شفرة روميو وجولييت

by Hesham El-Gamal

كتب كتير اتكلمت عن الرجالة والستات.. دكاترة علم نفس وأخصائيي علاقات زوجية شرحولنا الاختلافات السلوكية بين الجنسين.. لكن ما حدش قال لنا هي الاختلافات دي جت منين وموجودة ليه؟ ليه الرجالة عينيهم زايغه مثلا؟ ليه الستات ما بينسوش حاجة أبدًا؟ ليه الجنسين بينجذبوا لبعض بس ما بيفهموش بعض؟
الكتاب ده بيقدم تفسيرات منطقية وعلمية لكل الاختلافات اللي بنستغربها في بعض، وبيجاوب على الأسئلة اللي بتدور في ذهننا عن الموضوع ده بشكل عميق وبسيط في نفس الوقت.. كتاب حايغير نظرتك للجنس الآخر.

Genres: Psychology, Self Help

195 pages, Kindle Edition

Published January 27, 2018

Reviews

[Neiveen essam · Rating 5 out of 5]

يمكن يكون ده من أحلى الكتب اللي قريتها اللي بتتكلم على طبيعة الاختلاف بين الراجل و الست يمكن الجزء الاولاني من الكتاب كان بالنسبة لي مش ممتع اوي لانه كان معتمد بنسبة كبيرة على الجانب العلمي في تفسير الاختلافات دي بما في ذلك اختلاف الطبيعة الجسمانية و الهرمونية بين الراجل و الست و لستة من اسامي الهرمونات فالموضوع جنّح على حصة أحياء حبتين فمكنتش مستمتعة اوي بس لما بدأ الكاتب يركز علي الجانب النفسي و خصوصا بعد ما الشخصيتين اللي ف الكتاب اتجوزو الموضوع اختلف خالص معرفش بقة دي صدفة و لا دي حاجات اغلب المتجوزين مش من كتير زي حالاتي بيواجهوها ... خلاصة الكلام انا شفت الاختلافات اللي بيني و بين جوزي واضحة وضوح غير عادي و ما شاء الله بيتخانقو نفس خناقاتنا بأسبابها و ايه طرق حل المشاكل دي ... و ليه في متجوزين بيكملو و ليه فيه متجوزين مبيكملوش و ايه اسباب الخلافات دي اصلا ... من الاخر .. كتاب هيغير تفكير اي اتنين متجوزين...و الحلو ان الكتاب اتكلم عن اختبارات نفسية و ف اخر الكتاب في لينك عشان كل حد يعمل الاختبار ده... فعلا كتاب حلو #الثقافة_حلوة 📚📚

[مي حمزة · Rating 4 out of 5]

شفره روميو و چوليت
الكتاب المره دي مختلف حبتين عن نوع الكتب اللي اتعودت عليهم و اللي بالنسبه ليا كان مفاجأه انه يشدني خصوصا بعد ما فشلت في اني اقرا نوعيه الكتب دي قبل كده زي كتاب "سندريلا سيكريت" و كتاب " الرجال من المريخ و النساء من الزهره".
الكتاب ده علي الرغم من انه مكتوب بالعاميه و اللي يعرفني يعرف اني مستحملش اقرا كتاب بالعاميه ابدا الا ان كميه المعلومات فيه كانت فعلا مش هتنفع تتفهم غير بالاسلوب ده( ملحوظه العاميه فيه مش اسفاف لغوي زي بعض الكتب التانيه).
الكتاب قائم علي علم و ابحاث و بالتالي هو مش حشو كتب عن العلاقات ،ووجود تفسير علمي لكل مشكله بنواجهها هيخليك مقتنع تماما ان المشكله مبقتش موجهه لشخصك و ده بيخفف حده التوتر اللي معظم جيلنا بيمر بيه.

اوعد اي انسان عنده مشكله في علاقته بشريك حياته انه لو قرا الكتاب ده و هضم الافكار فيه هيرتاح نفسيا بنسبه لا تقل عن ٦٠-٧٠ ٪؜ (طبعا نسبه مش علميه 😂) بس تنبؤ بمدي نجاح الكتاب في انه يخرج طاقه سلبيه من دماغك و قلبك.
معرفش الكتاب متاح في السوق ولا لسه بس دوروا عليه و اقروه و سلفوه لحبايبكم علشان احنا فيه حاجات كتير قوي عن نفسنا لسه منعرفهاش.

[د · Rating 3 out of 5]

كون اني أصلا اقدر اكمل كتاب من هذه النوعية هي شهادة في حد ذاتها للكتاب.
الكتاب أسلوبه سهل و بسيط، الكلام يبدو منطقي و مش محتاج قواله بس البني آدم نساي و مطلوب أن حد يساعده يفتكر.

[Ahmed Magd · Rating 5 out of 5]

انا فى العادة اكتر قرائاتى بتبقى فى مجالات التاريخ والاقتصاد والفلسفه، وقليل جدا فى مجال العلاقات العاطفية لانى كنت عامل معادلة خاصة بيا للموضوع ومكتفى بيها، او على الاقل كنت فاكر كده، لحد ما قرأت كتاب روميو وجوليت.

اول مرة قرأت الكتاب خلصتة فى ليلتين، وبعدين قرأته مرتين تانى بتأنى اكتر، لانى كنت عاوز معلومات كتير مهمة تثبت فى ذاكرتى. الكتاب غير تقليدى خالص فى مضمونه واسلوب السرد سلس جدا ودمه خفيف وبيتناول موضوع العلاقة العاطفية بين الراجل والست من زوايا جديدة، اعتقد ان اغلبية الناس فى المجتماعات العربية ما بتفكرش فيها. ومن اكتر مميزات الكتاب اللى عجبتنى المعلومات العلمية المشروحة ببساطة تخلى الكتاب جذاب جدا لاى قارئ، بغض النظر عن السن.

الكتاب خلانى اقرر اعيد التفكير فى قناعاتى الشخصية بالنسبة للعلاقات العاطفية وعمل تعديلات على المعادلة اللى كانت مرجعيتى فى الموضوع ده.

[Fatma Ismail · Rating 5 out of 5]

بفضل اكتب الريڤيو بلغة الكتاب 😅💛
هو فعلا كتب كتير اتكلمت عن الرجالة والستات والعلاقات بينهم..بس دا أول كتاب اقابله يجيب التاريخ من أول كدا وبالأسباب كمان .
اللطيف ف الكتاب إنه لغة عامية "مع إن أنا ضدها ف بعض الكتب" بس الكتاب لطيف لأنه بالظبط زي ما تكون بتتكلم مع حد.
من أول قرأت الكتاب وأنا مندمجة معااه جدااا، لدرجة كنت بنام وأنا بقرأه 😅😅💛، ومكنتش بسيبه غير للشديد يعني
احتفظت بكذا اقتباس عندي ف النوت وع البروفايل عندي وشااركته مع أصحاابي..وسعيدة جدا ان الكتاب شاركني "رحلة الوعي" ❤
ف انتظار الجديد...بالتوفيق ❤❤❤❤❤

[Maryam Majed · Rating 5 out of 5]

A very insightful, thought-provoking read. As realistic as one can get about the concept of love and marriage.
A 200- pages written with so much consideration that keeps the reader intrigued at all times.
Hisham managed to explain complex concepts in a very simple way, adding a much-appreciated pinch of humor along the way.
Highly recommended to couples in long term relationship and/or considering marriage!

[Bodour Nassif · Rating 5 out of 5]

كتاب مختلف جدا ، الكاتب لديه رؤية مميزة وخارج السياق العام المكرر الذي يضع اطار لسلوك الرجل ويصفه بالصياد والقناص وسي السيد الي آخره بدون ان يكلف خاطره بأن ينظر للامور من زاوية أخرى …
الكاتب بسط الامور تبسيط غير مخل بالمعنى ، وأعارني لمدة ساعتين نظارته العلمية والموضوعية لفك طلاسم شفرة قد أعيت الكثيرين من قبل …شفرة روميو وجولييت …
والآن بعد ما حصلت على الشفرة هل سأستخدمها ؟ هل سأستحضرها في الموقف التالي مع روميو ، هذا هو السؤال !!

[شيماء فؤاد]

رائع
تبسيط علمي ودمج وربط بين المدارس التي تدرس الحب .. جميل وينم عن اطلاع واسع و فهم وخبرة عميقة.

في بعض الأجزاء كنت أشعر باستخدام العلم لتبرير بعض التصرفات الذكورية أكثر من تفسيرها..
ولكن بوجه عام أعجبني جدا .. أتساءل لماذا لم يصدر كتاب آخر في العلاقات؟

[Wael Soliman · Rating 5 out of 5]

مخطوطة بديعة. سباحة في بحار النفس البشرية وكيف تشكلت عبر العصور. وأول كتاب يقدم فهم واضح المعالم للعلاقة بين الرجل والمرأة في إطار الزواج.

استحضر الكاتب علوم الأنثروبولوجيا والتاريخ والإنسانيات في مزيج سلس بيد خبيرة ولغة عامية فصيحة. ببساطة متناهية شرح مصطلحات مثل التستيترون والاستروجين والدوبامين والسيراتونين والاوكسي توسن والفاسوبيرسين والبروجيسترون خالطا إياها بأمثال عامية وحكم شعبية دون اَي تعقيد او جمود مثل الذي يصدنا عن القراءة في تلك الموضوعات العلمية العويصة.

الكتاب في رأيي المتواضع فريد في مجاله وأسلوبه. خارطة طريق واضحة المعالم لعلاقة زوجية ناجحة وصحية حتي أني قررت شراء عدة نسخ لأقدمها هدايا زواج لكل ابناء العائلة. وانا متاكد انهم سيقرأون الكتاب بسهولة متناهية ويقومون بالاختبار الذي في اخره لمعرفة طبيعة شخصياتهم وكيف يمكنهم التناغم مع شركاء حياتهم لبناء زواج ناجح للأبد ان شاء الله.

الكتاب غير عادي وغير تقليدي وممتع في كل صفحة منه وملئ بمعلومات جديدة عالية الجودة.

[Heba Akl · Rating 4 out of 5]

الكتاب ممتع على الرغم من أسلوبه العلمي الا انه مبسط جدا واستخدامه لأسلوب القصة في السرد بيوصلك المعلومة بشكل سهل وبسيط ولطيف لدرجة انك هتتفاجئ انك قادر تقرأ كم كبير في قعدة صغيرة من غير ما تحس انك زهقان وكمان قادر تستوعب ..
معلوماته مبسطة للغاية في أسلوب متسلسل..
من الكتب اللي بتتكلم عن الاختلافات بين الراجل والست من البداية خالص من بداية التكوين في رحم اﻷم مرورا بمرحلة الطفولة والاختلاف في السلوك والميول بين الإتنين لمرحلة المراهقة وثورة الهرمونات وتأثيرها عليهم ومن ثم مرحلة الجواز والاختلافات في التعامل والنظرة للأمور والتصادمات بيوضح نقط كتير غالبا حصلت معاك او مع ناس في محيطك ماكنتش فاهم هو ليه كده ..
الوعي بيخليك تربة خصبة لإنك تعيش حياة سليمة طيبة قادر تتفادى فيها المشاكل اللي بتاخد منك أو بمعنى أصح لو حصلت نظرتك ليها بتختلف بيخلي المشاكل أخف وطئا عليك وبيخليك تشوفها في حجمها الطبيعي وتستفيد منها ..
أرشحه 👌.

[Noha Abbas · Rating 5 out of 5]

!دليل العلاقات والسهل الممتنع

An eye opener, informative yet a light meal book!

The book takes you in a journey to explain the differences between a man and a woman. With an interesting and funny story telling style, the writer managed to deliver heavy information about the genetic differences, hormonal differences and character differences as well!
Highly recommended to all who are starting a new relationship or struggling with their relationships to better understand and deal with their partners.

Looking forward to reading more books from the writer, Hesham El Gamal.

[Ahmed Adel · Rating 5 out of 5]

الكتاب ممتع جدا ومفيد قوى.. عرفت منه حاجات فعلا ما كانش ليها تفسير عندى، ودى أكتر حاجة عجبتنى..
كمان الأسلوب الروائى بتاع الكتاب واللى خلاه أقرب لرواية بتتابع مسار حياة الشخصيتين الرئيسيتين (كريم وسارة) كان بيخلى الواحد لا يمكن يتوه فى النص أو يحس بملل أو صعوبة المعلومات الكتيييير اللى فى الكتاب..
يمكن بس محتاجين نحط عليه تنويه إنه مناسب للفئة العمرية (+١٦) عشان فى رأيى إن الشباب أصغر من كده ممكن يدى لنفسه مبرر لأفعاله إنها جينات ومالوش ذنب فيها!
أنصح أى اتنين مرتبطين يقروا الكتاب ده ويفهموا نفسهم ومشاعرهم كويس...

[Nourhan Elnaggar · Rating 4 out of 5]

بالعامية نعم لكن أرشحه
أسلوبه علمي بشكل بسيط وممتع ، فكرة الاعتماد علي قصة لطيفة وبتقرب الأفكار وبتلاقي القصص اللي انت عايشها مع اللي حواليك فيها
كمان مكتوب بشكل ممتع يخليك عايز تكمل من غير ما تزهق
يمكن من أحسن المكتوب بموضوعية اللي قرأته في الموضوع ده لحد دلوقتي ، كنت مترددة أتبع الترشيحات وأشتريه ولا لا لكن أقدر أقول إني استفدت وإنه فاق توقعاتي فيه
اللي بيحب أسلوب "د.محمد طه" يقرأ الكتاب ده لأنه هيعجبه غالبًا

[Mona Salem · Rating 4 out of 5]

من خلال شغلى ككوتشينج علاقات عجبنى جدا الكتاب وحقيقى اول ما بدأته متقدرش غير انى اكمله من واقعيته وسهولته بس مش ده اللى فاجأنى الحقيقه ..
لكن رأى العملا اللى رشحت الكتاب ليهم واللى مش بيحبوا القرايه وبهرنى اراءهم فى الكتاب وازاى فادهم ونورلهم معانى وفك اشتباك بينهم وبين ازواجهم لتوضيح معانى عن طبيعه الرجل والمراه بشكل سلس ولامس الواقع بتاعهم بطرقه مذهله
واللى نقلهم فى علاقتهم نقلات حلوه اوى كانهم اخدوا جلسات كوتشينج ذاتيه واظن ده اقرب وصف عن الكتاب الحقيقه 🌹💕

[عُلا سيف · Rating 4 out of 5]

عرفت الكتاب بالصدفة وأنا بسمع فيديو يوتيوب تم ذكر اسمه، فالصراحة عنوانه حسسني إنه هيبقى سخيف ومتكرر، وخصوصا إنه بالعامية فحسيتها هتبقى حكاوي فارغة، لكن الحقيقة الكتاب مُهم ومبني على محتوى علمي عن الاختلافات بين الرجالة والستات فسيولوجيا وسلوكيا وكل حاجة ومن أول الطفولة لما فوق، كتاب منظم وسلس والكلام مهم مش حشو فارغ ولا حاجة، تجربة لطيفة

[Michael Kamal · Rating 5 out of 5]

حابب اشارككم بكتاب من الكتب المميزة جدا اللي قريتها الايام اللي فاتت...

كتاب "شفرة روميو وجوليت"
أو ورا الستارة مع كريم وسارة...

من يومين كنت خلصت قراية الكتاب رقم 201 فمجال التنمية البشرية والكوتشينج وتطوير الذات والعلاقات والمشورة والبرمجة اللغوية العصبية والادارة والتسويق وعلم النفس ... الخ.

بس بدون مجاملة إطلاقاً...
بالرغم من عدد الكتب اللي قريتهم، الا اني فعلا استفدت واستمتعت جدا بالكتاب ده...

كتاب اسلوبه بسيط جدا وبالعامية...
كتاب بيبسط العلوم الكبيرة والنظريات وبيشرحها بمنتهى السلاسة...
كتاب بيفهمنا نفسنا والجنس الآخر...
وكمان بيوضحلنا الأسباب اللي ورا الاختلافات بين الجنسين اللي معندناش إجابات ليها...
زي مثلا ليه في اختلافات بين الرجل والمرأة من الأساس وسببها ايه وازاي نتعامل معاها...
وكمان ليه في صفات متعبة للرجل فالمراة زي انها بتفتكر التفاصيل وبتجبله كل حاجة عملها من البداية... الخ.
ليه الراجل عينه زايغه مثلا لا سمح الله 🙄😂🙈
وليه في اختلافات فشكل الجسم بين الجنسين...
وازاي نفهم بعض بشكل اعمق وازاي نكون اكتر راحه لبعض...
وبيتكلم كمان عن اختبارات مختلفة لفهمنا لبعض...
وحاجات تاني كتير...

اوعدك ان بمجرد ما هتبدأ تقرأ الكتاب، مش هتكون عارف تسيبه لغاية لما تخلصه... لانه فعلا ممتع ومفيد...
وغالبا هتقراه اكتر من مرة 😊

لما شخصية مميزة جدا وخبيرة فمجال التنمية البشرية - خبرته اكتر من 25 سنة - يكتب كتاب ف 5 سنين... يبقى اكيد كل كلمة فيه ليها عمق ومعنى وهدف...

اتمنى تقروه سواء كنت رجل أو امرأة...
متزوج أو اعزب...
لأنه هيضيفلك وعي جديد تماما...
والمعلومات اللي فيه مش هتلاقيها فكتاب تاني بالشكل ده...
كتاب هيعرفك كل الحاجات المستخبيه ورا الستارة 😉

[Bola Nagy · Rating 4 out of 5]

#شفرة_روميو_و_جولييت (أسرار الإختلافات بين الرجالة و الستات ) سبب تسمية الكتاب ب روميو و جولييت لأن العلاقة بين الرجل و المرأة تحمل جانب من المتعة و جانب من الألم

يأخدنا الكاتب في جولة شيقة لمعرفة الإختلافات بين الرجل و المرأة و أسبابها و تأثير الإنسان البدائي علي الإنسان الحديث ، و معرفة أسباب السلوكيات و الصفات عند الرجل و المرأة و سر الخلافات في علاقات الحب و المشاكل الزوجيةاستنادا علي علم الإنثروبولوجي( علم الإنسانيات) و علم النفس التطوري و علم الإحياء
المميز في الكتاب إن الكاتب بيقدم معلومات علمية في علم الأحياء و علم النفس التطوري و الإجتماعي في،شكل قصة بيحكيها عم " كريم و سارة " اللي بيبدأ يشرح فيها من خلالهم ازاي سلوكيتنا و تصرفتنا و صفاتنا ليها علاقة بالأجيال اللي،قبلنا و تأثير الجينات و الهرمونات في سلوكيتنا و تعاملاتنا اليومية

ليه قلبنا بيدق لما بنشوف حد بيحبه ، ايه أسباب انجذابنا لشخص معين ؟!! ليه مراية الحب عامية ؟!! ليه مش بنشوف عيوب اللي بنحبه ؟؟ و أسباب الحب الرومانسي اللي بيسحرنا دة بيجاوب عليه الكاتب في فصل بعنوان : كيمياء الحب و هو يعتبر أجمل فصول الكتاب
كمان الكتاب بيتناول موضوع مهم و هو العادات و التقاليد و الموروثات اللي،بتشكل جزء كبير جدا من وعي الإنسان و طريقة نظرته للأمور
و بيتكلم عن أنماط السلوك و تصنيفات الشخصيات

و الكاتب بيذكر في أخر الكتاب المراجع و الأوراق البحثية اللي مستند عليها في كتابه

عدد الصفحات 195 ص
#Bibliobike
#ريفيوهات_كتب

[Ahmed Safian · Rating 4 out of 5]

الجميل في أزمة منتصف العمر هو أنها بتعمل مواجهة بين الشخصية الي اكتسبناها من حياتنا وتجاربنا، والي ممكن تكون اتحبست واتحكمت بقيود كتير اتحطت علينا وحدود اترسمت لنا، وبين شخصية الي ممكن نكون عليها .. الشخصية الي عندها طاقة وإمكانيات غير محدودة . المواجهة دي فرصة نادرة علشان الشخصية التانية تنتصر على الأولانية وتحل محلها.. .. علشان كده الأزمة دي ممكن تكون لحظة موت وحياة ..
موت الذات القديمة الي في صراعها مغ الدينا ما قدرتش توصل لمعنى يشفى غليلها .. أو نجحتش تحقق التوازن والرضا .. وبين ذات جديدة .. متصالحة مع عيوبها ونواقصها وشايفة معنى وحكمة في كل حاجة

هو الي الكتاب ده كله بيدور حواليه .. الوعي .. فكرة إننا نحاول لفهم طبيعتنا بشكل أعمق .. وإننا نعرف إن الي بيبان على الوش ده جزء صغير من الصورة الكاملة، وإن الجزء الأكبر مستخبي ورا الستارة

مستحيل علاقتك مع الآخر هتبقى أحسن من علاقتك بنفسك .. ساعات بنبقى فاكرين إننا لازم نشتغل على الطرف التاني أو نشتغل على العلاقة .. لكن الحقيقة إن في معظم الوقت الحاجة الي إحنا محتاجين نشتغل عليها هي نفسنا، ومش بس من ناحية علاقتنا بالي حوالينا .. إنما كمان من ناحية علاقتنا بنفسنا ، ونظرتنا للدنيا، والخيارات الي بناخدها بناء على النظرة دي




الكتاب جميل وبسيط وهذا ما أحببته فيه، يعتبر مقدمة بسيطة لفهم الحياة الزوجية ولفهم آلية الزواج، فهو رائع لمن هو مقدم على تلك الخطوة

[Dalia Zaghou · Rating 4 out of 5]

Such an easy, fun yet very educational read! I really enjoyed the simplicity explaining some technical psychological and personality concepts. I highly recommend this book for all newly weds and anyone committed to making a relationship work. It’s such a practical yet nice social book that explains how the differences between people practically play out in life. The more we understand these differences between people and the more we are aware of our own personalities, the more successful relationships we are going to have! The more our society become aware and educated about the things the book talks about, the less the divorce rate will be. It takes 2 to tango as they say and the better the 2 dancers are, the better the dance would be!! This is a great gift for all new weds. I hope Hisham can turn this book into a course both online and face to face to help building happy lives/happier & more successful society. Thanks Hisham for sharing your lifetime knowledge and experience to enlighten other couples & the world. Looking forward to the next book.

[Ahmad ElShazly · Rating 5 out of 5]

الكتاب ده فاجئني
توقّعاتي ليه مكانتش عالية اوي، وغالبًا ده انطباع بيجيلي مع أي كتاب مكتوب بالعامية!
بس الانطباع السطحي ده تمت إزالته تمامًا واستبداله بانطباع الإعجاب والاحترام للكلام المكتوب.

الكتاب عميق فعلًا وفيه معلومات هايلة، وانا شايف انه يستاهل انك تقرأه لو انت سنك ١٦ سنة أو أكبر.

طريقة سرد المعلومات سلسة وبسيطة ومفهاش تكرار. استخدام الشخصيات عجبني جدًا (مش بس البطلين، كل الشخصيات) وتوقيت دخولهم في القصة عجبني اوي برضو.

حاسس انه كتاب مفهوش مشهد أو معلومة ملهمش لازمة، ودي في حد ذاتها تكفي

برشحه لكل الناس بجد. بجد كمان مرة

[Samir Lazar · Rating 4 out of 5]

فكرة أنك ترتبط بشخص فكرة حلوة ومثيرة لأغلب الناس لأنه ببساطة في بداية الطريق كل حاجة تكون جميلة والدنيا ربيع والجو بديع ، بس ولا واحد فكر فشريك الحياة على انه شخص مستقل له ماض بيعافر ينساه وحاضر متحمس يعيشه ومستقبل مش عارف عنه حاجة .. عنده مخاوف ونظرة عن الامور تختلف عن نظرتنا . مش بالضرورة خطأ او صواب بس المهم انها تختلف .
انا عاوز اتكلم اول حاجة عن اسلوب الكاتب الممتع في السرد ، كتب التنمية البشرية عادة صيتها يسبقها انها مملة ، الكتاب ده استثناء . كتاب مفيد جدا للناس اللي بتفرق بين الزواج والتزاوج وعاوزة تفهم العقل البشري وازاي نفهم بعض من غير ما نموت بعض ! اقصد باقل الخسائر يعني ..

[Shirin · Rating 5 out of 5]

كتاب ممتع يوضح بأسلوب سلس وشيق تأثير التركيبة الوراثية والعائلية والنفسية والاجتماعية التي تبني شخصية الانسان منذ الصغرعلى مستقبله وقت ارتباطه بالطرف الآخر والتحديات
التي يواجهها كل منهم، إما بدفع دفة مركب الحياة إلى الأمام أو القفز منها عند أول خلاف
الكتاب باللغة العامية وأحسبه ذكاء من المؤلف ومقصود به جذب القارئ للموضوع وكأنه نوع من الدردشة العادية فلا يشعر بالملل وهو يستزيد من المعلومات
في انتظارالمزيد من هذه الأعمال المميزة ياهشام!أ

[Basma ElBishbishy · Rating 4 out of 5]

من اكثر الجمل اللي كانت بتعصبني دايما واللي مفيش بنت مسمعتهاش هي جمله "يا بنتي كل الرجاله كده"
يعني كده خلاص من غير تشغيل مخ و لا اي تفسير !
بس الكتاب ده مختلف بجد انا عاده مليش اوي قراءات في مجال العلاقات بس الكتاب ده شدني مقدرتش اسيبه الا لما خلصته في يومين بالظبط ! علي قد بساطه بس مجمع معلومات مهمه جدا
لما تقريه هتفهمي ليه الرجاله كده !
وانت برضه لما تقراه هتفهم ليه الستات كده !

[Ad El · Rating 4 out of 5]

مبروك يا هشام. كتاب هايل بجد!!

اول مرة بقرا كتاب باللغة العامية و اول مرة بقرا كتاب عربي بيتناول موضوع من الحياة اليومية بشكل سلس و مبسط و مزود بدراسات و نظريات علمية. عنجد، اخدني الكتاب بقصة و وداني لدراسات علمية من غير ما حس انو الموضوع تقيل. بنصح بالكتا لكل شاب و صبية بعلاقة، لكل راجل و امرأة متجوزين او متخاصمين.

[Aicha Rennane · Rating 5 out of 5]

صراحة من أروع الكتب التي قرأتها , لأول مرة أقيم كتاب 5/5
اشعر ان هذا الكتاب حقا استحقها على محتواه
شعرت بالأسى عندما شارفت على اكماله لأن المحتوى كان مفيد جدا و مبسط الى ابعد درجة احسست انو قدملي الكثير من الأجوبة التي كنت ابحث عنها عن طبيعة الرجل و طبيعة المرأة و السبب وراء الكثير من تصرفاتهم
برافو سيد هشام
متطلعة لقراءة المزيد من ابداعات الكاتب

[Amira Adel · Rating 5 out of 5]

الكتاب كان ملئ بالمعلومات .... معلومات قيمة ومبنية على مراجع ودراسات مفيدة جدا للطرفين

الكتاب غير رومانسى وده شئ كان صادم ليا قليلا.... والأغرب أنه أكدلى ان الحب محتاج مجهود علشان نقدر نحافظ عليه

الكاتب قالى العلاقات الإنسانية أعقد بكتيير مما نتصور مهما احنا حاولنا نبسطه,,, علشان كده انا حبيت الكتاب لواقعيته الى الغير متوقعه

وجهه جديد فى عالم العلاقات الانسانية

[Raed Hussein · Rating 4 out of 5]

كتاب غني بالمعلومات من اول صفحة لاخر صفحة، من اجمل الكتب اللي قراتها في سياق الاختلافات بين الرجال و النساء، كتاب بيدك معلومه مش مجرد سرد لكلام و خلاص زي اغلب الكتب في المجال ده ، مجهود جميل من شخص جميل، شكرا بشمهندس هشام .

[Aser Obeid · Rating 5 out of 5]

كتاب رائع، شعرت في مواقف كتير انه يتكلم عني وليس عن شخصيه افتراضيه، سرد لحقائق علميه بصورة مبسطه تحقق المتعه في القراءة مع الفهم، نظرتي لعدة امور تغيرت بعد قراءة الكتاب. شعرت انني اكثر تفهما واصبحت اتكلم عن المشاكل بدلا من تجاهلها. جزيل الشكر لمؤلف الكتاب،

[Hadeil Houni · Rating 4 out of 5]

لم تكن توقعاتي عالية عندما اشتريت هذا الكتاب و لكن فور انتهائي منه بدأت بإخبار الجميع عنه!
ستتغير نظرتك بنسبة كبيرة اتجاه حياتك المشتركة مع الآخر ستفهم الكثير مما اعتقدت أنك تفهمه ستوفر على نفسك الكثير من المشاكل

[Yasmeenology Yaseen zaki · Rating 5 out of 5]

الكتاب جميل جدا وكله معلومات جاية من المنطق اووي وتحس انه بيفصص الفروق ما بين الواحد والواحدة ويوضح اد ايه دي حاجة طبيعية ومن قديم الازل وان اختلافاتنا مش لازم ابدا تؤدي الي خناق بالعكس الاختلافات دي ضرورية لينا احنا الاتنين ..
جميل واستفدت منه جدا واقتبست منه كتير ..