Памяць пра легенды

by Kastus Tarasau, Кастусь Тарасаў

З багатай гісторыі Беларусі пісьменнік выбраў эпохі, падзеі, асобы мала даследаваныя, абкружаныя арэолам таямнічасці. Гэта далёкія часы язычніцтва. загадкавае XIII стагоддзе, калі князь Міндоўг аб'яднаў вакол Наваградка многія «чорнарускія» і літоўскія землі, паклаў пачатак будучаму Вялікаму княству Літоўскаму, Рускаму, Жамойцкаму і іншых зямель. У. К. Тарасава — сваё пісьменніцкае, эмацыянальна афарбаванае бачанне гісторыі. Ен умее пранікнуць ва ўнутраны свет людзей, аддаленых ад нас стагоддзямі, будзь гэта асветнік Сімяон Полацкі, ці падзвіжнік Сымон Будны. ці змагар супраць уніі Афанасій Філіповіч. Адрасуецца масаваму чытачу.

Published January 1, 1994

Reviews

[Markuša]

Праз усю кнігу праходзіць думка пра важнасць унёску беларускіх гістарычных постацяў у агульнаеўрапейскую культуру. Кніга ахоплівае фактычна ўсе этапы гісторыі Еўропы і паказвае, што протабеларускія дзяржаўныя ўтварэнні не стаялі ўбаку ад гэтых працэсаў, а былі іх неад’емнай часткай. Кніга ахоплівае перыяд ад Сярэднявечча, праз Рэфармацыю і Контррэфармацыю, ажно да сучаснасці.

Адначасова аўтар справядліва падкрэслівае цяжкую долю беларускага народа на працягу стагоддзяў. Напрыканцы захапляешся вытрываласцю і воляй беларусаў да жыцця, адначасова разумеючы, што старонкі нашай гісторыі не заўсёды былі белымі. Кніга дае імпульс да больш рэалістычнага і ўзважанага погляду на гісторыю Беларусі.