‫الهصور‬

by ايهاب عصمت

يتعرض ابراهيم اللص المحترف لحادث يدخل بعده فى غيبوه تستمر شهرا” يرسل له جده فيها رسائل من العالم الآخر محاولا” إرشاده لشئ ما ، يفيق بعدها من الغيبويه وقد تحول إلى شخص غامض ، على يده وشم غريب لأسد قوى ، لا يعرف ابراهيم من اين اتى هذا الوشم ، وما سر الشيخ الذى يعيش وحيدا” فى قصر أسطورى ، واجهته تبدو كوجه أسد ، وما سر اللعنه التى تصيب من يتعدى على القصر ، ويكتشف ابراهيم أن هناك مسئوليه على عاتقه ، وعليه الاستعداد لها ، وسط اجواء غامضه ومثيره ، فهل سينجح فى مهمته ، اترك جسدك مكانه واتبعنا فى معركه لا يحتويها زمان او مكان معركه لا يفوز فيها الا من يملك قلب أسد هصور وايمان رجل عابد فمن سينتصر فى معركة الخير والشر الأزليه ؟ وهل انتهت المعركه ام انها فقط البدايه

244 pages, Kindle Edition

First published July 16, 2015

About the author

كاتب وروائى مصري ،باحث دكتوراة ومحاضر فى السلوك التنظيمي له مجموعة من المؤلفات كتاب طعم الحياة سلسلة أدرينالين 1,2 رواية الهصور رواية 2 حارة الغول

Reviews

[Yousra · Rating 3 out of 5]

لما باكون في النادي لازم بيبقالي زيارة لمكتبة الأهرام ... كتير جدا لما بادخلها ألاقيني باشتري لمؤلفين جدد
ماعرفهمش وأرجع البيت أقول طب ليه ... وكتير جدا اشتريت روايات وكان يبقى ناقص أعيط جنبها وأرجع بيتنا أفتح الجودريدز وأحاول أشوف مين قرا إيه من اللي اشتريته ومين تحديدا من اصدقائي أنا مش أصدقاء المؤلف المجاملين أو أصحاب الحسابات اللي مابتقراش إلا الرواية محل المراجعة

في المغامرة الأخيرة للكتب المشتراة اللي عددهم ٤ لقيت العجب وواضح إني اتخنقت من كتابين منهم بس قررت إني هابدأ بالهصور لأن غلافها والنبذة عجبوني ولقيت حد من اللي باثق في ذوقهم مقيمها حلو بس ماقريتش مراجعته علشان مايبقاش فيه حرق للأحداث .... وعلى عكس المتوقع والمعهود في مغامراتي
الشرائية من النادي عجبتني الرواية دي ! رواية فيها قصة ...

قصة عن الخير والشر وعن بعض أسافل البشر ويحسب للكاتب إنه ابتعد ونأى بنفسه عن قواميس الشتائم اللي بتترص حاليا في موضة سيئة فيما يخص الروايات الجديدة! بالعكس، وضح الكاتب أفكاره وخلق جو القصة بدون ما يثير امتعاض القارئ وأتمنى إن ده يكون مسلكه في رواياته القادمة

فيه أخطاء طباعية وسط غياب تام لنقطة نهاية الجملة واستبدالها بفواصل مالهاش معنى أو مزج نهايات الجمل ببدايات الجمل الجديدة! والفاصلة تلحق الكلمة السابقة عليها بدون مسافات بينما يليها مسافة

فيه مشكلة في التنوين بالفتح بجد :D

فيه حاجة لخبطتني وعديتها بخصوص عم رجب

تحية أو توحة صعبت عليا جدا -_-

كان ظهور شخصية محمود السوهاجي كأنه مقحم على القصة او إن المؤلف نسيه وتداركه بعدين بس عموما مكانش دوره مستفز

من كل ألقاب العائلات المصرية مفيش إلا أبورية يبقى حرامي؟؟!! هو لقب عائلة زوجي وأبنائي >_< وخفت ألاقي فيه غازي في الموضوع كمان بما أن اللقب موجود في الأسكندرية زي ما هو في الشرقية :-/

عموما الرواية لطيفة ومختلفة ودفعتني لاستكمالها في وقت قليل وده شيء لطيف

وللي حابين يعرفوا هي عن إيه هيعن الخير والشر والسحر والشياطين وأصحاب الخطوة والصالحين

[Ahmed Gohary · Rating 3 out of 5]

رواية جيدة عن صراع الخير و الشر مكتوبة بأسلوب منتشر الان وهو مزج الفصحى بالعامية
الرواية هى التجربة الاولى للكاتب لذلك يمكن ان نغفر لة بعض الاخطاء لذلك لن تؤثر على تقييمى للرواية بشكل كبير لكن لابد من توضيحها ليتداركها الكاتب ان امكن

الخطاء الاول
فى بداية الرواية ذكر الكاتب ان الاحداث تدور فى الخريف ثم فى ص13 وصف الكاتب بعض الشخصيات بأنها عائدة من سهرات سمر صيفية

الثانى ص122
الجملة التالية غير منطقية بالمرة"تلقى ضربة افقدتة الوعى ليجد نفسة مقيدا فى غرفة تحت الارض (بيت الشيطان) ,معصوب العينين وعلى وجهة وجسدة اثار تعذيب رهيبة" لا ادرى ما جدوى تعذيبة وهو فاقد الوعى
وفى نفس الصفحة نكتشف انة يخضع لهذا التعذيب منذ ثلاث ايام

ص172
علي لسان امين ,ابوة كان يتابع مع محامى لاسترجاع القصر من الاثار على الرغم ن ان رجب ابو امين مات قبل ان يقتل الاسود سميرة وعونى
معنى ذلك انة عندما مات عم رجب كان القصر فى حيازة عائلة ابراهيم وليس هيئة الاثار فكيف رفع قضية على الاثار بعد موتة

عموما الرواية مشوقة جدا وتستحق القراءة

[إنجي مطاوع · Rating 4 out of 5]

#الهصور
#ايهاب_عصمت
الباك كوفر مش مدي الصورة الحقيقية للرواية اوقات كتير بتغش في الباك كوفر وبكون فكرة عن رواية وتطلع مختلفة لهذا مش بعتمد عليه ابدا في اختياري ديما بيكون اختيار ثانوي مع الغلاف وبعتمد على مدي معرفتي بالمؤلف او الاخبار المنشورة عن الرواية
الرواية دي توصية من استاذ محمد مكتبة #ألفابيتكا وصراحة لم أندم على أني سمعت كلامة وقرءتها
عارف يعني ايه تعيش ساعتين ونص او تلت ساعات مع جو خيال
الجميل فيه انه صور الواقع بكل ما فيه والحياة الصعبة اللي بنعشها وبنعاني منها وازاي ممكن تقتل فينا الانسان والروح البريئة وتحولنا لمجرم
ازاي الظروف والدنيا والناس تحول انسان من عليه القوم خلقا واخلاقا الى شخص من اسوء ما في البشر
شخص اقل وصف يقال عليه انه حقير ولا يستحق الحياة
لغاية ما تيجي لحظة ويشوف شريط حياته كله بيمر قدامة فيتعرض لازمة قلبية يدخل غيبوبة شهر
خلال الشهر او فترة الغيبوبة بيستعرض المؤلف حقيقة هذا الانسان وطفولته واهله
وربط بين كل ده وبين قصة قديمة اوي تعتبر اساطير ومن المفترض ان فترة الغيبوبة كانت انذار يفوقة من اللي هو فيه
لتتحول الرواية الى شكل اخر من الفانتازيا الرائعه
حيوانات وشياطين ومسوخ وبنات قمرات _(على فكرة وصفك لسيلا خلاني شوفتها فعليا مجسدة قدامي حتى الاسد الهصور شوفته كانه حقيقة)
سرد جميلة وغير ممل ولغة جميلة وبسيطة
اماكن ومواقف وكلها اجاد وصفها والتعبير عنها
صراحة من ضمن قلائل اعجبوني لدرجة الاستمتاع بنسبة عظيمة
ربنا يوفقك وبانتظار جديدة طالما بهذه الجودة والجمال
وشكرا بجد مرة تانية لانك امتعتني بكتاباتك ولانك قدرت تمزج الواقع بالخيال بكل هذا الجمال والتمكن
الحاجة الوحيدة اللي زعلتني ان البطل ديما شخص وصل لاسوء حاجة ممكن انسان يعملها
لية صاحب الوشم كده مينفعش كان يبقى سيد مثلا لية كريم
وبعدين هيكون البطل ازاي وهو السبب في الحادث الاخير
اسئلة واستفسارات مش لقيه ليها حل صراحه
ولية صاحب الوشم مكتوب عليه العزلة والوحدة مش حلوة دي :)


بالتوفيق


#إيهاب_عصمت

#انجي_مطاوع

[Nesrin saad · Rating 2 out of 5]

الجيد في الرواية هو أنها خالية من أي حوار مبتذل أو كلمات نابية ولكن الشيئ الغير جيد هو لغة الرواية العادية جداً والسرد الأقل من عادي ، أتمنى للكاتب التوفيق في روايته القادمة وأشكر له حُسن أحترام عقولِنا وتجنيبنا الأسفاف والأبتذال الذي تفشى بين بعض الكتاب حالياً

[Noha Mansour · Rating 4 out of 5]

الرواية ماشاء الله روعة خفيفة خلصتها ف يوم واحد
الأحداث مشوقة فعلا بس اللخبطة ف التنقل الكتير الازمنة
بشكل عام جيدة واللغة سهلة جدا
بس السؤال ليه القائد بيكون الشخص الفاسد؟؟ هي الفكرة حلوة طبعا وربنا يهدي الجميع
ف انتظار قراءة ٢باب الغول وبرضه اللي شدني الاسم لحد الان ربنا لم يخيب ظني وفكري ف طريقة اختياري للروايات الجديدة وبالذاااااااات للكتاب الجداد
مزيد من التفوق ان شاء الله

[هالة الملوانى · Rating 4 out of 5]

العمل يستحق أربعة من خمسة
الإيجابيات التشويق الخيال الفكرة النبيلة وهى الصراع بين الخير والشر وأنتصار الخير عندما يكون الأنسان قد تنزه عن كل شىء سوى حب الله وعبادته
احلى ما فى الرواية انها بتأيد فلسفتى فى الحياة أن الدنيا متستاهلش اننا نتقاتل عليها احنا فى رحلة مهما طولت فهى بردو قصيرة رحلة هنقوم بيها يا نحاول نستفيد منها صح من غير ما نلبس نفسنا ذنوب ومعاصى ومشاكل ليس لها اى قيمة يا أما هتجرفنا فى سكتها العفنة ونبص نلاقى نفسنا محاصرين بالذنوب والمشاكل والأزمات الى تنسينا اننا بنى ادمين خلقنا الله لنبدع ونصلح ونعمر الارض مش نفسدها
السلبيات فيها اخطاء لغوية ومطبعية ده بالأضافة أن الكاتب كان اوقات بيسرع وأوقات بيطول بشكل مبالغ فيه
لكن الرواية فى مجملها حلوة جدا خلصتها فى يوم

[Nora Khalid · Rating 3 out of 5]

رواية غريبة وممتعة إلى حد ما
تدور أحداثها في الإسكندرية في زمنين مختلفين وعبر ثلاثة أجيال وتتناول ثيمة الخير والشر الصلاح والفساد
في تنوع بأجواء الرواية مابين الخيال العلمي والروحانيات والواقعية
استمتعت بقرائتها

[Emad Shenoda · Rating 5 out of 5]

A very good novel with excellent composition

[Blarion Sam · Rating 2 out of 5]

القصة جيدة جداً... الأسلوب سيء, مبالغ فيه و ملل.

[Ahmed Basyouny · Rating 4 out of 5]

عند قرائة اي رواية تعرف مؤلفها شخصيا دائما ما تضعك في موقف محرج لا تدري فيه اتجامله ام تخبره برأيك وتجعلك تتعامل معها كفنبله موقوته ... بهذا التفكير امسكت الرواية وبدأت اقرأها واحاول تقمص دور الناقد ولكن بعد عدة ساعات _ مش كتير قوي يعني_ انتهيت منها في جلسة واحدة ووجدت انها ببساطة و بدون مجاملة رائعه وجيدة جدا
للمرة الثانية اخبر المؤلف صديقي العزيز انني لم اتوقع ان تكون بهذه الجودة والسلاسه ولا ان اشعر عندما انتهي منها انني لم اكتفي واريد المزيد
مجهود رائع و رواية جيدة جدا مع بعض التحفظات العادية للرواية الاولي لاي كاتب وهذا لا ينقص من جودتها فالكمال لله
اعجبني جدا البعد النفسي والانساني في الرواية خصوصا لزوجة البطل ولوالده مما يجعلني انتظر المزيد من كاتب اتوقع له المزيد من النجاح في القادم
وللمرة التالته يا دكتور مكنتش مستني تعجبني قوي كده
:D

[صفاء العجماوي · Rating 3 out of 5]

معى اليوم رواية ذات جو خاص فهى سكندرية بأمتياز، ذالك الجو الذى أخذت أستكشفه مع أحداث تلك الرواية
سيقول المقربين منى أنك تكرهين الكتابة بالعامية ،أجل أكرهها و لكن ان كانت فى الحوار فقط فهذا ما أقبله على مضض كما تعلمون ، و لكنها هنا موظفة لك تعطينا الجو السكندرية و لنحى الأحداث من وجهة نظر أبطالها
الهصور رواية من الفانتازيا ،ذلك الفن الذى يتغير بلا حدود أو أفاق ،و لكنها رواية ذات هدف سامى فهى توضح علاقة الانس و الجن و الصراع الأبدى بينهما و كيفية النجاة بمعية الله و أرضاؤه
أجمل ما يميز تلك الرواية أنها كتبت بالمشاعر لتخاطب المشاعر ،ذات هدف نبيل راقى ،أحداثها مترابطة و جيدة الحبكة و اللغة بسيطة بوضوح ، أستمتعت بها و لأنها باكورة أعمال الكاتب فهى تستحق تلك الوقفة البسيطة أمامها فى هذا الريفيو البسيط ،أتمنى للكاتب العزيز دوام التوفيق و فى أنتظار عملك القادم قريبا

[Momen Afifi · Rating 4 out of 5]

شرعت في تلك الرواية الرائعه التي تميل إلي خيال دائم لايترك من يعيش الآمال مع إبراهيم وكأن القارئ يرسم بالخيال والكاتب المبدع إيهاب عصمت يرسم بقلمه تلك الحياة الصعبة كل الصعوبه وأشد إلي الكوارث وفعل السرقه والمسابقه المزهره بين الحلال والحرام.
تحية مرسومه بكلمات ذهبيه تنشد لأخي الكبير العظيم ألا وهي
أنظرا إلي نهر النيل وشهر الهصور تري إيهاب ابن مصر يسطع في زهور

[Muhammad Erfan · Rating 4 out of 5]

على الرغم من قوة بناء فكرة الرواية و ترابط أحداثها .. إلا أن النص لم يكن موفقاً في أكثر من موضع و يحتاج إلى مراجعة لغوية في الطبعات التالية .. أخطاء إملائية و عدم وضوح رؤية بعض الفقرات بحيث يضل القارئ طريقه و يضطر إلى إعادة القراءة حتى يصل إلى المعنى المرغوب ..

في المجمل .. الرواية جيدا جداً و تختلف عن الروايات المماثلة لها من حيث الموضوع

شكراً إيهاب عصمت على وقت القراءة الممتع

[Aحmed عbd El عaziz · Rating 4 out of 5]

أسلوب جديد لم أقرأ مثله فى الرواية العربية مستوحاة من التراث الشعبى بطريقة سرد وأحداث غاية فى الروعة تأخذك إلى داخل حوارى وأحياء الإسكندرية القديمة مع التراث الشعبى بحكايات مثل الزناتى خليفة وغيره
باختصار رواية غير تقليدية وشيقة لأبعد الحدود ... أنصح بقرأتها وبشدة ^_^

[Nero Hassan · Rating 5 out of 5]

روايه جيده جدا فكره ممتازة اسلوب مشوق ةراقي ماكنتش مجرد روايه قرأتهر لكني عشت معاها بكل احداثها وتفاصيلها كأني اشاهد فيلم ةاعيش مع مشاهده تخيلت كل تفاصيل الروايه والمعارك شدتني جدا واخدتني لعالم تاني من اجمل الروايات اللي قرأتها بشمر استاذ ايهاب عصمت عليها جدا لاني حقيقي استمتعت جدا

[Paula Rafaat · Rating 4 out of 5]

انا شايف بصراحة شديدة ان الرواية ديه بدون مبالغة من احسن الروايات الحديثة و اسلوبها سهل و تنوع الاحداث بصورة منظمة اضفت طابع رائع على الرواية ... و بصراحة انا نفسى اقرألك حاجة جديدة .. انت كاتب مميز استاذ ايهاب .. دائما فى تألق بإذن الله

[Mohamed Kamal]

ظريف

[Khaled Omara · Rating 5 out of 5]

من اروع ما قرأت في 2015 .. Speechless

[Ehab Mostafa · Rating 1 out of 5]

قليل جدا لما اعمل ريفيو علي الجود ريدز..وده غالبا لأن معظم الآراء اللي فيه مبتعجبنيش..لكن بعد ما قريت الهصور شفت واحد كاتبلك تلات اخطاء في الرواية وانت استهنت بباقي القراء ومعدلتش الأخطاء ف الطبعة الثانية اللي انا اشتريتها..وانا اديتك ع الرواية نجمة واحده وهقولك ليه..
أولا الفكرة جيدة بعض الشئ لأنك كنت ماشي بيها ف اطار الواقعية السحرية وفجأة دخل فيها الخيال العلمي..واعتقد ده اضر بيها بالنسبة ليا..

الأخطاء
بالنسبة للقواعد الإملائية والنحوية حدث ولا حرج..في الصفحة الاولى بس فيه اخطاء كتير..زي..العاشره..قليله..التغذيه..الفريسه..المنضده..سرعه.الجمله المصريه الشهيره..الساعه....ده ف أول صفحة بس ناهيك عن باقي الرواية..العجيب انه مكتوب ف الترويسة تدقيق لغوي..أحمد أسامه..انما هو غلطان حتى ف تدقيق اسمه لأن أسامة بالتاء المربوطة وليس الهاء..
2
بينما الطفل يجري في الاتجاه المعاكس فلقد كان مدربا على عدم الجري في نفس اتجاه الرجل النحيف..ص 7
ف صفحة 13..كانت اول سرقة يعاونه فيها ابنه كريم..
3
ص 7 حينما تمكن أحد الشباب من عرقلة اللص المنطلق كالسهم..اللص ده عنده 50 سنة سهم ايه بس..
4
ص 9 دلوقتي بتعيط يابن ال وقوسين والراوي معلق ع الموضوع سبه بتهمه تتعلق بشرف امه..ههههههههههههههه
5
ص 13 كان الاتوبيس محملا بالعائدين من سهرات السمر الصيفية الجميلة او من الذين سيذهبون للعجمي لتكملة الليلة..كلمة أو يا استاذنا تجعلني افهم اني لازم اختار انا القارئ ما بين الاتنين يا اما اللي رايحين العجمي يا اما الراجعين من السهرات..ثم انك قايل ف البداية خريف عام 2000..سمر صيف ايه بقى.
6
ص 14 متمثل في في صواني اللحم والفتة والفواكه والمشروبات البريئة والغير بريئة..هي مكتوبة بالهاء مش بالتاء ف الرواية..تخيل معايا ان روايتك هتترجم ف امريكا مثلا ..يفهم ايه القارئ هناك من بريئة وغير بريئة..هيفهم ان المشروبات بتتسجن ف مصر.
7
ص21
نحن نعرف ذلك الشيخ جيدا فلقد كان هو نفس الرجل المعلقة صورته فوق سرير ابراهيم..نحن دي عايدة على مين..ليه الراوي بيتدخل ف الموضوع..مرة تيجي تقول ربما وربما دي للشك ومرة أو وأو دي للاختيار ومرة راوي عليم عالم بكل الأزمنة..ازاي.
8
ص 22
لا حول ولا قوة الا بالله مين عمل كدا؟..
طبعا ده سؤال لا محل له من الاعراب لان البنت ملبوسة كان الراوي بيقول مين اللي خللى الشيطان يلبسها..
ف الصفحة اللي بعدها ..مين ارسلك ارسلني الملك الاعظم ميطرون وبعدين هنعرف ان ميطرون ده شبع موت على يد العابد الكبير وان اللي قاعد هو اوفارا واللي اتهزم منه الشيخ..مع اني مش عارف ايه اللي هزم الشيخ سيد..طالما بيعرف يقرا قرآن وطالما بيشاور الأسود بتاجي من كل ناحية..
9
ص 27
الحياة عبارة عن اكلة حلوة وضحكة حلوة وست حلوة وقعده حلوة..ولنضع خطا أحمر تحت كلمتي ست حلوة..ولنضع هنا ده تدخل من الرواي ف صلب الموضوع بصراحة انا حسيت انك بستهزئ بيا أنا القارئ في العبارة دي..موشكرين.
10
ص 33
كان ذلك دليلا على وصول الرجال الى مرحلة الانتشاء حيث يمكنك ان تقتل أحدهم في ذلك الوقت دون أن يتألم..لا تعليق.
11
ص 43
وهي حركة تعبر عن الامتعاض في التراث الشعبي المصري..برضه لا تعليق.
12
ص49
وبطة هو كائن غريب كان ينتمي فيما مضى الى السلالة الانسانية لكنه تحول بفعل عوامل التعرية والمخدرات والقذارة الى شئ يشبه قطعة الفحم المحترقة..دي اسمها فزلكة.
13
اكبر الأخطاء هو الزمن..الرواية مقسومة زمنين..2000 و 1957..ابراهيم عنده 50 سنة..يعني لو طرحنا 1957 من 2000 بقى عنده 7 سنين..بعد الحادثة بتاعة أبوه ..امه سكنت ف الفيلا سنة واحدة والتاريخ مكتوب من فوق 1957 والشيخ سيد اتذكر على لسانه سنة واحدة..مع ان الطفل ابراهيم كان زمنه اسرع من زمن امه وجده..الطفل ابراهيم دخل الاعدادية ..يعني امه وجده ليهم سنة واحدة والسنة دي كبر فيها ابراهيم اكتر من 5 سنين لوحده.
14
ص 76
يعني دي حادثة ولا عركة ولا ايه..وبين قوسين والعركة دي هي المشاجرة باللهجة السكندرية..ومتتكتبش ف هامش ليه دي..يعنيراوي ومترجم؟.
15
فيه بعض الوصف الغريب جدا
لكن كلمات الشيخ اصابته كطلقات بندقية روسية..القي الكلمة في وجه ابراهيم الذي تلقاها كمواطن مصري يستمع الى نشرة الأخبار.. واخرج من جيبه عدسة مكبرة أخذ يقرب بها العمل؟بدا كالعالم الفرنسي شامبليون وهو يفك طلاسم حجر رشيد..وكأنه قائد اوركسترا روسي عنيف ينهي مقطوعته الموسيقية على مسرح البولشوي..تحترق مساحة من العشب في الحديقة وكأن طبق فضائى قد هبط عليها.....
الراوي هنا ف سنة خمسين..ايه الوصف ده؟ طبق طائر ايه وبولشوي ايه وبندقية روسي ايه..
16
ص 122
ليجد نفسه مقيدا في غرفة تحت الأرض في بيت الشيطان معصوب العينين وعلى وجهه وجسده اثار تعذيب..هو بيتعذب ازاي وهو فاقد الوعي..يعني كان هيعترف بايه وهو مش ف الدنيا اساسا.
17
ص 127
للأسف عليه ان يعترف ان الشيطان قد احتل المنزل والوكالة ..ده الراوي اللي زعلان هنا.
18
ص 127
لكن المشهد داخل القصر كان على النقيض يصلح لأن يكون مسرحا لإخراج احد افلام الرعب لألفريد هيتشكوك....ايه الوصف الغريب ده ..واشمعنى هيتشكوك يعني..!!
19
صة128
أما زوجها الزنديق فكان يبدو متماسكا ظاهريا..
الراوي برضه اللي بيشتم هنا.
20
ص 129
حدث شئ سوف يتذكرانه مدى الحياة..
العبارة دي تفيد ان الرواي هنا عالم بكل شئ. الراوي الاله..بدليل كلمة مدى الحياة يبقى ازاي ف الاول الراوي بيشكك ومش فاهم ان اللي ف الاتوبيس كانوا مين وكلمة ربما اللي بتاجي ف الرواية معناها غير مؤكد..بمعنى ان وتدخله ف الحدث بالاسلوب ده وقع الرواية تماما.
21
ص 194
ظل صامتا لفترة ..فالصمت في حرم الجمال ..جمال.......
بين قوسين معناها برضه ان ده الراوي..ههههههههههههههه.. الراوي بيعاكس سيلا.
22
ص 199
ركله الجندي وهو يضع له اناء قذرا به سائل مجهول الهوية..اطلق عليه لفظ طعام..يعني ايه مجهول الهوية دي ف راوي عليم..تيجي ازاي!!
23
ص203
انتبهت كل حواس ميطرون بعد هذا التقرير القنبلة..

24
ص 233
عندما تحاصرك احدي بنات حواء بالاسئلة فتاكد انك في موقف لا تحسد عليه..
25
ص 235
به اصابة بالغة في عينه اليسرى..
يا سيدي الاصابة لما بتخف بتبقى يا اما اثر اصابة في عينه اليسري يا اما ندبة وهي الجرح القديم الظاهر اثره.
!............................................................
من فضلك مش هتتعب لما تدي الرواية لقارئ او اتنين وتراجعها..انما احنا بنستري روايات وبنقراها بتمعن..ودقق انت روايتك لان غالبا دار النشر مش هتسال فيك..انا مش هقول انت دافع او مش دافع فلوس..انا ليه بالمنتج النهائى اللي انا بشتريه ..الرواية دي كان لازم يتعاد عليها ست سبع مرات علشان متقعش ف الاخطاء البدائية دي..اللي يخليني اقولك كدا اني قريت ترنيمة سلام والمأوى وكانوا من نفس الدار..معنى كدا ان دي مسؤولية كاتب..
دمت طيبا اخ ايهاب

[Mohamed Shawara · Rating 4 out of 5]

رواية بالفصحى سرداً وبالعامية المصرية حواراً

الكاتب إيهاب عصمت وقد قرأت له رواية واحدة واعجبت بها: "المخلب" لما قرأت مجموعة "الأرشيف"

القصة ظريفة لعائلة غنية وذات سيرة حسنة مع وجود بعد الأقاويل عن بيتهم الذي يرى الناس منه بريقاً أخضر بعض الأوقات من الليل.

أسلوب القصة شيق ويقفز في الزمن بين ماضي وحاضر برشاقة وقلم خفيف ظريف.

أنا لا أحب قصص الرعب بصفة عامة ولكن هذه القصة جذبتني إليها بجمال كلماتها وأسلوبها.

لم تعجبني القصة المكتوبة في كتاب الجد وشعرت أنها ركيكة ولم تكن قوية كقصة الرواية الرئيسية!

قرأتها PDF على كندل - ٢٤٤ صفحة

[Osama Yosre · Rating 3 out of 5]

يتعرض ابراهيم اللص المحترف لحادث يدخل بعده فى غيبوه تستمر شهرا" يرسل له جده فيها رسائل من العالم الآخر محاولا" إرشاده لشئ ما ، يفيق بعدها من الغيبويه وقد تحول إلى شخص غامض ، على يده وشم غريب لأسد قوى ، لا يعرف ابراهيم من اين اتى هذا الوشم ، وما سر الشيخ الذى يعيش وحيدا" فى قصر أسطورى
القصه حلو ولا يوجد فيها اى اطالة ليس لها داعى
الغلاف والعنوان حلوين
اسلوب الكتب عجبنى

[Mohamed · Rating 4 out of 5]

أحداث سريعة تجعل الرواية ملاصقة ليدك حتى تنهيها

[Heba · Rating 3 out of 5]

رواية جميلة خفيفه ممتعة

[Sam Seifeldin · Rating 4 out of 5]

Much of a perfectly written suspense story.

[Sara Samy · Rating 5 out of 5]

رواية تحبس الأنفاس لاتستطيع تركها الابعد الانتهاء منها بالإضافة لمحتواها الهادف من حكم ومواعظ وآيات قرانية لمجاهدة
النفس والبعد عن سبل الضلال

[Asser elnokaly · Rating 5 out of 5]

اسلوب شىق و قصه ممتعه

[غاوي كتب · Rating 3 out of 5]

لا بأس كبداية

[Eman · Rating 2 out of 5]

كان ممكن تبقا أفضل

[Noga Nasri · Rating 5 out of 5]

انضمت لمجموعة رواياتي المفضلات ..🖤

[Ahmed Salah · Rating 3 out of 5]

كويسة كتجربة اولى للكاتب
بس الجزء بتاع حكاية الكتاب خيالى و مش متناسق مع احداث الرواية
وفى انتظار الجديد