آخر نفس

by إسلام شاهين

انت عارف أنا مُشكلتي إيه؟! مُشكلتي إنّي بفكّر كتير، عقلي بيهتم بحاجات مش المفروض إنّه يهتم بيها، وبينسى يهتم بالحاجات الأهم، كُلّهم شايفيني قفيل عشان صامت ومبتكلمش، بس الحقيقة إن في جوه دماغي كلام كتير بيتقال، حوارات وهمية بين ناس مش موجودين، قصص حُب وغرام عشتها ف خيالي أنا وبس، وبطولات، بطولات ف كُل الألعاب اللي مُمكن تتخيلها، لمّا ببقى قاعد مع صحابي ف مكان عام كُلهم بيُقعدوا يهزروا ويضحكوا، إلا أنا، أنا بركز ف حاجات محدش بيشوفها غيري..

251 pages, Paperback

First published January 27, 2018

Reviews

[Ahmed Magdy · Rating 5 out of 5]

الحياة عبارة عن كام نفس، أنفاس داخلة وأنفاس خارجة، زي كل حاجة بنعيشها فيها، زي الأشخاص اللي بنعرفهم في حياتنا، فنجان القهوة اللي متعود عليه الصبح، وزي علاقتنا بكل حاجة حوالينا، كل حاجة ليها تفاصيل ومراحل بنعيشها، بس ازاي نعيشها صح؟ ازاي مانحسش إننا ضيعناها ع الفاضي وماندركش ده إلا مع آخر نفس؟
آخر نفس كتاب بيتكلم عننا، عن حياتنا وتفاصيلنا اللي محدش بيفهمها ويقدرها غيرنا، وعلاقاتنا بالناس والعالم حوالينا، علاقاتنا بماضينا وحاضرنا ومستقبلنا وفهمنا لنفسنا وللحياة اللي عايشينها.
تفاصيل كتير متلخبطة جوانا، مكتوبة بلغة عامية بسيطة وأسلوب يخليك تلاقي نفسك في وسط الكلام وتسرح معاه.
بس هو مجرد أول نفس في طريق إسلام إنه يبقى كاتب عظيم.

[إسراء هزاع · Rating 4 out of 5]

مجموعة قصص صغيرة، لطيفه ولذيذة جدااا ومش شبه بعض خالص، يخلص في وقت قصير وحلو جدااا ❤️❤️❤️❤️

[Marise · Rating 5 out of 5]

• اسم الكتاب: آخر نفس
• اسم الكاتب: إسلام شاهين
• دار النشر: دار تويته للنشر والتوزيع
• عدد الصفحات: ٢٥١
• النوع: حكايات

• نبذة عن الكتاب:
- يتكون الكتاب من ٤٠ فصل منهم قصتين ممتدين (جاءت كل منهما على ٣ أجزاء متفرقين) لذا أنصح بالرجوع للفهرس لقراءتهم متتاليين.
- نشر الكاتب جزء كبير من القصص على صفحته الشخصية في السوشيال ميديا، ولكني فضّلت اقتناء الكتاب
- جاء جزء لا بأس به من الحكايات عن عائلة الكاتب نفسه؛ جده، جدته، اصدقائه وغيرهم مما أضاف الدفء على تلك القصص 💜

• اللغة: مزيج بين الفصحى والعامية

• رأيي في الكتاب:
- أول كتاب اقرأه وأول كتاب يحببني في القراءة بشكل عام، والكاتب من أكثر المؤلفين القريبين لقلبي، لذلك قررت أن ابدأ الصفحة بيه 💜
- حبيت جداً حكاية "ده اللي فاضل مش كتير" وحبيت اختيار المؤلف ليها عشان تبقى أول قصة في الكتاب وحقيقي كانت افتتاحية موفقة جداً 🌸🌸
- وبالحديث عن القصص، ف أنا عيشت كل المشاعر الإنسانية اللي في الكتاب ده، ضحكت وعيطت واتكسفت وقشعرت 🤭 وبجد الكتاب عبارة عن كم هائل من المشاعر الإيجابية والواقعية، والدروس المستفادة 💜
- وطبعاً أنا قريت كل أعمال الكاتب وهنزلّكم ريڤيوز عنها الفترة الجاية 💜

• لو عجبكوا الريڤيو؛ ممكن تعملولي فولو ع الانستجرام (marise.is.reading) 💜
• وهتلاقوا كل الاقتباسات هناك في الستوري متثبتة في الHighlights 💜

[Alaa Elmajid · Rating 5 out of 5]

شكرا ع الكتاب حقيقي فوق توقعي من ساعت ما نزل وانا بدور عليه ولقيته بالصدفه ف سعد..
كل حكايه بتاثر فيا.. وكل حكايه كنت قريها لما نزلت ع الفيس قرتها تاني واثرت فيا وكأني بقراها لاول مره..
حرفياا مبسوطه جدا ..
ودايما من نجاح لنجاح وتقدم. ❤❤

[Bassant Khaled · Rating 5 out of 5]

آخر نفس هو توضيح لكراكيب حياتنا كلها في كتاب ، وأول نفس ليك...🌸

[Ziad Abdo · Rating 5 out of 5]

Good writer

[book_ kuma · Rating 3 out of 5]

مشاكلي مع الكتاب مكنتش كبيره بالعكس انا حبيت جدا جدا اسلوب الكاتب و متاكده بنسبه كبيره انه وقت ما ينزل كتاب تاني اكيد هجيبه و اقراه ... مشكلتي الوحيده ان القصص او الحكايات كان فيها حاجات كتير زي بعض نفس الفكره او نفس القالب متكرر ... بس ده ميمنعش ان في قصص مختلفه و اني حبيت جدا التنوع بين ان يكون في قصص اجتماعيه و رومانسيه و نفسيه و احيانا سياسيه ... اتمني ان الكاتب يكتب كتاب او روايه تاني عن قريب ❤❤❤

[Sherehan Mohmed · Rating 5 out of 5]

انت فجائتني كل حاجه حلوة فالكتاب ده
عباره عن كوكتيل فاكهه لذيذ جدا
عامل تناغم كده وشويه بهارات ومشاعر صادقه ولطيفه بتجذبك وتخليك منتعش طول م انت بتقريء الكتاب .. go on ومستنيه كتابك الجديد بفارغ الصبر 💜

[Jasy Raft · Rating 4 out of 5]

هو عبارة عن حكايات مكتوبة باللهجة العامية
هي حلوة ومتنوعة بس المشكلة انهم كلهم مكتوبين يعتبر بنفس الاسلوب او نفس الطريقة.. مع ان فيه حجات المفروض ان الnarration بتاعها first person او بمعنى أصح اللي بيحكي القصة عو البطل بتاعها ف حاجة زي كدا المفروض عالاقل احس باختلاف في القصص بس انا كنت بحس انو نفس الشخص هو اللي بيحكي.. كنت طول الوقت حاسة ان اسلام شاهين هو اللي صوته في دماغي بيحكي مع اني معرفش صوته اصلا 😂 بس اقصد اني حاسة ان نفس الشخص هو اللي بيقول كل القصص
القصص فيه منها كتير حجات بتلمس القلب زي خصوصا قصة نور وامل انا دي عيني دمعت اصلا وانا بقرأها🥺💔
من ضمن الحجات اللي ضايقتني برضو حوار ان القصة اللي ليها كذا جزء مش محطوطين ورا بعض لا متنطورين كدا في الكتاب ف كنت بتوه وانسى هم دول مين من كتر ما فيه قصص كتير ومجرد ما بخلص قصة وادخل عاللي بعدها بنسى اصلا شخصيات واحداث القصة الاولانية
اسلوب الكاتب حلو جدا اللهم بس سعات بحس بمشاعر فياضة زيادة عن اللزوم بتموع النفس كدا.. 😂
من ضمن الحكايات كان فيه واحدة رعب.. كانت حلوة جدا وكان وصفها حلو أصلا اسلوب اسلام شاهين في السرد جميل جدا ف انصحه يجرب يكتب رعب او اكشن على سبيل التغيير من الحجات الاجتماعية

[Huda · Rating 3 out of 5]

اول ما بدأت قراءة في الكتاب ده الصراحة قلت مش هكمله يمكن عشان مش بحب الكتب المكتوبة بالعامية أو يمكن عشان الكتاب مش زوقي بس معرفش في حاجة غريبة شدتني
اكمل الكتاب والصراحة كان هيفوتني كتيرلو مكنتش كملت الكتاب ده
الكتاب في حكايات حلوة اوي كل حكاية فيهم هتمس قلبك اكتر من الحكاية ال قبليها متأكدة انك اكيد هتلاقي نفسك بطل احد الحكايات دي ده لو مكنش هتلاقي نفسك في معظمهم او يمكن كلهم
مبسوطة جدا اني كملت الكتاب وموقفتش عند اول كام حكاية بس
حقيقي كان نفسي ادي للكتاب خمس نجوم ولكن الكتاب عيبه الوحيد انو باللغة العامية حقيقي العربية الفصحى كانت هتبقا رائعة في وصف الحكايات دي
❤️ ولكن الكتاب كان تجربة رائعةكان زي الشمس ال اشرقت في وسط زنقة المذاكرةوالامتحانات ❤️
كتاب هيخليك تضحك وتعيط وتتخض وده يصعب عليك وده تبقا عايز تقوم تديله علقة 🙂
حقيقي كان في شخصيات مستفزة 🙂
من الآخر هتحس ان الكتاب حد قريب منك زي اعز اصحابك او اخوك مثلا

[Yousef Hasan · Rating 4 out of 5]

مجموعة قصص تحس انك عيشتهم كلهم من كتر ما هم مألوفين، و في نفس الوقت بتحس ان أول مره تقرأ حاجه شبه اللي مكتوب. فيهم اللي هيضحكك و اللي هيحسسك ب نوستالچيا و اللي كفيل يخليك تبكي. و أكتر حاجه عاجباني ان من اول قصة لحد آخر قصة في تسلسل جميل جداً و كل قصة بتسلم اللي بعديها كأنه ماراثون، و مع كل تبديل بتعيش مشاعر مختلفه و متنوعة و أحلى من بعضها. خفيفة و مسلية و ممتعة لدرجة كبيره جداً.

[Alaa Elbarshomy · Rating 5 out of 5]

حرفياا عجبتني اوييي

[Mariam · Rating 1 out of 5]

توووووووووحفاااااا

[Rowan Neklawy · Rating 5 out of 5]

! 🌷ازاي شخص يقدر يوصل مشاعر ولطف بالطريقه دي

[Hassan Ezz ElDin · Rating 5 out of 5]

مجموعة قصصيه مشوقة ورائعة
أسلوب رقيق وراقي

[Jomanah Ahmed · Rating 5 out of 5]

مجموعه من حكايات مذهله كل حكايه اجمل من التانيه

[Haidy Saleh · Rating 4 out of 5]

كل قصه بتخطف القلب وحقيقي أكتر كتاب حبيته ❤

[كريم إبراهيم · Rating 5 out of 5]

❤❤❤

[Mariamomar]

جميل

[Ahmed Samir Omran · Rating 4 out of 5]

كتاب عبارة عن مجموعة مقالات مختلفة اجتماعية ستجد نفسك في واحدة من هذا المقالات
بالتوفيق للكاتب

[Sama · Rating 5 out of 5]

جامده

[Maha · Rating 3 out of 5]

كل شخص بتقابله بيواجه معركة أنت ماتعرفش عنها حاجة، خليك لطيف دايمََا.

[Raouf Barakat · Rating 4 out of 5]

مجموعة حكايات من واقعنا اليومي في كل حكاية تجد التسلية والإمتاع إلى جانب درس مستفاد من كل حكاية كتاب رائع جدا وممتع

[محمد أحمدفؤاد · Rating 5 out of 5]

"آخر نفس"
في معرض الكتاب 2021 وقفتني بنت من دار النشر الخاصة بالكتاب ده وقالتلي بتدور على ايه؟ قولتلها كالعادة عايز كتاب رعب
قالتلي طب خد الكتاب ده "آخر نفس" اقرأه هيعجبك أوي، وفعلًا أخدت الكتاب..
لأول مرة من فترة كبيرة يكون عندي القدرة والشغف اني أخلص كتاب كامل في قاعدة واحدة بس حقيقي الكتاب ممتع وجميل جدًا وبشكر الصدفة "أو زي ما الكاتب بيقول مفيش حاجة اسمها صدف" ف بشكر القدر اللى خلاني أقرأ الكتاب ده
- الوِلعة الصُغيّرة
- مابسلمش على بنات
- الحب حلو
- لوحدى
- الكيف
- إسلام ونورا "وكنت حقيقي هزعل بجد لو النهاية كانت غير كده" لأول مرة مبقاش حابب الفرصة التانية ولأول مرة أحس ان مينفعش اسسامح حد على حاجة مهما كان مكسور "الدين لازم يترد سواء عوزنا أو ماعوزناش"
دول أكتر قصص دخلت قلبي ولمستني من جوه مع العلم ان كل الحكايات رائعة ومفيش واحدة فيهم فيها ولو خطأ واحد
لو فيه أكتر من 5 نجوم حقيقي مكنتش اتأخرت
شكرًا إسلام شاهين

[Nayrouz Salah · Rating 5 out of 5]

حرفيًا الكتاب جميل جدا و فيه قصص حلوة اوي و متنوعة و في اغلب القصص فيها حاجة هادفة و رسالة مش مجرد قصة و خلاص و حرفيا مسلية جدا يعني عمري ما حسيت بملل خالص و اناوبقراها 💜💜💜💜

[مروان · Rating 4 out of 5]

مروان