المضيفة 13

by مروى جوهر

* لأن عدد ساعات الطيران الكتير بتطير حتة من ذاكرة المضيفة الجوية.
* ولأن المحاكم مش بتعترف بشهادة المضيفة الجوية.
* ولأن في مجتمعنا العربي رجّالة كتير متحبش تتجوز مضيفة جوية.
* ولأننا رابطين مجال الطيران بفكرة التحرر وبالتالي مهنة المضيفة الجوية.
عشان كل اللي فوق وأكتر منه بكتير كانت الكتابة عن حياة "المضيفة الجوية" مثيرة ومخيفة وضرورية بصدق.. أتمنى لكم تحليقًا ممتعًا.

225 pages, Kindle Edition

About the author

كاتبة وروائية مصرية، عمِلت كمضيفة طيران لسنوات طويلة، كتبت فى جريدة "الدستور" ومجلة "عين"، وتكتب بشكل دائم فى عدة مواقع إلكترونية، درست الإخراج السينمائي بقصر السينما بالقاهرة، وشاركت فى العديد من الأفلام القصيرة والوثائقية، صدر لها كتاب بعنوان "هات م الآخر" عام 2013، وكتاب بعنوان "المضيفة 13" عام 2015، صدر لها رواية "يحدث ليلًا فى الغرفة المغلقة" عام 2018 والتي تصدرت قوائم الكتب الأكثر مبيعًا لسنوات في روايات الرعب والتشويق، كما صدر لها رواية "منزل التعويذة" عام 2019، ورواية "النوم الأسود" عام 2020، ورواية "عمارة آل داوود" عام 2021. ورواية "نبوءة قصر السلطان" عام 2022.

Reviews

[Ghada Abdallah · Rating 5 out of 5]

#المضيفة١٣
#مروة_جوهر
كتاب عن مهنة وحياة المضيفة الجوية وعن الطيران ✈️✈️
اولا الاهداء اللى مش عارفة اقولك عليه ايه غير انها كانت فعلا رحلة رااااااائعة جوة صفحات الكتاب ❤️❤️
انا قريت الكتاب ومعرفتش انام غير لما اخلصه
كتاااااب راااااائع وجميل جدااااا مشوق جداااا طريقة سردك للاحداث حلو اوى دمك خفيف اوى اوى اوى
كل كلامك صح جداااااااا وكل اللى كتبتيه بيحصلنا ومعظم الاحداث والمواقف حصلتلى انا وكل زمايلى وصحابى باختلاف البلاد اللى بنروحها لاختلاف شركة الطيران بتاعتك وبتاعتنا واختلاف التفاصيل الدقيقة للمواقف بس المجمل بيحصل بالظبط

[Huda Rashid · Rating 4 out of 5]

أنا بحب انواع الكتب دي جدا مش عارفة اية سر حبي ليها بس كفاية انها خفيفة كدة و بترفه عن الواحد .. مبدئياً انا اول مرة فعلا اعرف ان حياة المضيفة مش زبادي في الخلاط زي ما كنت فاهمة دي يعيني بتتمرمط مرمطة ! أنا ماسفرتش على طيّارة قبل كدة بس لما اجي اركبها ان شاء الله هروح لكل مضيفة اطبطب عليها و اقولها انتي ليكي الجنة يابنتي ربنا يصبّرك :D
ضحكت كتير قوي في اكتر من فصل و دمّعت بردو في كام فصل كدة .. المشاعر المتناقضة د احيانا هي اللي بتخلي الكتاب يكتسب ميزته.

[محمد مصيلحي · Rating 5 out of 5]

كتابك يا مروى ساهم كتير جدًا في تمرير اليوم بالنسبة لي، فصلت كل حاجة وسرحت معاه شوية
كالعادة دمك خفيف وبتعرفي تضحكيني حتى لو ماليش نفس، وكالعادة برضو بتفتحي لي أبواب كتير ماكنتش أعرف إيه اللي مستخبي وراها لما بقرا لك
الكتاب حالة إنسانية أكتر منه ساخر أو تعريفي.. حتى اللمحات المرعبة اللي فيه كانت لطيفة جدا ومكتوبة بخفة روح
أكتر حاجة عجبتني إن الكتاب ماينفعش يتصنّف
هو لا مقالات ولا رواية ولا أدب رحلات ولا مذكرات ولا سكريبت
بس في نفس الوقت فيه من كل دا مع بعضه بشكل جميل
أنا فرحان بالكتاب وفرحان بيكي أكتر :)
وهافضل أقرا لك بس المهم تفضلي تكتبي دايمًا
بالتوفيق والسعادة والرضا

مصيلحي

[Mahmoud Ismail · Rating 5 out of 5]

من الطف ما قرأت في الفترة الأخيرة. الكتاب جذبتني فكرته التي تدور حول حياة مضيفة جوية من اول المقابلات و انتهاء باستقالتها و هو عالم طالما أردت القراءة عنه و اعتقد ان ادبنا العربي يفتقد هذا النوع من الافكار بشدة. الكتاب خفيف الظل إلى أقصى حد.. انهيته في جلسة واحدة من شدة استمتاعي به. ضحكت كثيرا و تأثرت كثيرا و استمتعت بالعمق الشديد في بعض المواقع. الكاتبة فعلا موهوبة جدا. في انتظار إصدار آخر لها.

[Hala Elnour · Rating 4 out of 5]

فكره الروايه مختلفه و حديده لانها بتسلط الضوء على مهنه هى حلم للبنات كلها
كنت أتمنى ان الكاتبه تكمل فى روايه تانيه لو المضيفة بتشتغل فى بلدها من غير مشاعر الغربه إللى بنت عليها الروايه
وتظره الناس ليها فى بلدها و ازاى ممكن تتجوز و تخلف وهى مكمله فى شغلها إللى بتحبه بجد مش هدف و بعد ما استنزف منه إللى عايزاه تسيبه و ترجع تبتدى من جديد فى بلدها

[Doaa Ghoneim · Rating 5 out of 5]

#المضيفة13

مش عارفه ابتدي منين ولا منين ولا منين ههههه ولا منين بس حقيقي انتي ليكي الفضل إنك خففتي عني طول مدة قرأتي للكتاب مود الاكتئاب اللي لازقلي .. you made my day♡

طريقة كتابتك للرحلات والمواقف والأحداث سلسة جدا وشيقة ..

فيكي خفة دم ظاهرة لدرجة خليتني أحبك من بين السطور وارسم لك شخصية البنت المرحة الخجولة الطموحة المؤدبة بنت الناس الطيوبة اللي نفسها تعيش في سلام نفسي (أتمنى أكون جبت الشخصية صح)

☆كم المواقف الانسانية في الرحلات كتير جدا ☆ """"""^""""""^"""^""""""^""""""^"""""^""
★ رحلة المسافرة المترحلة وآخر جملة قالتها لك أثرت فيا جدا ورنت في وداني أكتر مرة ..

★ آخر موقف للراجل الطيب اللي القدر جمعك بيه عشان يشوف فيكي بنته وعشان يكون كلامه بمثابة وقفة ليكي .. موقف صعب ومليان مشاعر مختلطة صعب أوصفها ..

★ السبوت لايت اللي عملتيه على أمانة شعب الصين وخفة دمهم عجبني جدا وخلاني افكر ليه الشعب ده بقى اسم بلده موجود في كل مكان دلوقتي ..

★ جو العفاريت والأشباح معرفش لو كان حقيقي قدرتي تستحمليه إزاي ؟!

★ أصحابك دولا ودعاء وماريانا .. تخيلتهم وحبيتهم زي ما هما واتمنى أشوفهم كمان ..

★ دعا الوالدين ونقاء قلبك وطهارته كان ليه دور كبير في إنقاذك أكتر من مرة ..

★ أما عن فكرة الكتاب فأنا بحييكي عليها جدا وجوايا إحساس بالزهو إنك أول مصرية تتجرأ وتفكر وتجسد روح المضيفة بحلوها ومرها في كتاب بأسلوب سلس وشيق وفكاهي ..

★ وضحتي أد إيه المضيفة دي بتتعب وتعاني وبتدفع فواتير كتير أوي على مهنتها دي .. (( معظمنا شايف إن المضيفة اﻷمورة المتلمعة دي معندهاش أي مشاكل ولا بتتعب في حاجة دي مجرد راكبة الطيارة بتعمل شوية حركات في الكم ساعة طيران وبتاخد فلوس أد كده وكمان بتتفسح ومقضياها من بلد لبلد وصحاب هنا وحبايب هناك ومعندهاش أي مشاكل ! ))

★ لكن الحقيقة إن المضيفة دي انسان من لحم ودم ومشاعر .. مهنتها بتاخد منها أكتر ما بتديها ..

★ إحساس ال Homesickness ملازمها طول الوقت بمجرد ما الطيارة تعمل Landing على بلد جديد .. والإحساس ده بيسرق منها جزء - إن لم يكن كل - من متعة الإحساس بأي حاجة حلوة في الحياة ..

★ المضيفة انسانه متغربة ورحالة عمرها بيطير منها من غير ما بتحس ..

★ المضيفة جهازها العصبي بيتعب بعد ما زهوة الطيران بتعدي في أول كم رحلة ((ده الواحد مننا لو مسافر بلد بينه وبينها ساعتين تلاته بيقعد كم يوم متطوح ونومه مش مظبوط وبنشفق عليه )) إنما دي بتبقى معدية فكرة النوم أصلا !!!

★ عن نفسي شوفت بعيني دوالي الساقين ومشاكل الأذن اللي ممكن تخلي واحدة تسيب شغلتها كمضيفة بعد ما ضيعت من عمرها سنين من غير أسرة ولا أولاد !

★ كتابك جواه كتير جدا ومحتاج يتقري أكتر من مرة لإن كل مرة هنطلع منه بإحساس جديد ..

★ معرفش ليه جوايا إحساس إنه ينفع فكرة مسلسل هايلة وأتمنى أشوفه كده :)

★ الغلاف جميل جدا ومبهج واتمنى ألاقي عليه ختم الطبعة ال100 :)

حمدالله على سلامتك .. قدمتي تجربة انسانية تستحق الدعم والتقدير .. حبيت روحك .. ويارب دايما بالتوفيق <3

[Waled · Rating 4 out of 5]

................................
رغم أعوامى ال37 ربيعا أو
خريفا يعنى مش هتفرق ‏‎smile‎‏ رمز تعبيري
إلا إن " الطائره " هى وسيله
النقل الوحيدة اللى مركبتهاش
على مدارحياتى .
وحتى لما اضطرتنى الظروف
اسافر بره مصر وتحديدا
"ليبيا " سافرتها
بى بيجو 7 راكب ‏‎grin‎‏ رمز تعبيري .
الكتاب بيحكى فى خفه دم
وحس ساخرمالوش حل ‏‎grin‎‏ رمز تعبيري
عن كواليس مهنه المضيفه
الجويه ونظرة المجتمع
المتدينه لتلك الوظيفه لدرجه
ان المضيفه لايعتد بشهادتها
امام المحاكم والكاتبه
شبهتها بالممثله وأشارت الى ان
المهنتين سمعتهم
فى المجتمع " بطالة " .
وبعدين إزاى بتمر باختبارات
وتدريبات شاقه ومكثفه
عشان بس تستحق تكون
مضيفه وتحصل على
رخصة الطيران (فما بالكوا
بالتدريبات والاختبارات اللى
بيخوضها كابتن الطيارنفسه . ‏‎smile‎‏ رمز تعبيري )
وبما ان الكاتبه عملت مضيفه جوية
سابقا قدرت انها تنقلنا التجربه
بكل ابعادها الأنسانية ونجحت
انها تعرفنا قدإيه الضيافه مهنه
متعبه ومش سهلة أبدا
زى ماحنا متصورين وقدإيه
هى شاقه ذهنيا ونفسيا
وبدنيا .
ازاى تكون دايما عينيهافى
وسط راسها وانها مسؤوله
طول مده الطيران قصرت
او طالت عن سلامه وطلبات
الركاب زى اللى متعلقين
فى رقابتها وانها دايما تكون
ستاندباى لأى طوارىء ممكن
تحصل والمخاطراللى هى نفسها
معرضه ليها .
قد إيه هى انسانه مظلومه
فى كتيرمن جوانب حياتها
ويكفى انها طول مده خدمتها
فى الجو ممنوع عنها
"الحمل " ومحرومه مالأمومة .
بتواجهها كم من المواقف
ساخره تهلك مالضحك
ومواقف تانيه انسانية وقدريه
مؤثرة .
لفت بينا الكاتبة عواصم بلدان
العالم ووريتنا الأختلاف فى
الاجناس والثقافات والأديان
والمعنقدات وان اختلافنا
رحمة ونعمة كبيرة من ربنا .
الحقيقة ان الكتاب ممتع
امتاع فوق الوصف وعملى
حالة من (البهججة ) أثناء قرآته
الامن بعض السلبيات الطفيفة
زى المواقف اللى اتكلمت عن
الاماكن المسكونه والاشباح
والملابس اللى بتتوضب لوحدها
رغم انها تبان مواقف مثيرة
الانى حسيت انها مقحمه عالكتاب
ومش دا مجالها ولامكانها .
لكن اجمالا الكتاب جميل
جدا فى أسلوب سرده
وتناوله الجذاب لمهنة المضيفه
وحقيقى استفدت وعرفت
منه حاجات كتير ماكنتش اعرفها
وبرشحه بقوة وشده وعنف ‏‎grin‎‏ رمز تعبيري
لكل قارىء وقارئة حابين
يخوضوا رحلة استثنائية
بصحبه المضيفة 13
مع الكاتبه المبهجة
"مروى جوهر "
ودى ميزة القراءة انها بتطوف
بدماغك الدنيا كلها
وانت فى مكانك ‏‎smile‎‏ رمز تعبيري
وان كان فى السفرسبع فوائد
فالكتاب اثبتلى ان القراءة
مش بس حياه "واحده "
دى حيوات أكتربكتير
وتجارب انسانية ومناطق
فكريه لاتعد ولاتحصى .

[Passant Tarek · Rating 5 out of 5]

I've always wanted to be a flight attendant, it's the dream that lasted for 10 years maybe, I'm a fresh graduate now and it's still my dream. I've made lots of research about the career to decide whether to go for it or not, since the majority of my family and friends are against the whole idea. I was lucky to find your gorgeous book "المضيفه 13" by coincidence, it's too inspirational and interesting that I finished reading it in 5 days and I wished it never ended, it allowed me to see the different sides of the career, I also loved that it focused on the emotional side, actually my insistence on the career increased after reading the book even though it showed the dark side. I really appreciate your efforts to write such an amazing book, no words can describe my feelings while reading it. I felt as if I'm having a deep conversation with someone who knows it all, it really answered all my questions regarding the career, I also felt as if I'm sharing each and every step of the experience with the characters in the book. I wanted to thank you for giving me this wonderful opportunity and for offering me something that matches my interest in the flight attendants world, you're a great author and I did'nt know that this type of books exists before "المضيفه 13". Again... Thank you...

[Ahmed Owise · Rating 4 out of 5]

قرأت اليوم كتاب المضيفة ١٣ للكاتبة مروى جوهر Marwa Gouhar ... الكتاب بالعامية البسيطة .. كتاب خاطف يسرقك و يسرق منك الزمن فلا تنتبه حتى تكون انتهيت منه .. مزيج رائع من البساطة و العمق و ما بين السطور .. كتاب يطرح عليك سؤال مهم جداً .. هل انت على متن الرحلة التى تريد ؟

انا خلصت الكتاب ..
و رأييى فيه باختصار و من غير مجاملات ..انه مزيج رائع من تجربة شخصية و نظرة فلسفية و موهبة ادبية ..كل الحاجات دى مع بعض اتجمعت ببساطة تتحسدى عليها ..
اسلوب شيق بسيط دافىء ..
قدرتى توصلى احاسيس المضيفة الخاصة و مخاوفها و متاعبها و فى نفس الوقت تحسسينى بجو ادب الرحلات و تعيشينى فى كل بلد اتكلمتى عليها..
بصراحة من زمان ما قريتش كتاب من فرط بساطته صعب جدا تتكلم عليه ، او كتاب يسبب لى حالة من السعادة و الخوف فى نفس الوقت و يخلينى اسأل نفسى عن طبيعة الرحلة اللى اخترت انها تبقى رحلتى ..
كتابك هيخلينى افكر شوية لأنه جه ف وقته !

[Bassant Sallam · Rating 5 out of 5]

الكتاب بجد بجد تحفة و شابوه ليكي عليه انا قريته ف 4 ايام عشان اقدر استمتع بيه على قد ما اقدر و فعلا ضحكت و دمعت من قلبي و عشت كل لحظة كأني انتي او معاكي ..
انا كنت متخيلة حياة المضيف و عارفه صعوتها بس مكنتش متوقعة انها ف الواقع اصعب من الخيال حتى بالرعب و الكوميديا اللي فيها .. بس الاجمل فيه تطور الشخصيه و تحديها و شجاعتها ف انها تواجه حياة زي دي بكل عيوبها ومميزاتها و رجعت لنفسها ف انها تاخد القرار الصح و تنزل للحياة الطيعية

بجد شكرا على الكتاب دا اعتقد هوا مشوار لمضيفات كتيير و عقول محتاجة تغيير
مستنيين جزء تاني على فكرة دا مش كفاية ;)

[Maha Khater · Rating 5 out of 5]

انا عاوزه اقول ان الكتاب اكثر من رائع و الكاتبه خفيفه و روحها جميله و احلى حاجه انها فعلا عبرت عن احساس المضيفات حول العالم انا لغايه ما قرأت الكتاب كنت فاكره ان ده كان شعوري انا بس او منحصر عليا انا و زميلي اللي في نفس سركه الطيران بس هي وضاحتلي ان ده شعور جماعي لكل المضيفات من كل الجنسيات و الاعمار و الديانات ، انا بكيت و انا بقرا و ضحكت و تذكرت اصدقائي في مواقف مشابهه هو الحاجه الوحيده الي كان نفسي تكون مختلفه انو يكون اكبر و المواقف اكتر علشان حياه الطيران لا تنتهي من القصص، بجد شابو مروه جوهر

[Mai Khater · Rating 5 out of 5]

انا بشكر مروه جوهر من كل قلبي علي الكتاب... نفسي واحده من الخطوظ السعوديه كمان تكتب عننا... مع ان الطيران من شركه لشركه مبيختلفش كتير غير في مظاهر الحياه جوه البلد الرئيسيه او ال base .... لو كنت بعرف اكتب و اعبر زيك كنت كتبت كتيييير مع اني مشتغلتش غير سنتين بس و مشييت لما حبيت و خفت عمري يضيع في الطيران لان زي ما قولتي كنت بشوف زمايل ليا في الاربعين و الخمسين كمان و نسييو يعيشو اصلا و الطيران سرق عمرهم.... في النهايه عاوزه اقولك حاولي تعملي كتاب تاني و تستفيضي اكتر.

[عبدالرحمن شاكر · Rating 4 out of 5]

مبدأيًا .. الحاجة الوحيدة اللي مش عجباني فيه ان كله عامية في عامية

بس

غير كدة .. الكتاب حلو جدًا.. من أكتر الكتب اللي استمتعت بيها وأنا بقرأها.. عشان بعرف بيها عالم جديد وبطريقة حلوة .. الكتاب برغم إنه عامية وأنا تقريبًا مقرتش حاجة عامية قبل كدة وضحكت فيها.. لكن ضحكت كتير في بعض التعبيرات عشان مكتوبة بأسلوب بسيط من غير تكلف

عامةً كتاب حلو ولذيذ وإن شاء الله بالتوفيق فالتالي

[Nëpal El Räqabawey · Rating 5 out of 5]

ضحكت ضحك في الفصل ده بجد شابوه اسلوبك رائع و واقعيتك اجمل و اجمل قدرتي تشدي اي قارئ يكمل لاخر صفحه و ياريت محدش يصنفه كعمل ادبي و يبدا ينقد باسلوب غير مهذب العمل اشباه سيرة ذاتية و حكاوي خفيفة يمكن حد ياخد خبرة منه و يكشف وظيفه ابعادها مجهولة لكتير كان نفسي اكون زيك عندي اللي يخليني اتمسك بالبلد بس اهو ازمة اللي اتربي بالغربة ادعيلي اقبل في التقديم الجاي صحيح رقمي 13

[Khaled El-Borgy · Rating 1 out of 5]

الكتاب فكرته مش وحشة بس حسيته سطحي جداً و فيه قلش كتير .. الحوار مابينها و بين نفسها كان بايخ أوي و مليان قلش كتير .. الميزة اللي في الكتاب إنه بيخليك تبص لمهنة المضيفة الجوية بشكل تاني و يبين لك إن المهنة دي مش كلها فسح و سفر زي ما الناس فاكرة و إنها مهنة مرهقة و المسئولية فيها عالية .. بنصح أي شخص بيحلم بالمهنة دي إنه يقرأ الكتاب ده

[Lamiaa Abdelmoname Slim · Rating 4 out of 5]

كتاب ممتع وخفيف ...يديك فكرة عن حياة كاملة مكنتش تعرف عنها
طول ما انا كنت قاعدة اقرا الكتاب كان على وشى ابتسامة استمتاع وبلاهة فضلت معايا الابتسامة دى حتى بعد ما خلصت الكتاب
اتمنى اشوف لمروى كتب تانية ^_^

[Flower Ali · Rating 3 out of 5]

رواية باللهجة المصرية ترويها بطلة القصة ؛ كيف التحقت بكلية المضيفات الى التدريبات و المحاضرات ، ومن ثم التخرج و بدء العمل وتعرضها لمواقف مختلفة منها ما هو مضحك ، مخيف ، غريب .

الكتاب خفيف ومسلي ، تذكر فيها الكاتبة البلدان التي زارتها في الفصول التي تلي تخرجها وبدء عملها كمضيفة جوية .

[Hadeil Houni · Rating 4 out of 5]

بغض النظر عن أنه كتاب شيق لا تستطيع التوقف قبل إكماله فهو يحمل معلومات جديدة و لا عهد لأغلبية بها ، أحداث مسلية و ممتعة و طريقة سرد شيقة ...

[Nehal Hany]

اى شىء

[Tamer · Rating 5 out of 5]

كتاب مسلي جداً

[Sh Alsaad · Rating 1 out of 5]

كتاب اخر يستخدم الطريقه العاميه لجذب قراء العصر الحديث

[MOONI · Rating 5 out of 5]

قريت الكتاب من خمس سنوات ووقفت بنصه ورجعت كملته حلو وسلس ويتكلم عن عالم شفته كمسافرة فقط لكن بالكتاب عشته كمضيفة ، شكراا ياسمين على الرحله الحلوه والحزينه الي سردتيها لنا 🌹