النقش الملعون

نادر فودة #3

by أحمد يونس

هل يعود الوقاد؟ هل سيحاكم نادر فوده؟ ستجدون هذه الإجابات في نسختكم الثالثه من روايات "نادر فوده"

Genres: Horror, Novels, Fiction

242 pages, Paperback

Published January 1, 2018

About the author

أحمد يونس هو مذيع راديو و تلفزيون مصري، من مواليد 30 يناير 1981 (34 سنة)، متزوج و لديه ابن ، حاصل على ليسانس اداب قسم لغة إنجليزية , بدأ عمله في مجال الإعلام كمعد للبرامج. كان من أوائل المذيعين الذين انطلقوا مع بداية الإذاعة المصرية الشهيرة نجوم إف إم عام 2003 , كانت فقرة "نص ساعة مع احمد يونس " هى اول ما أذاع على نجوم إف إم،و مؤخرا يقدم برنامج عالقهوة من الساعة ال12 منتصف الليل و حتى ال3 فجرا ايام الاثنين و الاربعاء و الخميس و الجمعة،و كان أيضا يقدم برنامج "حياتنا" مع دكتور سعد الدين الهلالى على نجوم إف إم، و لكنه توقف عن تقديمه في أواخر عام 2014 لأسباب غير معروفة،و اصبح دكتور سعد الدين الهلالي يقدمه منفردا.

Reviews

[Nayra.Hassan · Rating 2 out of 5]

حااااااضر المرة الجاية هادفنك في اسفل سافلين
يا وقاد يا لعين ياابن ستين في سبعين
و سادفن معاك كساب و نادر و ابوه و الرواية في اعماق الطين يمكن نترحم من فيضان الاجزاء الثلاثين الاربعين القادمين



النقش الملعون ثالث حكايات نادر فودة لنا في عام واحد ..لم اشتريها بالطبع هذه المرة كما وعدتكم و هي كانت الفرصة التالتة و التابتة التي امنحها ليونس فجاءت مليئة بالسم و العسل و كانت اشبه بالجزء الاول الوقاد

هو المفروض نفرح لاننا وجدنا كاتب نشيط يمنحنا روايات رعب متتالية لبطل واحد..الم نكن نشتكى ان رفعت إسماعيل يغيب كتير؟
احنا ليه مفتريين ؟
ليه لسنا فرحانيين؟
يمكن لان التيمة الاساسية "مغامرات نادرمع 2من الدجالين :الوقاد و كساب" هي نقطة ضعف الرواية و كلما اختفوا من الاحداث كلما تحسنت الرواية؟
طيب لماذا نقبل النزول مع الجندى مثلا لعالم تحت الارض باريحية؟
لان الجندى كف عن الاستسهال و الاستهانة بنا مع نهاية الجزء الاول من مخطوطة ابن اسحق
عالم الجن له رهبته ..و يجب الا نتعامل معه بطريقة الهالويين : شويةعفاريت هانهرج معاهم يومين و دمتم 🎃


حسنا ..يبدو ان هناك{ اثنين} كتبوا النقش الملعون
اول 90 صفحة كتبتهم خالتي اللتاتة مع جزء كساب بكل الاستفزازات التي فندتها في ريفيو كساب.."كلمة بوقه تم ذكرها 8مرات فقط في النقش الملعون" ..الحمد الله كثيرا ؛ و بدأت الأحداث بموت غامض لأبو نادر كجزء من انتقام كساب من نادر ثم نغرق في جملة مستفزة تقل المزاج "مادفنتنيش ليه؟" و طبعا بنقضي معظم الصفحات في المقابر /تحت المقابر/في الطريق للمقابر /في البيوت وسط المقابر
المهم اي مقابر و خلاص

اما بخصوص موراحين حاضرين مأمورين..
و التي بدأت من الصفحة تسعين
ليفك نادر طلاسم المخطوطة في التو و الحين
تلك التي وجدتها هالة في الطين
فهي قصة واعدة نتمنى لو يترك نادر مأساته مع الوقاد و يتفرغ لقصته مع هالة فبناءها محكم نوعا و تحتمل المزيد لكن بعيدا عن المبالغات

اما ادريس و مأمون الذاهبون العائدون
و التي بدات في الصفحة مائة و تسعون
فاتمنى لو يدفنون ..و مع ابو جاكته يذهبون

[Yousra · Rating 1 out of 5]

أنا دايما باستغرب من اللي بيصروا يقروا كتابات شخص ما وينتقدوه ... اللي هو ماعرفتوش إنه كدة يعني من بعد رواية واتنين؟ ومكانش قصدي أبقى منهم بس ... سبحان الله ... صحيح، من عاب ابتلي ... وقعت جوة نفس الفخ وكان قصدي إني أدور على أي ميزة مش بغرض الانتقاد فقط

أثار حفيظتي جدا كلام الكاتب على ظهر غلاف الجزء الثاني وكتبت ده ... وأثار غيظي جدا بكلامه برضو للقراء في أول صفحة هنا ... للي حابب يقراها وبس... واخد لي بالك (وبس)

يا سيدي عيب والله ... عيب نعمل حركات الأطفال دي وتكلم الناس في مكان مايعرفوش يردوا عليك فيه ... يعني انت بتكتب ... صحيح جزئيا كلامك إنك على قد حالك وتبريرك لاستخدام العامية بإنك بتعرف تعبر بيها رغم انها مليانة بالعجب العُجاب، جزئيا كلامك دة برَّد ناري وأنا اللي بحاول ألاقي حاجة كويسة في كل حاجة باقراها ليك بس عيب تبقى بتكتب ولك صفحات وجاي توجه رسالتك على ورقتين في اتجاه واحد
one way
منك للقارئ. طيب راعي إن بعض اللي بترمي وشهم كلامك الطفولي ده دفعوا في شوية الورق ده عن طيب خاطر ... يعني كأنهم دخلوا بيتك ورميت في وشهم كلامك ... طيب قوله في مكان ينفع حد يرد عليك فيه

عموما بعد ما كنت باكتب رأيي وأدور عالإيجابيات وأنا واحدة من كتير قراء وأقول مش هاعمل تقييم بالنجوم اضطريت أرجع وأعمل لكل جزء تقييم بنجمة واحدة علشان بكل بساطة ومع سبق الإصرار أقلل تقييم كتبك الغريبة ... ماهو مش يترمي في وشنا كلام زي الدبش مرة واتنين ونراعي شعورك علشان بتزعل!!!

[Mohammed Arabey · Rating 2 out of 5]

إستراحة خفيفة مرعبة بين القراءات
صراحة اشفقت جدا علي المؤلف الذي لجأ لأضافة تلك الفقرة في بداية كتابه الثالث

"وافكرك كمان إني من أول مرة كتبت قولتلك إني مش أديب ولا روائى عظيم، أنا راجل علي قدي بكتب حواديت بمر بها للى حابب يقراها وبس.. واخد لى بالك (وبس)"

الا ان (وبس) تلك، ماشاء الله، وصلت للطبعة ٦٢ من هذا الكتاب الثالث

ولكن يأتي تقييمي هنا لتكرار تيمة ما حتي لو اعجبتني في اول كتابين فإن استمرار تيمة انتقام الابن لكتاب ثالث، وايضا ظهور مسببات انتقام ابن ثاني وربما ثالث فكان كثيرا جدا عما احتمل

لا انكر انني منذ قرات نادر فودة في عدده الأول كان رأيي في التجربة انها (محاولة) خلق نسخة متأثرة بفكرة رفعت إسماعيل، دكتور ما وراء الطبيعة، بروح وشجاعة روايات حسن الجندي في التطرق لعالم الجان بشكل مباشر
وأن المحاولة جائت بأسلوب لا يمت بصلة لقوة د. احمد خالد توفيق روائيا، لكنه حكواتي جديد يلعب علي تيمات رعب شعبية بشكل يحاول جعله واقعيا

وشبهت القصة وقتها بأفلام الفيديو الرعب من الثمانينات والتسعينات ..فاصل خفيف مسلي ولا يخلو من الرعب بين الافلام الثقيلة المهمة يصلح لسهرة حلوة

لا انكر ان ما يجعلني استكمل السلسلة ، برغم ان القصة الرئيسية الخاصة بالوقاد وابنه كساب صارت ثقيلة بعض الشئ ولكن مغامرات نادر المختلفة كصحفي ما ورائيات تزداد تشويقا ففي الكتاب الثاني العمارة المرعبة فزعتني بحق

ولكن إن شعرت أن قصة قتل الوقاد ، ثم إنتقام أبنه كساب ، قد طالت حتي وصلت لهذا الجزء..فإن قصة الصحفي نادر هذه المرة جائت مكررة، حيث يتسبب بشكل ما في قتل ٢ من الاباء اخرين ومقت أبن و بنت كلا منهم

وربما انتقام اخر ينتج من هذا بينما لم ننهي الانتقام الاول بعد....وربما قصة حب مفاجئة ومباغتة وسريعة وبلا مبرر

لا انكر ان هذا فصلني كثيرا، فضلا عن ان قصة النقش الملعون نفسها اضعف من قصة الكتاب السابق
لذا هذه المرة ينخفض تقييمي للكتاب الثالث. ولكني بالتأكيد مع بقاء السلسلة و كما قال الراوي، (حابب اقرأها وبس) عشان كدة مستني الجزء الرابع ان شاء الله يرفع التقييم حتي لو زي تقييم اول كتابين

محمد العربي
من ٢٥ فبراير ٢٠٢٢
الي ٢٦ فبراير ٢٠٢٢

[Mohamed Sharara · Rating 4 out of 5]

وجب التنويه
"وافكرك كمان إنى من أول مرة كتبت قولتلك إنى مش أديب ولا روائى عظيم، انا راجل على قدى بكتب حواديت بمر بها للى حابب يقراها وبس.. واخد لى بالك (وبس)"

الناس اللي بتسمع أحمد يونس علي الراديو هيعجبها الفكرة أوي، والناس اللي مسمعتش قصص أحمد يونس علي الراديو هتبدأ بالهجوم اللاذع علي أن ده عمل مش أدبي واللغة والحبكة وهكذا ، عجبتني الفكرة بصراحة وخصوصاً إنها هتخلي الناس المحبين النوع ده من القصص اللي بيسمعوها هتشجعهم علي القراءه ، أكيد يعني الكاتب مش بيقولك أنك هتقرأ حاجه زي اللي بيكتبها ستيفن كينج ، الناس اللي كانت بتسمع لـ أحمد يونس حاول تشغل الموسيقي اللي كانت بتشتغل في البرنامج وانت هتستمتع أوي ، إستمر ويارب يكون الجزء الرابع أقوي من الأجزاء اللي فاتت بكتير .......

[Nagham Mahmoud · Rating 2 out of 5]

فكره الروايه اللى هى اصلا مش فكره !! احمد يونس وصل ل مرحله بشعه جدا انه لسه فاكر نفسه ف ردايو مش كتابه انا شايفه ان يونس مينفعش ف كتابه الكتابه عايزه ناس معينه لان فى اختلاف من الكتابه و الراديو زى الطول بين السما و الارض و ده حقيقي فعلا انا بالنسبالى السلسه دى انتهت لا فيها جزء رابع ولا خامس و روايه بتحكى عن موت الوه و تعبه النفسي و حبه لواحده و ف الاخر انقاذته و ابوها اتقتل و واحد عنده ف الحرنال طلع دجال و اتقل برضو و بعد كل ده انتظروا نادر فوده ٤ !! فين بقا الرعب ف الموضوع بجد مكنتش مستنه ده من يونس نهائى و احب اقوله و انت بتكلم رواياتك ابقى افتكر ربنا افتكره و احمده ربنا موجود مينفعش يتنسى ف روايه !

[Lady De]

مش هتبطل سخافة بقى وتحترم عقل القارئ

[رومولا الن emmajain-book · Rating 2 out of 5]

نعود لنخوض مغامرة جديده مع نادر
لكن بهذا الجزء قد خسر نادر الكثير بسبب فضوله
في الحقيقة أعجبتني قصة هاله كانت جيدة وجميلة لكنني كرهه تصرفات نادر لا أعلم هل هو غبي أم ماذا
يرتكب الأخطاء ويبرر لنفسه دون اعترافه بخطئه
وبسبب عدم ��بالاته يكسب الأعداء في أي مكان يذهب له
كرهه قصته مع كساب وأتمنى أن تنتهي فهي مملة
وحتى أنه لا يرى نفسه أخطأ بتوريطه مروة بنت خالته بل إنه يضع اللوم عليها
لحسن الحط لم اشتري السلسلة فقد استمعت إليها

قد أكملها لمعرفة النهايه فقط

[Khaled Omara · Rating 1 out of 5]

بلا نجوم للمرة "انت مدفنتنيش ليييييه" الثالثة
الموضوع تخطى ان الكتاب مجموعة من الحكايات الرديئة الغير متصلة ببعضها
دة بقى مجرد تسويد "انت مدفنتنيش ليييييه" للصفحات بأي كلام و فوسطه الجملة السخيفة دي و حكايات جدتي رحمة الله عليها بتحكي قصص أحلى منها و أكثر تماسكا منها ...
رحماك يا ربي

[Dr. Saleh Bakry · Rating 4 out of 5]

لقد كسب الكاتب القدرة على توصيل الحكايات فى الرواية بأسلوب سلس ليس به متناقضات و لم ارى اى تداخل فى الاحداث كما ان احداث الرواية تعلو و تهبط كحياة الانسان الطبيعية....رواية رائعة و مجهود جبار من الكاتب لتحسين نفسه و قدرته على الحكى يظهر من كتاب لكتاب

[Heba Hegazy · Rating 4 out of 5]

بتخلص بسرعة لييه ؟!! 😔

[Sherif]

الرواية تتلخص تحت عنوان نادر فودة 3 (كل هذا الهراء)
ملل ثم رغي ثم الكثير من الملل😑

[Chaimaa Abdel Hamid · Rating 1 out of 5]

ولو في أقل من النجمة
اخر كتاب هقراه لأحمد يونس🙄

[Youssef · Rating 3 out of 5]

(يوجد حرق)
ليست أفضل من الروايتين السابقتين ابداً.
قلت في مراجعتي لرواية (نادر فودة ٢ كساب):
"اتمنى ان لا يكون الجزء الثالث مجرد كوابيس يعيشها نادر فودة من كساب.. او أن تكون مجرد رحلات للبحث عن "الرعب" ونشرها في جريدة عمق الحدث".
لكن في الحقيقة كساب لم يظهر سوى مرتين تقريباً ووالده ايضاً.
الوقاد وكساب الذي يهابوهم الناس، يتم تقديمهم بسذاجة في جزء أن كان لم يكتب في الرواية لما فرق.
لكن في الحقيقة كانت بعض الأحداث في الرواية عبارة عن كوابيس يعيشها نادر ... ما كنت لا اتمناه بعد قرأتي للجزء الثاني.
قلت: أو أن تكون مجرد رحلات للبحث عن الرعب.
وبالفعل كانت رحلات للبحث عن الرعب، لكنها عرفتنا على شخصية جديدة اتمنى ان لا تظهر في الجزء الرابع كثيراً (هالة).
...
عن نفسي فأنا أحببت ثلاث شخصيات فقط في الروايتين السابقتين وهم بالترتيب:
٣. زوجة الوقاد (نسيت أسمها الآن)
٢. الوقاد
١. كساب.
...
اما الشيخ (لطفي) و(مختار) فأيضاً كان ظهورهم ساذجاً نوعاً ما، وكان يظهرهم كأغبياء.
...
قال (أحمد يونس) في بداية الرواية:
"وافكرك كمان إني من أول مرة كتبت قولتلك إني مش أديب ولا روائى عظيم، أنا راجل علي قدي بكتب حواديت بمر بها للى حابب يقراها وبس.. واخد لى بالك (وبس)"
يبدوا ان (أحمد يونس) قد تأثر من مراجعتنا لسرد الرواية، ما جعله يغير من أسلوب السرد .. الذي أعجب البعض، لكنه لم يعجبني.
وطلب القراء اضافة شخصيات جديدة .. وأضاف (هالة) و(عادل) وشخصيات أخرى كثير ... وايضاً لم يعجبوني.
...
الغريب ان تلك الرواية تقييمها أعلى من (نادر فودة ٢ كساب)، وانها أعجبت الكثير لكنها لم تعجبي صراحتاً.
...
وأهم شيء في المراجعة .. ان الرواية لم تكن مرعبة او مخيفة، بل تعتبر خيالية اكثر حتى من (نادر فودة ١ الوقاد)

[Dr AbdElrhman Samir · Rating 2 out of 5]

واصلت القراءة في هذا الجزء لاعرف باقي التفاصيل وفوجئت بالكاتب يحدثنا عن قصة فتاة أصبحت أميرة لمملكة من الجان وانتقلت لتعيش تحت الارض واصبحت الامر الناهي لهذه المملكة
انا أؤمن بالعالم الاخر وأؤمن بأن الجن يمس البشر ولكن اعتقد انه سرح بخياله أكثر من اللازم هذه المرة ولكن يغفر له عندي انه اعترف أكثر من مرة انه ليس أديبا

[Sarah Amr · Rating 2 out of 5]

نجمتين عشان احمد يونس كشخص واعلامي ومذيع شاطر والتانية للغلاف... اما القصص اللي فالكتاب نفسه فمع احترامي الا انها بلح

[Merna ibrahiem · Rating 1 out of 5]

مافيش فرق بينها و بين الي بتتحكي فالاذاعة؟ ماتستهالش تكتب علي ورق الحقيقة.

[Shimaa (Hamssa) · Rating 3 out of 5]

القصه طولت اوي والموضوع بدأ يبقي سخيف ومبتذل ويستحسن تلحق نفسك … اعمل جزء رابع يخلص الموضوع كله ويكون مستواه حلو بدل الجزء التاني والتالت اللي تقريبا زي عدمهم

[Asem · Rating 2 out of 5]

احمد يونس فشل في الجزء ده لكن الرواية جيدة الي حد ما

[Noran Negm · Rating 3 out of 5]

هي اه الكتابة مش اد كدة و الحبكة مش محبوكة بس نسبيا كان حلو اكتر حاجة استفزتني هو الحب المفاجئ لهالة مش مثلا يمهد و يقول انها جميلة اعجب بيها مثلا لا هو لما لقى نفسو بيموت قال بحبها و انا دلوقتي عايزة اعرف القصة هتخلص ازاي يا احمااااااااااااااااد حرام عليك جزء رابع خلصنا بقى و فعلا بالنسبالي مغامرات نادر بعيد عن الوقاد و كساب مشوقة اكتر من مغامراته معاهم في حاجة ناقصة و بعدين هالة دي كان مفترض ليها كتاب لوحدها دي عايزة اعرف اخرتها ايييه
نصيحة للي عايز يقرى السلسلة دي ميتوقعش كتير تسلية و خلاص مش اكتر و شكرا

[Ameed El-Ghoul · Rating 5 out of 5]

كميه الناس اللي بتنتقد اسلوب الكاتب مهوله، و كميه الناس اللي بتهدد بعدم القراءه مجددا للكاتب سخيفه جدا. الكاتب ليه أسلوبه اللي في ناس انا ضمنهم أجده شيق، مش عاجبك أسلوبه مع السلامه، مش لازم التقليل من الشأن والكلام الهدام. حاسس عندك موهبه اكتر منه، بدل ماتعدل عليه، ورينا العبقريه واكتب انت! يا ريت النقد يكون بموضوعية.
الكاتب في العدد التالت اخد منحنى جديد و اكتر تشويق من القصه الاصليه. هاله اضافه موفقه جدا جعلت القصه اكتر تشويق. كان صعب اسيب الكتاب و خلصت الروايه في يومين.
شكرا للكاتب على الوقت الجميل.

[Ahmed Lila · Rating 1 out of 5]

نجمة وحيدة عشان تعبه في ابتكار الموضوع مش أكتر ، أحمد يونس لا وصل لحسن الجندي ولا مشي في نهج جديد ، الرواية ملهاش لازمة ، كانت ممكن تتلخص في مجرد بوست او ريكورد من بتوعه ..
مادام انت مش مقتنع إنك أديب أو روائي عظيم زي ما كاتب في أول صفحة ، ليه تكتب رواية ورقية .. انا شايف انها مجرد وسيلة لربح مش أكتر
رواية مفيش فيها تخطيط أو فكر أو أي حاجة تزيد من المعرفة بخلاف إنها فيها قصة رعب نوعا ما
مانصحش بيها غير الأطفال .. ويفضل الأطفال يقرو حاجة فصحي

[كيرلس عاطف · Rating 2 out of 5]

نفس رأيي في الجزء السابق
حدوتة حلوة، ولكن ليست رواية
لا يوجد بها اي شيء مميز يختلف عن القصص الإذاعية التي يقدمها أحمد يونس على الراديو او اليوتيوب
مفهاش حاجة تخليني اشتريها، وممكن اكتفي بقصص اليوتيوب عادي

[Mariam Ahdy · Rating 5 out of 5]

رغم ان التعليقات معظمها سلبية
بس بما اني مؤمنة ليه احمد يونس بيكتب السلسلة دي .. فا الجزء دا احلى كتيييير من الجزء ١ و ٢ و مرعب بقى 💥
و قصة هاله ممتعة فعلا ( خلصت الرواية في ليله 🥺)
عمتا النصيحة الدائمة متقراش السلسلة لو مش متابع احمد يونس على الراديو او مش بتحب الكتب باللغة العامية

[Sameh arafa · Rating 1 out of 5]

وحشة اوي

[Ahmed Charisma · Rating 3 out of 5]

بعد الجزء الاول حسيت كل الاجزاء بقى زى بعض .. مجرد تكملة وخلاص

[Ahmed Gaballah · Rating 1 out of 5]

"وافكرك كمان إنى من أول مرة كتبت قولتلك إنى مش أديب ولا روائى عظيم، انا راجل على قدى بكتب حواديت بمر بها للى حابب يقراها وبس.. واخد لى بالك (وبس)"
هذا ما ذكره أحمد يونس فى اولى صفحات تلك الرؤاية او الحدوته بقى بمعنى اصح و ادق، و اظن اننى عندما كبرت و اصبحت لا اخاف من النوم وحدى و قلت لابى اريد ان تقص على حدوته قال لى "انت كبرت بقى على الحواديت ممكن اقولك حاجة مفيدة افضل"، وعلى ما أظن ان حان الوقت لانضج مرة أخرى و أترك الحواديت لغيرى كى يقرأوها.

ما تدور حوله الرواية أو الحدوتة بإختصار بعض حكاوى و قصص المختلفة التى اظنها من برنامجه بالراديو على جملة "أنت مدفنتيش لسه" و بعض الجمل قبلها و بعدها مع الكثير من التكرار ت لبعض الجمل و المقاطع.
الرواية ما هى إلا لنموذج "طالب بإمتحان الثانوية العامة و مطلوب منه كتابة خمس صفحات تعبير وقت الإمتحان قارب على الإنتهاء" هكذا هى الراوية حاول احمد يونس إخراج رواية لجمهوره فى وقت ضيق قبل صدورها بمعرض الكتاب و كانت تلك هى النتيجة التى بين أيدينا.

تقييمى و توضيح بسيط يدل على مدى ما وصلت إليه تلك السلسة نادر فودة:
الجزء الأول (تقييمى كان ثلاث نجوم)
الجزء الثانى (تقييمى لها كان نجمتين)
الجزء الثالث و الذى اكتب تقييمه الان (نجمة واحدة)
اظن هذا يوضح إلى ما قد وصلت و آلت إليه تلك السلسة و أحمد يونس.

بالفعل إنتهى الدرس يا غبى.. يا من قد دفعت المال لشراء تلك الرواية.

[Mohamed Shawara · Rating 4 out of 5]

الجزء الثالث من سلسلة "نادر فودة" والتي كتبت بالعامية سرداً وحواراً

القصة غريبة وجميلة وبتشدك من أول سطر - الجزء الأول عرفنا بالأبطال وانتهى بأحداث هتفتح أمام "نادر" بطل الرواية باب لكل مغامراته القادمة!

الجزء الثاني بدأ بقوة وبأحداث سريعة متتابعة والأحداث مكتوبة بشكل ظريف فعلاً تخليك تاكل الصفحات أكل لتصل إلى نهايتها!

الجزء الثالث أهدى شوية من اللي قبليه ومازالت الأحداث غريبة وغير متوقعة - القصص كثيرة ومتتالية وشخصيات جديدة وحبكة معقولة.

نصف الرواية عن نادر وما يحدث له ولأهله في البلد، ونصفها الآخر موزعة بين "هالة" والتي تعرف عليها وعلى قصتها بسبب عمله كصحفي، وبين عم مدبولي!
أظن أن المؤلف اتجه الآن لفتح باب جديد من القصص عن طريق عمل "نادر" الصحفي! وهو ما سيفتح مساحة واسعة للكثير من الروايات في هذه السلسلة!

لو بتحب قصص الرعب والجن والأرواح والأعمال والعالم السفلي - يبقى السلسلة ديه هتعجبك جداً جداً - ولو مش بتحبها يبقى هتعجبك برضه لإنها مكتوبة كويس جداً :)

#فريديات

استمعت إلى الرواية على تطبيق "ستوريتيل" - ثلاث ساعات و ٣٧ دقيقة.

[Lobna Mousa · Rating 2 out of 5]

" أول مرة كتبت قولتلك إني مش أديب ولا روائي عظيم، أنا راجل على قدي بكتب حواديت بمر بها للي حابب يقراها وبس.. واخد لي بالك (وبس).."
هكذا بدأ الكاتب حكايته في الجزء الثالث من نادر فوده
رسالة موجهة لناقديه يا لها من طريقة طفولية
اعترف أنا من البداية لم أتعامل معها كعمل أدبي بل أعتبرتها حدوته في جلسة سمر حدوته بدلاً من أن تكون مسموعة، لقد قرأتها
بدأت الحكاية بما انتهى به الجزء الثاني موت مصطفى والد نادر وكيف كان مظهر جثمانه مخيف وموت والد نادر والاحلام السيئة التي رآها نادر اختفى دور كساب بعد محاكمة نادر تحت الأرض وحبس مساعدي الوقاد وكساب العارف والحارس والكامن وهدأت الأمور وعاد نادر فوده لتحقيقات ما وراء الطبيعة وقابل هالة التي أصبحت أميرة لسكان تحت الأرض وتسبب نادر في موت والدها وقررت هالة الانتقام وعندها تصادم مع عم مدبولي وانقذته هالة منه بدلاً من الانتقام
القصة التي مفترض أن تكون مرعبة وجدتها مضحكة

[Amira · Rating 3 out of 5]

يونس وضح في أول صفحة على لسان (نادر فوده) إنه راجل بيكتب حواديت مر بيها.. و ده جزء يحترم.. فلنعتبر أن ما نقرأه بين جلدتي الكتاب قصص قصيرة أو حواديت أو مذكرات صحفي يحكي لحظات فارقة في حياته أو شئ من هذا القبيل.. من وجهة نظري أري أن هذه "الحواديت"- كما أسماها كاتبها- جيدة و ممتعة إلي حد ما.. مع التقليل من الاعتماد الكلي علي المقابر كرمز للرعب -كما اعتمد في الجزئين السابقين- رغم وجودها في هذا الجزء لكن بصورة أقل مما سبق
لكن هذا الكساب اتمني ان تنتهي حكايته في الجزء القادم، فالتغيير مطلوب
اتمني منك أنت الكاتب أحمد يونس أن تعيد النظر في الكتابة بالعامية في الجزء القادم، علي الأقل تجرب الكتابة بالفحصى بعد أن تتقنها جيدا و من الممكن أن يتقبل البعض أن يكون الحوار عامي و السرد بالفصحي ستكون الحواديت أكثر واقعية مما تتخيل

[Shahd Abdel Hamid · Rating 3 out of 5]

انا ف الجزء ده حسيت ب ملل ف فترات كتير حسيت ان نادر بقا اوفر ساذج جدا فضولي لدرجة محبتهاش وحسيت أنة جرأتة بقت مشكلة حسيت انة لازم يتعالج مكنتش اعرف قبل ما اقراها أن ف جزء رابع ام كل ما قريت شوية ف الجزء عمالة اقول يارب حاجة تتحل ع مثال أن ده اخر جزء الي هيكشف كل الحقايق انا مش بحب السلاسل والاجزاء الكتير الصراحة بس طبعا مقدرش اقول أن الرواية مش حلوة لا هي حلوة الي عجبني فيها موضوع الصور ع بداية كل فصل الاسامي بتاعت الفصول واكتر حتة عجبتني آخر حتة بتاعت عم مدبولي النهاية محبوكة وعجبتني عشان فيها تشويق للجزء الرابع وبردك هقول اني مستنية الجزء الرابع 👍وموضوع انها كلها بالعامية محبتهوش اوي كنت عاوزة يكون السرد ب اللغة العربية والحوار بالعامية بس انا احترمت وجهة نظرة أن هو بيحكي حاجة حصلتلة مش اكتر واخر حاجة هقلها ان الرواية حلوة بس مش اوي 👍👎