للمنكسرة قلوبهم

by سلمى سامح شمس الدين

232 pages, Paperback

Published January 1, 2018

Reviews

[خديـچ · Rating 4 out of 5]

رواية لِـ المُنكسرة قلوبهم لِـ الكاتبة سلمي سامح شمس الدين، واللي كان ليها أعمال أدبية عديدة بدايةً "تركتني وحيدة فِـ المطبخ سنة 2015، ورواية لِـ المُنِكسرة قلوبهم سنة 2018، وأخطاء الليلة الماضية فِـ إسطنبول فِـ أكتوبر 2018، منازلهم الصغيرة لا تسعني، أخطاء الليلة الماضية فِـ ستوكهولم".

_سلمي سامح شمس الدين لمن لا يعرفها هي روائية مصرية، عندها 24 سنة من مواليد محافظة القاهرة، تخرجت من كلية سياحة وفنادق جامعة الأسكندرية، وبدأت فِـ المجال الأدبي بِـكتاب "تركتني وحيدة فِـ المطبخ سنة 2015".

_رواية لِـ المُنكسرة قلوبهم من إصدار دار الرسم بِـالكلمات لِـ النشر والتوزيع، عددَّ صفحات الرواية 230 صفحة، الغلاف من تصميم إسلام مجاهد .. وأحب أنوه إن الريڤيو دا مفهوش أي نوع من أنواع الحرق لِـ أحداث الرواية..

_الحكاية بتبدأ مع بنت أسمها "فيـروزة" وبتشتغل فِـ مجال الميديا والأعلام وحبيت تعمل تجربة جديدة وفكرة مُبتكرة وهي عبارة عن "بحث عن حياة الأنسان فِـ شتي مراحل حياته والأشياء المُؤثرة فيه"..
فيـروزة حبيت تعمل دا من خلال 3 مراحل مهمة فِـ نظرها واللي هما "ما قبل النهايات، والنهايات، وما بعد النهايات".
بنشوف فِـ الرواية مواقف كتير زي الحب ومشاكله، الزواج ومشاكله .. إلخ، ومواقف كتير مختلفة وإجتماعية وأغلبنا ا لو مكنش كلنا بيعاصرها، والأسئلة اللَّي بتبدأ ترددَّ فِـ دماغنا "هل الحياة هتقف على شريك حياة مطلعش مناسب؟، طب هل الحياة هتقف على حلم كان بِـالنسبالكَ مهم وضاع؟، وايه هو مفهوم السعادة من وجهة نظركَ؟!!".

_أولًا تصنيف الرواية من وجهة نظري كانت رواية نفسية رومانسية بحت، والرواية حققَّت نجاح كبير وأعلي نسبة مبيعات فِـ فروع مكتبات فريجن.

_ ثانيًا الشيء الجذاب فِـ الرواية هو هيكلها العام، كان جديد ومُبتَكر فعلًا وبالأخص فكرة الفيديوهات، أينعم هو كلام يُقرأ ولكن طريقة السرد كانت قادرة توصلـكَ كل حاجة كأنِه فيلم شغال قدامـكَ.

_فكرة الأنتقال بين المَشاهد فِـ الرواية كان لطيف، مكنش مُبتذل وسريع لِـدرجة التوهان، ولا كان بطيء لِـ درجة المللَّ، ودايمًا وأنـتَ بتقرأ هيكون عندكَ إحساس دفين إن فيكَ من الأبطال دي، أو أنكَ قابلت الأبطال دي سواء كان صحابكَ أو جيرانكَ..

_ اللغة فِـ الرواية كانت جيدة وكانت متقسمة ما بين العامية المصرية، واللغة العربية الفصحي، وكان الغالب هي العامية المصرية وحديث الأبطال، بس دا ميمنعش إن الفصحي كانت جيدة جدًا ومُتقنة جدًا فِـ إستخدام المصطلحات على الرُغم من قلتها..

_ السرد كان مُتقن جدًا، والوصف كان إبداع، فكرة إن مشاهد الفيديوهات وصلالكَ وكأنكَ مُشاهد مش قارئ دا قمة فِـ الأبداع..

_الرواية بسيطة وسلسة، وعددَّ صفحاتها 230 صفحة وتخلص على قاعدة واحدة أو أتنين مع كوباية قهوة أو شاي وميوزك هادية، الدنيا هتبقا لطيفة..

_ الشخصيات بِـالنسبالي كان تركبيهم مهم جدًا، والأهتمام بيهم كان مُمَّتاز، وقدرت سلمي توظف كل الشخصيات بِـشكل كويس على الرغم إن عددَّهم كان كبير، الأ أنها قدرت تهتم بِـكل شخصية صح..

_دوافع الشخصيات ومُبررَّاتها كانت جيدة، وكويسة ومكنتش مُبتذلة أوڤر لِـ درجة إني أتعلقت بِـالشخصيات وأتاثرت بيهم جدًا وعيطت عليهم، وعيطت لما الرواية خلصت 😂

_الغُلاف كان بسيط ولطيف، ومن الأغلافة اللي تصميمها يشد القارئ.
وشعار الفاصلة المنقوطة أو "سمي كولون" دا كان شعار أتعمل عالميًا لِـ الناس اللي بتحارب الأكتئاب أو بتسعي، أو أنها تتخطي دا، أو تخطيته بِـالفعل..

تقييّمي لِـ الرواية 4.5/ 5 وبسـكدا 💛.
_لِـ خديجِة عَبِـدالتواب

[إيمان · Rating 4 out of 5]

بداية كده الغلاف عبقري حرفيا مش بس يستحق نجمة واحدة لاء ده الخمس نجوم ..
الرواية نفسها فكرتها غريبة ومجنونة على الرغم من وجود فكرة اللايف حاليا لكن ان كل حاجة كون على العام كده ده مختلف و ده يستحق النجمة التانية ...
واقعية الاحداث و الوجع و اللغة البسيطة اللي كاتبة بيها سلمي الرواية تخليك متعايش للأحداث ، يضحكوا تضحك معاهم يعيطوا تعيط معاهم فيجي عليك لحظة تحس انك منهم .. نهاااااااااااااااااية مفاااااااااااااااااجأة تستحق نجمة لوحديها بالتأكيد و دي النجمة التالتة ..
النجمة الرابعة ودي اول مرة تحصل ان وصف مشهد يستحق نجمة لوحدة وهو مشهد وفاة والد فيروزة لحد مابعد الدفن ... حرفيا المشهد دده قتلني و خلاني أستعيد وفاة والدي ...
النجمة الاخيرة تستقط بسبب كتر الحوار اللي تقريبا كان اكتر من نص الرواية فغلبت العامية على الفصحى و ده خلى الرواية خفيفة بزيادة ..
منتظرة جدا اللى جي من سلمي ...

[ᗩᗰIᖇᗩ ˚ʚ♡ɞ˚ · Rating 4 out of 5]

فيروزة بنت بتدرس اعلام بتحاول تدور علي حياة الانسان في مراحل حياتة من خلال ٣ مراحل : ما قبل النهايات ، النهايات ، ما بعد النهايات
بنشوف في الرواية اكتر من قصة وهي لانها روايه نفسيه اجتماعيه فيها جزء رومانسيه
الرواية جميله جدا بجد وفي مشاعر كتير ولو ان النهاية صادمه ولكن فعلا الرواية دي مميزه

اقتباسات :
-بس ليه واخدين انطباع عن النهايات إنها بتكسر؟
خليني أكون واضحة الأول، كلنا مختلفين زي اختلاف لون بشرتنا بالظبط، في وقعة ممكن متقومنيش
مع إنها نفس الوقعة اللي بتقوي شخص تاني، هل ده معناه إلي غلط وهو صح؟ إطلاقًا.
わ
ده معناه إن طاقتي بتخلص بسرعة والشخص التاني طاقته لسه فيها شوية،.

-أسوأ حاجة في النهايات إنها بتحاول تخسّرنا الحاجة الحلوة اللي طلعنا بيها من الوقعة ديه، فهل
هنخسرها فعلًا؟

[Farah Garcia · Rating 3 out of 5]

مشاعري متلخبطة جداً الرواية لا بأس
و شتريت الرواية كعلامة من ربي وقتها اني كنت بدي انهي حياتي في فترةٍ ما
بدأت الرواية و كانت خفيفة لحد ما وصلت لصفحة ١٣٥ و بكيت. بكيت لانها عبرت بالتفاصيل عن شو صار معي عند وفاة اختي الله يرحمها
لمستني لان شرحت بالحرف الي مريت فيه،نهاية الرواية كانت مفاجأة و ليسَ مفاجأه شيقة الصراحة زعلت
خربت النهاية اوكي صدمتينا الخ
الرسالة بال "semi colon” انو ما ننهي صح؟
و انو نكمل الخ صح؟
و انو نحط "فاصلة" صح؟
ما فهمت ليش انتحرت؟
مشاعري متلخبطة ما بين لمستني و ما بين ليش ؟
شو الرسالة هون بزبط ؟

[Mina Luiz · Rating 3 out of 5]

الكتاب كئيب ولا يعطي الأمل، و لكن الكاتبه متمكنه و دارسة جيدة للمجتمع و قد سردت مشاكل المجتمع الراهنة ببراعة. و لكني كنت في سجن الحزن و توجس من أول صفحة لآخر صفحة لأني كنت فاهم ما كانت ترمي إليه الكاتبة ؛ خصوصا العلاقة العاطفية الناشئة عن إنجذاب جنسي

النهاية لم تكن مرضية بالنسبة لي بل محزنة . كانت كأيبة و بأعتراف الكاتبة " لن أدلك على السعادة ، عافر و جدها"

[Sara Hosny · Rating 3 out of 5]

مش هنكر إن الرواية كانت تقيلة على قلبي في الأول!

كقاريء لا يميل للعامية كانت اللغة أول مُخيّب للآمال، في البداية حسيت الرواية مملة، ما أخدتنيش عنوة لأعيش بين الأحداث زي ما بحب الروايات تعمل فيَّ، لكن مع تقدمي في الرواية حدث واندمجت وعيشت معاها، أحببت كثيرًا اللقاء الأخير (ما بعد النهايات) في مركز الأمل للمنكسرة قلوبهم.

البلوت تويست اللي حصل في الآخر مع فيروزة لوحده يستاهل ال٣ نجوم دول😂♥️♥️

[Kholoud Essam · Rating 5 out of 5]

انا ضحكت و عيطت دمعت وفرحت اتكسفت مشاعري كلها كانت مرتبطة بيهم ..مبسوطة اني قريت رواية زي دي مبسوطة اني من كتير مقريتش حاجة حلوة كده وجت روايتك تخليني ارجع تاني اتبسط بالقراءة
شكرا لاختيارك الموفق جدا للاغاني جوه الرواية ❤
بتمنى لك التوفيق و في انتظار جديدك دايما ❤

[Nevine Etman · Rating 5 out of 5]

"هو مش فاهم، مش فاهم اني ساندة عليه، ساندة عليه حتي وهو مش موجود..."

[Khloud · Rating 4 out of 5]

اعجبتني بلغتها البسيطة وابطالها المنكسرون
وكرهت النهاية بواقعيتها المؤلمة
ولكن الصفحات الاخيرة ألمتني اكثر.. رائعة

[ShoSho Anwar · Rating 4 out of 5]

الكتاب داه عني وعنك وعن اللي انكسرت قلوبهم بسبب حلم ضاع.. بسبب مرض خليهم فقدوا اللي بيحبوهم ويسيبوا عالمنا ويسكنوا فوق..عن الخذلان... الوجع بك انواعه
انت اكيد هتلاقي نفسك هنا ف كل مرحله🌸

[Mohamed]

اااا

[rudy · Rating 4 out of 5]

4.5

[Rana Walid · Rating 4 out of 5]

رواية جميلة جدا
الغلاف و الكلام اللي مكتوب عليه ملهم جدا
و الإهداء كمان رائع
و أجمل حاجة النهاية الغير متوقعة
فيها اقتباسات كتير عجبتني

[Abdalrezzak · Rating 5 out of 5]

رائع

[Mayada · Rating 5 out of 5]

الرواية كسرت قلبي انا شخصياً 💔

[Youssry Effat · Rating 4 out of 5]

مراجعة للرواية بعد قراءة ثانية من وقت القراءة الاولى من سنة تقريبا

ان يكون بين يديك عمل معاصر يجيد توظيف ما حوله من عوامل و استخدام للتكنولوجيا التى حولنا بشكل جيد و مناسب فأنه شىء يستحق المحاولة و التجربة معه مرة اخرى..لذلك قرأت رواية المنكسرة قلوبهم او سمى كولمن للكاتب سلمى سامح شمس الدين ودعنا نتكلم فى البداية عن الغلاف او فى العلامة و هى النقطة و تحت الفاصلة وهى فى علامات الترقيم الفاصلة المنقوطة ; و التى استخدمها البعض كرمز لمكافحه الاكتئاب , فأذا كنت تعلم هذا قبل قرائتك ستتوقع انها كتاب عن الاكتئاب و هكذا لكن دعنا نخوض رحلتنا مع فيروز بطلة الرواية و التى تسعى لعمل دراسة مختلفة عن حياة الانسان ولكن فى دراستها دى بتحاول تركز على نقطة معينة نقطة التحول اللى بتغير كل حاجه و كان دايما سؤالها مع نفسها و استغرابها " هو اللى اللى بيحصل بعد ما الفيلم يخلص و تنزل كلمة النهاية " و " هو البطل و البطلة بيعيشوا فى تبات و نبات ؟ " فبتقدملنا فيروز من خلال دراستها اللى بتتقسم لثلاث اقسام و هم : ما قبل النهايات و النهايات و ما بعد النهايات.
فى كل مرحلة من المراحل بنعيش مع الابطال اللى بيتطوعوا للدراسة دى اللى هى اعلنت عنها من خلال حسابها على الفيسبوك .
ابطالنا بتتقسم حكايتهم و تختلف فى مشاكلهم ,فهناك مثلا من تكون مشكلته فى حلمه و هناك من يكون مشكلته فى اسرته و هناك من مشكلته فى الزواج و حلم الخلفة ,نعيش من خلالهم كل المصاعب و المواجهات و العقبات و كل هذا من خلال تسجيلات او فيديوهات تعرضها فيروزة على حسابها على الفيسبوك
تجذبنا الكاتبة فى الفيديوهات ببساطة و تجعلنا شخص من ضمن الاشخاص لنصبح متشوقين للمرحلة المقبلة و نريد عن نعرف المزيد عن حال كل ابطالنا فى الحكاية تجعلنا نريد ان نعرف ما بعد النهايات .

استطاعت سلمى سامح ان تستخدم وسائل التواصل الاجتماعى فى عملها بشكل بديع و مختلف و غير مبتذل تماما ,جعلتنا من خلال وصفها و استخدام بطلها الاخر عمر "الرواى" للحكاية ان نعيش و نرى معاه كل ما يسرده و يوصفه لنا فأصبحنا دون اراده ان نكون داخل التفاصيل و تصبح نهاية العمل هى الافضل
لتطل علينا فيروزة ..عفوا الكاتبة سلمى سامح بالعديد من الاسئلة المهمة التى سوف تستكشفوها من خلال قراءة العمل

[Osama Yosre · Rating 4 out of 5]

اسف مش هقدر اسمع نصحيتك باخر صفحة انى ما اكتئبش......!
فيروز قررت تعمل مجموعه من الافلام التسجلية عن مجموعه من الشخصيات المحيطة بيها فى ثلاث مواقف قبل النهاية ( الازمة او المشكلة ) والنهاية وبعد النهاية وكل شخصية بتحكى حكايتها فى الثلاث مراحل منهم اللى بيحكى عن الحب المفقود واخر عن الموت واخر عن الخلفة واخر عن المرض واخر عن الفقر والغنى وهنفضل مشين معاهم لحد النهاية
ونشوف الفرح بالبداية والجنون ثم الحزن ثم الواقع الصادم .... يمكن ما حبتش اسلوب التسجيل والتصوير ولو كانت الكاتبة حكت الحكايات على شكل حكايات متوازية يبقى افضل بس برضه فكره جديده ما شفتهاش قبل كده
اسلوب الكاتب سهل وبسيط والغلاف رائع وكئيب ويناسب مود الروايه زى العنوان الذى يدعو للتفكير
واخيرا اقوى مشهد بالروايه مشهد وفاة والد فيروزة لحد مابعد الدفن !!!!!!!!
https://www.facebook.com/photo.php?fb...

[Malak Sherif · Rating 3 out of 5]

رفيقي في اجازة العيد 🤍
.رواية للمنكسرة قلوبهم - سلمى سامح شمس الدين
.عن دار الرسم بالكلمات
.
تخيل كده لو قسمنا حياة الناس لثلاث فترات رئيسية كلنا بنمر بيها
البطلة هنا عملت تجربة علي ناس «بنائا علي قصص حقيقية» و قسمت حياتهم ل«ما قبل النهايات» و احنا طايرين و الحياة كلها ورود و وعود و فرحة و «النهايات» الصدمة البتحول الحياة فجأة لأسود بهتان و « ما بعد النهايات» مصير أبطالنا هيكون ايه
شعار الرواية هو (؛) هو شعار الناس التعافت من الأكتئاب
و ده الخلاني اقرأها بحثا عن الأمل
و لكن لو بتدور علي رواية تخرجك من الأكتئاب فا الرواية دي بتقولك دور علي سعادتك بنفسك للأسف ملقتش فيها الحل
اسلوب الكاتبة كلعادة سهل و سلس و يدخل القلب بسرعة
رواية لطيفة قضيت معاها وقت اجازتي و خلتني افصل شوية
اتمنالكم قراءة ممتعة و تذكروا دائما أن نهايتكم لم تحن بعد ؛

[Renad Sherif · Rating 5 out of 5]

لازلت كل مرة يفتح فيها الرواية بنجذب لها وكأنها المرة الاولى، حقيقي الفكرة تبان اعتيادية ولكن واقعها مميز جدا، وسرد الاحداث عجبني جدا لأني محستش اني تائهة فيه بالرغم من ان فيه تفاصيل كتير 👌🏻♥️

[Waed Nour · Rating 5 out of 5]

i think that this book is very nice and sad but iam waiting to read it