خروج آمن

by محمود وهبة

" كل ما يحدث هنا مضلل لأقصى درجة، يستجدى تتبعك، يرغب فى سلب إرادتك ثم يدخلك إلى متاهةٍ من دون بابٍ للرجوع، اعتقادك خاطىء للغاية، ما توصلت له حتى الآن أوهام لا صحة لها من الأساس، امكث داخل تلك المتاهة فى حذر، لم تكن تتبع أحدهم للإيقاع به بل كان يتبعك هو للإيقاع بك ! "

280 pages, ebook

First published July 30, 2018

About the author

كاتب روائي وسيناريست
ولد فى القاهرة عام 1989
تخصص فى كتابة أدب الرعب والجريمة
صنف من افضل 10 روائيين فى مجال ادب الجريمة فى مصر والوطن العربي
كتب العديد من السيناريوهات المختصة بأفلام الجريمة و الرعب.
Novelist and screenwriter
Born in Cairo in 1989
Specialized in writing horror and crime literature
Ranked among the top 10 novelists in the field of crime literature in Egypt and the Arab world
He wrote many scripts for crime and horror films.

Reviews

[Yasmeenology Yaseen zaki · Rating 4 out of 5]

قصة محبوكة كُويس ، اسلوب سرد سهل ولذيذ ، نهاية غير متوقعة ..
شكيت في كل الشخصيات اللي ذكرت في الرواية وفِي النهاية طلع حد مجاش في بالي نهائي .. حبيتها وخلصت بسرعة عشان اسلوب الكتابة سهل و ساعد علي كده ..

[الزهراء الصلاحي · Rating 4 out of 5]

رهيبة!!
حبكة ممتازة، -مفيش فيها غلطة-.
ممتعة، لدرجة إني مقدرتش أسيبها غير لما خلصتها!
لي تجارب سابقة مع الكاتب لكنها ام تكن موفقة، لكن هذه كانت مختلفة!

[Nada Gaber · Rating 4 out of 5]

عجبنى جدا بس النهايه ماعجبتنيش اووى حسيت الكاتب كان ممكن يختار نهايه اقوى لان الاحداث كانت قويه جدا بس طريقه السرد و الاحداث مشوقه جداو بصراحه طريقته مميزه جدا 🌹

[محمد حياه · Rating 3 out of 5]

جرائم قتل متعددة تشير أصابع الإتهام لرجل أعمال خارج البلاد وذلك بوجود بصمته في كل الجرائم مع استحالة تواجده في مسرح الجريمة أذن أين الحقيقة
عمل بوليسي من الدرجة الأولى أبدع الكاتب في رسم الجرائم واستمتع بالتحقيقات البوليسية مع كل جريمة
يعيب العمل النهاية كنت أتوقع أن تكون على مستوى باقي احداث العمل لكنها جاءت أقل منهم للاسف

عمل ممتع لكاتب مبدع
شكرا

محمد حياه

[Amel Elashmawy · Rating 4 out of 5]

تانى مرة أقرأ لمحمود وهبة بعد سفرة القتل وبصراحة مبهورة.. مبهورة بالأسلوب والحبكة والحكاية كلها، وحزينة جدا إن عندنا روائى مميز ومبدع زي محمود وهبة لكن مظلوم فى ترشيحات القراء على الميديا والساحة الأدبية عموما.
انصح بقراءة الرواية فى وقت الفراغ مع قدر كبير من التركيز والوحدة، فكل كلمة منها تستحق وقتك.

[Hadir Elsaeedy · Rating 5 out of 5]

Mhmoud Wahba

خُرُوجٌ آَمِنْ

" كل ما يحدث هنا مضلل لأقصى درجة , يستجدى تتبعك . يرغب فى سلب إرادتك ثم يدخلك إلى متاهة من دون باب للرجوع . إعتقادك خاطىء للغاية . ما توصلت له حتى الآن أوهام لا صحة لها من الأساس . امكث داخل تلك المتاهة فى حذر . لم تكن تتبع أحدهم للإيقاع به بل كان يتبعك هو للإيقاع بك ! "

مش عارفة أبدأ الريفيو منين ولا أتكلم عن إيه ولا إيه فى جمال العمل ده .. طب أتكلم عن الحبكة الممتازة واللى أبهرتنى تماماً ومتوقعتهاش ولا أتكلم على أسلوب الحوار الشيق جداً جداً والغير مال تماماً بالنسبالى واللى أنا متأكدة إنه كان كدا بردو مع باقى القراء ولا أتكلم عن السرد اللى حسيت فيه بتطور كبير جداً عن سفر القتل 👏

تانى عمل أقرأه لحضرتك بعد " سفر القتل " واللى أبهرنى جداً بردو .. بس العمل ده حسيته أقوى وده شىء أحيي حضرتك عليه جداً 😄👏

لو هتكلم عن الحيرة في إني أعرف مين اللي بيعمل كدا جوا الرواية واللى بعتبرها سمة أساسية فى كتاباتك فهى كانت مرتفعة جداً المرادى .. الجرعة فى التشويق والإثارة كانت تفوق رواية سفر القتل بمراحل👌 .. مكنتش عارفة أسيب الرواية من إيدى من كتر ما هى حلوة بل كنت بعيد قراءة أجزاء كويس جداً وبتركيز جداً عشان أحاول أخمن وأوصل للحقيقة واللى طلعت فى النهاية كلها غلط 😫

أبهر حضرتك بقى بتخميناتى الثمينة واللى حضرتك نسفتها تماماً 😆😂

أنا فى البداية كان إعتقادى إن نجلاء هى اللى ورا الموضوع كله وهى اللى بتنتقم من مدحت وهتطلع هى سيف ومستخدمة برنامج تغيير الأصوات وطبعاً فشل التخمين ده فشل ذريع 🙄

جه بعد كدا تخمينى إن لارا هى اللى تكون ورا كل ده .. بس الحقيقة التخمين ده مخدش منى غير مجرد دقايق بسيطة وإتمحى وفضل التخمين بتاع إن نجلاء هى اللى بتعمل كل ده معلق فى دماغى خصوصاً بعد ما رشاد قالها أنتى ليكى يد فى اللى حصل لمدحت ؟! .. بس مفهمتش هنا لما فى النهاية مطلعش ليها يد أومال كانت بتقوله أه ليه ؟! .. ولا كان ليها دور وقتها وأنا مخدتش بالى؟ .. بس والله كنت مركزة كويس فى القراية فأتمنى حضرتك تجاوبنى على السؤال ده ومتقوليش زى المرة اللى فاتت روحى إقريها تانى 🙁

راح تخمينى للعقيد شادى 🤓 .. شكيت فيه شوية بس طلع شكى غلط طبعاً وراح بعد كدا تخمينى لهشام بس قولت أستاذ محمود طلع المرة اللى فاتت إن ظابط هو اللى ورا كل ده وطلع الظابط فى صورة شيطان من شياطين الأنس فإزاى هيكررها لحد ما إتفاجئت فى النهاية والمفاجأة الأكبر إنى ملقتش تكرار ولا حاجة ولا أى تشابه بين العملين وده بيدل على تفوق حضرتك جداً 👌👏

المواهب العظيمة اللى زى حضرتك دى هى اللى المفروض تاخد فرصتها فى إن أعمالها تتعمل أفلام ومسلسلات وأنا فرحت جداً لما عرفت إن فى رواية لحضرتك هتتحول لفيلم أو مسلسل مش متأكدة وإن شاء الله هكون أول المتابعين للعمل ده 🙈

المفاجأة اللى صدمتنى إن حضرتك ليك ماشاء الله كم هائل جداً من الأعمال وبقيت مستغربة أنا إزاى مقرتش كل ده 😮 .. بس إن شاء الله ناوية أشتريهم كلهم وأقراهم وأنزل إن شاء الله بريفيوهات كتيرة جداً تعجب حضرتك 🙈

..

الشخصيات بقى فى الرواية

نجلاء : على قد ما هى ست وحشة جداً وأنا كنت كرهاها طول الرواية على قد ما صعبت عليا لحظة ما مدحت قال للارا لو عرفتى تقنعيها تسافر معانا يبقى برافوا عليكى وهى دمعت لكونها مش عايزاه يعرفها الحقيقة .. وموتها الحقيقة كان نهاية بشعة جداً 💔

لارا : شخصية جميلة أوى .. كنت كرهاها فى البداية بس بعد ما إتخطفت حبيتها جداً وحبيت روحها الحلوة ونهايتها كانت صادمة بالنسبالى 💔💔

حسام : أنا إتصدمت فى شخصيته صدمة ما بعدها صدمة😐 .. مش متخيلة إن كل ده كان تمثيل😲 .. مش متخيلة إن توتره وإرتباكه وكل تصرفاته دى كانت فيلم هو عامله .. أنا حبيت شخصيته جداً وحبيته يكمل معاها بس مكنتش مستوعبه النهاية بتاعته 😐

ياسر : المفروض إنه كان بدقن .. وهو فى البداية دقنه حلقها .. وطول الرواية بيقولوا إنه بيتعمد يخبى وشه بالكاب وكمان دقنه طويلة .. والمفروض كل ده حصل فى شهر تقريباً .. معقولة دقنه لحقت تطلع وتطول بالطريقة اللي كانوا بيتكلموا عنها .. حسيت فى حاجة غريبة هنا أو غلط مش عارفة 🤔

مدحت : كان أحياناً بيصعب عليا وأحياناً بكرهه جداً .. ونهايته كانت بشعة جداً جداً 💔

بهاء : واللى مات أول واحد .. صعب عليا جداً وأنا فى بداية الرواية وقولت حرام ليه يموتوه .. ده شكله طيب .. بس لما فهمت لا هو يستاهل الموت فعلاً 😡

رشاد : شخصية مستفزة لأقصى درجة 😑 .. كرهاه من أول الرواية لأخرها .. ما عدا جزئية صدمته فى العربية لما شاف عماد .. الحقيقة كنت عايزاه يعرف يهرب .. بس هو صعب عليا هنا بس 🙁

نيفين : كنت كرهاها بس صعبت عليا فى النهاية الحقيقة 😞

بكر وشاكر وأنور : يستاهلوا وبكرهم أصلاً ومصعبوش عليا خالص 😒😡

رانيا : كنت هتجنن من شخصيتها وتصرفاتها لأنى مكنتش فاهمة هى بتعمل كدا ليه 🤔 .. بس فى حاجة .. لما هما لقوا تسجيل ليها إنها بتتفق مه خالد إنها هتجيله وده أنا فهمته عشان تخليه يكون موجود فى الشقة عشان تتنفذ باقى الخطة .. بس ليه متحققش معاها ومخدوش أى إجراءات ضدها ؟! .. وكمان هى كانت الفترة دى كلها قاعدة فين وليه سافرت أصلاً شهر أو أكتر بعيد عن بباها ؟! 🤨

خالد : أكتر شخصية بشعة شفتها فى حياتى 😐 .. كرهاه حرفياً 😡😡

والد رانيا : حبيته جداً من أول الرواية لأخرها 😍 .. زوج مخلص بطريقة حلوة أوى ونادرة .. معقول فى ناس جميلة كدا زيه .. كان بيصعب عليا جداً وهو قاعد بيعيط على مراته😥😔 .. حقيقى حضرتك أبدعت فى وصف الشخصية دى بكل مشاهدها 👏

دى الشخصيات اللى أثرت فيا جداً ولفتت إنتباهى

...

من المشاهد المتميزة بقى واللى علقت معايا

يجى فى المقدمة مشهد المقابر بتاع مدحت .. مشهد مأسوى بطريقة فظيعة 😔 .. وصف حضرتك لكل حاجة فى المشهد ده كانت رهيبة 😔 .. أنا كنت حابة أنزلة كله بس هو للأسف هياخد كتابة كبيرة منى 💔💔

بعد كدا مشاهد ماثيو وإيستون حلوة أوي حسيتها مكتوبة حلو أوي وكانت شداني جداً في قرايتها وكنت مبقدرش أتوقع هيحصل إيه ولا إيه الرد اللي هيردوه 👏👏

مشاهد مصطفي ورشاد وهما بيترافعوا وكمان وهما بيخرجوا مدحت 👏

...

من المشاهد اللى عصبتنى جداً وإتضايقت بسببها

مشهد خيانة حسام للارا وإن كان هو خاين من البداية بس مشهده مع نجلاء كان وحش أوى وكرهته فيه جداً وكرهتها هي كمان 😡😡😡😒

يجى بعد كدا مشهد مدحت لما شاف الفيديوهات .. طبعاً صدمة كبيرة ومستحيل أبرر لنجلاء تصرفاتها البشعة 😐 .. بس اللى ضايقنى إن هو تقريباً كان بيعمل نفس الموضوع ده فى لندن و ناسى إن عقاب ده عند ربنا بيكون للراجل والست مش للست بس .. كل واحد فيهم شايف التانى وحش ومش بنى آدم وهما الإتنين نفس الشىء 😐😡

...

من الحاجات اللى بتعجبنى هو وجود خاطرة قبل كل فصل 🌸 .. حاجة جميلة جداً والخواطر دى حلوة أوى بجد 🌸 .. أتمنى حضرتك تستمر فى كتابتها 👏

...

من الحاجات اللى ضايقتنى بقى تعقيباً على العمل كله هو قتل أدهم لأحد الشخصيات ☹️ .. محبتهاش خالص .. هو يقتله ليه أصلا ؟! .. كان راجل فاسد تمام بس كان ممكن الأوراق اللي وصلولها والتسجيلات تتقدم ويتحاكم بالإعدام حتى بس قتله ليه غير مبرر خالص .. مكنش قصاص فده معجبنيش وإتضايقت منه ، وإن كان القتل كله داخل الرواية وتخطيط هشام مع إنه رهيب وحلو جداً بس إتضايقت منه

عارفة إنهم مكنوش هيعرفوا ياخدوا منهم حاجة أو يثبتوا حاجة .. بس كانوا سلموا الأوراق للنيابة مش يقتلوا فيهم كدا لأن ده مش صح خالص وده رأيي واللى مش بيقلل خالص من العمل بالعكس العمل حلو جداً وبحيي حضرتك جداً عليه وأتمنى الريفيو الطويل ده يكون عجب حضرتك ومكنش إتكلمت كتير أوى فيه بس أنا بحب أحلل كل جزئية عشان أحاول أدى الكاتب حق تعبه وسهره فى كتابة عمل بالعبقرية دى وأتمنى من كل اللى مقراش العمل إنه ميكونش قرأ الريفيو لأنى تقريباً حرقت الأحداث كلها فيه وإن كان لازم أكتب التنوية ده فى البداية بس معلش 🙊

#هدير_الصعيدى
#كاتبه_مبتدئه_وقارئه_متعمقه
#محمود_وهبة
#خُرُوجٌ_آَمِنْ
#دار_ن_للنشر_والتوزيع

[Mohamed · Rating 5 out of 5]

. عندما تريد تحقيق العدالة بيد المظلومين .

بجد انا مش عارف ابتدى منين ، بس اللى ممكن يتقال انك توقع براحتك و فى اخر الرواية لن تنجح توقعاتك ، فى انتظار القضية رقم ٢

[Dalia Fayez · Rating 4 out of 5]

جميلة فعلا و مشوقة و مختلفة

[Mohamed Saad · Rating 5 out of 5]

رواية اكثر من رائعه قمه فالابداع والتشويق اسلوب سرد رائع امتياز الحبكه تفوق علي الذات ترفع لك القبعه احتراما 👏👏

[Mohamed Ali · Rating 5 out of 5]

الرواية من اول نظرة تشدك اثارة وتشويق من اول كلمة انت مش هينفع تقوم غير لما تخلصها من كمية التشويق اللي فيها ومتحولش تتوقع حاجه فيها انا حولت اربط الخيوط ببعض وكل مره بيطلع توقعي غلط لحد النهاية الكاتب بيربط الاحداث ببعضها بحبكة منطقية جدا ومستحيل تتوقعها كل شخصية مرسوم دورها بدقة حقيقي رواية ولا اروع

[Ahmed · Rating 5 out of 5]

خروج امن الاسم من الوهلة الاولى يعطى انطباع بأن الرواية لها طابع سياسى من وجهة نظرى الشخصية حين علمت بها ولكنها ليست كذلك
عدة شخصيات مختلفة لا يوجد رابط بينهم سوى انهم مجموعة من الفسده عجز القانون ان ينال منهم البداية جريمة قتل غامضة يكتشف ان مرتكبها خارج البلاد وان مرتبكها ليس بالشخص العادى ابدا بل من اكثر الاشخاص المطلوبين للمثول امام العدالة فى جرائم تخص الهروب بأموال عامة وتتوالى الاحداث والجرائم فى اطار سريع ومتلاحق من الغموض تشعرك بانك داخل متاهة حقيقية وانت تحاول بأمساك طرف خيط للوصول الى حل منطقى ولكن الخيوط كانت متشابكة للغاية مثل شخصيتها
الحبكة الموجودة فى الرواية رائعة ونهاية الرواية اروع تنم عن مؤلف محترف فى كيفية اظهار الاوراق التى اخفاها بمهارة طيلة احداث الرواية استمعت كثيرا بالرواية وبفكرتها

[Adil Ben · Rating 4 out of 5]

فعلا كل ما يحدث هو مظلل .
عنوان يسبح بك في عوالم مختلفة ولكن كن متأكدا انه ليس بخروج آمن ولكنه دخول ساخن .
ابداع تشويق واثارة كل المواصفات اجتمعت في هذه الرواية.
السوداوية في هذه الرواية خطيرة جدا استطعت ان احتمل ما حدث لكل شخصية غير انني لم احتمل ما وقع للارا .
لماذا ظلمها الزمن والحبكة والقصة والاحداث و اناملك .
لم اعطي خمس نجوم لانه في بداية الرواية انطلقت أسماء كثيرة مباشرة تجعلك تتوه في الاحداث اما عدا ذلك فكل شيء بجنن في هذه الرواية الشيقة شكرا لك محمود وهبة .

[Osama Yosre · Rating 1 out of 5]

يتم قتل مجموعه من رجال الاعمال ويتم اتهام رجل اعمل كل مره بجريمة القتل وتاتى النهاية تفسر كل شى
القصه لم تعجبنى بالمره وعصرت على نفسى شادر ليمون عشان
1- اخلصها بسبب المشاهد المتسراعه وقعده لحد تقريبا نصف الكتابه عشان اجمع الاشخاص ببعض
2-عدم خلق نسبه تعاطف بينى وبين الابطال
3-كشف الحقه فى اخر 10 صفحات بعد ما خلانى طول القصه تايه
4-اسلوب الكاتب غير ما قرات له قبل كده حسه سريعه مش مدى لك مشهد حقه مع انى بحب اقراء له

[Mohamed El-Okbi · Rating 4 out of 5]

الإثارة و التشويق لا ينتهي....
مع انها معقده و تضم شخصيات كثيرة اغلبها من الفاسدين و القتلة و لكن لن تعرف من المدبر غير في اخر صفحات الرواية...
احسست بتشابه بين هذه الرواية و اخري قرأتها من فترة و لذلك استطعت تخمين الافراد و العقل المدبر في النهاية بنسبة كبيرة
شكرا للكاتب ، فانا لم استطع ترك الرواية حتي انتهيت منها

[Gafreen · Rating 3 out of 5]

في البداية كانت الحبكة جيدة جدا لكن مع تكرار الاحداث وظهور شخصية جديدة وموت شخصية استطعت ربط الاحداث بسهولة وتوصلت الى من يقف خلف الكواليس
بصراحة لم يعجبني الانتقام من شخص لاعلاقة له بما يصنع والديه
لم يعجبني وجود الزنا والحرام لتحقيق العدالة
النهاية كانت جدا مرضية
لكنها كانت بعيده كل البعد عن الواقع فالحثالة أمثالهم دائما يحظون ب(خروج أمن) .

[Diaa Eldeen · Rating 3 out of 5]

هى الرواية ممتعة مفيش شك
لكن يعيبها الفكرة محروقة تتكرر قبل كدا كتير واحد ظابط عايز يطبق العدالة من رجال الأعمال فا انتقم منهم بطريقة جديدة الأ وهى مساعدة الناس الذين ظلمهم رجال الأعمال من أخذ حقهم منهم
الرواية مش مممله ممتعه
لكن يعيبها الفكرة

[Kerols Nagy · Rating 4 out of 5]

الرواية حلوة وخلصت بسرعة بس النهاية كنت متوقع حاجه اقوة من كده بس فى النهاية استمتعت

[Ghada Alqhwaji]

رووووعة جداً والأحداث 🥺❤️❤️

[Farah · Rating 4 out of 5]

#ريفيوهات_ساحر_الكتب
#خروج_آمن 📚 لِ #محمود_وهبة

{ تتساقط الأقنعة عندما يحين وقت الخلاف، الصراع يُظهر النوايا كما يُظهر النور خفايا الظلام .. و لكَ أن تعلم أن كل الأقنعة التي سقطت لم تكُن الأخيرة فالبعض لديه الكثير منها. }

عندما تبدأ معالم العمل بالتجلي واضحة في مخيلتك، لا تثق بما توقعته، فمع هذه الرواية التي تحمل الكثير و الكثير من الخيوط المتشابكة، لن تصل إلى الحقيقة كاملة إلا إذا أتممت القراءة.

- الفكرة: مميزة جداً برغم كونها من ثيمة الأعمال التي تصلح لأن تكون فلماً لكن الكاتب عرضها بطريقة مختلفة عن كل ما مر من قبل.
- الحبكة: من أقوى و اجمل الحبكات الروائية و الدرامية التي ستمر عليك .. أسلوب قوي و مميز.. تحولات كبيرة بخفة و حرفية بالغة و أحداث تخالف كل التوقعات مع نهاية تكسر جميع الحواجز.
- اللغة: فصحى سليمة منذ البداية و حتى آخر العمل بشكل سلس، مفهوم و جميل جداً.
- العنوان: متناسب جداً جداً مع المحتوى بطريقة لن يستوعبها القارئ الا عندما تطوي الرواية فصولها الأخيرة.
- الغلاف: يعبر و بشدة عن مضمون العمل، فكرة الغلاف و الألوان جاءت متناسقة جداً و تحمل الكثير.

بدأت قراءة الرواية بناء على ترشيحات و آراء من سبق و قرأوها متوقعة أن الآتي سيكون مختلفاً .. رتم الدخول و بداية الأحداث كانت جيدة لكن ليست محفزة بقوة، ثم ما إن تداخلت الخيوط و ظهرت التشابكات حتى بدأت الإثارة و تيقنت مع اتقراب النهاية بأنها فعلاً مختلفة و بشدة ..
استطاع الكاتب قلب الموازين و عكس الأفكار حيث أنك مهما توقعت لن تستطيع الوصول للتوقع الصحيح، إلا بإنهاء القراءة.
عبارة ظهر الغلاف كانت موفقة جداً و لها تأثير كبير على ما يدور ضمن دفتي الرواية.

- النقد: *لكل عمل نقد و هذا مؤكد، ولكنها من المرات النادرة التي أجد العمل فيها مميزاً بطريقة ما و يستحق تقييماً عالياً .. إلا ما مر من بضعة أخطاء في الطباعة أحياناً

عدد الصفحات: 271 صفحة.
التقييم : 4.5/5

مدة القراءة: 3 ساعات .. متفرقة.

~ تجربة جديدة، ليست المرة الأولى لي في القراءة مع المبدع محمود وهبة، لكن الأسلوب و البنية العامة للعمل هذه المرة حملت تجديداً و اختلافاً كبيراً عمّا قرأته في السابق و هذا دليل تقدم و نجاح لكاتب يسعى دائماً نحو الأفضل. في إنتظار المزيد و أتمنى للكاتب Mhmoud Wahba دوام التقدم
و التوفيق

[Atef Younis · Rating 4 out of 5]

🔍📒روايه " خروج أمن 🖋الكاتب" محمود وهبه✔️

🖌📓روايه تبدء اثارتها مبكرا لتدرك حينها انك لن تبرحها الا عندما تنتهي من قراءتها ،وخاصه عندما يكون الكاتب مبدع وامتاز دوما بالخطوط غير التقليديه والقضايا المعقده ومهارته في التلاعب بالخيوط و اجاده الإثارة والتشويق والمفاجأت التي لا تنتهي ..
↩️ حيث استطاع الكاتب قلب الموازين و عكس الأفكار حيث أنك مهما توقعت لن تستطيع الوصول للتوقع الصحيح، إلا بإنهاء القراءة وهي ميزه وعلامه واضحه في كل كتابات واعمال الكاتب محمود وهبه .
📚 تدور احداث الروايه في قالب بوليسي متميز ، حيث تبدء احداثها الساخنه سريعا مع وقوع جريمه قتل بشعه ويبدو جليا ان تلك الجريمه كانت بدافع الانتقام ولكن بمجرد فتح التحقيقات فيتضح جليا انه هناك كثير من علامات الاستفهام التي تكشفها التحقيقات وخاصه المشتبه به الرئيسي الذي الذي هناك ادله ضده ولكن هناك ايضا ادله كثيره في صالحه لتكشف الأحداث عن وجود عدة شخصيات مختلفة لا يوجد رابط بينهم سوى انهم مجموعة من الفاسدين وقد عجز القانون ان ينال منهم ولكن يبدوا ان هناك من اراد الانتقام بقانونه الخاص بعد ان عجزت القوانين الاخري عن ايقافهم فيقرر ان يتلاعب بهم جميعا لتبدء رحله سقوطهم .
↩️ في تلك الروايه ألقي الكاتب الضوء علي فساد رجال الاعمال وايضا فساد بعض عناصر الشرطه واقحمنا الكاتب كذلك علي العالم الخفي للمحاماه وعلي تضليل الاعلام وفساد وتواطؤ كثير من مسئوليه وعلي تجاره الرقيق الابيض وتزاوج السلطه الفاسده والمال الملوث .
📝لغه الروايه في السرد كانت بالعربيه الفصحي السلسه والمباشرة والحوار كعاده الكاتب فهو دائم الانحياز لان يكون باللغه المصريه العاميه فجاءت الروايه خفيفه وسريعه وخاليه من اي تعقيد لغوي .
🔚 الروايه متميزه رغم ان القصه ليست جديده ولكن سرعه وتشابك الاحداث واسلوب الكاتب التشويقي المميز جعل الروايه مختلفه من البدايه الي النهاية بأنها فظهرت الروايه بصوره مختلفه وخاصه وقد ستطاع الكاتب قلب الموازين و عكس الأفكار وقلب التوقعات لتجد نفسك مهما توقعت لن تستطيع الوصول للتوقع الصحيح الذي ربما لم ولن تتخيله 👏🤭

[Mohamed Mutawea · Rating 3 out of 5]

_تجذبني الرواية ذات الشخصيات الكثيرة فهي علامة الكاتب المتمكن الذي يستطيع ان يجعلني اقراء الاسم ولا احتاج ان اعود لاتذكر من صاحب الاسم وهنا الكاتب استخدم الاسلوب الاسهل للتفريق بين الشخصيات وكانت التفرقة عن طريق ظالم ومظلوم وهذا لم يعجبني
_ احب استعمال الفصحي عند شرح المشاهد واستعمال العامية بين الابطال ولكن عندما يكون الابطال انجليز او اجانب بشكل عام يجب ان يكون حوارهم بلفصحي
_ يجب ان يتركني الكاتب انا كاقارئ اصدر احكامي علي الشخصيات ولا يبداء في اصدار احكامة عن الشخصيه لمجرد انه جعلها شريرة ولا ينتقد افعالهم الشريرة الكاتب ينقل الوصف ويترك المشاعر للقارئ ولايدفعة نحو مايريد
_الكاتب ليس ولي امر ولا واعظ فمثلا عندما يصف الكاتب ان البطل سحب نفس من سيجارته لي المطلوب ان يكون وصف السيجارة هو دخان الموت مثلا او دخان السرطان
اذا كان الكاتب يصف مشهد احتساء خمر فلا يجب ان يقول المشروب المحرم اذكر المشهد من فضلك ولاتفرض وصايتك علي
_تسهيل كل شئ عيب وليس ميزة
الكاتب جعل كل الوسائل متاحة وسهله للبطل عاوز صاحب في لندن يساعده خلقله واحد وعاوز بصمات خلق واحده وجابتله البصمات بشنطة اندرات
عاوز يفتح خزنه خلق جونتيات بصمات
زى كتاب الرومانسيه لما بيخلوا البطل غني جدا والبطل فقيرة جدا وعندها يستطيع البطل ابهار الجميع برومانسيته السهله لانه غني وهذا علي طريقة المخرج عاوز كده

عموما الروايه حلوه لناس مش بتركز في الفنيات لكن تليمح الكاتب لاجزاء قادمة اعتقد انني لست متحمس لقرائة هذه الفبركة من جديد

[محمد الشافعي · Rating 4 out of 5]

خروج آمن
محمود وهبة

البطل : هشام الظابط المتخفي تحت أسم سيف بطل رئيسي مع الشخصيات الاخرى
الأحداث : تدور بين مصر ولندن
الغلاف : رائع بيدل على دخول في العالم السري للبيزنس القذر
مصمم الغلاف : إسلام مجاهد
العنوان : خروج آمن يعطيك انطباع إنك سوف تقرأ رواية بوليسية أو سياسية وخروج آمن لمن ؟
نقاط القوة
المقدمة بالنفس هي الإمارة بالسوء & الغلاف & اسم الرواية & الشخصيات & تسلسل الأحداث بدون ملل – اللغة
نقاط الضعف
النهاية لم تكن قوية – المقدمة القصيرة قبل كل فصل
______________
إحذر خروج آمن فكل ما يحدث هنا مضلل لأقصى درجة يستجدي تتبعك .. فلذلك سوف تجد من البداية شخصيات كثيرة وأحداث متلاحقة تستجدي متابعتك
شهوات – مخدرات – خطف – قتل – جرائم لا تفسير لها – شخصية غامضة محركة فالقصة ليست الإنتقام فقط ولكن محرك لتطبيق العدالة
وهنا تظهر الفكرة المعتادة لبطل يحاول تطبيق العدالة السماوية بأيدي البشر فهل سينجح .. هل هي الطريقة المناسبة فعلا .. هل ستحدث صفقات هل سيكون هناك خروج آمن فعلا
وهل هي البداية لروايات أخرى تبدأ بطلعت زاكر
تقيمي : 4/5

[Doaa · Rating 3 out of 5]

❞ « ليس هناك مكان أكثر ظلمة من قلب إنسان خسر كل شىء، رفض من الجميع، حرم من أبسط الحقوق، جلد من كل سوط بيد من حوله، لم ينجح سوى فى أن يصبح فاشلا، وجد كل الأبواب موصدة فقرر فتحها دون استئذان، قرر أن يصبح جلادا .» ❝

رواية ذات حبكة مميزة تتوه في داخل شباكها وكثرة شخصياتها الفاسدة!
مُنتقم يسعى للتخلص من الفساد والفاسدين ورد الحقوق لأصحابها مهما كان الثمن.. لعبة ذكاء وسياسات ومؤامرات تحاك خلف الكواليس.
تشتد وطأة الظلم على شخصيات لم تجد منه مخرج ولم تجد أي عدالة تذكر.. خسروا الكثير حتى لم يبق لهم شيئًا.. تمتد لهم يد تعدهم بالانتقام وأن تشفي غليل صدورهم.. هل يوافقوا ؟!
الشخصية المنتقمة التي وراء الأحداث توقعتها ولكن كذبت نفسي في البداية لأفاجيء إنه هو!
لم يعجبني أن المنتقم لديه حس عدالة مثالي فقط ويسعى لتحقيق العدالة يمكن لو كان ثأره الشخصي اتذكر تفاصيل أكثر عنه كانت الشخصية ظهرت أكثر عمقًا وقبولًا.. ولكن الواضح إن فيه أجزاء تانية للرواية فهل من الممكن أن يكون البطل المُخلص في الواقع ضحية مثله مثل الآخرين!

[Mashal Alhammadi · Rating 2 out of 5]

رواية خروج آمن للكاتب محمود وهبة تحمل فكرة مميزة وغير متوقعة، وهو ما يُحسب لها، ويجعلها تجربة قراءة مثيرة للاهتمام. ومع ذلك، فإن التنفيذ لم يكن على ذات المستوى من الإتقان، فالحوارات جاءت مباشرة وغير متماسكة في بعض المواضع، كما أن بناء الشخصيات لم يمنحها العمق الكافي لجعلها مؤثرة أو ذات حضور قوي في الأحداث. بعض الشخصيات بدت خاوية وغير مكتملة الأبعاد، مما أفقد السرد جزءًا من قوته. الحبكة، رغم امتلاكها لعناصر تشويق، عانت استخدام بعض الأساليب المستهلكة التي قللت من تأثيرها. برغم ذلك، يظل العمل تجربة أدبية تستحق التقدير، وآمل أن تحمل الأعمال القادمة تطويرًا أكبر على مستوى السرد والشخصيات بما يتناسب مع جودة الفكرة الأساسية.

[Ahmed Gabr · Rating 2 out of 5]

مازالت الروايات البوليسيه المصرية تحتاج إلى تلك اللمسة الغربيه المشوقة ، تحتاج إلى عقدة أعمق وتويست أعنف. برغم البداية المشوقة ، نهاية الرواية من اسوأ ما يكون ، بها العديد من الثغرات التى لم تغلق وبها لمسة مصرية شهيرة ومعروفة منذ الابد .. لمسة كروتة الحلقة الأخيرة من المسلسل ولمسة كروتة اخر ربع ساعه فى الفيلم . فى الحقيقة لا اعرف سر تلك البصمة المصرية الخالصة فى كل الأعمال التشويقية أو أعمال الجريمة.

[Mona Saad · Rating 4 out of 5]

رواية بوليسية تجمع بين العامية والفصحىٰ لكن للأسف الفصحى تحتاجُ لتدقيقٍ لغويٍّ بشدةٍ ،
أما عن الحبكة ، فكانت في منتهى الروعةِ ،
وأما عن الفكرةِ ، فللأسف الغاية لا تبررُ الوسيلةَ ولسنا نعيش في غابةٍ بإمكاننا مخالفة القانون بالفعل لتطبيق العدالةِ ولكن ليس بتلگ الصورةِ أبدًا!

[Mayoy · Rating 4 out of 5]

#ريفيو

#خروج_آمن

#محمود_وهبة

رواية جميلة جدا .. مشوقة من بدايتها وحتى نهايتها

ولكن السؤال الذي يطرح نفسه بعد الرواية .. إلى أي مدى قد نصل لنحقق انتقامنا ؟؟

[Asser elnokaly · Rating 5 out of 5]

سهله الاسلوب
ممتعه
نهاىه غىر متوقعه

[Mona El-gharbawy · Rating 4 out of 5]

فكرة الانتقام تقليدية لكن الطريقة كانت غير تقليدية وغير متوقعة...مشوقة

[Rowaida Elbahie · Rating 3 out of 5]

الروايه جميله برغم وجود بعض الملل في بعض الفصول وتكرار
بعض التفاصيل افضل فصل البدايه
وتبقى حلوه لو اتحولت مسلسل واسمه الارشيف