‫رجل المستجير‬

by مصطفى حنيجل

"إثمي مثتجير معاطي الحدق.. بحب ربنا وماما وبابا وعندي تلت ثنين ونث" - شطووووور يا مُستجير. قالتها أمي وهي تنظرُ لي بفخرٍ وأنا أردد كالببغاء هذا الكلام ردًّا على سؤال عمتي تفيدة التي تُكرره في كل زيارةٍ وهي تضمني لصدرِها وترفعني في الهواء كأنني قِط مسكينٌ ألقاه القَدرُ بين يديْها فأقسمت ألا تتركه إلا وهو منقطع الأنفاس يلعن دنياه. حاولتُ الانزلاق من بين يديْها فأحكمتْ قبضتَها وهي تُهدهدني وتدفسني في حِجرها، وتقول: - فين سنانك يا بطة.. أكلتها القطة.. يا خواتي صغنن عين أمه. ضاقتْ بي كل سبل الهرب منها وتسللتُ إلى أنفي رائحة عَرقها الممتزج بـ"كلونيا خمس خمسات" فاعترض جهازي التنفسي وكدت أفقد الوعي فكممتُ أنفي بيدي، وقلتُ: - إيه القرف ده.. ريحتك معفنة قوي يا عمتو! انتفضت وشهقت

139 pages, Kindle Edition

Published January 31, 2018

Reviews

[zahraa esmaile · Rating 3 out of 5]

#مراجعات_2020
#رجل_المستجير
من جديد مع مصطفى طاهر...ولكن المرة دي في كتاب أدب ساخر وليس رواية
في حوالي 190 صفحة متقسمة على 18 فصل عشنا رحلة حياة مستجير
من اول الطفولة حتى الطلاق
بنشوف الطفل البلوة الي بيوقع بابه ومامته في مصايب ببراءة شديدة
المراهق الي بيتعرض للتنمر وحركات الندالة من صحابه
الكلية وسنينها وصحاب الهنا
الشغل بمشاكله
والجواز من اول فكرة اختيار العروسة....شراء الشبكة
الجواز بمشاكلة اللطيفة لحد الطلاق
الكتاب لطيف جدا...تحس دايما ان مستجير دة بلوة من بلاوي الزمن
قدرة عجيبة على الخروج من كل المشاكل...والانتقام بطرق شيطانية من كل الى بيضايقوه
تقريبا محدش سلم من انتقامه
طريقة السرد سلسة وفيها خفة دم مخلياك مستمتع بالي بتقراه
النهاية يمكن عجيبة شوية...ولكن دة كتاب أدب ساخر لازم نهايته تبقى كدة
من الكتب الى خلصت معايا ف يوم
ولو قاعد ساعتين فاضي هيخلص معاك بسهولة
عجبني الكتاب
وعجبني تنوع الكاتب لأن رواية"بيت طاهر" مختلفة تماماً عن دة
بحيث باين قوي الفرق هنا
ودة نقطة قوة
3 نجوم لكتاب لطيف فعلا
انتهى الريفيو
#الكتاب_رقم_56_لسنة_2020
#أدب_ساخر
#كتاب_لجلسة_واحدة

[Nonna Mohamed · Rating 4 out of 5]

من تاني مع صديقي مصطفى حنيجل
و حكايه مستجير معاطي الحدق 😁
روايه لطيفه جداً من الادب الساخر.. ١٩٠ص من الضحك المتواصل مع مصايب مستجير ال بيقع فيها بمنتهي البراءه و ياخد حقه بمنتهي الخبث..
روايه خفيفه لجلسه واحده او 2
القاسم المشترك الوحيد بين بيت طاهر و الرجل المستجير ان ابطال الروايتين طلقوا زوجاتهم ف المستشفي😁😁
تنوعك ف الكتابه عظمه يامصطفي
مش لاقيه كلام اقوله غير اني عاوزه كل الناس تقراها عشان تضحك..
اسماء ابطال الروايه و نبذه عن المسخره 😁
مستجير معاطي الحدق
عنطوز حامد دبوس
عم طربوش
عم زعبور
شوقي كباريه
نبيه ازميل
عرسه
زعزوع
جميل جمال و الطاف و الست حسيبه النمر😁😁
والسلام عليكم ورحمة الله 😁🙋🏼‍♀️
الروايه عن دار تويا
#رجل_المستجير📖
#مصطفي_حنيحل✍🏼

[Nesrin saad · Rating 2 out of 5]

يصلح كفيلم كرتون أقرب منه إلى كتاب أدب ساخر

[Moe Elyan · Rating 5 out of 5]

والله الكتاب رائع و انصح به بشدة ، خصوصا أنه كثرت كتب الادب الساخر التي لاطعم لها ، و من بين أكثر من ١٥ كتاب اشتريتها سوية و التابعة لدار تويا فإن أفضلهم كتاب مصطفى حنيجل ، ابداع في السرد القصصي المترابط ، الضحك و روح النكتة و المواقف الطريفة حاضرة للكاتب و تتلمسها من اول صفحتين ، الاسماء المختارة بحد ذاتها مضحكة انتهيت من قراءة الكتاب في جلسة واحدة لأنني حقيقة كنت مستمتعا على عكس الكتب الأخرى التي قلبت معدتي من أولى صفحاتها و لغتها الركيكة العامية المصرية . أما كتاب مصطفى حنيجل كان مختلفا و مميزا و اتمنى ان ارى كتبا جميلة للاستاذ مصطفى حنيجل عما قريب .

[محمد الشافعي · Rating 3 out of 5]

رجل المستجير
مصطفى حنيجل
أنت جبت الأسماء دي منين ؟؟؟
جت جوة دماغك ازاي ؟؟؟
مستجير الحدق وعنظوز دبوس
رحلة في حياة كائن المستجير من لحظة ولادتة إلى لحظة طلاقة
بس بصراحة ممتعة

[Nourhan · Rating 3 out of 5]

رجل المستجير، ٢٠١٨م، مصطفى حنيجل

تجربة ناجحة و عمل جيد جداً في عالم الكوميديا و الأدب الساخر.

الكتاب عبارة عن فصول تتناول أهم المواقف في حياة الشاب "مستجير معاطي الحدق" منذ طفولته إلى طلاقه.
تدور الاحداث في قالب كوميدي و اجتماعي واقعي جدا و اعتقد يعكس حال كثير من الشباب و الأسر. مصاعب الثانوية العامة و إيجاد عمل ثم التجهيز للزواج و التعامل مع أهل الزوجة و الحوار بين الزوجين، كل هذا تم تصويره كمرآه للواقع و بشكل كوميدي.

استخدام اللغة الفصحى مع العامية كان موفقاً -من وجهة نظري- و عكس الواقع بصورة تلقائية، بالرغم أني لا أفضل استخدام العامية بشكل عام.

مقتطفات 

تحركت بنا السيارة و عند أول مطب ضغط السائق على الفرامل باحترافية تامة شعرت معها أنني ابتلعت لساني و التفت اطمئن على ألطاف خوفاً من أن تكون انزلقت تحت الكرسي، و لكني وجدتها سالمة آمنة و بصحة جيدة، و رفعت حاجبها و قالت: -إيه يا راجل بتبص لي كدا ليه؟ -مفيش يا ألطاف.. بطمن عليكي. و فجأة سمعنا صيحة اخترقت آذاننا لسيدة ثلاثينية في الكرسي الأخير أغلب الظن أن ميعاد ولادتها بعد دقائق: -هو مفيش نظر يعني.. واخدينها بالقوة و الدراع. التفت لالطاف، و قلت لها بغضب: -متتحشريش في اللي ملناش فيه.. خلي يومك يعدي. -إيه يا مستجير.. الولية كانت هتسقط! -يا ستي و انتي اللي هتولديها.. ما تخلينا في حالنا!

[Hana Abdelmonem · Rating 4 out of 5]

مصطفى حنيحل:خريج كلية التربية قسم علم نفس اه مجموعة قصصية بعنوان "عود السوس" ويعتبر رجل المستجير كتابه الثاني .

تاريخ الإصدار : يناير 2018
دار النشر :تويا للنشر والتوزيع
عدد الصفحات :190
اللغة :السرد بالعربية الفصحى والحوار بالعامية المصرية
التصنيف : كتاب ساخر

تقييمي الغلاف :3,5/5
تقييمي للرواية هو :3,5/5

خفيف ولطيف بس مكرر!

[Gehan Mohamed · Rating 1 out of 5]

عنف كتير من اول الكتاب مقدرتش استحمل اقراه للاخر

[Mohamad Elayan · Rating 3 out of 5]

اعجبني الكتاب , من حيث القصص و طريقة التعبير خصوصا انه ابتعد عن العامية المصرية التي تعودت عليها من كتب تويا
لكن الكتاب رائع و مضحك جدا , النهاية كانت سيئة برأيي و بعيدة عن الواقعية

[Mohamed ALZakwani · Rating 4 out of 5]

سرد جميل و مشوق لحياة مصرية. ذكرتنا بأفلام الثمانينات اعجبتني

[Moataz Alatroush · Rating 4 out of 5]

مواقف كوميدية لا تخلو من العنف (الذي يتمثل في انتقام مسجير) كرد فعل لما يحدث له
وبالرغم من ذلك فهو كتاب ممتع لا تستطيع القيام قبل ان تنتهي من قرائه.

[Ahmed · Rating 5 out of 5]

كتاب من الأدب الساخر مزج فيه الكاتب بين العامية والفصحي ويحمل الكتاب بين طياته قصة ذات طابع كوميدي توضح الحس الفكاهي للكاتب الذي أتوقع له مستقبل باهر حيث يذكرني بالعملاق عمر طاهر

[Yamen Elawamri · Rating 1 out of 5]

مع الرأفة

[Reham Mohamed · Rating 1 out of 5]

اللغة جميلة بس الحقيقة مفيش فيها أي شيئ من الكوميدية، غير الوصف لبعض المواقف كان سيئ
لو دي أول كتاباتك فهي كويسة جدا وأكيد هيكون فيه تطور بعد كدة

[Gamal soliman · Rating 3 out of 5]

خفيف ومسل ولا بأس به

[Walaa Reda · Rating 5 out of 5]

لطيف وخفيف جدا