ليطمئن قلبي

by أحمد أيمن

كتير نحتاج حد نستشيرة ونفضفضلة ومتلاقيهوش "نايم- مشغول- مسافر " حبيت اقدملك صديق ينورلك طريقك.. يطمن قلبك لما تقراة وتلاقي نفسك بين سطورة ..يخرجك من اكتئابك ويقدملك حلول ..وقعت في ذنب يساعدك إزاي تتوب وتمسحة بأستيكة ..مريت بملل من الطاعة يعينك تتخطاة ..داخل على امتحانات يجبلك أفكار للمذاكرة ويسهل امتحانك ..هتتخطبي او رايح تخطب يقدملك رأية في لبسك وطريقة كلامك ..تستمد منه الثقة في نفسك ..يجبر خاطرك ..متاح كل ما تحتاجلة تشيلة في شنطتك ..وفي درج مكتبك ..جدع وبيسد تقدر
تقول عن "ليطمئن قلبي" بكل ثقة صاحبي

نبذة عن الكاتب
شاب مصري من محافظة الشرقية تخرج٢٠١٥ كلية حاسبات ومعلومات مهتم بالقراءة لة محاولات ناجحة في جذب القارئ بأسلوب سرد ميسر ومختلف نشر العديد من. مقالات تحمل الطابع الانساني المميز التي لاقت انتشارا واسعا وسط جموع الشباب

Genres: Religion

244 pages, Paperback

Published January 1, 2018

About the author

شاب مصري من محافظة الشرقية تخرج٢٠١٥ كلية حاسبات ومعلومات مهتم بالقراءة لة محاولات ناجحة في جذب القارئ بأسلوب سرد ميسر ومختلف نشر العديد من. مقالات تحمل الطابع الانساني المميز التي لاقت انتشارا واسعا وسط جموع الشباب

Reviews

[Amira Mostafa · Rating 4 out of 5]

اسمه " ليطمئن قلبي " ، و هو فعلًا على قد بساطته على قد ما هو مطمئن للقلب ♡

[Rehab Naguib · Rating 5 out of 5]

الكتاب فعلاً باين من عنوانه، اللغة العامية فيه بعيدة جداً عن السذاجة وطريقة الكلام حلوة جداً كأن فعلاً قدامك شخص بيتكلم معاك وانت سامعه ..

الكتاب بيتكلم عن امور دينية و دنيوية كتير تقريباً ٣١ فصل كل واحد عن حاجة مختلفة ، زي جبر الخواطر والصلاة والصدقة والاستغفار و و و ..

من اكتر الحاجات الكويسة جداً في الكتاب و اللي تخلي الواحد يقراه من غير اي ملل هي ان كل حاجة بيتكلم عنها ، بيحكي قصص قصيرة كتير عن الحاجة دي ، قصص عن فضل الصدقة وقد ايه بترجع لصحابها مثلاً فبتحبب اي حد بيقرا انه يعمل الحاجة دي بحُب العمل ده وهو واثق من اجره دُنيا و اخرة ..

الكتاب ٢٤٤ صفحة بس من اللغة الي مكتوبة فيها يخلص بسرعة لانك بتقرا وانت مستمتع جداً من اللي بتقراه ..
وفكرة ان الراحة النفسية الي حسيتها مع الكتاب ده كانت زي كتاب لأنك الله لدكتور كبير زي علي بن جابر الفيفي بفرق السِن و طول المشوار وخبرته في ان ده مجاله، ف ده حسسني ان الكتاب فعلاً يستحق ان الrate يبقي الخمس نجوم كاملين ..

فكرة انك بتقرا كتاب بيتكلم عن امور تقرّبك من ربنا اكتر بنصايح من شاب ده بيخليك بتقرا وانت شايف انه عارف المجتمع والزمن اللي احنا فيه، زي مثلاً حبنا لاي داعية اسلامي لما يكون شاب عن انه يكون شيخ كبير ، لان تقارب طريقة الفكر بتخلّي النصيحة توصل كلها ماتتجزأش ..

اول حاجة بيتكلم عنها الكتاب هي ان ازاي تكون التوبة صادقة وان الواحد يبقي عنده يقين ان ربنا غفور و استخدام قصص كتير جداً جداً تثبت ان ربنا اللي بيمحي الكبائر دي مش هيسامحنا علي اخطائنا اللي تعتبر جنب الكبائر دي بسيطة !!
فبتخلي الواحد فعلاً كل شوية يحس انه بيبدأ بداية جديدة للاحسن ويطمئن قلبه ..
وعشان كده الكتاب باين من عنوانه "ليطمئن قلبي”💙..

[Amany Farag · Rating 5 out of 5]

اللي عايزة اقوله ان القراءة رزق ،، يعني ان ربنا يبعتلك كتاب بعينه تقراه فى وقت ما ،، ده قَدر مش جاية كدة ..
الكتاب قرأته فى وقته جداً وطمنلي قلبي يعني بجد اسم على مسمى ..
كتاب بسيط وسهل ولغته سهله وعاميه من غير اختزال للمعنى .. كأنك بتدردش مع واحد صاحبك وهو كل اللي بيعمله انه بيطمنك وبيديلك
امثله دينيه تطمنك وتهدي قلبك ..
والكتاب ده مش هتقراه مره واحدة وخلاص ، اعتقد انه هيبقى زي الصاحب فعلا اللي كل ما تحس نفسك متضايق شويه او عنده مشكله ترجعله هيريحك شويه ..
ربنا يجعله فى ميزان حسناتك ويطمن قلوبنا جميعاً ويهدينا لطريقه ..

[Solafa Mahmoud · Rating 3 out of 5]

يحتوي الكتاب علي خواطر احيانا..نصائح احيانا اخري لكنه جيد ومفهوم لانه موجهه لشريحة الشباب ويعد من الكتب المهمه لقارئ مبتدأ..

[مىّ · Rating 1 out of 5]

ممل جداا ... سطحى لابعد حد ... اغلب تشبيهاته تشبيهات مراهقه لو جايلك عريس وداخله تقابليه .. لو رايح لعروسه ...
فيه ذكر لبعض مواقف من حياه الرسول عليه الصلاة والسلام والصحابى والصالحين هى الحاجه الحلوه اللى كانت بتصبرنى عليه ...

[Dalia Alwakel · Rating 1 out of 5]

قرات كتب للديل كارنيجي وكتاب جدد حياتك للشيخ محمد الغزالي وبعدين قرات صفحتين من الكتاب حسيت كانك كنت بتتفرج علي ماتش برشلونة وبعدها كانك بتشوف ماتش لدوري الدرجه التالته وزعلت جدا أن كتاب واخد شهره كبيره أد ايه مستوي الثقافه نزل و معرض الكتاب ازاي في كتب بالمستوي ده وتيجي تسأل حد يقول إنه بيقرا ومثقف تشوف بيقرا تلاقي بيقرا المستوي ده

[Amany Galada · Rating 5 out of 5]

والله يعلم اننا رغم المعاصي مؤمنين " ٓ
جميل فوق الوصف .. 🌸🌸

[Othman alsaeed · Rating 5 out of 5]

كتاب جميل يحفزك عالذكر والتوكل على الله .. اللهم صلي وسلم على نبينا محمد

[شيماء محمد مصطفي · Rating 5 out of 5]

بقالي فترة ببدأ كتب ومش بكملها للآخر
فكان اختيار موفق وتم الانتهاء منه في وقت قصير 🤍

الكتاب كما هو في اسمه "ليطمئن قلبي"
كُتب بأسلوب بسيط ومرتب ينصح بيه المبتدأين واللي زهقانين شوية زيي بردو ^^

وهينضم لكتبي المفضلة ✨🤍

[ياسمين وليد · Rating 5 out of 5]

"ليطمئن قلبي " وعندما قرأتُه استشعرت هذا المعني حقيقةً

أسلوب الكاتب من أبسط ما يكون (العاميه التي يُحبُها قلبي ) يجعلك تشعر وكأنك تتحدث مع صديق مقرب

أنصح بالكتاب للمبتدئين لأنك لن تشعر بأي ملل أثناء قرائته ...
أمنحُه خمس نجمات ⭐⭐⭐⭐⭐

[Dalia · Rating 5 out of 5]

اطمأن قلبي 💚💚

[Marwa Magdy · Rating 5 out of 5]

من اجمل ما قرأت رغم اني لا أحب العامية ولكن في هذا الكتاب كان لها دور كبير في جعلة قريب من القلب
هو فعلا يرتقي لكي يكون صديق لانة يخاطب كذا طبقة من العمر سواء في سن الجامعة او مابعد ذلك او حتى لشخص كبير
هو كتاب لايقرأ لمرة واحدة فقط هو كتاب يقرأ لمواقف كثيرة لا تتعجب عندما تجد نفسك في وقت ما رجعت له وتصفحت الفهرس وانتقيت فصل بعينة ليطمئن قلبك به

أحمد أيمن انا من متابعينك من فترة طويلة وكل بوست لك دوما يلمس قلبي ويضيئ لي جزء من طريقي وسعيدة جدا بكتابك وارجو من الله دائما ان يوفقك دوما الى ما هو خير لك
يستحق الخمس نجوم وبجدارة
ويكفي ان يكون الاسم من اختيار والدتك فهذا له خمس نجوم وحدة

[Sara Mostafa · Rating 4 out of 5]

التعب من التفكير السلبي المتكرر وقلة الاصدقاء الحقيقين بيخليك تدور على أى حاجة تصبرك وتطمنك شوية
الكتاب ده كان بمثابة صديق حقيقي ليا
كل كلمة كنت حاسة انها متوجهالى وبتقولى اصبرى هتفرج بإذن الله
كان بمثابة البنادول اللى بجرى عليه لما بيجيلى صداع ويطول معايا
شوية نصايح وأمثال وأحاديث أسعدتنى بحق
كل مامسك الكتاب أبتسم تلقائي وانا بقرأ .. أسرح وانسى الدنيا واللى فيها ♥♥

[MoHamed MOunir · Rating 5 out of 5]

اكتر م رائعه وفكره جديده انه بيحكي كذا حاجه مش قصه واحده بس
والكلام الي عن الدين بجد رائع ومعلومات جديده بالنسبالي ❤❤❤

[Fatmaelsaid · Rating 5 out of 5]

كتاب جميل جدااا تأثرت كثيرا و أنا اقرأه أعجبني كثيرًا أغلبنا يعلم رحمة الله ولكن هذا الكتاب رائع لاني اعتبره كتذكير على رحمة الله و لا شك اني ساعود إلى قرائته او قرائة بعضًا منه كي يطمئن قلبي ♥

[My Novels · Rating 5 out of 5]

اسم الكتاب:ليطمئن قلبي💙
الكاتب:احمد ايمن
كتاب بيتكلم عن الأمور الدينية والدنيوية.. الكتاب 30 فصل كل فصل بيتكلم عن مشكلة شكل زي مثلًا أزاي تتعامل مع معصيتك وتتوب عنها أزاي تثق في نفسك وتحبها عن الدعاء والاستغفار وأزاي تقرب من ربنا ومتحسش بزهق وأنت بتعبد ربنا ازاي تتعامل مع البني ادمة اللي بتحبها وتحترمها وتحافظ عليها ازاي تذاكر وتحفظ من غير ما تنسى...هتلاقي نفسك بين سطور الكتاب ف��لا هتلاقي أنك بتستفاد منه هتحس انك بتتكلم مع صاحبك او بتتكلمي مع صاحبتك وبيكلمك بكل لطف وخفة من غير ما يحسسك أنك وحش أو أنك عندك ذنوب وربنا مش هيسمحك.💙
...
اختيار اللغة العامية في الكتابة سهلة جدًا ومن أجمل حاجة في الكتاب أن أي حاجة بيتكلم عنها بيحط قصدها كذا قصة لشخصيات تاريخيث من ايام سيدنا محمد "عليه افضل الصلاة والسلام" أو عن حاجة حصلتله هو أو حد يعرفه من الواقع دلوقتي وكلها قصص حقيقة..الكتاب يخلص بسرعة ومتحسش بيه وأنت بتقرائه من جماله ومن خفية أسلوبه.💙
عدد صفحاته:244 صفحة
تقييمي:10من10❤
اتمنى لكم قراءة ممتعة❤❤

[Menna Hazem · Rating 3 out of 5]

كتاب جيد الى حد ما,اجتهد فيه الكاتب ولكن اعتقد ان تنسيق الموضوعات كان يحتاج بعض الجهد والتبويب, شعرت وكأن الكتاب كُتب على مرّه واحده بلا تنسيق او ترتيب او تبويب.
بعض الموضوعات كان السرد فيها موفّق جدا لكن أري بعض الامثله لا تليق بجلال الله سبحانه وكذلك أري في بعض الأحيان تقديم أدله الصحابه والتابعين على الآيات والأحاديث وهذا أمر تكرر كثيرا أعتقد أننا نبنى فكرنا على الآيه وليس أننا نتعلم من المشهد ونستدل بقول التابعى ثم نجعل الايه القرانيه فى ذيل المقال .
الكتاب يحمل رساله ومعنى ويمس القلب رغم عاميته المتواضعه أعتقد أنه مناسب لمبتدئ فى القراءه ولكنه على أى حال أ,قظ همّتى وذذكرنى بأمور غفلت عنها مع الأيام.
فللكاتب كل الثواب والأجر على كلماته الصادقه وفى انتظار كتاب آخر بلمسته الدينيه الاجتماعيه .

[Ayat Sultan · Rating 5 out of 5]

الكتاب من اسمه يخليك تبتسم :) 💙
عاوز تقرب لربنا ومحتاج دفعة :) محتاج ونفسك في صديق ينصحك عشان حاجات كتير في حياتك مش عارق تتصرف فيها عليك بالكتاب دا :) 💙
طول ما انا بقراه وأنا مستمتعة بكل موقف وبكل سطر فيه لدرجة اني كنت بنفعل مع الاحداث وأبكي احيانا .. بيحكي عن مواقف للصحابه النبي وعن مواقف النبي صلى الله عليه وسلم نفسه 💙
ومواقف فالحياه عمتا :) مطمئن للنفس وبيديك ثقة في نفسك وبيطلعك لأول سلم الوصول لربنا 💙
كتاب صديق فعلاً .. انا واثقة اني هقرأه تاني :) ربنا يجزيك كل خير يارب ويجعله في ميزان حسناتك :) #ليطمئن_قلبي 💙
وفعلا طمن قلبي وبدايه لحاجات تانية كتير ^^

[Reda Moustafa · Rating 3 out of 5]

كتاب جيد، ولكنه ككتاب (ما لم يخبرنى به أبى عن الحياة) قد قرأتهما بعد قرائتى لرائعة العريفى (استمتع بحياتك)، وهم -الثلاثة كتب السابق ذكرهم- يدورون فى نفس الفلك، لذلك كتاب (استمتع بحياتك) أقواهم من وجهة نظرى، ولكن عودة إلى ذاك الكتاب لم يعجبنى أنه بالعامية، ورغم اقتناعى بأن بعض الأشياء من الأفضل أن تكتب بالعامية -كحديث فى رواية ما بين أشخاص يعيشون فى مصر- ولكن ككتاب كالذى قرأت لا أحبذ ذاك الأسلوب فى الكتابة، فأشعر تمامًا بالضعف، وذاك -الكتابة بالعامية- يضعف من قوة الكاتب من وجهة نظرى، وبالعودة مرة أخرى فهو كما قلت كتابًا جيدًا، أنصح به لمبتدئى القراءة، فبلا شك سيفيدهم.

[Heba · Rating 4 out of 5]

الكتاب أسلوبه حلو و بسيط و لغته عامية غير مبتذلة و في بعض الأجزاء بالفصحي.
في بعض الفصول بتتكلم عن أمور دينية بأسلوب مبسط جداً و لكن بدون اخلال بالمحتوي ، و بعض الفصول بتتكلم عن أمور حياتية ، و في ذكر لقصص كثير منها ما هو شخصي للكاتب او لأحد معارفه أو قصص معروفة حدثت في زمن الرسول ( صل الله عليه وسلم ) أو في زمن الصحابة و التابعين أو قصص ذكرها أحد الشخصيات المشهورة .
في المجمل الكاتب جميل و مفيد و يستحق القراءة و جزا الله الكاتب كل خير و جعله في ميزان حسناته.

[Riham El Hawari · Rating 5 out of 5]

كتاب جميل ورائع
نورلي بصيرتي ف حاجات كتير عمر ما حد وجهني ليها ولا فكرتها بالطريقة دي
وذكرني بحاجات تانية كنت ماشية عليها فحسسني اني ماشية صح او علي الاقل بحاول جاهدة
فشد من عزيمتي وقوي من ايماني
شكرا لكتاب فعلا رائع وفعلا خير صديق
جزاك كل خير
انصح كل الناس تقراه
كتاب قدوة لمن لم يجد احد يوجهه ف هذه الحياة

[Ayatullah Magdy · Rating 3 out of 5]

الكتاب ناجح فى بدايته فى الاحساس بالهدوء والسكينة والكلام عن ربنا والتقرب اليه
لكنه فى منتصفه بيتحول لمجموعة من أشهر البوستات الدينية على مواقع التواصل الاجتماعى كما ان بعض تعبيراته تخرج من اطار الروحانيات والسكينة التى بدأ بها
بعض الاقتباسات ليست بمحلها او يتم الاشارة اليها على انها تعبر عن موقف غير الذى يتحدث عنه
مللت بنهاية الكتاب وكنت اقفز صفحاته الاخيرة لانتهى منه

[Maryam Hany · Rating 3 out of 5]

خلينا نقول ان في المجمل الكتاب حلو .. اجتهاد لطيف من الكتاب ولكن كنت شايفه ان الكتاب كان محتاج تنسيق اكتر من كدة .. حسيت ان الكتاب بيحط بعض الأفكار الغلط او مش كلها صح ..في بعض الإعتراضات على ربط الفصص الواقعيه بقصص الصحابه زمان لكني حبيت قصص زمان جدا واختياره ليها
الكتاب اثر فيا فعلا في شويه نقط ورجعني لحاجات كنت بطلت اعملها

[Asmaa Gaber · Rating 2 out of 5]

لم أستطع إنهاء الكتاب وقررت تركه ،وقيمته بنجمتين لأنه كان لطيفا عندما أعود له في وقت الحاجة وهو عبارة عن مقالات باللغة العامية المصرية (هذا ما لم يعجبني) وهذه المقالات في مواضيع متفرقة ،اشتريت الكتاب منذ اعوام وله ذكريات جيدة معي في بداية رحلتي مع القراءة وقت شرائي للكتاب كنت لا أهتم بلغة الكتاب ولكن هذه الأيام أفضل القراءة باللغة العربية الفصحى

[Youmna Fathy · Rating 5 out of 5]

لقد أحببت الكتاب جدااا ...
الكتاب حقا اسم على مسمى كم اطمئن قلبي حقا و أنا اقرأه ، كان الاختيار الامثل لبداية رمضان ، لم أتعجل في قرائته بل قرأته ببطأ حتى لا ينهتي و استمتع به بأكبر قدر 💖 ... شكرا جداا على هذا الكتاب الجميل ، كل موضوع احتجته و احتجت ان يذكرني به احد 💕

[Omnia_hasanein · Rating 5 out of 5]

مش مجرد كتاب والله ..ده تحسه شخص بينصحك وبيخفف عنك .💛..صديقك اللى لما تتخنق تروحله ويقولك كلام يلاقيلك حل لكل مشاكلك 🌸...اسم على مسمي فعلا ..اللى هو انا بقرأه ليطمئن قلبي💛🌸..بيتكلم عن كل حاجة 💛بيبنى شخصيتك من اول وجديد. .ده غير أن أسلوب الكلام حلو اوى .💛🌸 بجد كتاب رائع💕

[Amira " MoRoo " · Rating 5 out of 5]

انه البُرشامه ..ملخص المنهج اللي نذاكره يوم الامتحان وندخل نحل بيه :-
الدعاء
الاستغفار
الصلاه
الصدقه
الصيام
الحنيه
جبر الخواطر
الثقه بالنفس
العشم
الستر
الرزق علي الله
الشهامه
الاستغفار
اليقين
الصلاه علي الرسول
ولكن الرياء يظل هو دائما وابدا مايخيف ومايقلق القلب

[Youssry Effat · Rating 5 out of 5]

الكتاب الصديق ابسط ما يقال عن هذا الكتاب الرائع
كتاب يحتوى ع ابسط الامور الحياتيه و الدينيه
ويتناولها بشكل بسيط و مريح للغايه
كأنك قاعد مع واحد صاحبك بتحبه وتستشيره
وبيرد عليك بطريقه سلسه و محببه وكمان
بيجبلك امثله عن ناس كتير وحياتهم كانت ايه
وبقت ايه و كل ده فى سطور بسطية من غير كلكعه
الكتاب بيتكلم عن مواضيع كتير منها : الذنوب و كيفيه التخلص منها
التوبه و الصدقة و الصلاة
وكمان يبقى شكلك عامل ازاى و انت رايح تخطب و طريقتك
وبعد الخطوبة و حياتك فى العمل و مزاكرتك و تنظيم حياتك
حقيقى كتاب مبسط و شامل لجوانب الحياه
ومن الحاجات اللطيفه اللى عاملها الكتاب او دار النشر
الكتاب المصغر ده اللى موجود ف الصوره
كأنه مخلص للكتاب الكبير
وسهل انه يبقى معاك فى اى وقت
وكله نقط سريعه و بسيطة و كلها تحفيز و امل
بالاضافه كمان للغلاف الرائع والمبدع
و عشان كدة اديت الكتاب العلامة الكامله
5\5

و ممكن تشوفوا جريمتى ف معرض الكتاب من خلال الفيديو ده
https://youtu.be/vTFUXK9dsfU

[Omnia Ahmed · Rating 4 out of 5]

الكتاب لغته خفيفة و غير صعبة خالص، طريقة سرده للقصص اللي احنا حافظينها من احنا صغار مبسطة و مضروبة بأمثلة جميلة من حياتنا الآن. علمت صفحات كتيرة معاي، كتاب أنصح به لكل قاريء مبتديء، و بي يقين ان كل ناشر للمعلومات اللي فيه هيكون له ثواب عظيم

[Mohamed Ebada · Rating 4 out of 5]

يا ريت كتابتك بعد كده تبقي بالعربيه الفصحي افضل من العاميه المبتذله