Кніга апавяданняў і прыпавесцяў вядомага сучаснага пісьменніка Беларусі Уладзіміра Някляева.
«Што б ні казалі, ні плялі, мы не ў зямлі, а на зямлі!» – напісаў Уладзімір Някляеў у адным з вершаў. У ягоных творах увогуле як бы няма памерлых. Усе — жывыя. Не Ў зямлі, а НА зямлі, не Ў небе, а ПАД ім. І гэта не толькі дае чытачу адчуванне цэласнасці свету, але і дазваляе аўтару ствараць неверагодныя, фантастычныя – і ў той жа час на дзіва рэальныя сюжэты, што і стала зместам кнігі «На ўсякім свеце».