غربة

by هدير مجدي

رواية غربة للكاتبة هدير مجدي، تصدر عن دار الرسم بالكلمات للنشر والتوزيع 2018

Unknown Binding

First published January 1, 2018

Reviews

[Osama Yosre · Rating 4 out of 5]

مجرد حاله تخلص فى قعدة الجده انتصار لها ابنان الاول شهيد والثانى جاد قاصى وكلا منهم متزوج وعايش معاها فى نفس البيت ولكل منهم بنت
الاحداث تصور العلاقات الشخصية بينهمبهذا البيت لنرى الضعيف والقوى والقاصى والحنون ... علاقات سوية واخرى شاذه اقصد فريد
الاحداث سريعه بدون مط والموضوع بسيط وليس جديد ولكن الرائع الحالة الانسانية اللى تلمس قلبك وما تعرضت له هذه النساء من ظلم وكيف نجحت فى التخلص منه
الغلاف رائع والعنوان معبر عن حالة كل شخصية بالروايه

[Nada Radwan · Rating 2 out of 5]

كتاب نسائي بحت .. يناقش كل ما تتعرض له المرأة من الرجل المصري. لكن كل المواقف والتجارب فالكتاب واقعية جداً. لازلت اقول انه يوجد خطأ كبير يقع علي الأم في تربيتها لأبنائها وخاصة الذكور، من خلال استسلامها لذل الزوج وظلمه لها.

[Rowaina Emad · Rating 5 out of 5]

رواية غربة بجد من الرويات القليلة اللي احدثها تشدك تخليك مش قادر تسيب الرواية و تكملها بعدين لاء انت هتبقي عايز تعرف ايه اللي هيحصل دلوقتي .. ده غير اني مبطلتش عياط من كتر ما الاحداث مؤثرة ، هدير انتي قدرتي بأسلوبك تخليني اتعاطف مع كل الشخصيات حتي (فريد)! رغم انه هو كان السبب الرئيسي لمأساة كل شخصية في الرواية و علي قد ما استفزني من كتر قسوته الا انك خلتيني اسمحه و اتعاطف معاه في الاخر ، ده غير ان اي حد هيفهم من اسم الرواية انها بتتكلم عن المغتربين بس الغربة ممكن تكون و انت وسط اهلك و صحابك و دي بتكون اصعب بكتير ، احداث الرواية مؤلمة اوي لدرجة انها خلتني احس بأحساس كل ست في الرواية وافهم وجعها .. هدير انا بجد فخورة بيكي جدا فخورة ان بنت عمتي هي اللي كاتبة بالاسلوب الحلو ده، هستني منك عمل ابداعي جديد ♥️♥️

[دينا عماد · Rating 4 out of 5]

بقالي فترة مقرأتش حاجة على بعضها... كنت بقرأ كذا كتاب "مش روايات" وكنت مركزة فى كتابة فمكنتش عارفة اقرا

اخترت رواية غربة لاني لقيتها صغيرة عشان اشجع نفسي ارجع بحاجة متكونش طويلة وممكن أمِل

المهم بدأت الرواية امبارح ع الفجر تقريبا... نمت بعد ما خلصت نصها وكملت النص التاني النهاردة

اولا العنوان
كنت متخيلة انها حكايات عن المغتربين لكن لقيتها بتعبر عن الغربة حتى وانت جوه بيتك وسط اقرب الناس ليك... غُربة صعبة اصعب من المغترب عن بلده واهله

الاحداث
قد ايه الاحداث موجعة ..بس تتحس
حسيت باحساس كل ست جوه الرواية ...هدير وصفت مشاعرهم كلهم صح وقدرت تخلينى احس بوجع كل واحدة

البيت اللى عموده الام "الحماة" حسيت اوي بالدفا اللى فيه رغم الالم
البيت بيجسد المثل اللى بيقول الام بتعشش والراجل بيطفش :D

البطل فى الرواية شخص كله شر "صالحتنا هدير فى النهاية بعد حرق الدم منه وطبعا مش هحرق"

النهاية مُرضية ومريحة وسعيدة "شخصية ما بس كنت متضايقة من اختيارها رغم انه طبيعي وواقعي"

اه كنت هنسي اقول ان صغر حجم الرواية ميزة فيها... ليه؟
لان ميسيبش لحظة ملل...الاحداث سريعة بدون لهوجة...يعنى كل حدث اخد حقه

بالتوفيق يا هدير ... اول مرة اقرا لك وان شاءالله مش هتكون الاخيرة
مرور اللئام فى القايمة

[Maryam El-Sayed · Rating 3 out of 5]

It's good

[Mahmoud Mortada · Rating 5 out of 5]

هدير مجدى كاتبة رائعة
انصح بالقراءة تجربة جميلة بسيطة
الغربة لها معانى كثيرة

[احمد اسماعيل · Rating 3 out of 5]

قلم نسائي متحيز لجنسه تماما وناقم على الجنس الخشن
ولكن رواية اجتماعية بسيطة بعيدا عما اعتاده الكتاب الشباب
من اللجوء للرعب والاثارة لجذب القراء

[هبه عبدالواجد لبيب · Rating 5 out of 5]

خلصتها في ساعتين ❤ مش بعرف أكتب ريفيو زي مانتي عارفة، بحاول أوصف الحالة اللي عيشت فيها وانا بقرأ الرواية، كعادتك خلتيني أعيش كل التفاصيل، حسيت بمعاناة عواطف وفدوى وازاي انتصار كانت عمود البيت رغم ضعف العمود ده بس كان بيسند، وإن فعلا الغربة مش غربة وطن.
أسلوبك جميل ومفيش ملل خالص والسرد رائع راائع وجعتي قلبنا وفرحتينا بردو يسلم قلمك وأناملك يا هدير ❤