What do you think?
Rate this book
مجموعة هِرمِتِكا: ٢٠٥٦ - سِفر الرجوع
في نصوص هِرمِتِكا اللي اتكتبت في القرن التاني ميلادي توجد نبوءة تركها هِرميس، مثلث العظمة، لتلميذه اسكلاپيوس. النبوءة عن الـنثرو (بتتنطق نتشرو) اللي سكنوا ارض مصر من قديم الازل و كانوا السبب في تحول مصر لشعلة الحضارة في العالم. هِرميس تنبأّ إن الـنثرو هـيهجروا مصر بسبب جحود المصريين و فقدانهم للمعنى الحقيقي للايمان، و نتيجة دا مصر هتفقد قدسيتها و عظمتها. دا فعلاً اللي حصل من وقتها و إحنا لسّا عايشين في تبعاته لغاية دلوقتي. لكن هِرميس كمان بشّر برجوع الـنثرو مرة تانية، و إنهم هـيرجَّعوا معاهم لمصر عظمتها و شعلة حضارتها الوهاجة من جديد علشان تنور للعالم طريق جديد للمستقبل.
سنة ٢٠٥٦ هو ميعاد العالم مع البشارة. العالم هـيتزلزل بأحداث وراها قوى جديدة في الكون.
سنة ٢٠٥٦ هو ميعاد العالم مع البشارة. العالم هـيتزلزل بأحداث وراها قوى جديدة في الكون.
436 pages, Kindle Edition
Published May 23, 2018
20 people are currently reading
313 people want to read
About the author
Nael Osman
3 books25 followersد. نائل فخري عثمان حاصل على بكالوريوس و ماچستير هندسة الاتصالات و الإلكترونيات، جامعة القاهرة. هو كذلك حاصل على الدكتوراه في الهندسة الكهربية من جامعة چونز هوپكِنز بولاية ميريلاند، الولايات المتحدة الامريكية. د. نائل عمل كأستاذ في كلية طب جامعة چونز هوپكِنز و كذلك في جامعة النيل في مصر. هو من المتخصصين في تصوير القلب بالرنين المغنطيسي في العالم و يملك اكثر من خمس حقوق اختراعات في هذا المجال. هو ناشط في مجال البحث العلمي و أبحاثه العلمية في مجال الهندسة الطبية نُشرت في اكثر من ٦٠ بحث و ١٠٠ ملخص علمي و فصول في عدد من الكتب العلمية. حالياً هو مقيم في ولاية نورث كارولينا في الولايات المتحدة حيث يعمل كرئيس التكنولوچيا في شركة ميوكارديال سولوُشنز التي هو احد مؤسسيها.
Ratings & Reviews
Friends & Following
Create a free account to discover what your friends think of this book!
Community Reviews
Displaying 1 - 30 of 35 reviews
May 31, 2018
الروايه مبدعه باكثر من طريقه، اولا اعادة احياء لافكار مستمده من الحضاره المصريه القديمه، و معالجه عصريه توضح بطريقه جذابه الكثير من الافكار الغامضه، ثانيا خيال علمي محترم بمستوي عالمي، دمج افكار مستقبلية بمصر القديمه عمل مدهش ، اتمني يكون البداية لسلسه عالميه.
June 6, 2018
لسة مخلص الرواية دلوقت. لسة انطباعاتى مشوشة شوية بخصوصها. مش عارف إذا كان تعليقى عليها هيبقى مناسب و لا لأ. بس حسّيت إن الأحسن إنى أكتبه دلوقت بدل ما أحاول أفتكره بعدين!
الرواية طبعا مفاجأة فى كل حاجة!!!! من اول الفكرة مرورا بإنها بالعامية المصرية!!!! و نهاية بإنها طلعت بس بداية لما يبدو إنه هيكون سلسلة من الروايات حوالين نفس الفكرة.
مش عارف ابتدى منين لسة، لكن طبعا الشئ الأبرز فى الرواية هو لغتها. أنا لسة مش مصدق إنى قريت رواية كاملة بالعامية المصرية و الأغرب بالنسبة لى إنى استساغتها جدا!!! ده لوحده شئ ضد كل ما كنت أؤمن به قبل الرواية دى. أصلا استعمال كلمة "كنت" دى مضايقنى و أنا بأكتب لأنى ما زلت فى قرارة نفسى مش حابب إن اللغة العامية تزيح اللغة العربية من مكانها فى الكتب بعد ما تقريبا لغت كل أساسياتها فى لغة الحوار اليومية و خليتنا زى ما نكون عايشين بلغتين. ممكن يكون إحساسى سببه غيرة على اللغة العربية من تحقير قيمتها الناتج عن تدهور حال التعليم فى بلادنا لدرجة مؤسفة. يمكن لو كان الناس بيتعلموا لغة عربية كويس فى المدارس، و ماكانش فيه خوف على ضياع اللغة فى عقول أجيال من أنصاف المتعلمين فى المنظومة التعليمية المأساوية اللى فى بلادنا، يمكن ساعتها كان الواحد مايبقاش قلقان من الإنتشار الموازي للغة العامية فى الكتابة. طبعا تعليقى باللغة العامية هنا سببه إن مش طبيعى أبدا إنى أعلق على كتاب كله مكتوب بالعامية، و أنا قريته لآخره و كمان إديتله ٤ نجوم و بعدين أعلق عليه بلغة تانية! الشئ اللى ما أقدرش أنكره إن الكاتب قدر يفرض لغته العامية دى بسلاسة على قارئ كان ضد فكرة الكتابة بالطريقة دى. بل بالعكس ... أنا تقريبا ماحسيتش و لا مرة إنى متضايق من القراية طول الكتاب. مش عارف إذا كانت دى حاجة كويسة و لا وحشة. بس أكيد دى تتحسب بشدة للكاتب.
الحاجة اللى كمان لفتت نظرى فى أسلوب الكتابة إنه بالرغم إنه بالعامية المصرية إلا إنه فيه حتت كتير تشبه أكتر الكتابة بالإنجليزى. كان فيه إحساس جوايا كدة طول الرواية إن الكاتب زى ما يكون بيفكر بالإنجليزى و بعدين يترجم للعامية المصرية، أو بيفكر باللغتين مع بعض. أو زى ما يكون متعود يقرا روايات بالإنجليزى أكتر فلما جه يكتب كتب زى ما متعود يقرا. و كنت تقريبا متأكد إنى لو دورت هألاقيه عايش فى أمريكا زيى، و قلت يمكن تيجى فرصة أقابله و أتعرف عليه لو كانت الحكاية كدة :) و الحقيقة لما اكتشفت إنه فعلا عايش فى أمريكا ماستغربتش خالص :)
نطلع بقى من موضوع اللغة. بس ماكانش ينفع أكمل من غير ما أعلق عليه. واضح طبعا إن الكاتب على درجة عالية من الثقافة و الإطلاع فى مجالات مختلفة. و الحقيقة أنا معجب بقدرته على مزج كمية كبيرة جدا من الأفكار و التأملات فى نسيج الرواية و عمل ده بسلاسة ماتخليهاش كأنه بيقحمها على السياق. واضح جدا إنه هو نفسه عاش مع الأفكار دى كتير و هضمها و كوِّن لنفسه رؤيته الخاصة عنها و عرضها كجزء طبيعى من أفكار شخصياته و حواراتها كأنها نابعة فعلا من مشاعرهم و فهمهم لطبيعة الدنيا. أنا هنا مش باتكلم عن الأفكار اللى لها علاقة بمصر القديمة و معتقدات الفراعنة لأن الحقيقة إن أنا شخصيا ماقريتش فى المواضيع دى قبل كدة، و بالتالى ماكنتش أقدر أعرف إيه فيها اللى فعلا تاريخي و إيه اللى من خيال المؤلف. و إن كنت فهمت من خلال قراية القصة إن كل الأفكار دى لها فعلا أصل تاريخى فرعوني. و ده مخلينى عايز أقرا أكتر فى المجال ده و أتعرف عليه. لكن اللى أقصده هو الأفكار الفلسفية و الدينية و السياسية و العلمية اللى مالية الرواية و دايبة فى نسيجها بصورة فعلا مبدعة.
طبعا كمية المعلومات المتعلقة بالفراعنة و معتقداتهم كانت مفاجأة بالنسبةلى. و المفاجأة الأكبر إنى لقيت إن الكاتب مهندس مش مثلا واحد بيشتغل فى الآثار و لا دارس تاريخ! فواضح إن اهتمامه بالمجال ده كثيف جدا، سواء كان بس علشان يكتب الرواية دى أو هو من الأول مهتم لدرجة إنه لما حب يكتب رواية كتبها بالطريقة دى. فى كل الأحوال هو حسسنى بالخجل لقلة معلوماتى فى المجال ده و زوِّد فضولى إنى أعرف أكتر عن مصر القديمة فكريا مش بس التاريخ اللى درسناه فى المدارس.
أنا مش هأعلق على أحداث الرواية علشان ماحرقهاش لحد. بس بالتأكيد هى تجربة فريدة و رائدة. و الحقيقة إنى استمتعت بها مع إنى ماعجبنيش قوى نهايتها.
فى النهاية أنا فعلا بأحيى الكاتب على العمل الثرى ده. حسب فهمى ده أول عمل له. و أعتقد إنه بداية قوية جدا. مش عارف ليه أنا ممكن أكون بأوجه كلامى للكاتب فى التعليق. بس أنا فعلا حسّيت إنه قريب جدا لىّ طول ما أنا باقرا الرواية مع إن الواحد المفروض مايحسش بالكاتب نفسه و هو بيقرا! بس من كتر ما الرواية مليانة أفكار و انطباعات بتعكس دماغه هو شخصيا ورا الشخصيات اللى كاتبها حسّيت إنى أحب يكون الراجل ده واحد صاحبى :). يمكن علشان كدة التعليق بتاعى فيه كلام عن الكاتب يمكن أكتر من الكلام عن الرواية!
أرشحها بشِّدة 👍🏻
نسيت أقول كمان إن أنا من هواة القراية الإلكترونية و إنى بأحب أقرا على الآيپاد أكتر ما بأحب أقرا الكتب الورقية عكس كل الناس اللى أعرفها تقريبا! و دى كانت أول مرة أقرا كتاب بالعربى معمول مخصوص كنسخة الكترونية مش متصور پى دى إف، و ممكن أشتريه من على الأمازون عادى و أعمله داون لود على الآيپاد. دى لوحدها كانت تجربة جديدة بالنسبة لى و عجبتنى جدا :)
الرواية طبعا مفاجأة فى كل حاجة!!!! من اول الفكرة مرورا بإنها بالعامية المصرية!!!! و نهاية بإنها طلعت بس بداية لما يبدو إنه هيكون سلسلة من الروايات حوالين نفس الفكرة.
مش عارف ابتدى منين لسة، لكن طبعا الشئ الأبرز فى الرواية هو لغتها. أنا لسة مش مصدق إنى قريت رواية كاملة بالعامية المصرية و الأغرب بالنسبة لى إنى استساغتها جدا!!! ده لوحده شئ ضد كل ما كنت أؤمن به قبل الرواية دى. أصلا استعمال كلمة "كنت" دى مضايقنى و أنا بأكتب لأنى ما زلت فى قرارة نفسى مش حابب إن اللغة العامية تزيح اللغة العربية من مكانها فى الكتب بعد ما تقريبا لغت كل أساسياتها فى لغة الحوار اليومية و خليتنا زى ما نكون عايشين بلغتين. ممكن يكون إحساسى سببه غيرة على اللغة العربية من تحقير قيمتها الناتج عن تدهور حال التعليم فى بلادنا لدرجة مؤسفة. يمكن لو كان الناس بيتعلموا لغة عربية كويس فى المدارس، و ماكانش فيه خوف على ضياع اللغة فى عقول أجيال من أنصاف المتعلمين فى المنظومة التعليمية المأساوية اللى فى بلادنا، يمكن ساعتها كان الواحد مايبقاش قلقان من الإنتشار الموازي للغة العامية فى الكتابة. طبعا تعليقى باللغة العامية هنا سببه إن مش طبيعى أبدا إنى أعلق على كتاب كله مكتوب بالعامية، و أنا قريته لآخره و كمان إديتله ٤ نجوم و بعدين أعلق عليه بلغة تانية! الشئ اللى ما أقدرش أنكره إن الكاتب قدر يفرض لغته العامية دى بسلاسة على قارئ كان ضد فكرة الكتابة بالطريقة دى. بل بالعكس ... أنا تقريبا ماحسيتش و لا مرة إنى متضايق من القراية طول الكتاب. مش عارف إذا كانت دى حاجة كويسة و لا وحشة. بس أكيد دى تتحسب بشدة للكاتب.
الحاجة اللى كمان لفتت نظرى فى أسلوب الكتابة إنه بالرغم إنه بالعامية المصرية إلا إنه فيه حتت كتير تشبه أكتر الكتابة بالإنجليزى. كان فيه إحساس جوايا كدة طول الرواية إن الكاتب زى ما يكون بيفكر بالإنجليزى و بعدين يترجم للعامية المصرية، أو بيفكر باللغتين مع بعض. أو زى ما يكون متعود يقرا روايات بالإنجليزى أكتر فلما جه يكتب كتب زى ما متعود يقرا. و كنت تقريبا متأكد إنى لو دورت هألاقيه عايش فى أمريكا زيى، و قلت يمكن تيجى فرصة أقابله و أتعرف عليه لو كانت الحكاية كدة :) و الحقيقة لما اكتشفت إنه فعلا عايش فى أمريكا ماستغربتش خالص :)
نطلع بقى من موضوع اللغة. بس ماكانش ينفع أكمل من غير ما أعلق عليه. واضح طبعا إن الكاتب على درجة عالية من الثقافة و الإطلاع فى مجالات مختلفة. و الحقيقة أنا معجب بقدرته على مزج كمية كبيرة جدا من الأفكار و التأملات فى نسيج الرواية و عمل ده بسلاسة ماتخليهاش كأنه بيقحمها على السياق. واضح جدا إنه هو نفسه عاش مع الأفكار دى كتير و هضمها و كوِّن لنفسه رؤيته الخاصة عنها و عرضها كجزء طبيعى من أفكار شخصياته و حواراتها كأنها نابعة فعلا من مشاعرهم و فهمهم لطبيعة الدنيا. أنا هنا مش باتكلم عن الأفكار اللى لها علاقة بمصر القديمة و معتقدات الفراعنة لأن الحقيقة إن أنا شخصيا ماقريتش فى المواضيع دى قبل كدة، و بالتالى ماكنتش أقدر أعرف إيه فيها اللى فعلا تاريخي و إيه اللى من خيال المؤلف. و إن كنت فهمت من خلال قراية القصة إن كل الأفكار دى لها فعلا أصل تاريخى فرعوني. و ده مخلينى عايز أقرا أكتر فى المجال ده و أتعرف عليه. لكن اللى أقصده هو الأفكار الفلسفية و الدينية و السياسية و العلمية اللى مالية الرواية و دايبة فى نسيجها بصورة فعلا مبدعة.
طبعا كمية المعلومات المتعلقة بالفراعنة و معتقداتهم كانت مفاجأة بالنسبةلى. و المفاجأة الأكبر إنى لقيت إن الكاتب مهندس مش مثلا واحد بيشتغل فى الآثار و لا دارس تاريخ! فواضح إن اهتمامه بالمجال ده كثيف جدا، سواء كان بس علشان يكتب الرواية دى أو هو من الأول مهتم لدرجة إنه لما حب يكتب رواية كتبها بالطريقة دى. فى كل الأحوال هو حسسنى بالخجل لقلة معلوماتى فى المجال ده و زوِّد فضولى إنى أعرف أكتر عن مصر القديمة فكريا مش بس التاريخ اللى درسناه فى المدارس.
أنا مش هأعلق على أحداث الرواية علشان ماحرقهاش لحد. بس بالتأكيد هى تجربة فريدة و رائدة. و الحقيقة إنى استمتعت بها مع إنى ماعجبنيش قوى نهايتها.
فى النهاية أنا فعلا بأحيى الكاتب على العمل الثرى ده. حسب فهمى ده أول عمل له. و أعتقد إنه بداية قوية جدا. مش عارف ليه أنا ممكن أكون بأوجه كلامى للكاتب فى التعليق. بس أنا فعلا حسّيت إنه قريب جدا لىّ طول ما أنا باقرا الرواية مع إن الواحد المفروض مايحسش بالكاتب نفسه و هو بيقرا! بس من كتر ما الرواية مليانة أفكار و انطباعات بتعكس دماغه هو شخصيا ورا الشخصيات اللى كاتبها حسّيت إنى أحب يكون الراجل ده واحد صاحبى :). يمكن علشان كدة التعليق بتاعى فيه كلام عن الكاتب يمكن أكتر من الكلام عن الرواية!
أرشحها بشِّدة 👍🏻
نسيت أقول كمان إن أنا من هواة القراية الإلكترونية و إنى بأحب أقرا على الآيپاد أكتر ما بأحب أقرا الكتب الورقية عكس كل الناس اللى أعرفها تقريبا! و دى كانت أول مرة أقرا كتاب بالعربى معمول مخصوص كنسخة الكترونية مش متصور پى دى إف، و ممكن أشتريه من على الأمازون عادى و أعمله داون لود على الآيپاد. دى لوحدها كانت تجربة جديدة بالنسبة لى و عجبتنى جدا :)
February 5, 2019
حقيقي كان بقالي فترة مش قريت حاجه وجذبتنى بللشكل ده برافو للكاتب الحقيقه وربنا يوفقه في روايات جديدةالحقيقه رواية اكتر من جميله
October 31, 2018
الكاتب أبدع بفتح احتمالات لا نهائية للرواية خاصة النهاية فاجئتنى جدا استخدامه لمصر القديمه والعصر القديم وثقافته الواضحه فيه خلتنى مستمتع جدا وانا بقرأ رواية تولد الحيرة وتستحق القراءه ومنتظر الأجزاء القادمه رغم معرفتى انتظارى هيطول يمكن أن الموضوع القصصى جديد عليا ربط الماضى بالحاضر بالطريقه دى ومش على طريقة بول سوسمان لا الماضى فعلا تجسد ف الحاضر والمستقبل
بالتوفيق للكاتب احسن وأبدع واجتهد
October 16, 2019
مع اني لسة مكملتش باقي القصة ..لكن من بدايتها اظهرت ابداع الكاتب وطريقة جذبه للقارئ ..وان فعلا نقدر نعيش جو من التشويق وتغيير المود والهروب من ضغوطات الحياة ...وبجانب كل دا تم استرجاع متعة قراءة الكتب اللي فقدنا طعمها بسبب الالكترونيات ...تحياتي للكاتب العظيم واتمني له مزيد من التفوق والرقي داخل المجال
March 18, 2019
الروايه اكتر من رائعه يكفينا فخرا اننا من ابناء هذه الإمبراطوريه العظيمه.. يكفينا فخرا اننا سر الكون... يكفينا فخرا اننا حفظه سر الكون
October 7, 2019
بصراحه بعد انقطاع عن القرايه لفتره غيرتلي هرمتيكا حو القرايه و خلتني منتظره الوقت اللي اكملها فيه و منتظره طبعا النثرو يرجعوا و يرجعوا للحضاره تألقها و عظمتها
October 15, 2019
لقد كانت حقا ملحمه وفي انتظارالجزء الثاني
November 17, 2019
رواية رائعة تستحق كل ثانية تقضيها فى قرائتها
May 5, 2020
رواية ممتعة وشيقة جماها في ارتباطها التاريخي الوثيق بالماضي المصري ، الرمزية التي تحويها تعطي القارئ الفرصة للتحليق في ربط المحتوى بما لديه من فكر كل حسب ما لديه، تسلسل منطقي ومترابط في احداث القصة وان حدثت قفزات فهي ذكية بحيث تجعلك في السياق. بعض الانعطافات في احداث القصة لم تكن واضحة كفاية ويبدو انها حصة الكاتب من عمله. شكرا لمنحي الفرصة على قراءة الرواية مجانا والتي اعقبها لدي مزيدا من التشويق والتعلق بمصر الحبيبة.
April 26, 2020
حاجة كدة خيال علمى جميل انا متعود على خيال علمى امريكانى بس انا اقول مرا أقرأ خيال علمى مصرى عمرى ما كنت اتوقع الخيال العلمى دا ممكن يكون موجود و فعلان أهم حاجة فى حياة الإنسان المعرفة و اجمال حاجة انا عرفت و فهمت حجات كتير عمرى ما كنت هعرفها إلى أن البا بتعتى ارشدتنى ل الدكتور نائل فخرى عثمان انا فخور بيك جدا جدا جدا و شكرا على الروية الجميلة دى
July 21, 2018
رواية خيال علمي رائعة. اجتهد الكاتب - المتمكن من أدواته و معلوماته العلمية- في ربط الأحداث بصورة مشوقة بالحضارة المصرية القديمة، بما سوف يحدث في المستقبل. تعطي القارئ أمل مشوب بالأخطار بخصوص تخيل مستقبل أفضل لمصر في وسط العالم الجديد.
December 23, 2019
روايه مبدعه تستحق القراءة مرات عديده
مشوقه
تربط الماضي العريق بالحاضر الحالي بالمستقبل الخيالي الذي يحترم عقل القاريء
أنصح جميع محبي القراءة بقرائتها
شكرا للكاتب المبدع وتمنياتي بالتألق المستمر
واتشوق بشدة للجزء الثاني من الرواية
مشوقه
تربط الماضي العريق بالحاضر الحالي بالمستقبل الخيالي الذي يحترم عقل القاريء
أنصح جميع محبي القراءة بقرائتها
شكرا للكاتب المبدع وتمنياتي بالتألق المستمر
واتشوق بشدة للجزء الثاني من الرواية
June 15, 2020
الرواية رائعة وفيها ربط التاريخ بالحاضر وازاي ممكن تاريخ بلد يكون سبب ف تقدمها من جديد برجوع القيم والحق والعدل هي الحقيقة رواية مهمة حتي لو خيال بس فعلا الشعوب تقدر تتقدم بالعبرة ديما من التاريخ وخصوصا مصر الي كان فيها اعظم حضارة ربنا يوفق الكاتب وديما من نجاح لنجاح
October 15, 2019
رائعه وفى انتظار الجزء الثانى ولكن برجاء الاخذ بالاعتبار الوازع الدينى
October 19, 2019
رواية رائعة جدا من كاتب عنده اسلوب رائع
This entire review has been hidden because of spoilers.
October 24, 2019
رواية مشوقة وجميلة جدا.. في انتظار الجزء الثاني والمزيد من التوفيق
November 2, 2019
روايه أكتر من رائعه بأسلوبها ومعلوماتها وفكرتها نفسها جديده وبتفتح أبواب التفكير بشكل غير مسبوق وبالبساطه دي
أحداث سريعه وممتعه ومتماسكه من أول صفحه لآخر صفحه
أحداث سريعه وممتعه ومتماسكه من أول صفحه لآخر صفحه
Read
November 17, 2019الرواية مبدعة ورائعة
Read
November 17, 2019روعة الكتاب وحبكته الخياليه جميلة ومدهشة شكرا للمؤلف على المتعة التى عشناها مع وريقات الكتاب
March 27, 2020
روايه جميلة جدااا وحبيت طريقة كتابتها
November 18, 2019
رواية جميلہ جدا ومشوقہ بجد شابوو للگاتب یاریت تستمر وتنزلنا حاجہ تانیہ ف آقرب وقت 💛💛
November 18, 2019
عمل ممتاز و مجهود جبار يستحق الإشادة
November 18, 2019
روايه ممتازه
April 26, 2020
صعب وصف وتقييم هذا العمل لأن أي وصف هيكون شوية بجد عمل رائع وإبداع حاجه كدا ملهمه و فيها شغل كتير ممتاز مجهود كبير بجد شابوه
This entire review has been hidden because of spoilers.
May 9, 2020
الرواية اكتر من رائعة بجد❤😍
و الاحدااث و تسلسلها ممتع جدا🍇😍
و ياريت يكون فية روايات تانية بتتكلم عن الحضارة المصرية القديمة😍😘
و الاحدااث و تسلسلها ممتع جدا🍇😍
و ياريت يكون فية روايات تانية بتتكلم عن الحضارة المصرية القديمة😍😘
May 9, 2020
شكرا للكاتب دكتور نائل عثمان علي الابداع في طريقة الربط بين الماضي المصري القديم الرائع وبين المستقبل اللي نتمني تكون عليه مصر .من أروع الأفكار حقيقي شابوه
June 13, 2020
روايه ممتعه جدا جدا جدا ..ورااائعه
August 2, 2019
روايه جميله جدا ربط الماضى بالحاضر و المستقبل بطريقه فى قمة الابداع و النهايه اللى مش متوقعه خالص لزم تستنى الجزء التانى منها
(نص إخناتون)
انا ابنك الذى يسعدك و الذى يبجل اسمك
قوتك و مقدرتك فى قلبي*****
(البلد دى كان ليها روح و روح كانت قمه فى الابداع مش بس مبانى و اهرامات لاء روح بتحركها علشان تبدع و تغير العالم للافضل كانت بتقود العالم من غير ما تفرض ع العالم قيادتها
البلد دى لسبب مش مفهوم قررت تعيش ع الهامش زى كائن طفيلى بقت عامله زى السايس بياكل عيش من خوف الناس انه يتحول لحرامى العربيه بدل ما يحميها
للاسف احنا اتفصلنا عن تاريخنا جالنا فقدان ذاكره او استبدلنها بذاكره عبد او تابع
حالنا مش هيتغير غير بعودة الروح)
سفر الرجوع********
روايه جميله جدا اسلوب السرد كانك قاعد مع المؤلف او حد بيحكيلك مش بس بتقرئها
و الاحداث مبتطولش بحيث انك متزهقش و حوار بالعاميه علشان تقدر تجمع اللى بيتقال
واهم حاجتين انك لزم تبحث فى الفلسفه علشان تفهم كام حوار كدا
و ليه كانو المصريين القدماء بيحنطو مش زى ما كنت فاهم فى الاول خالص
(نص إخناتون)
انا ابنك الذى يسعدك و الذى يبجل اسمك
قوتك و مقدرتك فى قلبي*****
(البلد دى كان ليها روح و روح كانت قمه فى الابداع مش بس مبانى و اهرامات لاء روح بتحركها علشان تبدع و تغير العالم للافضل كانت بتقود العالم من غير ما تفرض ع العالم قيادتها
البلد دى لسبب مش مفهوم قررت تعيش ع الهامش زى كائن طفيلى بقت عامله زى السايس بياكل عيش من خوف الناس انه يتحول لحرامى العربيه بدل ما يحميها
للاسف احنا اتفصلنا عن تاريخنا جالنا فقدان ذاكره او استبدلنها بذاكره عبد او تابع
حالنا مش هيتغير غير بعودة الروح)
سفر الرجوع********
روايه جميله جدا اسلوب السرد كانك قاعد مع المؤلف او حد بيحكيلك مش بس بتقرئها
و الاحداث مبتطولش بحيث انك متزهقش و حوار بالعاميه علشان تقدر تجمع اللى بيتقال
واهم حاجتين انك لزم تبحث فى الفلسفه علشان تفهم كام حوار كدا
و ليه كانو المصريين القدماء بيحنطو مش زى ما كنت فاهم فى الاول خالص
October 16, 2019
عجبتني القصه جدا
قريتها مملتش منها
احداثها حسيت انها واقعيه مش خيال
بجد تحفه..
قريتها مملتش منها
احداثها حسيت انها واقعيه مش خيال
بجد تحفه..
Displaying 1 - 30 of 35 reviews