यार [Yaar]

by Nayan Raj Pandey, नयनराज पाण्डे

जीवनको बहुमूल्य उपहार हो मित्रता । यो सङ्गत र सद्भावको लामो प्रक्रियाबाट बन्छ र आपसी विश्वासले यसलाई गरिमामय बनाउँछ ।

तर मित्रता बन्ने मात्र गर्देन, टुट्ने पनि गर्छ । यही बन्ने, टुट्ने, फेरि जोडिने र भत्किने मित्रताका अनेक सम्झनाहरुलाई स्मृतिको गहिराइबाट टिपेर ल्याएका छन् नयनराज पाण्डेले, यारमा ।

संवेदनशीलता, कोमलता र विनम्रताका साथ उधिनिएका यी सम्झनाहरु पढ्दै गर्दा हामीलाई आफ्नै मित्रता र सम्बन्धहरुको लेखाजोखा गर्न मन लाग्छ । तर जुन इमानदारीका साथ मित्रताका “ग्रे एरिया”हरुलाई पाण्डेले चित्रण गरेका छन्, त्यसो गर्ने आँट के हामीमा होला ?

240 pages, Hardcover

First published December 1, 2017

About the author

Nayan Raj Pandey (Nepali: नयनराज पाण्डे) is a Nepali writer. He writes stories and novels, as well as screenplays for Nepali cinema. He is known for his representation of contemporary Nepalese society in his novels, in a figurative style

Reviews

[Pujan Paudel · Rating 3 out of 5]

'यार ' मा मित्रता सँग जोडिएका मानव सम्वेदनाका निकै नै कोमल तर उत्तिकै जटिल अनुभव लाई नयन राज दाई ले आफ्नो जिवन को समय रेखामा , मनोवैज्ञानिक्; समाजिक जस्ता धेरै कोण बाट आचाक्ली मिठो अनि न्यानो कथा वाचन शैलिमा बुन्नु भएको छ । नेपा गन्ज , बर्दिया को परिवेश मा लेखिएका छन सबै जसो कथा हरु , त्यै भएर त्यहाँका पात्र लु , उलार जस्तै सबै आफ्नै लाए । सन्कलन का ४-५ जती कथा त विशाल दृष्टिका र गहिरो मनोवैज्ञानिक विश्लेषण का साथ लेखिएका छन

[Ray Kha · Rating 4 out of 5]

रक्सी, चुरोट,पेसा,पैसा र राजनीतिका विषय संग जोडिएर लेखिएको रहेछ यार। सबै बाल्यकालका चक्चके चर्तिकला र जवानीकोजोसका रमाइला किस्साहरू मात्र होइन तर होसमै रहंदा पनि समय बैमान भैदिएर वा जीवनले हण्डर खुवाएर भएका भुल-चुकले यारकोयारीमा पारेको असर र सिकाएको शिक्षाको कहानी हो यार। यो पुस्तकमा आफ्नै उमेरका मात्र साथी हुंदैनन् र सबै राम्रो हुन्छन् भन्ने पनिछैन भन्ने भोगाई प्रष्ट छ। यीरमा लेखकको चेष्टा र समाजलाई देखाएको ऐना, सामाजिक व्यंग्य र समाजको यथार्थ साच्चै प्रशंसनिय छ।
शुभपठन

[Saa Gar · Rating 3 out of 5]

बाल्यकाल सुनौलो सपनाजस्तै हो, किशोरावस्था जिन्दगीभरका लागि सम्झनाको स्रोत हो, अनेक गल्ती गरिन्छ केही पछुतो लाग्छन केही चै "आ केइ छैन भैगो" भन्नेसमेत हुन्छन! साथीहरु उमेर नै पिछे फरक फरक सोच र मान्यताहरु भएका भेटिन्छन, कोहि वर्तमानलाई नजिकबाट नियाल्न सिकाउँछन् भने कसैले भविस्यसँग साक्षातकार गराउन मद्दत गर्छन...मनको कुरा नढाटी नलुकाई भन्न सकियो भने पो त्यो साथी हुन्छ, हरेक कुरामा जब जज्ड भईदैन तब पो साथिको एकुन्द्रो मेटिन्छ..खुसिमा चाटुलाँजस्तो गर्ने अनि दुखमा अनुहार हेर्नसम्म पनि नचाहाने पनि काहीं साथी हुन्छन र..."साच्चिकै, जिवनको बहुमुल्य उपहार हो मित्रता"! मित्रताका "ग्रे लाईनहरुलाई बडो सद्भावका साथ चित्रण गरेका छन पाण्डेले...त्यसैले मित्रता दोस्ती साथी फ्रेन्डसिपका अनेक कहानी समेटिएको निकै सुन्दर दस्तावेज हो "यार" !❤️

[Neha Sharma · Rating 4 out of 5]

First few chapters dangerously bored me. But tensions start escalating as you progress and you realize what a daring writer Nayanraj Pandey is. Kudos to his prose and audacity!

[Jaiseri · Rating 2 out of 5]

यो पुस्तक लेखनको उद्देश्य नै बुझिएन । पढ्नेले के पाउँछ त्यो पनि थाहा भएन ।

[Subam Kathayat Chhetri · Rating 4 out of 5]

Takes you back to the Stephen King's classic 'The Body' (Stand by Me; movie adaptation) :) Subtle and Humble !!

[Sangharsha · Rating 3 out of 5]

नयनराज एकदमै सरल भाषामा लेख्छन, तर भाषिक सरलता मार्फत कतिपय गम्भिर विषयवस्तुहरुलाई सुन्दर र सहज रूपमा चित्रांकन गर्नसक्नु उनको खुबी हो।

आफ्ना मित्रहरुसंगको सहयात्राको व्यक्तिगत संस्मरणको रुपमा यारको लेखनी भएतापनि यस भित्रका सम्झना-संजालले हामीलाई आफ्ना कैयौं 'यार'हरुको सम्झनामा पुर्याउँछ र आफुले देखे भोगेका यारीहरुको कथामा भुलाउँछ। साथीहरुको सहभोगाई वर्णन गर्ने क्रममा उनी अचानक वाह्य क्रियाकलाप छोडी आत्मचिन्तन गर्न पुग्छन् र जीवनका रहस्य र शिक्षालाई वयान गर्न थाल्छन, जुन एकदमै चित्त बुझ्दो लाग्छ।

'लु'मा जस्तै समाज, र खासगरी आफु निकटको परिवेशमा अन्तर्निहित कुसंस्कार र पीडाको चित्र उनले यस स्मृतिसंग्रहमा यथासक्य कोरेका छन्।

"उनलाई त्यहाँ देखेर म त जिल्ल परें। सानी जिम्दारको घरबाट मुक्त भएर फेरि मेरो साथीको घरमा बँधुवा हुन आइपुगेकी रहिछन्। यसपटक उनलाई त्यसले बँधुवा बनाएको थियो जसले उजस्ताको मुक्तिकालागि एनजिओ नै चलाएर बसेको थियो।"

यो त एक उदाहरणमात्रै हो। आशाको वालबिवाह, गुब्बेको भेदभाव अनुभव, 'दाइ'को गुप्त रहस्य आदि गहिरा विषयवस्तुहरु 'यार'मा धेरै भेटिन्छन जसले नयनका साथीभाइहरुसंगको 'गफ' सुन्न बसेका हामीलाई सोचमग्न हुन बाध्य बनाईदिन्छन्।

यी सबका अतिरिक्त 'यार'मा नयनले देखाएका ईमानदारीता र निडर पारदर्शीतालाई मान्नैपर्छ। आफ्नो संस्मरणमा आफुलाई हिरो बनाउने चलन चलेका बेला उनले देखाएको निर्भिक खुलापनको म फ्यान भएको छु।

[Kripa Thapa]

Be grateful if you have true friendship and it's hard to find real one

[Ankit Dhakal · Rating 4 out of 5]

लेखक नयनराज पाण्डेले यस संस्मरणमा देखाउनु भएको साहसका लागि उहाँलाई सलाम ! पुस्तकको गाता अति राम्रो लाग्यो अनि बीचबीचमा राखिएका चित्र रोचक लागे । पुस्तकको जम्मा पृष्ठ २४० भए पनि खासै धेरै कुरा भएको पुस्तक चाहिँ होइन ।

प्राय: प्रसङ्गहरू बुझ्न सकिने खालका छन् । पछिल्तिर आउने प्रसङ्गहरू, जस्तै गोविन्द वर्तमान, पुरुषोत्तम सुवेदी आदिमा भने कसका बारेमा कुरा गरिएको हो भन्ने बुझ्न गाह्रो पर्छ । कवि श्यामलको प्रसङ्गमा त उत्तम कुवँरको कुरा गरिएको हो कि भनेर झुक्किएँ पनि ।

संस्मरणमा आएका प्रसङ्गहरूले लेखकलाई छताछुल्ल पारिदिएका छन् । तर लेखक पाण्डेप्रतिको सम्मान बढेको छ । त्यस्तै, संस्मरणले नेपाली समाजका विभिन्न आयामलाई पनि समेटेको छ ।

(पी. एस.: माछा र अग्लो शीर्षक अघि आउने चित्रहरू यताउता परेका हुन् कि ?)

[Sushil · Rating 4 out of 5]

'लू' र ' उलार' पछि नयन राज पाण्डेको गैर आख्यान 'यार' पढियो। उहाँको लेखन शैली सुन्दर छ। 'यार 'पढिसकेपछि लेखकको मित्र सम्बन्ध भन्दा पनि उहाँले बाचेको समाजको प्रतिबिम्ब जस्तो लाग्यो। 'यार' मा मित्रता छ, साथीको साथ छ, न्यानोपन छ, विभेद छन र मत मतान्तर पनि। बाल्यकाल देखिका मित्र हरुको प्रसंग छोटो, मिठो र रोचक तवरले प्रस्तुत गरिएको छ। पुस्तक को कभर र श्याम श्वेत चित्रहरू आकर्षक छन। पाण्डे पुस्तकमा प्याज छाेडाइए जसरी बिस्तारै उदाङ्ग हुँदै जान्छन्। उनको सच्चाई र इमान्दारिता यस पुस्तकको गुदी हो। पुस्तक पढिसक्दा उनी आफ्नै मित्र हुन जस्तो लाग्छ, उनका गुण, अवगुण सबैसँग परिचित। २४० पृष्ठ र २५ मित्र प्रसंगले मलाई पनि मेरा यारहरु को याद दिलायो र ऐना मा आफ्नो अनुहार र समाज देखायो। धन्यवाद नयन राज पाण्डे दाजु!

[Sabin Chhetri · Rating 4 out of 5]

नयनराज पाण्डे को उल्लार र लू पढे देखि नै फ्यान थिएँ। बीचमा जियरा पढेँ, ठीक मात्र लाग्यो। यार सँग निस्पृह भएर बस्न सकिनँ। ध च गोतामेको संस्मरणहरु को फ्यान थिएँ। त्यसैले यार किनेर पढ्न शुरु गरेँ।
जिन्दगीको अनेकन मोडहरुमा साथीको रुपमा मान्छे हरु आउँछन्। कोई तारान्तर साथ दिएर उपकारको भारी बोकाएर जान्छन्, कोई धोका रूपी सुइरो मनमा रोपी गतिलो पाठ सिकाएर जान्छन्। यस्तै यस्तै सन्देश दिन खोजेको छ नयनराज पाण्डे को यो संस्मरणले।
समग्रमा उच्चाट लाग्दो छैन यो संस्मरण।

[Sunira Paudel · Rating 3 out of 5]

Every encounter has a lesson to teach. Many people pass by and leave a bit of themselves which make us whole. I love the bitter sweet ending of the stories in this book. A simple but significant read.

[Sameep · Rating 4 out of 5]

एउटा बालख उमेरले मात्र हैन भोगाइले पनि वयस्क भए जसरी विभिन्न किस्साहरु एक पछि अर्को गर्दै हुर्किँदै जाँदा आफू पनि सँगै ठुलो भएको अनुभूति गरेँ मैले। सरल तर प्रभावकारी रूपमा सम्बन्धहरु प्रस्तुत गर्दिनु भएकोमा धन्यवाद ।

[Bista Nirooj · Rating 2 out of 5]

The Memorial by Nayanraj Sir, 'Yaar' is a good read. The stories made me remember some of my old friends I'd lost in the path of life and made me wonder how many more are there to loose.

[Bina Bhattarai · Rating 3 out of 5]

यो पढिसकेपछी एसो बिचार गरेको नयन दाईको जिन्दगीमा राम्रा यार भन्दा नराम्रा यार ज्यादा आएछन्! 🤣

[Soniya · Rating 4 out of 5]

3.5*
I loved the childhood stories, but all the politics and literature things in the last 1/4th part just passed above my head and I was bored.

[Jites Bajracharya · Rating 4 out of 5]

मन छुने केही कथाहरू मनमै रहनेछन्।

[Hang Mangpahang · Rating 3 out of 5]

कथाहरु राम्रो लाग्यो, जति बढ्दै गयो उति भयानक हुँदै गए कथाकार र पात्रहरु ।।