كتالوج الحب

by غادة كريم

أول ما تفعله عند شراء جهاز جديد هو قراءة كتالوجه، وقبل أن تقود سيارة ما تحتاجه هو تعلم القيادة وكذلك قبل أن تخوض علاقة حب يجب أن تقرأ " كتالوج الحب " هندسة تقودك داخل مثلث من ثلاثة أضلاع ..
- الفهم .. ببساطة أن تذاكرالجنس الاخر جيدا وتعرف عن تفكيره واحتياجه والطريقة التى يشعر بالسعادة من خلالها.
- صناعة الونس .. التفاصيل التى تدمنها رغم ادراكك أن الادمان مدمر لكنك لا تملك التغاضي عن البهجة التى تسببها لك بصة عينيه.
- المجهود .. ماذا الذى يفسد العلاقة وكيف يمكن اصلاحها ؟
الحب قانون الكون في النهاية قادرعلى تحسين الأشياء ولو لم تتحسن الان فأنت لم تصل لنهاية الأمر بعد ! .. ابحث أذن عن الاختيارات التي تبعث السلام الداخلي وتسكنك وطن الحب دائما.

Genres: Romance

175 pages

Published January 1, 2018

Reviews

[Hend · Rating 2 out of 5]

من الكتب التي تستمع بها دون أن تخرج بأي شئ مفيد، ربما لأنها "فضفضة" عفوية تلمس القلب أحياناً
بشكل عام اسلوب الكاتبة مميز، لكن العمل الحالي متشابه إلى حد كبير مع كتبها السابقة سواء من حيث الأفكار أو المحتوى لهذا لم يعجبني كثيراً

[إسراء هزاع · Rating 5 out of 5]

الكتاب عبارة عن ٣ فصول عن إزاي تفهم شريك حياتك وتعرف الي يسعده وطريقته في الحب وازاي اتعلم أكون ونس لشريك حياتي والمجهود الي لازم كل طرف يبذله عشان العلاقة تنجح وتستمر

[zahraa esmaile · Rating 3 out of 5]

الريفيو نفس بوست سطور بتاريخ 24/2/2019
سكان كوكب #سطور الكرام
حان الان موعدنا اليومى وكتاب جديد فى #كل_يوم_كتاب_مع_زهرة
وبما ان الجروب ماشاء الله اتملى كوبلز
ف انا النهاردة اخترت لكم كتاب عن العلاقات
معانا النهاردة كتاب كتالوج الحب ل غادة كريم
والكتاب باين من عنوانه
نصائح للمقبلين على علاقة عاطفية ايا كان نوعها
ومتقسم ل 3 اجزاء
الاول:- الفهم(دراسة الجنس الآخر)
ف الجزء دة الكاتبة اتكلمت عن
طبيعة الرجل والمرأة بشكل عام
انواع الشخصيات المختلفة للرجل والمرأة
وايه طبيعة الشخصية الى بتناسب كل نوع من الشخصيات دى
الطموح-الروتينى-المحب للسفر...ال
وسالت اسئلة مهمة
انت بتدور على شريك يناسبك ولا يكملك؟؟
وازاى تلاقى نصك التانى؟؟؟
ف الجزء الثانى اتكلمت عن صناعة الونس
عن فن صناعة الونس ف اى علاقة
الذكريات
اللحظات الحلوة الى بتبقى زى البلسم ع القلب
ازاى تسعد شريكك بلمسات بسيطة بس مهمة بالنسبة له
واتكلمت عن وسائل التعبير المختلفة عن الحب
مسكة الايد....الهدية الى معمولة بشوية مجهود هوة نتيجة مباشرة لاهتمام...حاجات كتير
واتكلمت كمان عن مفهوم الحب عند الاطفال
وحطت افكار حلوة قوى لتقوية العلاقة ددى
الجزء الثالث والاخير من الكتاب كان بعنوان...المجهود
اتكلمت ف الجزء دة عن المجهود الى بيعمله الطرفين لانجاح العلاقة
وعن انواع العلاقات
الى منها بتنور حياتك
ومنها بتسحبك ل ركن ضلمة بتفكر فيه لوحدك طول الوقت
والطرف الثانى مجرد متلقى ومنتقد لاى حاجة وكل حاجة بتعملها
اتكلمت بشكل مفصل عن الخيانة
انواعها سواء للراجل او الست
تاثيرها الأولى والمستمر ع المدى الطويل
حكت عن تجارب كتير لناس من اصدقائها ومعارف من بعيد
اتكلمت كمان عن قرار الهجر...وقرار الرجوع
الكتاب كله اشبه بفضفضة
والى قرأ ل غادة كريم قبل كدة مش هيحس بفرق كبير هنا
ولكن المتعة دايما موجودة مع غادة
الكتاب بالعامية
الى بالنسبة لى مش عيب ابدا
لغته سلسلة...واقتباساته ملهاش عدد
بالنسبة ل ك بنت كتاب لمسنى جدا
واعتقد انه مهم برضة ك كتاب خفيف عن العلاقات
الكتاب متوفر الكترونيا ع الرابط دة
https://bit.ly/2U6YPQ2
بكدة انتهى كلامى عن كتاب النهاردة
استنونى بكرة وكتاب جديد فى #كل_يوم_كتاب_مع_زهرة
دمتم بود
دمتم قراء
التقييم العام 3 نجوم لكتاب استمتعت بيه جدا

[Sherif Adel · Rating 5 out of 5]

كتاب حلو جدا لخص الموضوع بخبره عاليه... اشكرك غاده كريم بنت الاسكندريه....

[Aya Abdelhady · Rating 5 out of 5]

كتاب جميل جدااا، محتواه راقي ومحترم، مناسب لكل الحالات وكل الاشخاص، لازم هتلاقي نفسك فيه، عكس( رسائل حريمي جدا) اللي كنت شايفه انه موجه للمتزوجات والامهات فقط، لكن اشعر انه يفتقد لترتيب الافكار فقط بين الصفحات وتنظيمها

[Yasmin · Rating 4 out of 5]

مكنتش متوقعة احب الكتاب ده..بالعكس اشتريته كده من باب الفضول.. بس الكتاب طلع لطيف جدا جدا..
غالباً هحب اقرأه تاني بعد فترة

[Esraa Muhammad · Rating 2 out of 5]

مفيد أكثر للأقل عمراً وخبرة.. سرد طويل في بعض الأجزاء بدون داعي
اقتباسات رائعة وخاصة نزار قباني

[Amira " MoRoo " · Rating 2 out of 5]

الكتاب عباره عن كبسوله ...كبسوله لخلاصه تجارب تسهل علي الشخص اللذي لم يمر بتجارب ان يتعلم وينتبه...ولكن من يقراه سواء من اصحاب التجارب او لا لن يلتصق في دماغه اي نصيحه او معلومه ...لان الحب تجربه شخصيه قائمه علي ذكاء الطرفين وكل علاقه ليها كتالوجها الخاص بيها...حتي في كبسولاتها ونصايحها هي بتدي نصايح لطرف واحد فقط في احيانا كثيره بتنسي ان الحب علاقه بين طرفين ...سهل اوي اتمسك باللي بحبه واحاول اغير علاقتي معاه واخليها تنجح بس ده مش شرط...لازم الرغبه تكون بين الطرفين ...ويكونوا محتاجين ده بنفس الدرجه ويكونوا علي نفس الدرجه من احتياجهم لبعض...كتاب خفيف ولكن الحواديت بتعلم اكتر والفكره بتوصل اسرع وبتكون لها تاثير افضل واعنف لما تبقي في حدوته ..مش مجرد نصايح افعل ولا تفعل...لاني في الاخر هنسي كل هذا الكم من النصايح....ربنا يقدرني علي الجاي من كتبها...لاني للاسف اشتريت المجموعه كامله بناءا علي نصيحه صديقه لن اثق فيها ثانيه بخصوص ترشيحات الكتب

[Hadeel21 Makhzoumi · Rating 4 out of 5]

" #كتالوج_الحب "
#غادة_كريم
ايا شي جديد بدك تبلش ب استخدامو بحياتك
رح تفتح الكاتلوج يلي جاية معو بالعلبة وتقرأو

حالنا مع الحب مو هيك بس لحتا مانوقع بفخ فهم الطرف الآخر ، منحتاج لنقرأ بعض صفاتو وعاداتو (الجنس الآخر) لانو الاختلاف بين الانثى والذكر كبير جدا بالتفكير و ردات الفعل ..

الكتاب مقسم ل ٣ اقسام " الفهم ، صناعة الونس ، المجهود "
السرد سلسل لكن يلي زعجني الخلط بين العامة والفصحى🙂
يفضل يكون فوق ١٦ ل يلي حابين يقرأوه

وحتا لو متجوزة فيكي لسا تبلشي فيه ♥️

دائما ما تشعر مع كتب غادة كريم بالألفة وقرب كلماتها من قلبك
تقوم بوصف شعورك كما هو

كل الحب♥️♥️

[Mennatallah AlMisherfi ( جارة القمر) · Rating 4 out of 5]

أهم ما يميز غادة كريم شعورها بالبشر، سر خلطتها السحرية هو إحساسها بغيرها وقدرتها علي كتابة ما يدور بعقل كل إنسان.....
كلماتها بسيطة لكنها تلمس الوجدان...
أسلوب الكتاب بسيط تشعر إنك داخل حلقة فضفضة... كأنك بتتكلم مع أهلك أو مع صديقك المقرب...
غادة كريم دائما عندها القدرة علي التعبير بأسلوب بسيط وفي نفس الوقت بيخلق عندك فضول، عند الانتهاء من قراءة كل صفحة تفكر ماذا بعد؟
ما يميز كتابات غادة كريم إنها فعلا بتخلق عندك سلام داخلي وبهجة تمدك بطاقة إيجابية لمسايرة الحياة..
كتالوج الحب هو الهندسة التي تقودك داخل مثلث من ثلاثة أضلاع...( الفهم، صناعة الونس، المجهود) وما أن تفهمه جيدا سوف تحصل علي سلامك الداخلي للأبد ...

[Fatma Ismail · Rating 4 out of 5]

"الحب يسلخنا من حياة لأخرى بسرعة البرق؛ فالعشاق هم سحرة هذا الكوكب، وحده الحب يكفيهم ليسقطوا للأرض أكثر تألقًا من نجوم السماء، حاصلين على لقب عُشاق ليبدأ كل هذا السحر....فالروح لا تستكين إلا بالحب"

أنا بحب "غادة كريم" ودايمًا بشوف ف كلماتها ونس وطبطبة ع القلب والروح ♥️

-أسخف حاجة ف الكتاب هي خلط العامية بالفصحى، اتمنى ملاقيش دا ف الكتب الباقية 💔🙂

[Aya · Rating 1 out of 5]

كتاب كله بيعيد و يزيد عن قد ايه الحب حلو و بنطلع فراشات من جوانت لما نحب و بنتكسر و نتوجع لما بنتجرح و بس
كاستفادة انك تتعلم شئ عن العلاقات وفهمها تقريبا مطلعتش باى حاجة
غير تاكيد الكتابة على فكرة الونس و اهميتها
لكن
اسلوب العرض و السرد كان ركيك جدا
ولولا انه من عادتي لما ابدا فى كتاب اخلصه حتي لو مكنش عاجبني مكنتش كملته

[Sherouk Creations · Rating 3 out of 5]

مفيش فرق كبير بينه و بين علامات الحب و السبعة و رسائل حريمي جداً .. بس عموماً اسلوب غادة كريم دايماً حلو و بتعر�� توصل الفكرة اللي بتتكلم عنها بسهولة و بساطة و خفة دم و اوقات تانية عن طريق مواقف واقعية مرت بيها ...

[Essam Alsulaihi · Rating 2 out of 5]

قرأت هذا الكتاب بعد ان قرأت كتابي مكعبات ثلج و علامات الحب السبع في رائيي هذا الكتاب هو تكرار لما تم سرده في الكتب السابقة و لكن بطريقه اخرى المحتوى هو نفس المحتوى و لكن بعنوان اخر على الكاتبه ان تجد مواضيع اخرى تكتب عنها .. شكرًا غادة

[Nayra Gabal · Rating 5 out of 5]

الكتاب تحفة قبل دخول اي علاقة بيفهمك ويعرفك احتياجات وتفكير الشخص الي هتبقا معاك وكل طريقة تشعرك بالسعاده من خلالها، يعني بتزاكر الجنس الاخر واي الي تعملو عشان تحافظ علي العلاقه واي الي بيفسدها وازاي تصلحها

[Nahed zazou · Rating 3 out of 5]

الكتاب لطيف وانا بحب اسلوب غادة جدا والمقالات حلوة بس محسيتش بأي جديد عن الكتابين اللي فاتو وبصراحة محسيتش بأي اضافة

[Mai El Sebaay · Rating 2 out of 5]

معجبنيش الكتاب لإنه تكرار لأول وتاني محاولة "علامات الحب السبعة ورسائل حريمي جدا"
للأسف متشدتش للكتاب ومشوفتش فيه محتوى .. "مجرد حشو صفحات".

[Sherry Gamal · Rating 2 out of 5]

عجبني انو الكتاب كان عباره عن فضفضه جميله، فضفضه كلنا بنكون عايزين نقولها و حسينها.. حسيين بيها بس مبنقولهاش...كان كتاب مريح نوعا ما!

[Raghda Sarhan · Rating 5 out of 5]

غادة كريم كاتبه رائعة و اسلوبها جميل جدا انصح بقراءة كتبها

[Noha Eletrby · Rating 5 out of 5]

جميل جدا جدا

[Sherin Shoaib · Rating 5 out of 5]

كان افضل كتاب قرأته 2018
دائما ارشح كتب أ.غادة كريم لأي قاريء يبحث عن كتاب ينعش أفكاره و يخاطب روحه

[علي احمد · Rating 5 out of 5]

Ahmed

[Aya Diab · Rating 5 out of 5]

كالعادة أسلوب غادة وطريقتها في تناول الأمور الخاصة بالعلاقات العاطفية والزواج أكثر من رائعة وبتقارب من وجهات النظر بطريقة تمس القلب حقيقي ♥

[Shahd]

h

[Aya Salah · Rating 4 out of 5]

قراءة أولى للكاتبة، وصحبة ناعمة، اتحمست اقرأ باقى الكتب

[نورا سعيد · Rating 4 out of 5]

كتاب رائع

[Nda_ali · Rating 2 out of 5]

كتاب مسلي وعبارة عن "فضفضة" و ممتع لحد كبير
ربما لم استفد منه بالكثير ولكن لم أندم على إهدار أموالي .
النجمتان : لأسلوب كتابتها الرائع

[Sha Hd · Rating 5 out of 5]

جميل

[Nada Aboustate · Rating 5 out of 5]

تحفة 😍😍

[عبيرجمال الدين · Rating 4 out of 5]

حلو اوي