الحياة على سطح البطيخ

by أحمد عاطف

عندما جاء أمرُ الإلهِ الأعظم بمثولهم مجتمعين في حضرته، انتفضتْ بلدتُنا بأكملها، كبارُها وصغارُها، أسيادُها وعبيدُها، لم يعتدْ فرعون أن يأمر باستقدام كلِّ هذا العدد من علماء القرية أمامه، مع قطع كل هذه المسافة وبهذه السرعة.
أنباءٌ تتردد على ألسنة الحرس القادم لاصطحابهم مفادها خلافٌ بين الإله وولده الذي يعتنق السحر ويمارسه على أبيه الرب الأعظم.
همس الناس في آذان الناس: "إن كان الرب لا يستطيع أن يُهذب عقوق ابنه فكيف يحكم ويتحكم في العباد، وإن كان الرب قد قرَّر أن يستعينَ بأعيانهم وكبار علمائهم، فأين مفهوم الربوبية التي حاول الملك فرعون وآباؤه من قبله تأصيله في عقول وقلوب عبيدهم".
في النهاية تبقى كل التعليقات في حيز الهمس المكبوت والخواطر المُعتمة.

Genres: Humor, Comics, Comedy

66 pages, Kindle Edition

First published January 1, 2017

Reviews

[Ahmed Ibrahim]

متتوقعش من أنك تلاقي حاجة مفيدة في كتاب اسمه "الحياة على سطح البطيخ"، الكتاب للضحك فقط، وده أنا حصلت عليه في أغلب القصص.
الفكرة حلوة، قصص قصيرة ساخرة الكلام فيها أحيانًا بالكوميكس.. معجبنيش الجزء بتاع مواقف الميكروباص، حسيته بيأفور فيه.

كتاب لا بأس به، للترفيه فقط.

[إسلام عماد]

أموت انا فى الهلس دا...
^_^

[Eman]

من كتب الأدب الساخر التي انتشرت بشكل كبير لفترة قبل أن تتراجع لصالح أنواع أدبية أخرى كأدب الرعب والفاتنازيا
بوجه عام كتاب متوسط المستوى، لن تشعر معه بالملل لكنك لن تخرج منه أيضا بشئ جديد، مجرد تسلية لطيقة لا أكثر

[Shaimaa Ali]

لطيف جداً :-)

[Eman]

أنا ضحكت جدا 😂😂😂

[Mohamed Ramadan]

يخلص في ساعة، ينفع كفاصل مريح وفكاهي بين الكتب

[nona nony]

مش قادره اديله حتى نجمه واحده
مع العلم انا بحب ومعجبه جدااااا بالبوستات على صفحة الكاتب على الفيس بوك
لكن الكتاب صعب جدا

[Anan Abomera]

الكتاب ظريف بس أقل من بالطو و فانلة و تاب ..... من فترة للتانيه الواحد بيبقى محتاج يرفه عن نفسة و يقرأ حاجه كدا تفصلة شوية ..... و أحمد عاطف مفيد في هذه الحالة :) ......و أحب ابدي إعجابي الشديد ب غلاف الكتاب .... كل ما ابص فيه أشعر ببهجة كبيرة الصراحة .

[Aliaa Magdy]

معجبنيش أوي
بالطو وفانلة وتاب أحلى

[منال سالم]

لو زهقان وعندك ملل ومش لاقي حاجة تعملها اقرى لأحمد عاطف، ماشاء الله عنده كفاءة يغيرلك المود 180 درجة، الحياة على زمن البطيخ اسم على مسمى، هتقرى الحكايات وتسخر من أحداث عجيبة اتضحك علينا بيها أيام الطفولة بس بطريقة أحمد عاطف ..

[Fatma Mansour]

كوميكس و شويه كلام مسليين

[Shaimaa]

كتاب ساخر هزلى لايحمل اى معلومات ، لطيف للقراءة بين الكتب والترفيه

[Nada Magdy]

كتاب ساخر مفيهوش اي معلومات بإعتراف الكاتب.. لذيذ بين كتب جد عشان تفصل

[آية عبدالرحمن]

خسارة الشجر اللي اتقطع عشان يتطبع عليه العته ده!

[Mai]

هههههههههههه فصلنى ضحك😂😂😂
كتاب كوميكس تافه جدا و مضحك جدا بس فيه سخرية عجبتنى
للضحك فقط و التسلية

[Haidy]

حاجة يع جداً والله 💩💩

[Mohamed Ibrahim AbdelSalam]

انا اتبضنت

[Hossam Elsayed]

قصة كوميدى لذيذة تقرأ في نص ساعة

[Zainab Al Rehio]

المفروض كتاب هزلي وخفيف، لكن ما ابتسمت حتى

[Mahmoud Moustafa]

Simply: 👎

[Hagar]

للاسف الشديد ميستحقش نجمة واحدة حتي. انا مستغربة ازاي ده اتوافق عليه واتنشر!

[Hamza Ghandorh]

كتاب شبابي ودمه خفيف وبيستخدم لهجة مصرية ونكت مصرية بامتياز .. كتاب ينقلك الى حالة الفرح والفرفشة في ثوان معدودة .. اذا تحب اللهجة والنكت المصرية فده كتاب مميز .. عنوان وغلاف الكتاب شدني جداً .. بالرغم ان الكتاب ليس برواية ولا يحتوى على معلومات عامة او محاولة لفهم او تحليل ظاهرة معينة وفيه "هلس" كتير ، ولكن كتب الادب الساخر وده احد الأمثلة بتحاول تقلل مشكلة جمود المؤلفين العرب بكتبهم ومفرداتها الهاربة من مشاكل المجتمع واستخدام افكار قديمة وعفا عليها الزمن .. اتوقع كتب الادب الساخر راح تعمل نقلة في مستوى القراءة وتحفز علاقة حب مع القراء الشباب والكتب ..

اعتب على الكاتب استخدام رسومات memes بطريقة زيادة و احيانا غير مفهومة القصد منها .. انصح الكاتب لو جاءله يوم وقرأ تعليقي ان يضيف في بداية الكتاب توضيح للرسومات في الطبعات الجديدة

[Mahmoud Samy]

خليني أحط الكتاب في سياقُه. دا كتاب ساخر جامد جدًا لدرجة إني قعدت أضحك بصوت عالي في أكتر من موقف.
صحيح مقالاته عبارة عن بوستات فيسبوك، و صحيح إن دا بيكون شئ سلبي في كتير من الأوقات إلا إن الطابع الساخر ت الكوميدي للكتاب خلّاه لطيف ع القلب و خفيف يخلص بسرعة و يزيح عن دماغك شوية من هم الحياة.
معنى الكتاب حرفِي، هو بيحكي شكل الحياة على سطح البطيخ، مفيهوش ولا كلمة جد و مليان ميمز.
أظن إني هقراه أكتر من مرة لو متاح ليّا، لما أقابل صعوبات و أعوز أفصل و لما تكون دماغي ف الطراوة و أكون عايز أقرا حاجة ف البطيخ.

[Samar]

الكتاب هتشوفه بيضحك لو في حالة نفسية سيئة قبل كده قرأت اعترافات جامدة لشريف أسعد و اتهلت ضحك و أنا بقى رايقة و النفسية متظبطة فتحته تاني قولت ايه الهبل ده 😂
فرجاء يعني لأصحاب الفكر العميق و النفسية الممتازة ما تفتحوش علشان هو بطيخ فعلا 😂 و الكاتب معترف في أول الكتاب 😁 بس كتاب لطيف للفصلان من الحياة البائسة 😂😂😂
نجمتين علشان ضحكت بس 😁

[نرمين الشامي]

بدأت الكتاب وأنا أمني نفسي بسهرة ممتعة وضحك مجلجل كما حدث مع كتاب (بالطو وفانلة وتاب ) لنفس الكاتب، لكن للأسف تأتي الرياح بما لا تشتهي السفن فالكتاب لم يعجبني إطلاقًا، وأتعجب من نشر أحمد عاطف لكتاب بهذا الشكل، وأنا من أعتدت من منشوراته على الفكاهة وخفة الظل التلقائية دون تكلف، وهو ما لم أجده في هذا الكتاب.

[Mina☕️]

في البداية باشكر صديقي إسلام اللي أهداني الكتاب ده ^^
الكتاب خفيف، و جميل كعادة أحمد عاطف ..
و الكتاب الحقيقة هلس و تافه باعترافه هو شخصيًا :’D
و لذلك أنصح أي حد مشغول أو بيدي القراءة حقها ..
أنه يقراه عشان يخف من الضغوطات اللي حواليه شوية :D
بس لو أول مرة تقرا لأحمد عاطف، ابدأ بـ"بالطو و فانلة و تاب"

[Zainab Abdelghaffar]

بالنسبة لي الكتاب ما فيهوش حاجة ضحكتني خالص غير في الأجزاء الأخيرة وماكنش ممتع.. التقييم ده بالمقارنة بكتاب بالطو وفانلة وتاب لنفس الكاتب (أحمد عاطف) اللي كان بيضحك اكتر وممتع اكتر بكتير وممكن يتقري اكتر من مرة وبرضه تستمتع بيه.
ما انصحش بيه خالص.

[Waleed]

كتاب مش دمه خفيف خالص فعلا

الشت من احمد عاطف الكتاب ده

كانه عايز يكتب بوست علي الفيس بوك فحكاه في كتاب

مش اعتراضي او تقييمي انه كتاب تافه

مهو اسمه الحياة علي سطح البطيخ

بس الاسلوب والكوميديا وكله علي بعضه بطيخ

[لست وحدي]

الكتاب لطيف خلصته ف أقل من 24 ساعه
بس بالطو و فانله وتاب كان أحلى
أحلى حاجه ف الكتاب الغلاف و تعريف الكاتب بنفسه
بجد برافو شكلك كنت شاطر ف العربي يا دكتور احمد

[Sara]

مهو مفيش كتاب اسمه الحياة فوق سطح البطيخ و هيبقي مفيد ..
بس ممكن يكون دمه خفيف و لطيف جدًا .