في حاجات كتير غلط ، مش عشان هي غلط قدر ما عشان هي خارجه من عقل بيحاول يخلي البنت توقع الراجل أو تفهمه هي ، تقوم بالمجهود و التفكير و التطبع و هو لا .. بتحوله لكائن سي السيد فعلًا اللي لازم أمينة هي اللي تتحرك له و للأسف عشان أي جواز تنجح لازم الاتنين يتحركوا .
لازم كل واحد ميخدتش التاني علي قد عقله .. لازم يشوف هيفهم و يقدر يعيش مع عقله و لا لا .
80% من الكتب الساخرة هي كتب عن أزاي الست تفهم الراجل أو توقعه أو تضحك عليه ، و لا كتاب بيتكلم عن العلاقة نفسها ، مش عن نوع الرجال و دماغ الستات و أزاي نساعد الكائنات الفاشلة دي عشان تتجوز أو تفوز براجل ، لأنه مش مطالب منه أي حاجة .
الكتاب مش بس بيناقض نفسه ده بيأكلها ، بتقول حاجة في فصل و تطلب عكسه في التاني ، ده غير التعميم لدرجة أن اللي مش موجود ده استثناء .. الحقيقة أن اللي موجود هنا مش استثناء و لا حاجة ، أنت اتكلمت عن نوعية واحدة من زاوية واحدة ، زاويتك أنت أنما في شخصيات و أنماط تانيه على فكرة ..
و كمان مفأجاة لازم الاتنين يفهموا بعض مش واحد مطالب منه يستوعب و يفهم التاني و التاني لا ..
الكتاب فعلًا سيء حتى لو في منطق طفيف في فقرات ما ، فهو منطق سطحي جدًا و بيعتمد على الهو�� حرفيًا .. و مفيش كتاب يبقي كله عامية ، في لغة ما بين العامية و الفصحى لطيفة و خفيفة و كوميدية على اعتبار أن اللي بين الأقواس و المبالغة في تضخيم تصرفات و انفعالات الستات عشان توصل المعني كوميديا ما ..
و الأهم مش لازم نعمل كتاب لكل كتاب ساخر أجنبي أو عربي حد يعمله .. يمكن لو اعتمادنا على نفسنا شويه نعمل كتاب منفصل ، مش رد أو تمصير لكتاب تاني .
February 11, 2018
افكار الكتاب مش جديدة ، بس هو كتاب خفيف ولطيف ومكتوب بأسلوب دمه خفيف ، بيعرفنا شوية عن نفسية الرجل المختلفة كليا عن نفسيتنا وافكارنا ..
July 4, 2020
نصحتني صديقتي إني اقرأ الكتاب من الدخول و التعرف على عالم الرجال و دماغهم، و رغم إني مجربه الكاتب قبل كده - تجربة سيئة - و كمان مجربة طريقة الكتابة نفسها إلي مش مستساغه بالنسبالي - و اقصد كتابة الكتب بالعامية، إلا إني رضخت .. الكتاب محتواه تافه، غير دقيق، و قديم .. يعني حسيت اني سمعت الكلام ده قبل كده من طنطات إلي مأقنعونيش و تجنبتهم عشان كلامهم مش منطقي بالمره، قام واحد جاب كلامهم، خد دبلوم ارشاد اسري و قرر يحط الكلام ف الكتاب .. و يقولنا "هو ده"
The book is basically an ever-so-long Facebook post - thanks Amany- of constant man-splaining. The condescending tone, the lame daddy jokes reminded me of that one man we all know about that wants to prove something, but is doing poorly at it. Like severely poorly. So, he compensates the lack of logic with words, many words; meaningless and disoriented.
الشئ الي استفزني جداً كانت فكرة إن الكتاب ف الأول بيزعم إنو "هيعلمني اشقط عريس" و ف الأخر مقتنع اني مستمرة عشان نفسها عملية الشقط دي و بقى هموت و اعرف اشقط ازاي بقى .. و لكن ف وسط البدايه النهاية بقى هتلاقي الكاتب بيقدملك كأئن تافه، يغلب عليه الحقارة و الحيوانية .. كأئن بأئس، مطلوب مني اتعلم اخدعه او اغنجه او ازلعه و اعمل كل ما ف وسعي عشان احصل عليه، ما هو ف الاخر هو ده الغرض و الهدف الرئيسي من الكتاب .. السؤال هنا، ف القرن ال 21، مين انثى محترمه لنفسها هتبقى عايزه الكائن المثير للشفقه ده.. بصراحه طول الكتاب و انا بقول بس أبي مش كده، و اخي مش كده .. حتى الولاد الي مكنش بيني و بينهم علاقة افتخر بيها ما كانوش كده .. محدش مثير للشفقة كده.. استحاله .. و اذا كان ده حقيقي يبقى مشكلتي اكبر بكتير من كتاب "كتالوج سي السيد" ..
طبعا كل الهراء ده اتجمل بأسلوب بأئس ف الكتابه و خفة دم تلطش.. الحمدلله
و لكن انا منكرش إني استفدت ... بنسبة واحد ف الميه مثلاً .. أو نص ف الميه عشان الدقة .. لو حطينا ف الإعتبار شوية المعلومات العلمية الي استخدمها .. ممكن لو هنستفيد، نتعامل مع الكتاب ع انه كتالوج لمخ الكائن الحقير من الرجال.. عشان لو عترنا فيهم بعد الشر..
The book is basically an ever-so-long Facebook post - thanks Amany- of constant man-splaining. The condescending tone, the lame daddy jokes reminded me of that one man we all know about that wants to prove something, but is doing poorly at it. Like severely poorly. So, he compensates the lack of logic with words, many words; meaningless and disoriented.
الشئ الي استفزني جداً كانت فكرة إن الكتاب ف الأول بيزعم إنو "هيعلمني اشقط عريس" و ف الأخر مقتنع اني مستمرة عشان نفسها عملية الشقط دي و بقى هموت و اعرف اشقط ازاي بقى .. و لكن ف وسط البدايه النهاية بقى هتلاقي الكاتب بيقدملك كأئن تافه، يغلب عليه الحقارة و الحيوانية .. كأئن بأئس، مطلوب مني اتعلم اخدعه او اغنجه او ازلعه و اعمل كل ما ف وسعي عشان احصل عليه، ما هو ف الاخر هو ده الغرض و الهدف الرئيسي من الكتاب .. السؤال هنا، ف القرن ال 21، مين انثى محترمه لنفسها هتبقى عايزه الكائن المثير للشفقه ده.. بصراحه طول الكتاب و انا بقول بس أبي مش كده، و اخي مش كده .. حتى الولاد الي مكنش بيني و بينهم علاقة افتخر بيها ما كانوش كده .. محدش مثير للشفقة كده.. استحاله .. و اذا كان ده حقيقي يبقى مشكلتي اكبر بكتير من كتاب "كتالوج سي السيد" ..
طبعا كل الهراء ده اتجمل بأسلوب بأئس ف الكتابه و خفة دم تلطش.. الحمدلله
و لكن انا منكرش إني استفدت ... بنسبة واحد ف الميه مثلاً .. أو نص ف الميه عشان الدقة .. لو حطينا ف الإعتبار شوية المعلومات العلمية الي استخدمها .. ممكن لو هنستفيد، نتعامل مع الكتاب ع انه كتالوج لمخ الكائن الحقير من الرجال.. عشان لو عترنا فيهم بعد الشر..
This entire review has been hidden because of spoilers.
February 15, 2018
الكتاب بيقول هو ده الراجل المصري وساستمي نفسك على طلباته عشان تلاقي عريس وعشان تبقى عارفه ان في الوقت اللي هتبقي مهندمة ونضيفة فيه عشان المحروس هو ممكن يكون ريحة نفسه كريهة لكن لازم ترضي يعني ما تستنيش مقابل من الاخر لمجرد أنك تنولي الشرف السامي بجوازك من اللي ما جابتوش ولادة.
January 28, 2018
كتاب دمه خفيف. اشتريته علشان أعرف اكتر عن نفسيتي في محاولة مني لفهم نفسي اكتر. الحقيقية مفيش جديد أضافه لي. بس أنا ناوي أديه لمراتي ونبقي نتكلم حوالين الكتاب. آخر فصل فريته لانه فعلاً مش مناسب ليا تماماً.
انصح السيدات بقراءته. كتاب جيد.
انصح السيدات بقراءته. كتاب جيد.
February 9, 2018
انا جبت الكتاب دا عشان الrecomndations من صحابي عالكاتب دا ان دمه خفيف وبيوصل المعلومه بطريقه سهله.. هو صح كلامهم بس ماحدش قالي انه سافل
مبدإيا كدا اول حاجه بقيمها هي اللغه والاسلوب وطبعا مفيش غير الاسلوب مشوق وهنرجع للباقي بعدين
تاني حاجه الفكره وطبعا الفكره حلوه وكويسه
#مفيد ؟؟ لا مش مفيد اوي الصراحه فيه شويه معلومات مفيده بس لو قرينا كتب التنميه البشريه الصح هنستفيد بيها برضو وبشكل افضل.. هو واخد عصاره كام كتاب تنميه بشريه وعاملهم ميكس في الخلاط وطلعلنا بالكائن البنفسجي الهلامي دا
انا شايفه الكتاب دا ينفع للناس المبتدأه في القرايه عشان يبقى سهل عليهم بس دا لايصنف ابدا انو كتاب دا لت وعجن عالمصطبه او دردشه على جروب ابو نواف للتعارف الجاد
هو شكله دارس وفاهم او قاري وحافظ😂 بس المشكله في حاجه انو بيوضح كل الكلام من his own point of view حتى الحجات اللي بيتكلم فيها عن لغات الحب الخمس.. شايف ان كل اللغات هري وكلام فاضي وتصنع من الراجل اما الحاجه الوحيده اللي هي حب بجد هي الرعايه والاهتمام(اللي اسمها الاعمال الخدميه في كتاب لغات الحب الخمس) وبما انه شايف ان دا الحاجه الوحيده اللي هي الحب بجد يبقى اقدر اقول ان دي اللغه بتاعته بس الحاجه اللي هو مش واخد باله منها ان معظم الرجاله اللغه بتاعتهم هي الكلام الحلو (العبارات التشجيعيه) ودا بيبان قوي في المدح وانت شيك وجميل والحوار دا اللي هو قال في الاول اسمه التقدير ف المشكله انه مش منسق كلامه بناءا على حجات علميه لاء هو بيقول رأيه واظن لو كان كتب مقاله عالفيس بوك كان كتبها بترتيب اكتر من كدا
#تنويه مهم جدااااا..الوحده التانيه من الفصل الاول في اهتمامات الراجل اللي تحديدا اسمها الغريزه كان المفروض يكتب عليها +المتجوزين بس او يحط عالكتاب من بره ويوضح ان فيه حجات +18عشان كدا اوفر بصراحه.. انا ذنبي ايه اقرا القرف دا!! انا مشتريه كتاب عن طريقه تفكير الراجل والكتاب موجه لكل الفئات العمريه السنجل والمخطوبه والمتجوزه ف كان لازم يراعي النقطه دي.. يعني انا دايما ببقى ضد الحجات المنحله لانها بتقلل قيمه الكتاب بس لو هي مذكوره لفايده معينه مفيش مشكله بس من غير كل الشرح والتفاصيل الاوفر دي انا مش مشتريه كتاب للثقافه ال..
ماعلينا من الحجات اللي عملتلي شيزوفرينيا ان المفروض الكتاب بيخاطب البنات بس فيه مشكلات الكاتب موضح الحل اللي هيعمله الراجل بس..طب والست تعمل ايه تنتحر ولا تولع في نفسها ولا ايه
ولا ننسى انه كان المفروض عنوان الكتاب يبقى كيف تشقطين عريسا وتحافظين على دكر البط اللي عندك بس حط اسم تاني عشان يتباع
وبالنسبه للغه زي ماقولت لهجه عاميه واسلوب شوارع لايليق بانه يبقى في كتاب محترم (حاشى لله يعني ان الكتاب يتقال عليه محترم)
انا اديته واحد بس عشان خفه الدم والفكره حلوه بس قلشت منو كانت محتاجه دراسه وشغل اكتر
مبدإيا كدا اول حاجه بقيمها هي اللغه والاسلوب وطبعا مفيش غير الاسلوب مشوق وهنرجع للباقي بعدين
تاني حاجه الفكره وطبعا الفكره حلوه وكويسه
#مفيد ؟؟ لا مش مفيد اوي الصراحه فيه شويه معلومات مفيده بس لو قرينا كتب التنميه البشريه الصح هنستفيد بيها برضو وبشكل افضل.. هو واخد عصاره كام كتاب تنميه بشريه وعاملهم ميكس في الخلاط وطلعلنا بالكائن البنفسجي الهلامي دا
انا شايفه الكتاب دا ينفع للناس المبتدأه في القرايه عشان يبقى سهل عليهم بس دا لايصنف ابدا انو كتاب دا لت وعجن عالمصطبه او دردشه على جروب ابو نواف للتعارف الجاد
هو شكله دارس وفاهم او قاري وحافظ😂 بس المشكله في حاجه انو بيوضح كل الكلام من his own point of view حتى الحجات اللي بيتكلم فيها عن لغات الحب الخمس.. شايف ان كل اللغات هري وكلام فاضي وتصنع من الراجل اما الحاجه الوحيده اللي هي حب بجد هي الرعايه والاهتمام(اللي اسمها الاعمال الخدميه في كتاب لغات الحب الخمس) وبما انه شايف ان دا الحاجه الوحيده اللي هي الحب بجد يبقى اقدر اقول ان دي اللغه بتاعته بس الحاجه اللي هو مش واخد باله منها ان معظم الرجاله اللغه بتاعتهم هي الكلام الحلو (العبارات التشجيعيه) ودا بيبان قوي في المدح وانت شيك وجميل والحوار دا اللي هو قال في الاول اسمه التقدير ف المشكله انه مش منسق كلامه بناءا على حجات علميه لاء هو بيقول رأيه واظن لو كان كتب مقاله عالفيس بوك كان كتبها بترتيب اكتر من كدا
#تنويه مهم جدااااا..الوحده التانيه من الفصل الاول في اهتمامات الراجل اللي تحديدا اسمها الغريزه كان المفروض يكتب عليها +المتجوزين بس او يحط عالكتاب من بره ويوضح ان فيه حجات +18عشان كدا اوفر بصراحه.. انا ذنبي ايه اقرا القرف دا!! انا مشتريه كتاب عن طريقه تفكير الراجل والكتاب موجه لكل الفئات العمريه السنجل والمخطوبه والمتجوزه ف كان لازم يراعي النقطه دي.. يعني انا دايما ببقى ضد الحجات المنحله لانها بتقلل قيمه الكتاب بس لو هي مذكوره لفايده معينه مفيش مشكله بس من غير كل الشرح والتفاصيل الاوفر دي انا مش مشتريه كتاب للثقافه ال..
ماعلينا من الحجات اللي عملتلي شيزوفرينيا ان المفروض الكتاب بيخاطب البنات بس فيه مشكلات الكاتب موضح الحل اللي هيعمله الراجل بس..طب والست تعمل ايه تنتحر ولا تولع في نفسها ولا ايه
ولا ننسى انه كان المفروض عنوان الكتاب يبقى كيف تشقطين عريسا وتحافظين على دكر البط اللي عندك بس حط اسم تاني عشان يتباع
وبالنسبه للغه زي ماقولت لهجه عاميه واسلوب شوارع لايليق بانه يبقى في كتاب محترم (حاشى لله يعني ان الكتاب يتقال عليه محترم)
انا اديته واحد بس عشان خفه الدم والفكره حلوه بس قلشت منو كانت محتاجه دراسه وشغل اكتر
April 1, 2019
كتاب لطيف جدا وعلمي جدا جدا لازم كل بنت تقرأه في رأي لو كل بنت فهمت الاختلافات دي وشخصيه الراجل وتركيبه عامله ازاي ممكن مشاكل كتير تتحل ومشاكل اكتر متحصلش، غير انه كتاب مفيد جدا هو كتاب بيقول بكل صراحه ان الراجل كائن سطحي جدا جدا جداااااااااا 🐱
March 14, 2020
بصراحة كتاب جميل من إيهاب معوض كما اعتدت فى كل كتبه وجميع ما تم كتابته فى كتالوج الرجل مناسب جدا لأى بنت تفكر فى الارتباط ممكن تعرف منه الصفات المطلوبة وكيفية وضع الرجل فى اختبارات ما قبل الزواج والارتباط وانا أؤيد بشدة عدم التسرع فى الارتباط وفهم شخصية الرجل كل فتاة على حسب تفكيرها ومعاملة الرجل معها قبل الارتباط لأن الموضوع أصبح الزواج من أجل الزواج وليس بناء أسرة وحياة كاملة وتفاهم على كل المستويات
July 29, 2019
انا هعتبر نفسي خلصت الكتاب عشان مش ضامنة اذا كنت هكمله ولا لأ..الكتاب كان المفروض يبقى اسمه كتالوج طفلك الرضيع
حسسيه، اعمليله، اوعى تقولى لحسن يضايق... اوعى تعملى ايه لحسن يطلقك..يطلقك...يطلقك... وكأن الست مطالبة انها تحسس بررااحة خاالص ع الراجل لحسن يتقمص ويزعل ويحس انه مش راجل بجد وهتبقى هى الغلطانة برضه فى الاخر... الكاتب فى اجزاء من الكتاب بيهين الست حرفيا بس عشان بيقولها بطريقة كوميدي (فاكر نفسه برطمان عسل وهو بلغه) فاكر ان الستات هتاخدها بهزار
والله الموضوع كان هيبقى اسهل بكتير لو كان بيفهم الرجالة ازاى يفهموا الستات... عشان من الواضح كدة بعد ما قريت الكتاب ان الست لازم تأكله فى بقه وترضعه عشان يحبها وميطلقهااش زى ما الكاتب ذكر اكتر من مرة
وشايفة ان الكاتب بيناقض نفسه فى اجزاء كتير... زى انه فى اجزاء بيقول ان شباب كتير بيبقى عندها امانى عالية بسبب الى بيشوفوه ع التلفزيون والنت وانهم المفروض يرضوا بالواقع لانه جميل برضو... وفى نفس الوقت بيذكر بالنص ان الراجل لو شاف "ديفوهات جسم مراته" ممكن يطلقها.. فانا مش فاهمة فيه ايه بالظبط... ده غير التعميم الأوفر الى فى كل حاجة...وان معظم الرجالة مش بيحبوا الرومانسية وان معظم البنات مسهوكين على نفسهم...ده غير انه اعتبر ان الراجل بس هو الى بيحس بالغريزة بتاعته وان الست مجردة من الحاجات دي وانها معلش تيجي على نفسها وتهاوده لما يبقى عايز منها حاجة عشان ترضيه هو..مش عشان مثلا دى حاجة طبيعى جدا ان هما الاتنين يبقوا حاسين بيها.. ووانها بقى مبيبقاش هاممها غير انها يجيلها دباديب وتسمع كلام حلو.. الاسلوب مش عاجبني..حتى لو فى اجزاء كتير فى كلام صح لكن طريقة طرحه كانت مستفزة جدا...هحاول اقنع نفسي انى اكمل الكتاب يمكن ..يمكن.. رأيي فيه يتغير...
حسسيه، اعمليله، اوعى تقولى لحسن يضايق... اوعى تعملى ايه لحسن يطلقك..يطلقك...يطلقك... وكأن الست مطالبة انها تحسس بررااحة خاالص ع الراجل لحسن يتقمص ويزعل ويحس انه مش راجل بجد وهتبقى هى الغلطانة برضه فى الاخر... الكاتب فى اجزاء من الكتاب بيهين الست حرفيا بس عشان بيقولها بطريقة كوميدي (فاكر نفسه برطمان عسل وهو بلغه) فاكر ان الستات هتاخدها بهزار
والله الموضوع كان هيبقى اسهل بكتير لو كان بيفهم الرجالة ازاى يفهموا الستات... عشان من الواضح كدة بعد ما قريت الكتاب ان الست لازم تأكله فى بقه وترضعه عشان يحبها وميطلقهااش زى ما الكاتب ذكر اكتر من مرة
وشايفة ان الكاتب بيناقض نفسه فى اجزاء كتير... زى انه فى اجزاء بيقول ان شباب كتير بيبقى عندها امانى عالية بسبب الى بيشوفوه ع التلفزيون والنت وانهم المفروض يرضوا بالواقع لانه جميل برضو... وفى نفس الوقت بيذكر بالنص ان الراجل لو شاف "ديفوهات جسم مراته" ممكن يطلقها.. فانا مش فاهمة فيه ايه بالظبط... ده غير التعميم الأوفر الى فى كل حاجة...وان معظم الرجالة مش بيحبوا الرومانسية وان معظم البنات مسهوكين على نفسهم...ده غير انه اعتبر ان الراجل بس هو الى بيحس بالغريزة بتاعته وان الست مجردة من الحاجات دي وانها معلش تيجي على نفسها وتهاوده لما يبقى عايز منها حاجة عشان ترضيه هو..مش عشان مثلا دى حاجة طبيعى جدا ان هما الاتنين يبقوا حاسين بيها.. ووانها بقى مبيبقاش هاممها غير انها يجيلها دباديب وتسمع كلام حلو.. الاسلوب مش عاجبني..حتى لو فى اجزاء كتير فى كلام صح لكن طريقة طرحه كانت مستفزة جدا...هحاول اقنع نفسي انى اكمل الكتاب يمكن ..يمكن.. رأيي فيه يتغير...
February 16, 2018
اشتريت الكتاب من معرض الكتاب و كان اول كتاب بدأت بيه لكن كان للاسف اقل من توقعاتي
استفدت منه ببعض المعلومات عن طريقة تفكير الرجل و طبيعته ، و فيه معلومات برضو استرجعتها كنت قرأتها في كتب تانية
مشكلتي الكبرى في الكتاب كانت أسلوبه ، أنا قرأت كتب قبل كده بالعامية و مش معترضة اعتراض كبير أن الكاتب يكتب بالعامية لو هيساعده أنه يوصل أفكاره بشكل أسهل
لكن الأسلوب الي الكاتب استخدمه مينفعش يتحط في كتاب خاصة أنه موجه للبنات و السيدات
الالفاظ و التعبيرات الي استخدمت قللت جدا من مستوى الكتاب و حسيت منها بعدم احترام القاريء
استفدت منه ببعض المعلومات عن طريقة تفكير الرجل و طبيعته ، و فيه معلومات برضو استرجعتها كنت قرأتها في كتب تانية
مشكلتي الكبرى في الكتاب كانت أسلوبه ، أنا قرأت كتب قبل كده بالعامية و مش معترضة اعتراض كبير أن الكاتب يكتب بالعامية لو هيساعده أنه يوصل أفكاره بشكل أسهل
لكن الأسلوب الي الكاتب استخدمه مينفعش يتحط في كتاب خاصة أنه موجه للبنات و السيدات
الالفاظ و التعبيرات الي استخدمت قللت جدا من مستوى الكتاب و حسيت منها بعدم احترام القاريء
December 13, 2021
محتوي جيد .. لا يعيبه سوي طريقة العرض المستفزة والهزار السخيف ...
June 17, 2023
Bravo 👏🏻
March 28, 2024
كميه رغي مش طبيعيه و تضيع وقت ع الفاضي
June 14, 2019
النجمة الاولى لخفة دم الكاتب
والنجمة التانية عشان النص الاول من الكتاب اللى فيه شىء من الحقيقة
لسوء حظ الكاتب انى سيكاترست ومهمومة بسكيولجية الرجل والمراة وكمان لسوء حظة انى مرجعى استاذة كبيرة زى د نوال السعداوى
مبدائبيا الشابتر اللى بيتكلم عن النواقل العصبية ده كله هرررى فهرى وعلميا غير دقيق بالمرة ومنصحش بالاعتماد عليه كمرجع
لاجظت كمان انه بيحاول شوية يقلد اسلوب ستيف هارفى (فكرى كرجل وتصرفى كسيدة )
اكتر حاجة مضايقانى فالكتاب والنوعية دى من الكتب حتى الاجنبى منها هيا
:التنميط التنميط ثم التنميط التنميط
التنميط التنميط التنميط التنميط التنميط التنميط التنميط التنميط التنميط التنميط التنميط التنميط التنميط التنميط التنميط التنميط
stereotyping everywhere
كل ما يقع تحت ايدى كتاب من النوعية دى ورغم انى متاكدة ان فيه حاجات كتير معممة زيادة عن اللزوم وغير دقيقة علميا بالمرة لكن الانثى السنجل اللى جوايا بتعود تقول لو ده الرجل الشرقى الحمدلله انى سنجل :D :D
عموما مش هتكون اخر مرة اقراله بس بليييييييييييييييز ياريت يبعد عن انه يدخل اى حاجة فيها سيكاترى لان الناس بتستهل تعتمد عليه كمرجع هو والنوعية دى من الكتب لسهولة الاسلوب
والنجمة التانية عشان النص الاول من الكتاب اللى فيه شىء من الحقيقة
لسوء حظ الكاتب انى سيكاترست ومهمومة بسكيولجية الرجل والمراة وكمان لسوء حظة انى مرجعى استاذة كبيرة زى د نوال السعداوى
مبدائبيا الشابتر اللى بيتكلم عن النواقل العصبية ده كله هرررى فهرى وعلميا غير دقيق بالمرة ومنصحش بالاعتماد عليه كمرجع
لاجظت كمان انه بيحاول شوية يقلد اسلوب ستيف هارفى (فكرى كرجل وتصرفى كسيدة )
اكتر حاجة مضايقانى فالكتاب والنوعية دى من الكتب حتى الاجنبى منها هيا
:التنميط التنميط ثم التنميط التنميط
التنميط التنميط التنميط التنميط التنميط التنميط التنميط التنميط التنميط التنميط التنميط التنميط التنميط التنميط التنميط التنميط
stereotyping everywhere
كل ما يقع تحت ايدى كتاب من النوعية دى ورغم انى متاكدة ان فيه حاجات كتير معممة زيادة عن اللزوم وغير دقيقة علميا بالمرة لكن الانثى السنجل اللى جوايا بتعود تقول لو ده الرجل الشرقى الحمدلله انى سنجل :D :D
عموما مش هتكون اخر مرة اقراله بس بليييييييييييييييز ياريت يبعد عن انه يدخل اى حاجة فيها سيكاترى لان الناس بتستهل تعتمد عليه كمرجع هو والنوعية دى من الكتب لسهولة الاسلوب
April 28, 2018
عندما بدأت فى هذا الكتاب او للدقة قبل أن أبدأ فيه كنت أتوقع أن يكون كتاب تافه ، على الاقل عنوانه يوحى بهذا ، لكنى بعد ان انهيته كنت أود أن يتم توزيع نسخة منه لكل فتاة مقبلة على الزواج أو متزوجة بالفعل او حتى تتعامل مع الذكر سواء فى العمل أو جار أو أخ ، حقيقة قام إيهاب معوض بتعرية الكائن الذكر بمنتهى خفة الدم ، لن تجد كلاما عمليا مقعرا بالداخل ولا هو من نوعية كتب أداب ليلة الدخلة او غيرها ، ولكنه يقدم وصفة سحرية لكيفية التعامل مع الرجل فى جميع مراحله العمرية وذلك عن طريق شرح كيف يفكر الرجل ، ماذا يحب ويكره ، لماذا تنشا الاختلافات ، أعجبنى جدا الفصل الخاص بمفهوم الرجل عن النظافة و النوم و التسوق وايضا فصل صفات الرجل الأساسية مثل أنه يعشق استرداد ممتلكاته واهم حاجة يطفى الحريقة وفى نهاية الكتاب فصل خاص بكيفية اختيار شريك الحياة ، أتمنى أن تتاح لى فرصة قراءة كتب ذلك الرجل الممتع .
January 27, 2018
No review necessary
March 29, 2018
تعميم مخل.
November 6, 2018
تجربة قراءة مؤسفة لا اتمنى تكرراها
July 22, 2023
عبث ومضيعة للوقت
August 25, 2023
كتاب خفيف و ظريف
August 31, 2018
المفروض اربع نجوم، والخامسه دي لخفة دمك اللي ملهاش حل بصراحه😁 دي اول قرأاتي لإيهاب معوض..بالنسبالي الكتاب بيدي السم في العسل! كان الضاحك الباكي بجد! هي دي الكوميديا الساخره علي نهج مسرحيات محمد صبحي..صدقني علي قد ما ضحكتني جدا علي قد ما وجعتني! تخيل اني دمعت كمان في بعض الاجزاء! فوقتني علي واقع مرير! الحقايق في اني اشوف نفسي بأخطائها اللي مبتعلمش منها وبكررها، وحقيقة الطرف التاني الصادمه بالنسبالي وده طبعا طبقا لوجهة نظرك انت في الكتاب. استفدت اني عرفت فعلا اشياء عن مداخل الرجل ومفاتيحه، ما يحب وما يكره، لم اكن اعرفها مسبقآ، بعض النقاط حسيت انك بتبالغ فيها، والبعض الاخر لم اتفق معك فيه، ودي طبعا وجهات نظر، اخذت عليك احيانا حشو الافيهات الكوميديه والهزار اللي كان بيخليني متلغبطه هو اللي فات كان جد وانت بتلطف دلوقتي ولا كل ده تهريج اصلا! يعني ساعات كنت بتوه ما بين جدك من هزارك بمعني ادق! بشكرك علي كل مجهودك في هذا الكتاب اللي كان هدفك منه انك توفق بين الجنسين بأن تجعل كل منهم علي قدر كافي بمعرفة الاخر وطبيعته وصفاته واحتياجات..وهرجع اقولك تاني ضحكتني وابكتني!
هذه لن تكون ابدا اخر قراأتي لك، سأبحث لك عن السابق والقادم باذن الله..بالتوفيق
هذه لن تكون ابدا اخر قراأتي لك، سأبحث لك عن السابق والقادم باذن الله..بالتوفيق
April 1, 2018
#قرأت_لك_هذا_الكتاب
#كتالوج_سي_السيد
#إيهاب_معوض
تقييمي للكتاب : ١٠/١٠
كلما طلب مني البعض ترشيح كتب للتحدث عن العلاقات الزوجيه كنت أرشح لهم ثلاثه كتب، اليوم أنا سعيده بإضافه كتاب رابع لهم
الكتاب هو " كتالوج سى السيد" لإيهاب معوّض، هذا الكتاب يصلح لحل ٩٠% من مشاكل الأزواج، حتى العلاقات السقيمه ينجح بها الكتاب فى تشجيع القارئه على إتخاذ القرار السليم بالانسحاب
1. فى البدايه أتحدث عن كتابه الكتاب باللغه العاميه، فى الحقيقه كنت ممن يهاجم الكتب المكتوبه بالعاميه ولا سيما إن كانت تتناول موضوعاً حيوياً ومتخصصاً، ولكن جاء هذا الكتاب ليضرب بنظريتي عرض الحائط، يجب أن أعترف بأن أحد عوامل نجاح الكتاب وتوصيله المعلومه كان نتيجه لخفه دم الكاتب وسلاسه الطرح، الكتاب يتميز بخفه دم لا متناهيه 😁، حتى أن ابنتي كانت تأتي من الغرفه المجاوره تسألني لماذا أضحك 😁، الكتاب كفيل أن يخرجك من الاكتئاب ولكن لا تنجرفي مع خفه دمه وتبتعدي عن الهدف الرئيسي منه، بل يجب أن تركزي فى كل كلمه وتستوعبي مابه وتطبقيه على شريك حياتك إن كنت تطمحين فى الفوز به
2. الكتاب ليس فقط دليلك للتعامل مع شريك حياتك، ولكنه أيضاً يساعدك على أن تختاري الشريك الصح ✅
3. الكتاب مفيد لكل من ( بالترتيب)
- فتاه لم تتزوج من قبل
- متزوجه وعندها مشاكل زوجيه ( يطرح الكاتب أسباب كل مشكله وحلها)
- متزوجه تجاوزت الخمسين ( يمكنها إعاده استعاده زوجها إن كان لديها الرغبه الحقيقيه وكانت صبوره)
- متزوجه وليس عندها مشاكل جوهريه ( يكفيها الاستمتاع بكوميديا الكتاب 😁)
4. للبنت التي لم تتزوج من قبل، ليس من الضروره أن تجتمع كل الصفات المذكوره بالكتاب فى شريك حياتك، ولكن هذا الكتاب بمثابه " المصل الوقائي" الذي تتناوليه تحسباً حتى يمكنك التعامل مع أى صفه تصادفك مع زوج المستقبل، لذلك أوصي بقراءه هذا الكتاب قبل الزواج مره ( أو أثناء الخطوبه) و مره بعد الزواج
5. الكتاب سيغير نظرتك للرجل، لن تنظري إلى صفاته وكأنها عيوب تعملين على محاوله تغييرها طول الوقت، ولكن سيجعلك تتقبلين سمات شخصيته كصفات له مما يساعدك على تقبل أفعاله فى أغلب الأحيان
6. كنت أعتقد أن الكتاب خاص بصفات الرجل المصري فقط، ولكني كنت أشاهد فيلم أجنبي منذ يومين وتفاجئت بأن الصفات المذكوره بالكتاب تتطابق مع كل الرجال 😊
7. طيب هل يقرأ الكتاب النساء فقط 😊؟ الكتاب مكتوب عليه " يحفظ بعيداً عن متناول أيدي الرجال " ولكن أنصح بشده لخطيب أو زوج بأن يهديه لزوجته ( ولا أنصحه هو بقرائته 😌)
وأخيراً الكتب التي قرأتها وأرشحها للقراءة :
* "الرجال من المريخ والنساء من الزهره" لچون جراى
* "الزوج المثالي" لمحمد فتحي
* "Mars and venus in the bedroom " to John Grey
* و" كتالوج سى السيد " لإيهاب معوض
**للمزيد من ريفيوهات الكتب، ادخل على الهاشتاج #قرأت_لك_هذا_الكتاب
لبنى الحو
١-٤-٢٠١٨
#كتالوج_سي_السيد
#إيهاب_معوض
تقييمي للكتاب : ١٠/١٠
كلما طلب مني البعض ترشيح كتب للتحدث عن العلاقات الزوجيه كنت أرشح لهم ثلاثه كتب، اليوم أنا سعيده بإضافه كتاب رابع لهم
الكتاب هو " كتالوج سى السيد" لإيهاب معوّض، هذا الكتاب يصلح لحل ٩٠% من مشاكل الأزواج، حتى العلاقات السقيمه ينجح بها الكتاب فى تشجيع القارئه على إتخاذ القرار السليم بالانسحاب
1. فى البدايه أتحدث عن كتابه الكتاب باللغه العاميه، فى الحقيقه كنت ممن يهاجم الكتب المكتوبه بالعاميه ولا سيما إن كانت تتناول موضوعاً حيوياً ومتخصصاً، ولكن جاء هذا الكتاب ليضرب بنظريتي عرض الحائط، يجب أن أعترف بأن أحد عوامل نجاح الكتاب وتوصيله المعلومه كان نتيجه لخفه دم الكاتب وسلاسه الطرح، الكتاب يتميز بخفه دم لا متناهيه 😁، حتى أن ابنتي كانت تأتي من الغرفه المجاوره تسألني لماذا أضحك 😁، الكتاب كفيل أن يخرجك من الاكتئاب ولكن لا تنجرفي مع خفه دمه وتبتعدي عن الهدف الرئيسي منه، بل يجب أن تركزي فى كل كلمه وتستوعبي مابه وتطبقيه على شريك حياتك إن كنت تطمحين فى الفوز به
2. الكتاب ليس فقط دليلك للتعامل مع شريك حياتك، ولكنه أيضاً يساعدك على أن تختاري الشريك الصح ✅
3. الكتاب مفيد لكل من ( بالترتيب)
- فتاه لم تتزوج من قبل
- متزوجه وعندها مشاكل زوجيه ( يطرح الكاتب أسباب كل مشكله وحلها)
- متزوجه تجاوزت الخمسين ( يمكنها إعاده استعاده زوجها إن كان لديها الرغبه الحقيقيه وكانت صبوره)
- متزوجه وليس عندها مشاكل جوهريه ( يكفيها الاستمتاع بكوميديا الكتاب 😁)
4. للبنت التي لم تتزوج من قبل، ليس من الضروره أن تجتمع كل الصفات المذكوره بالكتاب فى شريك حياتك، ولكن هذا الكتاب بمثابه " المصل الوقائي" الذي تتناوليه تحسباً حتى يمكنك التعامل مع أى صفه تصادفك مع زوج المستقبل، لذلك أوصي بقراءه هذا الكتاب قبل الزواج مره ( أو أثناء الخطوبه) و مره بعد الزواج
5. الكتاب سيغير نظرتك للرجل، لن تنظري إلى صفاته وكأنها عيوب تعملين على محاوله تغييرها طول الوقت، ولكن سيجعلك تتقبلين سمات شخصيته كصفات له مما يساعدك على تقبل أفعاله فى أغلب الأحيان
6. كنت أعتقد أن الكتاب خاص بصفات الرجل المصري فقط، ولكني كنت أشاهد فيلم أجنبي منذ يومين وتفاجئت بأن الصفات المذكوره بالكتاب تتطابق مع كل الرجال 😊
7. طيب هل يقرأ الكتاب النساء فقط 😊؟ الكتاب مكتوب عليه " يحفظ بعيداً عن متناول أيدي الرجال " ولكن أنصح بشده لخطيب أو زوج بأن يهديه لزوجته ( ولا أنصحه هو بقرائته 😌)
وأخيراً الكتب التي قرأتها وأرشحها للقراءة :
* "الرجال من المريخ والنساء من الزهره" لچون جراى
* "الزوج المثالي" لمحمد فتحي
* "Mars and venus in the bedroom " to John Grey
* و" كتالوج سى السيد " لإيهاب معوض
**للمزيد من ريفيوهات الكتب، ادخل على الهاشتاج #قرأت_لك_هذا_الكتاب
لبنى الحو
١-٤-٢٠١٨
January 7, 2018
مبسوطة أن أول كتاب في السنة الجديدة يكون لإيهاب معوض 😍🤩
كالعادة اسلوب كتابته خفيف ومؤثر و شامل لكل صفات الرجل
أفضل حاجة تناولها هو شرح بأمثلة اختلاف طريقة تفكير الرجل عن الست اللي يا عيني بتعمل الفعل و تفضل منتظرة و متوقعة حيعمل ايه لأنها شخصية حساسة جدا و هو شخصية عملية لا تعترف سوى بالنتائج 🙄
الفصل الأول أهم جزء فيه التقدير البنات فعلا بعد ما بقيت بتعمل كل حاجة فقدت الجزء ده لأنه غصب عنها شايفة انها زيها زيه ويمكن أحسن كمان بس الراجل حيفصل راجل خديه على قد عقله يا فوزية 😍
الفصل الثاني نذاكره يا بنات بالورقة و القلم لأهميته 😂🤣 لأن الراجل حيفصل يحب الغموض والنقل مهما يقولك خليكي واضحة ومش بيحب اي مفاجآت ومفهومه عن الهدية تكون عملية و بيحب الحرية و صحابه و ملتزم جدا مش مهمل بس هو مهمل بمزاجه بدليل أن عمره ما حيكسر إشارة أو يعلى صوته على ضابط هو مستهيف معاليكي😎 وبصري خليكي حلوة في نظر نفسك قبل عينه 💃💃 وعمره ما حيدفع فلوس في حاجة بيأخدها ببلاش فخليكي غالية 👑👑
مفاهيم الراجل عن الكلام غير الستات لما يسكت سيبه ساكت لحد ما يخرج من التفكير العميق 😁🤣 خليه يأخذ فرصته.... الكتاب تحفة أنا حبيته و حقرأه تاني كتير 🙈🙈🙈
كالعادة اسلوب كتابته خفيف ومؤثر و شامل لكل صفات الرجل
أفضل حاجة تناولها هو شرح بأمثلة اختلاف طريقة تفكير الرجل عن الست اللي يا عيني بتعمل الفعل و تفضل منتظرة و متوقعة حيعمل ايه لأنها شخصية حساسة جدا و هو شخصية عملية لا تعترف سوى بالنتائج 🙄
الفصل الأول أهم جزء فيه التقدير البنات فعلا بعد ما بقيت بتعمل كل حاجة فقدت الجزء ده لأنه غصب عنها شايفة انها زيها زيه ويمكن أحسن كمان بس الراجل حيفصل راجل خديه على قد عقله يا فوزية 😍
الفصل الثاني نذاكره يا بنات بالورقة و القلم لأهميته 😂🤣 لأن الراجل حيفصل يحب الغموض والنقل مهما يقولك خليكي واضحة ومش بيحب اي مفاجآت ومفهومه عن الهدية تكون عملية و بيحب الحرية و صحابه و ملتزم جدا مش مهمل بس هو مهمل بمزاجه بدليل أن عمره ما حيكسر إشارة أو يعلى صوته على ضابط هو مستهيف معاليكي😎 وبصري خليكي حلوة في نظر نفسك قبل عينه 💃💃 وعمره ما حيدفع فلوس في حاجة بيأخدها ببلاش فخليكي غالية 👑👑
مفاهيم الراجل عن الكلام غير الستات لما يسكت سيبه ساكت لحد ما يخرج من التفكير العميق 😁🤣 خليه يأخذ فرصته.... الكتاب تحفة أنا حبيته و حقرأه تاني كتير 🙈🙈🙈
September 6, 2018
هكتب *الريڤيو* بنفس لغة الكتاب -العاميه-
حقيقي الكتاب مفيد ورائع ودمه خفيف وبنصح كل البنات تقراه مرتبطة او مش مرتبطة ومفيش مانع كمان الرجاله تقراه
انا كنت خايفه من الرجاله لكن بعد ما قريت الكتاب خوفت زياده🤓 D:
لكن أنا بشكر إيهاب معوض على مجهوده ونصايحه والوقت اللي قضيته مع الكتاب
وطبعاً هو ف نهاية الكتاب قال بنفسه الكلام اللي عايزه اقوله ألا وهو *إن كلامه ده يحتمل الصواب والخطأ*
مرة تاني بشكر إيهاب معوض جداً
بس محلوظه "الفصل بتاع -ملتزم جداً عكس تصوراتك- المفروض يبقى اسمه "ناس تخاف ماتختشيش"
حقيقي الكتاب مفيد ورائع ودمه خفيف وبنصح كل البنات تقراه مرتبطة او مش مرتبطة ومفيش مانع كمان الرجاله تقراه
انا كنت خايفه من الرجاله لكن بعد ما قريت الكتاب خوفت زياده🤓 D:
لكن أنا بشكر إيهاب معوض على مجهوده ونصايحه والوقت اللي قضيته مع الكتاب
وطبعاً هو ف نهاية الكتاب قال بنفسه الكلام اللي عايزه اقوله ألا وهو *إن كلامه ده يحتمل الصواب والخطأ*
مرة تاني بشكر إيهاب معوض جداً
بس محلوظه "الفصل بتاع -ملتزم جداً عكس تصوراتك- المفروض يبقى اسمه "ناس تخاف ماتختشيش"
December 10, 2022
#ريفيو
#كتالوج_سى_السيد
#ايهاب_معوض
#كتاب ٢٩٠ صفحة
اصدار #دار_الرواق سنة ٢٠١٨
طبعا انتو عارفين انا والتنمية البشرية دونت ميكس .. بس الكتاب ده بقي انا كنت فيه مكس على الاخر 😂😂
هو مش تنمية بمعنى الكلمة هو عن العلاقة بين الرجل والمرأه ...
موجه للمرأه ..
واكتر اكتر موجه للبنات اللى اتخطبت او لسه ...
او فى علاقة حب ...
بيعرفها طبيعة الراجل وتفكيره وتركيبته البيولوجيه واحتياجاته ووجهة نظره فى كل الأمور الحياتية تقريبا
وبيقولها ازاى تتصرفي مع ده وازي تتعاملى مع مشاكل اختلاف الطباع ..
عشان نوصل بالعلاقة لافضل مستوي ..
امتى تستمرى وامتى لازم توقفي فورا فورا ...
بينصحها ماتخليش الراجل محور حياتها ابدا ابداا
ازاى تعرف مين بيضحك عليها وبيحاول يصطادها. . ومين فعلا محترم ومقدرها ...
الكتاب مكتوب بالعامية .. وممزوج بخفة دم الكاتب اللى خلانى اضحك بصوت عالى وسط القراءة زي العبيطة 😂😂
اتفقت معاه فى ٩٥٪ من اراؤه ووجهة نظره ...
وزاد احترامي ليه بسبب كلمته الختامية لما قال انه وارد يكون اخطأ فى بعض الاحيان .. ووارد يكون الشخص اللى معاكي مختلف ..
ووارد يكون فيكي صفات ذكورية وده مش عيب ..
تقييم الكتاب ٥/٥ وارشحه جدا جدا جدا جدا لكل البنات من اول ١٨ سنة فمااا فوق 🥰🥰🥰
#كتالوج_سى_السيد
#ايهاب_معوض
#كتاب ٢٩٠ صفحة
اصدار #دار_الرواق سنة ٢٠١٨
طبعا انتو عارفين انا والتنمية البشرية دونت ميكس .. بس الكتاب ده بقي انا كنت فيه مكس على الاخر 😂😂
هو مش تنمية بمعنى الكلمة هو عن العلاقة بين الرجل والمرأه ...
موجه للمرأه ..
واكتر اكتر موجه للبنات اللى اتخطبت او لسه ...
او فى علاقة حب ...
بيعرفها طبيعة الراجل وتفكيره وتركيبته البيولوجيه واحتياجاته ووجهة نظره فى كل الأمور الحياتية تقريبا
وبيقولها ازاى تتصرفي مع ده وازي تتعاملى مع مشاكل اختلاف الطباع ..
عشان نوصل بالعلاقة لافضل مستوي ..
امتى تستمرى وامتى لازم توقفي فورا فورا ...
بينصحها ماتخليش الراجل محور حياتها ابدا ابداا
ازاى تعرف مين بيضحك عليها وبيحاول يصطادها. . ومين فعلا محترم ومقدرها ...
الكتاب مكتوب بالعامية .. وممزوج بخفة دم الكاتب اللى خلانى اضحك بصوت عالى وسط القراءة زي العبيطة 😂😂
اتفقت معاه فى ٩٥٪ من اراؤه ووجهة نظره ...
وزاد احترامي ليه بسبب كلمته الختامية لما قال انه وارد يكون اخطأ فى بعض الاحيان .. ووارد يكون الشخص اللى معاكي مختلف ..
ووارد يكون فيكي صفات ذكورية وده مش عيب ..
تقييم الكتاب ٥/٥ وارشحه جدا جدا جدا جدا لكل البنات من اول ١٨ سنة فمااا فوق 🥰🥰🥰
October 25, 2024
كعادة ايهاب في كتبه السابقة يحيك لنا فيما يقارب 300 صفحة هذه المرة خيوط ما اسماه "اصطياد العريس" الذي هو محور حياة كل امرأة كما جزم الكاتب مرارًا
سطور من النصائح الذكورية للتعامل مع كائن سيخونكِ مهما فعلت ولن يقدم لك سوى المال وصيانة شرفكِ واعطائك لقب متزوجة كي لا تكوني عانس
يطمئنكِ ايهاب ان الرجل لن يتغير ولن يتحسن
لن يقدم لك شيئًا سوى المادة في حين انك يجب ان تقدمي جسدك ووقتك واهتمامك وصحتك وتكرسي نفسك بالكامل له
لأكله وشربه ونومه
لتربية اولاده والعناية بمنزله
لتلبية حاجاته الجسدية
وفوق كل ذلك يجب ان تتقبلي خياناته واخطائه واهماله وتكوني ممتنة انك نلتِ الحظوة العظمى المتمثلة باستعباد رجل لكِ باسم الزواج
سطور من النصائح الذكورية للتعامل مع كائن سيخونكِ مهما فعلت ولن يقدم لك سوى المال وصيانة شرفكِ واعطائك لقب متزوجة كي لا تكوني عانس
يطمئنكِ ايهاب ان الرجل لن يتغير ولن يتحسن
لن يقدم لك شيئًا سوى المادة في حين انك يجب ان تقدمي جسدك ووقتك واهتمامك وصحتك وتكرسي نفسك بالكامل له
لأكله وشربه ونومه
لتربية اولاده والعناية بمنزله
لتلبية حاجاته الجسدية
وفوق كل ذلك يجب ان تتقبلي خياناته واخطائه واهماله وتكوني ممتنة انك نلتِ الحظوة العظمى المتمثلة باستعباد رجل لكِ باسم الزواج
October 18, 2021
وضع الرجل في قالب واحد فقط تعميم مخل جداً ، الناس تتغير بتغير الزمن ، الكتاب هذا وصل لي احساس النفور من الرجل وانه كائن غبي يخطئ ويرغب منك تفهمه بدون مايفهمك ، يرتكب ذنب ومفترض اعطي فرص عشان اساعده يكون ( رجل )
مثل مالرجل يبحث عن امراه تحمل مقومات النساء من فكر وعاطفه وغيره
المراه ايضا تبحث عن رجل يملك مقومات الرجال مو شغلها ( تزرعها فيه وتنتظر الزرع ينبت )
النجمتين فقط لوجود بعض النقاط الجيده في الكتاب
مثل مالرجل يبحث عن امراه تحمل مقومات النساء من فكر وعاطفه وغيره
المراه ايضا تبحث عن رجل يملك مقومات الرجال مو شغلها ( تزرعها فيه وتنتظر الزرع ينبت )
النجمتين فقط لوجود بعض النقاط الجيده في الكتاب
April 1, 2020
كتاب مالوش معني وكله حاجات أي إنسان عاقل عارفها مفيش إضافة، غلطات إملائية مضحكة ومحاولات بائسة وفاشلة جداً جداً لإضفاء حالة ضحك وكوميديا.
طبعاً في تحيٌّز للرجالة وأغلب الكتاب ما هو إلا دعوة لاحتواء كل مشاكل وتركيبات الراجل السلبية كإنه عيّل ومحتاج لأم تحتوي وتطبطب وتحايل.
طبعاً في تحيٌّز للرجالة وأغلب الكتاب ما هو إلا دعوة لاحتواء كل مشاكل وتركيبات الراجل السلبية كإنه عيّل ومحتاج لأم تحتوي وتطبطب وتحايل.
Displaying 1 - 30 of 141 reviews