زي ما بقولك كدة، الجزء 2

زي ما بقولك كدة #2

by إسعاد يونس

شايفك وانت ماسك الكتاب وبتقول: يا ترى هو الكتاب ده عن ايه؟
شوف يا عزيزي أو يا عزيزتي، مع مراعاة الفرق بين الجنسين، الكتاب ده بيتكلم عن " كل " حاجة.. آه والله زي ما بقولك كدة
أصل إحنا لما سألنا نفسنا هو إحنا لازم نتكلم عن إيه لقينا إن كل الكلام بيوصل على كل الكلام وبياخدنا لكلام تاني.
أصل احنا قررنا نتكلم عن حاجات بتحصل في مصر، فلقينا نفسنا لازم نتكلم عن حاجات حصلت زمان في مصر، طبعًا ده خلانا لقينا ناس بتعمل حاجات غريبة.. زي اللي بيركن صف تاني، ولا اللي بيكتب على حيطان، ولا اللي بيحط الكراكيب عالسطوح، فهوووب لقينا نفسنا بنروح للطب النفسي وأنواع الفوبيا اللي ممكن تجيلك فتعمل حاجات غريب.
باختصار، لو حابب تاخد لفة كدة، وتلف معانا لفة حلوة على شوية حكايات ومواضيع ومعلومات، يبقي أنت اخترت صح
"أصل الكتاب ده " كله ثقافة وعلوم وفنون وبيسلّي كمان زي السيما
اسمع مني.. زي مابقولك كدة.. الجزء 2.

510 pages, Paperback

Published January 27, 2018

About the author

ممثلة وكاتبة ومذيعة ومنتجة مصرية، ولدت في مدينة القاهرة في عام 1950، حصلت على درجة البكالوريوس من معهد اﻹرشاد السياحي، أثناء دراستها الجامعية وتحديداً بالسنة الأولى من معهد السياحة عام 1968، تقدمت للعمل بالإذاعة في البرنامج الأوروبي، ثم عملت بعدها كمساعد في برنامج الشرق الأوسط ثم تدربت حتى أصبحت مذيعة تقدم برامج الهواء، تزوجت من الفنان (نبيل الهجرسي)، وتعرفت على سمير غانم في مناسبة قامت بحضورها مع زوجها، والذي أتاح لها فرصة التمثيل من خلال مسلسل (ميزو) والذي كان أول أعمالها في مجال التمثيل عام 1977، لتشارك بنفس العام بخمسة أعمال أخرى منها فيلم (دعاء المظلومين)، بينما خاضت تجربة التأليف لأول مرة عام 1985 من خلال فيلم (المجنونة) ثم مسلسل (ليلة القبض على بكيزة وزغلول) عام 1987 والذي تم تحويله إلى فيلم بالعام التالي، والذي حقق نجاح كبير، خاضت تجربة التقديم التلفزيوني من خلال تقديم برنامج (مساحة حرة) على شبكة قنوات أوربت في فترة التسعينيات ثم كررت التجربة من خلال تقديم برنامج (صاحبة السعادة) عام 2014،قامت بتأسيس (الشركة العربية للإنتاج والتوزيع السينيمائي) عام 2000 بمشاركة زوجها رجل الأعمال (علاء الخواجة)، ومن أبرز الأعمال التي شاركت بإنتاجها (زهايمر، رسائل البحر، سهر الليالي)، بينما من أبرز أعمالها كممثلة (شعبان تحت الصفر، يارب ولد، يا رجال العالم إتحدوا).

Reviews

[Sara · Rating 1 out of 5]

أسوأ أنواع الأدب الساخر هو الأدب اللي عارف لا يكون ساخر ولا يكون آدب، اللي في الكتاب ده بالكاد يصلح برنامج راديو درجة تانية عن تفاصيل ومعلومات أغلبها مش معروف مصدرها، لكن آدب ساخر لا..

الموضوعات مكررة بشكل مستفز كل كام مقال في مقال عن مصر وناس مصر وحلاوة وعظمة مصر، مش عارفه أمتى تحديدًا الممثلين والمذيعين هيبدأوا يتعاملوا مع الناس والتطور علي أنه حقيقية، مصر بتاعتكم اللي بتتكلموا عنها وعمرو دياب مع منير بيغني ليها مش مصر اللي 90 % من الناس عايشين فيها، اللي بتشوفوا وتصادفوا مش هو اللي بنصادفه وبنتعايش معه، مشاكلنا مبقتاش موظف بيأخد رشوة ولا إشارة متعطلة ولا ضيوب رخمة، مشاكلنا بقيت أعمق وأسوأ وأسود.

الكتاب ده واللي كتبوا 3 محررين باللغة دي والموضوعات دي يصلح للبطاطا والفلافل، حتى حكاوي الميادين وشخصيات مؤثرة في تاريخ مصر كانت باهتة وأسلوبها الكتابي ممل وضعيف.

أنا قرأت لإسعاد يونس مذكرات نورة المذعورة وكان كتاب ساخر جيد للغاية وتوقعت أن مع النضج هيكون ده في مستواه فيما فوق لكن كتاب بالشكل ده، حتى لفظ كتاب هو تفخيم مبالغ في حقه.

[Mohamed Salah · Rating 3 out of 5]

للتسلية فقط دون اي استفادة

[Mona Said · Rating 4 out of 5]

للمرة الثانية استمتع بقرأت كتاب زي ما بقولك كدة لصاحبة السعادة إسعاد يونس الجزء الثاني .. أنا بستغرب الناس الي بتقول على الكتاب دة أنه للتسلية فقط دون اي استفادة لان أنا شايفة أن الكتاب بسيط في لغته غزير في معلوماته عن شخصيات مصرية أثرت في تاريخ مصر و المرة دية كانت معظم الشخصيات من السيدات المصريات التي برزت في كثير من المجالات في مصر و ما كانش حد عارف عنها حاجة سقطة سهوا من دفتر الذكريات او محدش مهتم يتكلم عنها مع إنها شخصيات عظيمة و صنعت انجازات و في منها تم اطلاق أسمائهم على شوارع القاهرة لكن برضو محدش عرفهم ..
شخصيا استفدت من الكتاب و اخترت منه مواضيع اكتبها في الصفحة بتاعتي my opinion على الفيس بوك و لسة هكتب منه ...
الي اللقاء سيدة إسعاد يونس مع كتابك جايلك في الكلام بس بعد ما اخلص سلسلة ملحمة البحور السبعة للكاتب أسامة المسلم و ارجعلك تاني ...

[Mohamed Fouad · Rating 4 out of 5]

كتاب ماكانش فى الحسبان الصراحة انى اقراءه ولا كنت اعرف اصلا ان الفنانة اسعاد يونس عامله كتب وان ده الجزء الثانى من الكتاب وقراءته وانا فى دماغى انه كتاب صغير وبسيط كده لانى الفترة ده باقرأ بالعافية وبصعوبة جدا بس للامانة كتاب طلع جميل وفيه معلومات جميله وحاجات اول مرة اعرفها وطريقتها فى الكتابة جميلة اوووى

[Mariam Nageh · Rating 1 out of 5]

قرأت الجزء الاول و للاسف ..خيب أملي فيه

[Hala Elnour · Rating 4 out of 5]

لطيف و خفيف اسلوب الكتابه مثل الاستماع الى البرنامج كبسوله معلومات معظم هذا الجزء عن نساء فخر لمصر