اقفشى عقلك ف 30 يوم

by نهى زهرة

ف كتابنا ده هتكتشفى الآتى:
- خطة عمل لتدريب عقلك ببساطة لمدة شهر كامل.
- قياس لدرجة التحكم العقلى فى بداية، منتصف و نهاية الكتاب.
- خطوات عملية لتغيير إيجابى شامل فى حياتك.
- قصص نجاح مارست التقنية.. وحياتها اختلفت!
- سر جودة الأفكار و الحكمة فى إتخاذ القرار.
- طرق مختلفة و مصورة لتنظيم وتحديد أهدافك للتغيير.
- لو عايشة بمبدأ أهى عيشة والسلام، يبقى الكتاب ده علشانك!
- الدعم اللى نهى بتقدمه فى البرنامج اللى فى الكتاب.. هتحققى بيه التوازن اللى نفسك فيه.

264 pages, Paperback

Published January 1, 2017

About the author

نهى زهرة عملت فى مجال التعليم لأكثر من 15 عاماً فى نظم تعليمية و مناصب مختلفة..
وهى أيضاً مدربة معتمدة فى مجالات عديدة بسبب شغفها بالتعلم ونشر العلم لمساعدة فئة السيدات، لأنها من وجهة نظرها هى عمود الأسرة وعضو رئيسى فى تغيير التعليم للأفضل.

Reviews

[Shereen Adel]

كتاب كده السهل الممتنع😊 
Tools and techniques 👌🏼
عمليه و سهل تطبيقها و كمان متجربه ف ده مديها مصداقيه عاليه جدا 🦋

حبيت الكتاب و صحبة الكتاب لانه العطاء و الخبره دول ميجوش غير من حد مثقف و دارس و قاري كتير و عارف بيقول ايه 💞
A must read 👍🏼👍🏼

[Nourelhoda]

الكتاب ده انا بدأت بيه ٢٠١٨ وحسيت انه هيكون فارق في حياتي
وبعد ما اشتريته مقدرتش اقوم الا لما أخلصه
بس هو مش كتاب تقريه ويبقى خلص
عامل زي المرجع في تطبيقات هتلاقي نفسك جبتي قلمك وبدأت تكتبي وتتفاعلي مع الكتاب
هو كتاب تفاعلي
وفيه مكان علشان تكتبي خطواتك واحدة واحدة مع الكاتبة
ولغته سهلة وجميلة هتحسي ان حد بيتكلم معاكي
كل ما بحس اني حياتي اتلغبطت بجيب اقفشي عقلك ونرتب الدنيا سواااا
شكراااااا يا نهى على الكتاب
ومنتظرة اللي بعده واللي بعده 🌹🌹🌹🌹

[Sara Elzarka]

الكتاب لطيف للسيدات العاملات فى مجال التربية والتعليم سواء فى مرحلة المدرسة أو الجامعة لأن واضح ان مشاكلنا واحدة، يمكن أهمها التوازن بين البيت والشغل والحالة النفسية. الكتاب مكتوب باللغة العامية وفيه خطط عمل لتطبيق الافكار المكتوبة. هو الكتاب كويس بس فيه ورق فاضي كتير ويعتبر غالي جدا بالنسبة لمحتواه.

[Eman]

كتاب لطيف فيه افكار هايلة معروضة بطريقة مبدعة، غير تقليدى من حيث طريقة العرض و الشكل والمضمون. فكرة التمارين والتطبيقات هايلة بتساعد على الابداع و التفكير. استمتعت بقرايته و بالتطبيقات .محتاج يتقرى اكتر من مرة و تطبيق التمارين عشان تحصلى على الاستفادة المرجوة. شكرا نهى على الكتاب 😉

[Nesma]

كتاب حلو بسيط و خفيف لكن مؤثر
عجبني استشهادها بمواقف شخصية و انها كمان كانت بتذكر references لحاجات كتير فرقت معها

[Basma Ashraf]

الكتاب ده ممكن تقوله عليه انه السهل الممتنع 🤔🤔
يعني في البدايه هيجذبك ليه بسهولته وسلاسه نهي في سرد افكارها ،وفي النص هيبهرك بعمق أفكاره😉 وفِي نهايته هتتفاجي انه بيخلص🤭 بس انت مش كنت عاوز كده😥 ،ولما يخلص تتساءل هو ازاي خلص 🤔 🤔الخلاصه الكتاب ده صديق "خفيف عميق حكيم مؤثر" ،هو من وجهه نظري مش مجرد كتاب علي قد ما هو قابل للتطبيق بخطوات بسيطه هتحس بعمقها وعمق الكاتبه
وجمال روحها -وتعشقها حب من اول نظره - وانه ناتج عن خبره مش اَي كلام وخلاص 😎ولما تطبقه هتنبهر بالنتيجه 👌🏻.

[Nesmahassan]

حسيته اقرب لسيره ذاتيه للمؤلفه وتقييم لنفسهم بصراحه محبتوش

[Marwa Mahfouz]

كتاب اسلوبه سهل وبسيط،،،
مناسب لجميع فئات المجتمع،،،
تشعري اثناء قراءتك للكتاب إنك جالسه تتحدثين مع صديقة لك،،،
التطبيقات الموجوده في الكتاب اذا طبقتيها واستمريتي علي تطبيقها فتره ستغير كثيرا من تفكيرك للأمور ولكل المشاكل التي حولك ،،،
سيصبح عقلك اكثر نُضجًا ووعيا فتكون نظرتك للامور نظرة مختلفه عن نظرة من حولك من الناس،،،
فهذا الكتاب به طرق مختلفه لتغذية عقلك وروحك وجسدك ولذلك انصح الكل بقراءته والإستفاده بما فيه.

[Athar Ahmed]

الكتاب جميل جدا وخلصته فى شهر فعلا، العنوان مناسب لمحتوى الكتاب، مليان معلومات ونصائح واراشادات 🧠
ولكن نقدى الوحيد للكتاب هو ان مش كل الناس عايشة نفس الحياة او متاح ليها نفس الظروف اللى تقدر تنفذ فيها الحلول دى ، فى ناس كتير عندها معوقات تمنعها اصلا انها تاخد اى قرار، اللى عاوزة اقوله "ان الكتاب حلو جدا ، لكن مينفعش لكل الناس" ودى شئ طبيعى جدا 💫

- آثار أحمد 🪐

[Amaal]

الكتاب عبارة عن كورس محتاج تطبق كل كلمة فيه

[Farieda]

جميل ♥️🥰

[Farah]

Great

[Nora Hamed]

كتاب كويس بس ناقصه التشويق
انا من النوع اللي شايفه اني لو قفلت الكتاب ومفكرتش فيه تاني ، بمعنى اني مش متحمسه اكمل قرايته بحسه مش احسن حاجه .. وده اللي حصل ف الكتاب ده

[Mai Wagdy]

مكان الكتاب دا فين

[Sarah Mohammed]

Good book

[Basma Reda]

كتاب سطحي للاسف لا يحتوي على معلومات قيمة

[Shimaa Ibrahim Khalifa]

كتاب ملهم كتاب يخليك تنظم عقللك صح وعاوز تقوم تشتغل وتنجح شكرا نهى😘

[Hager]

Baby step guide to create balance in your daily life 👌👍
Get you colors before you start 🎨

[Ingyabdallah1hotmail.Com]

كتاب جميل بيساعد علي التغيير وتحديد اهدافك واكتشاف مهاراتك والاصرار علي النجاح شكرا يا نهي