It-Taàr

by John A. Bonello

L-ewwel ktieb fis-serje Distopja. Novella għal qarrejja minn 12-il sena ''l fuq.

Wieħed u sebgħin sena wara gwerra nukleari dinjija, il-ħajja tkarkar 'il quddiem b'ritmu mkisser, filwaqt li l-farka bnedmin li fadal jitwieldu, jgħixu u jmutu f'dinja mifnija mard li kulma jmur qiegħda tinbidel f'deżert radjuattiv. F'dik il-ħerba u disperazzjoni, tifel t'erbatax-il sena jissielet mal-ħajja fid-dell ta' torri kbir u misterjuż li baqa' inpenetrabbli għal għexieren ta' snin. Xi ħaġa iżda, se tinbidel dalwaqt.

188 pages, Paperback

Published December 31, 2017

About the author

John Bonello is the award winning author of the young adult fantasy trilogy ‘Il-Logħba tal-Allat’ (The Game of the Gods), the time-travelling duology for adults ‘Unus Mundus’ and the series of detective novels for children Irvin Vella, Virtual Investigator. Learn more about him at www.johnabonello.com

Reviews

[Helga · Rating 4 out of 5]

Ktirb li jgieghelek tirrifletti x jista jigri fil-gejjini.. li jzommok bilqeda sa ma tlestih. Nistennew bil-herqa ghal ktirb li jmiss.

[Mark Anthony · Rating 5 out of 5]

It-Taàr huwa t-tip ta' ktieb "uncluttered", fejn l-awtur jagħti stampa ċara ta' d-dinja wara apokalissi nukleari mingħajr ma jtellef il-mixja tan-narrativa. L-irkejjen fir-rakkont mhumiex mimlija u mballati b'deskrizzjonijiet - stedina lill-qarrejja biex jinvolvu ruħhom fir-rakkont. Il-postijiet fil-ktieb huma msejsa fuq postijiet vera u għal darb'oħra l-awtur iħalli lill-qarrej jasal għal-liem huma dawn il-postijiet. Għalkemm l-ambjent huwa aħrax ir-rakkont huwa leġġer u hemm mumenti ta' umoriżmu f'ħinhom u f'waqthom li 1) jagħmlu l-ambjent distopjan jidher aktar iebes u 2) itaffu xi ftit mill-piż. Fit-Taàr Malta tal-imgħoddi - dik li għall-qarrejja tiġi Malta ta' żmienhom, tal-lum - tingħata laqta mitoloġika, ta' żmien avvanzat. It-teknoloġija u l-istil ta' ħajja tal-imgħoddi, għalkemm familjari, huma deskritti b'tali mod li jħallu dak il-faxxinu u b'hekk il-qarrejja jistgħu jidħlu fiż-żarbun tal-karattri.

[John · Rating 5 out of 5]

It-Taàr huwa l-ewwel ktieb fis-serje Distopja u jirrakkonta l-istorja ta' tifel t'14-il sena sebgħin sena wara gwerra nukleari li teqred id-Dinja kif nafuha. Flimkien ma' ftit mijiet ta' bnedmin oħrajn, it-tifel jiġġieled mal-ħajja jum wara jum fid-dell ta' torri misterjuż li ħadd qatt ma rnexxielu jidħol fih.

Tistgħu ssibuh bħala eBook minn: https://goo.gl/qHwNG4 kif ukoll bħala paperback minn: https://goo.gl/iAqphr