Stormkind

by Riana Scheepers

Jana is net drie jaar oud toe haar ma spoorloos verdwyn. Op die Bolandse wynplaas Stormkloof treur KleinStorm oor sy pragtige vrou. Jana verlang ook na haar ma. Snags roep die wind haar buitentoe, maar Jana is nie bang vir die storm nie. As sy mooi na die wind luister, hoor sy die soet, hoe note van haar ma se fluit. Een so 'n stormnag ontmoet Jana vir !X'uri. !X'uri het gekom omdat dit tyd is om Jana se ma te soek.

190 pages, Kindle Edition

Published February 14, 2018

About the author

She received her PhD from the University of Cape Town. She writes children's books, short fiction, and poetry.

Reviews

[Trisa Hugo · Rating 5 out of 5]

'n Absolute magiese boek. Hierdie is een vir herlees. Die skrywer verstaan 'n stormhart in 'n mitiese, maar ook riële wêreld. Die verhaal begin met ’n storm in Afrika en eindig met ’n storm in Ierland, 'n sirkel voltooid. Die taalgebruik is liries en beeldend, die verhaal word beleef met al jou sintuie. Jy sien die weerlig, jy hoor die storm buite woed, maar dit laat terselfdertyd die storm in jou eie hart bedaar as jy tjoepstil sit en lees totdat jy jou eie hartklop hoor.

Die Boesman-mense se kultuur word slim verweef, maar mens vergeet nooit waar die verhaal afspeel nie.

[Mareli Thalwitzer · Rating 5 out of 5]

Oooooee dit was baie mooi. Magiese realisme vertel in die mooiste taal en woordspeling. Verseker 'n sterk aanbeveling.

[Coenraad · Rating 5 out of 5]

Riana Scheepers skep 'n betowerende teks met elemente van magiese realisme, volksvertellings en treurliteratuur. Lees gerus en geniet saam!

[Karin Behrens · Rating 5 out of 5]

KleinStorm van Deventer ontmoet vir Deidre O’ Donnell tydens ‘n koortoer na Ierland. Hy kon goed sing en sy het mense gefassineer met haar fluitspel, vir KleinStorm ook. Sy verlaat Ierland en gaan woon saam met hom op Stormkloof. Sy keer terug na Ierland om haar sterwende ma te gaan groet wanneer Jana net drie jaar oud is en verdwyn dan spoorloos.
Dan ontmoet StormJana vir !X’uri, ‘n klein Boesmandogtertjie. Wat volg is die verhaal van ‘n vriendskap tussen twee dogtertjies, maar ook van die wat die voorouers ook met Boesmans gehad het.
Stormkind vertel ook van mense wat nie geleerdheid het nie maar wel wysheid. ‘Skeelpiet weet wat hy weet omdat sy kop varkoor draai vir alles wat gesê en gedink word. Hy weet wat hy weet omdat hy met twee verskillende oë kyk na alles wat gebeur en weggesteek word’……’Ek kyk twee keer na dieselfde ding daarom sien ek méér’. P43
Stormkind is lieflik geskryf – vol emosie en pragtige taalgebruik. Die verhaal is tydloos en kan deur lesers van alle ouderdomme geniet word.
‘Die wind beweeg oor die hele aarde en sien alles wat gebeur’ p97

[Cecilia · Rating 5 out of 5]

Sjoe, dis een van daardie boeke wat mens vir lank binne jou ronddra.

[Anne-Marie · Rating 5 out of 5]

Stormkind is 'n boek wat jou saam wegdra op die wieke van die wind. 'n Lieflike lieflike boek in liriese Afrikaans.

[Salomé Kotzé · Rating 4 out of 5]

So nostalgies mooi. Hartseer maar ook nie.

[Liana Jansen · Rating 5 out of 5]

Magies

Pragtig! Herinner aan Paulo Coelho se werke en was gaande oor die verwerking van Bleek en Lloyd se navorsing. Siryn uit om nog van haar skrywe te lees

[Sanet Van · Rating 5 out of 5]

Wens ek kon dit 10 sterre gee!

[Susanna · Rating 4 out of 5]

Jana se ma het verdwyn toe sy net drie jaar oud was. Syt gaan kuier in Ierland en het net soos mis voor die son verdwyn. Jana se pa, Kleinstorm, treur steeds oor sy vermiste vrou en dis asof die hele plaas, Stormkloof, saam treur. Jana verlang steeds baie na haar ma, maar wanneer die stormwinde oor die plaas begin waai, kan sy haar ma se fluit hoor in die wind.

Jana word soms StormJana genoem, sy's nie bang vir enige storm nie. Sy is inteendeeel baie lief vir storms. Een stormagtige aand, glip Jana uit haar bed en stap die storm in. By die grootste boom op die plaas vind sy ‘n maaitjie, !X’uri. Sy sê sy het gekom na Jana, want dis tyd dat Jana haar ma gaan soek.

!Xu'uri leer vir Jana hoe om te kyk, te luister, te ruik en die wêreld rondom haar op te let. Dis al manier hoe sy ooit haar ma sal kan opspoor.

My gedagtes: Ons het die boek in die maand se boekklub gelees en kon lekker oor dit gesels. Dit was maar ‘n bietjie vreemde boek met kort hoofstukkies, maar tog wou mens aanhou lees oor StormJana en die raaisel oor haar Ierse ma.

[Lily · Rating 5 out of 5]

Ah, twee van my gunsteling dinge: Suid-Afrika en Ierland. Ek wens eintlik ons het meer tyd in Ierland spandeer in die boek.

Hierdie boek is magies. Dis 'n kindervehaal (vir die wat omgee) so dit gaan nie baie diep op die tema in nie, en eerlik gesê was dit eintlik ’n bietjie antiklimakties. Maar omdat dit 'n kinderverhaal is sal ek dit nou nie te streng beoordeel nie.

'n Nota vir die luisterboek-luisteraars: een van die vroeë hoofstukke gaan daar iets ergs fout met die klank. Dit fade in en uit en mens kan byna niks meer hoor nie. Dit hou net aan vir een hoofstuk en dan word dit weer beter, so moenie laat dit jou afsit nie.

[De Wet · Rating 3 out of 5]

Pragtig geskryf, mens kan seker sê dit val in die genre magiese realisme.

Jana se ma raak weg in Ierland, en niemand weet wat van haar geword het nie. Stormkind vertel grotendeels hoe Jana met behulp van 'n boesmanmeisie !X'uri (spook/gees) leer hoe om dieper as die ooglopende en die aardse te sien en te hoor sodat sy haar ma kan vind.

Die boek sal nie in almal se smaak val nie. Dit is stadig en beskrywend. Daar is nie 'n drywende intrige of iets van die aard nie, so as jy sulke dinge nodig het om jou lees te geniet gaan jy dalk sukkel met die een.

[Heidi de Goede · Rating 4 out of 5]

Magical!