ألف ليلة فانتازيا

by محمد الدواخلي, عبد العزيز أبو الميراث

عبر مئات السنين ألهمت شهرزاد بحكاياتها آلاف الرواة والحكائين والقصاصين
لكن في كتابنا هذا تجلس شهرزاد مستمعة لحكايات أخرى
حكايات من عالم الاشباح الآتية من مستقبلها
لتحكي عن مغامرات عجيبة تجمع بين الفزع والسخرية وتكشف عن شهريار اسرار لم تعرفها في الف حكاية وحكاية

176 pages, Paperback

Published January 1, 2018

Reviews

[Yousra · Rating 4 out of 5]

هي رواية مجنونة جدا فعلا 😀

لا أخفي سرا أني قطعت عهدا على نفسي بالبحث عن أعمال الكاتب محمد الدواخلي ولسة فاكرة "بو جلود" للكاتب عبد العزيز أبو الميراث من مجموعة قصصية اخرى لذا كان وجود اسميهما على كتاب صادر عن دار نشر جديدة سببا لاقتنائه وقرائته

الفكرة لطيفة جدا والشخصيات مسلية فعلا وأفكار الحكايا كلها مبتكرة ومجنونة

ألعاب كمبيوتر تحبس لاعبيها ... عالم تنانين ... الغول الدب ومسحور الشبح أخو مسرور السياف 😀

الكتاب أخد مني وقت لأني بدأته أيام امتحانات ولادي والمذاكرة لهما مع فواصل شغل القرود اللي بيعمله أخوهم الصغير آخر العنقود 🤣🤣 وبعدها سافرنا وبعدين بدأ شهر رمضان ... يعني الكتاب اتظلم عالآخر من حيث الفترة اللي اخترتها لقرائته

كتاب خفيف ظريف لطيف والله 😀

[Heba Elkhwaga · Rating 1 out of 5]

#ريفيو
#الف_ليلة_فانتازيا
#محمد_الدواخلى
#عبد_العزيز_ابو_الميرات
#رواية 176 صفحة
فانتازيا
كانى بتفرج على فيلم كارتون رخم
منتهي السخافة والاستظراف بين شهريار وشهرزاد ومسرور
مابقتش عارفه لا افهم الاسقاط ولا استحمل الظرف

الروايه عبارة عن 3 قصص بيحكيها 3 اشباح من عصور مختلفة ل شهريار وشهرزاد
الاولى اسقاط عن مخاطر التكنولوجيا وازاى سيطرت على العالم
والثانى اسقاط على الثورة
والثالثة ماقرأتهاش الحقيقه لان خلاص ضغطى كان جاب اخره كده

ومفيش تقييم ماتستاهلش

[محمد]

تجربة مجنونة مع الكاتب المغربي المتميز عبد العزيز ابو الميرات في عمل ساخر يجمع خطوطا اخرى من الخيال العلمي والفانتازيا والرعب حيث تستمع شهرزاد لحكايات اصدقاء شهريار من الاشباح ثلاثة اشباح من ثلاثة ازمنة مختلفة تحكي ما مرت به من اهوال لم تنته حتما بالنهاية السعيدة (عاشوا في تبات ونبات) حيث بطبيعة الحال افتقددت للفعل(عاشوا) في نهايتها

[Ahmed Elnaggar · Rating 3 out of 5]

رواية كويسة كفكرة انما التنفيذ بتاعها كان غريب شوية. الحاجات المتناسقة فى القصة هى الاشباح نفسها انما غير كده كل واحد عارف حاجة غير الثانى وصعب جدا تمشى ورا الراوى بتاع القصة. الربط كان غريب جدا بين الاحداث وكان عندك نقطتين عايز توصل بينهم باى طريقة وفى الاخر بيطلع شكل غريب وخصوصا فى قصة مسحور اللى كل تفاصيلها كانت بترمى علطول على عالم الارواح واللى كان بيغيظ جدا وفى نفس تلوقت بيفتح الامكانية لحاجات كتير مش متوقعها تحصل. اضافة الفكاهة كانت ثقيلة شوية وخصوصا فى حالة سحر اخت مسحور وحوارات شهرازاد وشهريار اللى فى رايى كانت محتاجة كوميديا الموقف احسن.

[Sally Elshafei · Rating 2 out of 5]

مجنونة فعلاً، لم أتوقع أبدا أن يصدر مثل هذا العمل من محمد الدواخلى الذي استمتعت بقراءة (حكايات الغول الأحمر الأخير) من قلمه، لا أعرف هل هى العامية وسط الحكايات، أم محاولة اقحام النكات غصباً في المنتصف، احمد الله ان الكتاب لم يتجاوز الثلاث حكايات وإلا لا أعرف كيف كنت سأنهيه، الفكرة مبتكرة ولكن التنفيذ أضاع الكثير من جوده الفكره

[Khaled Omara · Rating 1 out of 5]

نجمة واحدة للفكرة
أما التنفيذ فللأسف ليس على المستوى المطلوب
بداية من الغلاف الذي يشبه أغلفة قصص الاطفال وصولا للأحداث التي تم حشر مصطلحات الخيال العلمي فيها حشرا..
ألشات ثقيلة على النفس في محاولة بائسة لإستجرار الضحكات ..
ختاما
هي قصة تصلح لطفل في العاشرة من عمره لا أكثر

[Tamer · Rating 1 out of 5]

حرام محمد الدواخلي يحط اسمه على كتاب تافه زي ده بعد ما ألف كتاب تحفة زي الغول الأحمر

[محمد الشافعي · Rating 1 out of 5]

ألف ليلة فانتازيا
محمد الدواخلي & عبد العزيز أبو الميرات
الغلاف : مقبول
هي فعلا رواية مجنونة ، كبسولة خفيفة من الفانتازيا التي تاخذك في استراحة ما بين القراءة
القصة الأولى مبدعة ، الثانية محايدة ، الثالثة مملة جدا
النهاية رائعة وطلع كل اللي في الرواية أشبااااااااح حتى الاتنين اللي كانوا بشر ماتوا وأصحبوا أشبااااااااح