"Trozos/Cachos" ye una antoloxía billingüe (asturianu/castellanu) que recueye lo principal de la obra poética de Berta Piñán hasta la actualidá. Con un estilu conversacional, aparentemente cenciello, trátense temes diversos: la soledá, l'amor, les migraciones o la reflexón sobre el mesmu llinguaxe. Aseméyase abondo nes formes a la Poesía de la esperiencia. Cautiváronme enforma dellos poemes amorosos como "Pa otros" o "Papel en blanco". Recomendaríala pa quien quixera averase a la poesía n'asturianu per primer vegada.