شفرة اللعبة: إتقان لعبة الإقتصاد وإدارة حياتك المالية

by شريف سعيد

دائمًا كانت علوم زي الإدارة والاقتصاد من أهم العلوم اللي بتبحث في المفهوم الإنساني وازاي تطور من حياة الأفراد، ورغم أهمية العلوم دي لكل فرد كان في بعد غير متعمد عنها نظرًا لصعوبة عرضها وطرحها للعامة وغير المتخصصين من الناس ومع دراستي المتعمقة في تلك العلوم اكتشفت إنها كنز مهمل وإن كل إنسان محتاج يطبق القواعد والاستراتجيات اللي موجودة داخل العلوم دي وكانت رسالتي، إني أبسط كل علم الإدارة والاقتصاد خصوصًا الاقتصاد الشخصي " الجزئي " والسلوكي لكل الناس غير المتخصصين وعرض طرق تطبيق سهلة وواقعية في حياتنا العملية، الكتاب هيسهل عليك المصطلحات الاقتصادية الصعبة والأنظمة الاقتصادية المعقدة علشان تقدر تفهم وتحلل الوضع الاقتصادي بشكل عام.

Genres: Audiobook, Self Help

74 pages, Kindle Edition

First published January 1, 2018

Reviews

[Ramy · Rating 4 out of 5]

الكتاب يستحق 3.7 نجوم
و لعدم وجود انصاف فهى يتجه لل 4/5

بدأ الكتاب ب احب جملة الى قلبى فيما يخص المال..."الاقتصاد ليس فقط علم انتاج المال و إدخاره بل و انفاقه بحكمة "

فرحت بالكتاب منذ ان عرفت من صفحة مؤلفه على الفيس بوك انه بصدد تأليف كتاب عن لعبة المال و انه سيصدر قريبا فى معرض الكتاب....
نظرا لقلة كتب الثقافة المالية العربية الاصيلة او المترجمة للعربية
انتظرت الكتاب بشغف حتى اشتراه لى صديق لاخى يعمل فى معرض الكتاب...
وصلنى 11 مساءا نظرت له باعتزاز ثم نمت لابدا قراءته فى اليوم التالى لانهى نصفه ف اول يوم ...

الكتاب هو جديد و مدهش بالنسبة لاى شخص حديث العهد بالثقافة المالية و سيجده كتاب ملهم و مكثف و موجز و بسيط
بالنسبة لى هو تثبيت و تعضيد على المفاهيم و تعلم "بعض" المفاهيم الجديدة البسيطة الجميلة بدون شك
الكتاب كنت اتمنى انه يكون اكبر من كدا ..امثلة اكتر...قصص اكتر و ان كان المؤلف مش عاوز يحكى قصص اجنبية ف على الاقل كان جاب من الواقع المصرى من معارفه مثلا قصص ك امثلة لكل الحالات المختلفة فى الكتاب
و اخيرا كنت اتمنى يفرد فهرس فى اخر الكتاب للمراجع للاستزادة لو كان فى عنوان الواحد مقرهوش قبل كدا ..يستزيد و يقراه

============= ملخص رأيى فى فصول الكتاب ==============
مقدمة
عن الاقتصاد الكلى "و اللى عن نفسى مبستلطفوش و لاا اهتم به"
و الاقتصاد الجزئى "اللى اول مرة ادرك بوجوده"
و انا من كنت اظن ان كتب الثقافة المالية هى مجرد محاولات و خبرات فردية و ليست علم قائم بذاته
اذن فلنبحث من الان فصاعد عن كتاب الاقتصاد الجزئى ... :) :O
5/10

افهم اقتصاد
تعريفات لعلم الاقتصاد "الكلى" و لمصطلحاته ..بطالة ..تضخم..سعر صرف..و كأننا بنبص فى ملزمة ليلة الامتحان لمادة الاقتصاد
الافضل من هذا الفصل قراءة كتاب دروس مبسطة في الاقتصاد لتفهيمك كل تلك المصطلحات فى شكل امثلة محكية تقول المعلومة بشكل اوضح من مجرد تعريفات تشبه تعريفات الكتاب المدرسى
5/10

الاقتصاد الموازى
فصل جميل عن الاقتصاد الموازى فى مصر و هو ما يبقى مصر حية بعيدا عن تخلف او تعمد المسؤليين الاقتصاديين و اللى بيحاولو اليومين دول يضموه للاقتصاد الرسمى...تحت اسم الشمول المالى ...لضمان ضرائب اكتر ...و رشاوى اكتر على حسه ... و لضمان قتله بعد فترة و ضمان اموال المواطنين تحت ايديهم للسيطرة او لاقتراضها دون علم المواطنين...
7/10

التشوه الطبقى
فصل جميل يشرح التغير الاقتصادى-الاجتماعى للمجتمع المصرى فى اخر 50 سنة بإيجاز
ارشح كتاب د جلال امين ماذا حدث للمصريين؟: تطور المجتمع المصري في نصف قرن 1945 - 1995
لعرض الامر بصورة ادق واعمق
8/10

من باب المنظرة
فصل جميل اخر بيشرح نفسيا سبب الشراء ..سبب السعى للامتلاك ... و انا اقرؤه تذكرت مقولة- اجنبية طبعا-
"فى بيت الفقير شاشة تلفاز كبيرة و مكتبة صغيرة او لايوجد مكتبة ...بينما فى بيت الغنى تلفاز اصغر و مكتبة كبيرة"
من عرف الناس كلها انه غنى هو ليس فى حاجة لشراء اى شىء - لا يحتاجه - لاثبات تلك الحقيقة
فى بلدنا لان الطبقة الفقيرة اكبر و اعرض فهم دوما يسعوا للشراء لاثبات انهم ليسوا فقرا كما يعتقد افراد الطبقة المتوسطة او الاغنى
فى اوروبا و امريكا لان اغلبهم طبقة متوسطة فلا احد فى حاجة لاثبات شىء لاحد
"متشتريش حاجة مش محتاجها ..فتضطر لاحقا تبيع حاجة محتاجها"
دى مقولة ل وراين بافت عملاق البورصة الامريكى
متشتريش حاجة مش محتاجها عشان تثبت حاجة ل ناس مش مهمين اصلا
...انهى كلامى عن الفصل دا ب اكتير جملة قالها المؤلف فيه و عجبتنى
لأن لو تفكيرك فقير و بقا معاك فلوس فى الغالب هتضيعها أو هى اللى هتضيعك و مش هتعيش بحرية,
اما لو تفكيرك اقتصادى وثرى حتى لو لا تمتلك فلوس دلوقتى , اتاكد انك هتعيش مرتاح و الفلوس كدا كدا هتيجى نتيجة تفكيرك
المال خادم جيد و لكنه سيد فاسد فيكتور هوجو تقريبا ...دى من عندى :)
9/10

الانظمة الاقتصادية
العقلية الراسمالية و العقلية الاشتراكية
بيرجع تانى لمنهج الاقتصاد بتاع الكتب المدرسية....ملخص الفصلين و اخر حتة فيهم ..
عشان تبقى غنى لازم تبقى فى مجتمع اقتصاده راسمالى حر نزيه تحكمه قوانين ...
الجملة كررها مؤلفى كتب كتير
انتونى روبنز MONEY Master the Game: 7 Simple Steps to Financial Freedom
روبرت كايوزاكى Rich Dad, Poor Dad
دينيس فليكيس How to Get Rich
و احنا مش ف مجتمع اشتراكى - الحمد لله - بس برضه مش ف مجتمع راسمالى حر نزيه ...بمعنى احنا عارفين اى مستثمر شريف بيحاول ينافس بيكون مصيره ايه ..بسبب البيروقراطية او الفساد او الضرايب او منافسة "خير اقتصاديات الارض" ;)
5/10 4/10


اللعبة انتهت
فصل جميل عجبنى ..من الواضح ان اى فصل مش عن الاقتصاد الكلى و تعريفاته المملة بيعجبنى :) ....
اتكلم عن هرم ماسلو ..زى اى كتاب ثقافة مالية بيحترم نفسه ... عجبنى جدا شرحه و تفريقه للحاجات needs و الرغبات wants
اظرف كتاب قريته شرح بالتفصيل درجات الحاجات من اسفل هرم ماسلو الى قمته ...
كتاب المال وطبيعة البشر
محركو الاقتصاد بيعملو ل رفع قيمة المقابل المالى لل needs و تقليل العمر الافتراضى للاجهزة المعمرة عشان تشترى كتير و تشترى بكتير ...و كمان تحويل ال wants الرغبات ل needs احتياجات و يقنعوك انها مهمة و انك متاخر عن بقية المجتمع لو مجيبتهاش
8/10


قصة المال
فصل عن تاريخ النقود و ازاى انها وسيط للتبادل حل محل الذهب ثم لاحقا سندات ورقية تحل محل الذهب ثم اخيرا تلك السندات بدون غطاء نقدى ثم الاستقرار على الدولار ك سند نقدى ورقى هو المشترك و الاشهر بين كل دول العالم
6/10

ازاى تعمل فلوس ؟
فكر ف قيمة المنتج او الخدمة اللى تقدر تقدمها فتتحصل قصادها على فلوس ...زى ما بتفكر ازاى تجيب الفلوس "نص تعريف علم الاقتصاد الاولانى" فكر ازى تنفقها صح او تقلل من انفاقها الغلط "نص التعريف الثانى"...
نوّع مصادر دخلك..اشترى شقة مثلا و اجرها فيدخل لك دخل بجانب مرتبك مثلا ..بجانب عملك
freelance
مثلا ...
كوّن فريقك للثروة محدش بيبقى غنى بطوله "كل كتب الثراء بتقول دا ..شوف لك مستشار او اكتر واحد مالى واحد قانونى ناس قلبها عليك ممكن تساعدك ببلاش او بفلوس قليلة بس هتنصحك صح"
...اجهز للفرصة ..الفرصة مش للاذكى او الاسرع الفرصة للاجهز ..اجّل الانفاق الترفيهى
10/10

فكر غنى
فصل اكثر من رائع و ملخص و موجز لعدة كتب تفضل المؤلف و ذكرها ب الاسم
عن عقلية الفكر و عقلية الغنى ...
Think and Grow Rich
Rich Dad, Poor Dad
أسرار عقل المليونير: إتقان لعبة تحقيق الثراء
أستطيع أن أجعلك غنيا
و انا ازيد عليها عدة عناوين اخرى
The Instant Millionaire: A Tale of Wisdom and Wealth
The One Minute Millionaire: The Enlightened Way to Wealth
The Automatic Millionaire: A Powerful One-Step Plan to Live and Finish Rich
قواعد الثروة

الفقير قبل ان يتعلم عن المال لابد و ان يتعلم عن تهيئة نفسه نفسيا للمال..قبل مجيئة و اثناء جمعه و بعد التربع على تل مكون منه ...
9/10

مغالطة التكلفة الغارقة
فصل جميل ..مطلح اول مرة اسمع عنه ... استعير كلمات المؤلف الموجزة
كل الناس بتكره الخسارة و دا طبيعى لكن مش كل الناس بتخاف من الخسارة,الناجحين شايفين انا لخسارة امر طبيعى .مرة اكسب مرة اخسر ..المهم النتيجة ف الاخر ايه ؟ عندهم نسبة مخاطرة عالية و طبعا مكسب اكبر..الناس اللى بتخاف من الخسارة بتخسر كتير اوى من غير ما تحس
و على راى المثل
خسارة قريبة و لاا مكسب بعيد ....عدم الخسارة ذاته مش شاطرة دا بيعنى انك لا بتكسب و لاا بتخسر
10/10

تكلفة الفرصة البديلة
فصل يشرح مفهوم اقتصادى مهم ... تكلفة الفرصة الضائعة ...لو طلع لك عفريت يقولك تختار ..يبقى لك بيبى و لاا مليون ج..هتختار ايه ؟ ... قبل ما تختار فرصة و تخسر التانية فكر ف وضعك الحالى ...و الله لو انت مليونير و مبتخلفش يبقى لازم تختار البيبى ..و لو انت فقير و عندك 6 عيال يبقى لازم تختار المليون ج....لكن يبقى منتهى الغباء لو فقير و عندك 6 عيال و تختار برضه البيبى ...او مليونير و مبتخلفش و تختار المليون ج .....
فكر و اختار بناءا على وضعك و موقفك الحالى...و غمض و تخيل كدا حالك فى المستقبل بوجود الفرصة دى هيبقى ازاى ...او بوجود التانية اللى انت مش ناوى تاخدها هيبقى ازاى ...فتح و قرر ساعتها
8/10

لعبة القرار النهائى
فصل عن العدالة فى التوزيع والقيمة بين الافراد
..للمزيد عن نظرية الالعاب فى الاقتصاد و فى علم النفس التجريبى
ارشح قراءة كتاب
الذرة الاجتماعية: لماذا يزداد الأثرياء ثراءً والفقراء فقرًا؟
8/10

التربية و الفلوس و مفهوم الادارة
فصل ظريف ...عن كيف يربى الاهل ابناؤهم تجاه المال...بطريقة سلبية يمينا او يسارا المهم انها متطرفة و مش صح ...
كتاب
أسرار عقل المليونير: إتقان لعبة تحقيق الثراء
شرح كتير اوى فى النقطة دى و هو ممتاز للاستزادة
8/10

الغاية المحددة
فصل ظريف ...اغلب الناس مبتبقاش اغنياء لانها مش عاوزة او عاوزة بس لا اكثر بس مش بتنفذ العوز دا لخطة و تنفذها
أسرار عقل المليونير: إتقان لعبة تحقيق الثراء
شرح كتير اوى فى النقطة دى و هو ممتاز للاستزادة
الكون هو مخزن للموراد و البشر احد تلك الموارد..فاما ان تستغل الموارد و تغتنى بها او تصبح انت نفسك احد تلك الموارد

...يعنى يبقى شغلك ك موظف مكسب لحد تانى بيكسب من وراك و مستعملك كمورد من الموارد
8/10

و انت مالك
6/10

من وجهة نظر اخرى
التدريب الاول للحفاظ على المال هو عدم انفاقه , و دى هتكّون عندك فكرة الانضباط الذاتى و التحكم فى الانفاق و الادخار و بعدين الاستثمار.ومحدش يقولى احتياجات اساسية , لان الاحتياج مرتبط بالتلبية و ليس الاختيار,يعنى لو جعان مش هيفرق مع بطنك هتاكل كشرى ولاا لحمة , كل الاحتياجات يمكن تلبيتها باقل تكلفة.
7/10

انت شخص مادى
اتعلمت فيه الفرق بين كلمتى ...الدين و الالتزام ... لو اشتريت موبايل قسط ف دفع الاقساط دا التزام ... لو ضاع منك الموبيل قبل ما تسد الاقساد ف دا كدا ديون....تخلص من السلع الادمانية ....و انا بقرأ الفقرة دى افتكرت المشهد بتاع :"الكيف نزاهة يا ابو صلاح طول ما فى جيبك ثمنه" من فيلم الكيف
و افتكرت كمان..كلام ديفيد باخ فى كتابه عن ال latte factor
The Automatic Millionaire: A Powerful One-Step Plan to Live and Finish Rich
9/10

الادخار و الاستثمار
8/10

شيفرة اللعبة
الفصل هو ملخص موجز لكل ما سبق فى الكتاب
8/10

نصايح فى اللعبة
الفصل هو ايضا ملخص موجز لكل ما سبق فى الكتاب
8/10

القصة
يعتذر المؤلف عن عدم تقديمه قصة او قصص فى الكتاب على غرار القصص فى الكتب الاجنبية عن فلان الذى بدء ثروته بدولار و كابتن امريكا و الحاجات دى .... أخذ عليه عدم محاولته البحث عن قصص مصرية لرجال و نساء نجحوا ماليا ...سواء فى الادخار او التنقل من وظيفة ل وظيفة بمرتب اكبر ...فى تسيير ميزانية المنزل ...فى تحقيق الاستقلالية المالية ..او حتى بدء بيزنس و تسييره .... و تكوين ثروة ...ليس بالضرورة ان تكون قصص خوارقية لتكويين مليارات فى سنين معدودة يكفى من يستطيع ان يحقق ثروة لا بأس بها خلال عقد او عقدين .... من طريق تقليدية
هناك مؤلف مش فاكر اسمه قال ان ان الناس بتنبهر ب قصص النجاح و بخاصة لحيتان التكنولوجيا لانهم بيغتنوا جدابسرعة و فى وقت قصير جدا جدا ...
و ان القصص دى 10 % من قصص نجاح الاغنياء و فى 90 % من القصص الاخرى لرجال اعمال عصاميين نجحوا ببطء فى مجالات تقليدية ...تدوير القمامة مثلا حتى ....
6/10

ختاما
7/10

الكتاب القادم : أساطير مقدسة

[Maha Moustafa · Rating 4 out of 5]

محتوى جيد جدًا
مبسط، عامي ومصري.
وده اللي مخليه كويس كمحتوى لأنه مش ناقل لخبرات الأجانب وحتى الحلول الاقتصادية حقيقية، حتى لو في معلومات معروفة بس يسلم أستاذ شريف على المجهود.

[Shaimaa شيماء · Rating 3 out of 5]

نشر الكاتب على صفحته على فيس بوك منذ ايام
....

لما قدمت كتابي شفرة اللعبة، كان عندي هدف وهو مساعدة كل الناس انها تفهم المبادئ الاقتصادية والمصطلحات والمفاهيم الاقتصادية بشكل سهل وبسيط، وقدمت كتاب مصمم وفقاً للمفاهيم والثقافة المصرية ولغة عامية سهلة ومفهومة لكل المستويات الثقافية ... والحمد لله اعتقد ان ربنا كتب النجاح للتجربة، ولان ناس كتير حالياً محتاجه تجربة زي دي تاني..

ده لينك لتحميل الكتاب مجاناً كامل، واتمني انه يقدر يفيد عدد اكبر .

أتمني اصدقائي يساعدوا في نشر الكتاب علي صفحاتهم للإفادة العامة.

لينك التحميل : https://2u.pw/yYYRY

#شريف_سعيد



---
كتاب صغير يبسط المفاهيم الاقتصادية الصعبة، ويركز على النقاط اللي تهم الإنسان العادي في إدارة حياته... ويعمل على تغيير بعض المفاهيم التي يرى انها السبب في الفقر، ويعطي نصائح مفيدة لتغيير الوضع المالي عن طريق ترشيد الاستهلاك والتشجيع على الادخار ثم الاستثمار.

[Kamal · Rating 4 out of 5]

الوصايا العشر:
1 - البيع مكسب، لو عندك حاجة مبتستخدمهاش بيعها واستثمر فلوسها في حاجة تفيدك.
2 - حوّش جزء من دخلك مهما كان دخلك كام، فكرة الادخار هتجهزك للاستثمار.
3 - اللي مش بيخاطر ميت، واللي بيقف علشان خايف من الخسارة عاجز، تخيل إن بعد سنين ناس بتموت من قبل ما تعيش أصلًا علشان كانت مش ضامنة الحياة، اتعلَّم تخاطر بنِسَب محددة اتعلَّم فن المخاطرة علشان تحقق مكسب.
4 - المظهر مهم جدًا خصوصًا في مصر  بس لازم تشتري اللي أقل من مستوى دخلك واللي يتناسب مع حياتك، وكل ما مستوى حياتك يرتفع اشتري الأفضل، أصل مينفعش تشتري جزمة ب ٢٠٠٠ ج وأنت بتركب المترو، لا تشتري جزمة للمترو يا إما تشتري عربية للجزمة.
5 - أي مبلغ مالي غير مُستثمَر= فلوس ميتة حتى ولو في البنك، اتعلَّم ازاي تستثمر.
6 - الشقة أصول بس العربية خصوم، الشقة سعرها هيزيد بس العربية سعرها هيقل وهتكلفك مصاريف، اوعى تفكر تشتري عربية غير ورصيدك في البنك يغطي ثمنها مرة على الأقل، فكر دائمًا بطريقة الأصل والخصم.
7 - الوظيفة مش أمان ومفيش شيء مضمون، الأمان الحقيقي في طريقة تفكيرك، استثمر في نفسك دائمًا.
8 - اللي بيخسر وقته بيخسر عمره، الزمن هو الحاجة الوحيدة اللي مش هتقدر تشتريها، استثمر وقتك دائمًا، الوقت بفلوس.
9 - اتعلَّم تشتري احتياجاتك فقط واعمل صندوق الرفاهيات، حط فيه أي فلوس زيادة أو مكسب غير متوقع أو حتى الفكة وافتحه كل ٦ شهور واشتري بيه الرفاهية اللي تعجبك.
10 - في رزق ربنا كتبهولك ورزق على قد سعيك، الأول هتاخده على ضعفك، لكن الثاني هتاخده بقوتك وتعبك، متستناش الفرصة، اصنعها وخدها بالعافية، الدنيا تؤخذ غلابًا.

[Ahmed Elkholy · Rating 3 out of 5]

كتاب خفيف ٦٠ صفحة بالعامية عن الإدارة الشخصية للمال والبيزنيس، مفيد في تغيير المفاهيم.

[Haitham · Rating 4 out of 5]

هذا الكتاب من الكتب التي أستطيع أقول أنها من كتب الإدارة المالية المفيدة, و كتب الإدارة المالية العربية تكاد تكون معدومة, ولهذا فهذا الكتاب محاولة جيدة من الكاتب الذي قام بتلخيص وتبسيط المصطلحات الإقتصادية كالميزانية والخصومات والأصول والتضخم في الجزء الأول من الكتاب.
أما الجزء الثاني فبدأ يتحدث عن النصائح الذهبية وعن عقلية الغني وعقلية الفقير.. أمثلة من هذه النصائح.
- غير طريقة تفكيرك تجاه السعر
- بلاش تشتري حاجة غالية ليها بديل أرخص, وبلاش تشتري الرخيص لو هتستخدمه وقت أطول
- الغالي تمنه مش فيه, الغالي تمنه في إستخدامه
- بلاش تشتري اللي في مستوى إمكانياتك, إشتري بأقل من اللي تقدر تدفعه
ستجد الكتاب مليئاً بالعديد من النصائح العملية كنصائح الإدخار والإستثمار أيضاً.
الكتاب باللهجة العامية و أنا ليس لديّ مشاكل مع فكرة اللهجة العامية هذه المرة فقط, بل أجدها ميزة لتسهيل توصيل المعلومة كأن صديقاً يحدثك.

[Hatem Mohyeldin · Rating 2 out of 5]

كتاب لطيف.. مفيهوش جديد ولغته رديئة جدًا.. لكن محتواه مش سيء في الثقافة الاقتصادية، وهو اقرب لملخصات طالب التجارة الناجح كملزمة للحياة الاقتصادية الشخصية، مفعم بالنصائح والاقتباسات والاعادات والتأكيدات، لكنه مفيد في حقيقة الأمر في التشجيع على القراءة في نفس المجال.

[Ashraf Elkomy · Rating 3 out of 5]

كتاب ممتاز لتسهيل مصطلحات و شرح مفهوم ازي تكون عندك حرية مالية و تغير تفكيرك من تفكير استهلاكي الي تفكير متزن

[Shereen Elkordy · Rating 4 out of 5]

كتاب متميز باسلوب بسيط وعامي وبذلك استطاع الكاتب ان يصل به لعقل الشباب والعامة من الناس ليضعهم علي بداية الطريق ليحيدوا عن منحدر الانفاق اللاواعي
وهو كتاب حماسي من الدرجة الاولي بمجرد ان انتهيت من الكتاب تحمست كثيرا للكتاب التالي عن الثروة ومتابعة متخصصي المجال

[أحمد الكيلانى · Rating 4 out of 5]

حسنا، هو كتاب لغير المتخصصين، بسيط ومصرى جدا وليس من نوعية الكتب الأجنبية إياها، جاء الكتاب ليركز على نقاط محددة مثل الادخار و نصائح عامة في البيزنس، اعتقد أن الكتاب القادم سيكون أفضل، شكرا شريف سعيد

[محمد الشافعي · Rating 3 out of 5]

شفرة اللعبة
شريف سعيد
الغلاف : جيد بألوانه الهادئة لكن ممكن يكون أفضل من غير الصورة البورتريه للمؤلف
مصمم الغلاف : عبير محمد وفي رواية أخرى بيري محمد
العنوان : شفرة اللعبة أسم يشد جدا لكن لن يفهم إلا بالسطر المرفق له ( إتقان لعبة الإقتصاد وإدارة حياتك المالية ) .. الإسم من وجه نظري كبير جدا على محتوى الكتاب الذي يعتبر موجز

مكس لطيف مبسط لنقاط من مبادئ إقتصادية وإدارية ... اللغة بالعامية وهنا ميزة للكتاب لأن هدفة تبسيط الإقتصاد للكل وتبسيط للمصطلحات العلمية – الكتاب حقق هدفه من تبسيط مبادئ الإقتصاد بنسبة 70% تقريباً .. طبعاً الكتاب عبارة عن تنمية بشرية في الإقتصاد إو بمعنى آخر إدارة ذاتك الإقتصادية .. مهم جدا لطلبة الفرقة الأولى من كليات التجارة والاقتصاد كمدخل لطيف بسيط لفهم الأساسيات ومهم للقارئ الذي يريد أخذ فكرة عامة عن أساسيات الاقتصاد و بعض المظاهر الإقتصادية الموجودة في المجتمع المصري .. ولن يعجب بأي حال المتخصص
- بعض الملاحظات
* في ص 41 نصح الكاتب القارئ بأن يتحرر من العقلية الإشتراكية و يصمم تفكيرة طبقاً للعقلية الرأسمالية لأنها تشكل واقع المجتمعات العالمية ومستقبلها .. وهنا ومع احترامي لنظرة الكاتب للمستقبل فالتوجهات الآن التخلص من الراسمالية كما تخلص العالم من الإشتراكية التوجه اللآن لنظام إقتصادي فعال أغلبه من الإقتصاد الإسلامي
* في ص 52 ازاي تعمل فلوس ليس به سطر واحد عن كيفية عمل الفلوس وطريقة كسبها
* ص 59 عقلية الفقير دايما بتركز على احتياجاتها طوال الوقت عايزة فلوس زيادة علشان تشتري احتياجات فترجع تاني فقيرة وعايزة فلوس وهكذا لأت الاحتياجات لا تنتهي والرغبات الإنسانية متجددة ( لحد كدة تمام ) .. فلازم نأجل احتياجاتنا شوية ونفكر في الادخار ةالاستثمار متجددة فلازم نأجل احتياجاتنا ( غير مفهوم بالنسبة لي كيف يؤجل الفقير احتياجاته التي هي فعلا احتياجات ةليست كماليات فالمطلوب يؤجل الدواء والمبلس و الطعام وياخد الفلوس ويدخرها وبعد كدة يستثمرها ؟؟؟ ) .. الأغنياء دايما بيفكروا ازاي يوفرروا الفلوس علشان يستثمروها أو يشتروا بيها أصول ثابتة ( مقارنة جاحفة وغير عادلة وغير مفهومة أن تقارن الفقراء بالأغنياء في التصرفات الإقتصادية ..وبالطبع الغني عندة فائض بعد إشباع حاجاته للإدخار والاستثمار .
* ص 74 التربية والفلوس ومفهوم الإدارة هي عبارة عن حالات إجتماعية متغيرة بتغير الفترة الزمنية وما يصاحبها من تغيرات سياسية واقتصادية فطبعا كان زمان الفلوس مش كل حاجة والشهادة بتفرق والوظيفة الحكومية شئ مضمون ... في المشد الثاني كانت فترة انفتاح وكله بيتاجر وكله بيكسب واللي طلع وظهر في السوق رجال أعمال بدون الإعتماد على الشهادات والوظيفة بل الإعتماد على الخبرة وكان لابد أن تتغير النصائح ... هذه حالات إجتماعية وفردية أيضاً وليست شيزوفرينيا .
ورغم هذا الكاتب يمتلك عقلية إدارية خارج الصندوق

تقيمي : 3/5

[Hany Mohamed Ali · Rating 4 out of 5]

كتاب عن إدارة الحياة المالية وتحقيق الاستقرار المادي

الكتاب يمكن مفهوش جديد كمعلومات تفرقه عن الكتب الكتير العملاقه اللي سبقته واللي هو بنفسه رشحها واتكلم عنها فكتابه
لكن المميز فعلا فالكتاب ده حاجتين مهمين جدا
أولا : بساطة إسلوبه بدرجه كبيرة جدا تناسب أي عمر وأي عقلية إنه يقراه
ثانيا : الخطاب بروح مصريه حاسه بمشكلات الشخص اللي بتخاطبه وعارفه تفكيره وسر أزمته وعقليته ازاي وبالتالي بتكلمه بثقافته غير كاتب أجنبي بيتكلم من بعد أخر

بالنسبالي كحد قرى كل كتاب فيه كلمه rich أو money
الكتاب عملي رفرش لكل اللي قريته قبل كده وادالي أفكار كتير.

نادرا لما يعجبني كتاب عربي وارشحه واقول لازم يتقرى
بس فعلا الكتاب لازم كل حد فمصر بيشتكي من قلة الفلوس او بيسأل ازاي يعمل فلوس يقراه

الأهم بقي إني خلصت الكتاب إمبارح بالليل وكسبت منه 1000 جنيه تاني يوم الصبح 😀 واداني أفكار تانية تساوي أكتر من كده بكتير .

#use_book_charge_your_life

[Yasmine Rashad · Rating 4 out of 5]

(أبسط الأشياء هي اللي بتصنع أكبر الأشياء، الجبال بتكون من شوية حصي وبرضو الملايين بتتكون من شوية جنيهات، اوعي تبص علي الصورة الأخيرة وتفكر تنفذها، رجع كل نهاية للبدايات بتاعتها هتلاقي نفسك جاهز ليها. )
#شريف_سعيد
الكتاب ده من احلي الكتب اللي قريتها❤️، دي أول مرة ليا أقرأ في المجال ده ومبسوطة جدا اني بدأت بالكتاب ده لإنه حببني في المجال وخلاني اشوفه من ناحية تانية خالص، الكتاب في الأول بيتكلم عن الإقتصاد وبيفهمك مصطلحات معقدة في بطريقة مبسطة وسهلة، وبيعرفك بعد كده عن الأنظمة الاقتصادية وكل نظام فيهم إزاي بيؤثر علي العقلية بتاع الأفراد إللي بيتبعوه، بعد هيفهمك إيه هي الفلوس وعباسرة عن إيه وازاي قيمتها بتزيد وتقل، بعدها هيكلمك بشكل شخصي عن إزاي تقدر تدير حياتك المالية بطريقة علمية وخطوات واضحة وأمثلة أي كان دخلك كام .
أنصح الكل يقراه 😁

[Yasmeen Ashraf · Rating 3 out of 5]

ماهي المبادئ التى تعتمد عليها في إدارة أموالك؟

قد يعتقد البعض أن مصطلح إدارة الأموال قد يتطلب منك أن تكون صاحب ثروة كبيرة أو رائد أعمال.

لكن الحقيقة أن وجود مبادئ إدارة الأموال لدى الشخص هي مايمكن أن يؤهله لبناء ثروة!

كتاب شيفرة اللعبة كتاب بلغة بسيطة يتحدث في البداية عن التعريف بما هو الاقتصاد وأشهر المصطلحات فيه.

ثم يتناول الكاتب عبر الفصول نصائح عن كيفية إنفاق أموالك والفرق بين عقلية الأغنياء والفقراء في إنفاقهم للأموال.

وتحدث عن بعض الأنظمة الإقتصادية ومميزات وعيوب كل منها.
ونصائح عن كيفية انفاق الأموال وخطوات لوضع ميزانية وتعليم الأولاد منذ الصغر تلك المبادئ.

كتاب مفيد لشخص لم يسمع بتلك المبادئ أو لايعرف تطبيقها وتذكرة لمن سمع بها.

محظوظة بأهلي اللي علموني كتير من المبادئ دي من وأنا صغيرة أوي!

[Hussein Balouk · Rating 5 out of 5]

الملايين بتتكون من شوية جنيهات...

رجع كل نهاية لبدايتها وحتعرف تنفذها...

الأسواق المالية مصممة لتحويل المال من الأشخاص النشيطين إلى الصبورين...

حلم البنوك أن يكون جميع الناس مديونين له...

يلي بيعيش أعلى من حدود دخله حيخسر كتير ويلي بيعيش بحدود دخله حيخسر كتير!

الإعتماد على مصدر دخل واحد خطر كبير جداً بالحياة..تجنبه..

انت حتدفع دائماً ثمن يلي اخترته ويلي ما خترته فإنتبه لتكلفة الفرصة البديلة

الأثرياء يدخرون المال وينفقون ما تبقى
الفقراء ينفقون المال ويدخرون ما تبقى

اتعلم تدفع الثمن صح لو بدك تغير واقعك..

إختفاء المنطق في تلبية الإحتياجات..البشر يعملون في وظائف لا يحبونها ليشترون أشياء لا يحتاجون معظمها...

الفلوس ورق ليس له قيمة...

[Amira · Rating 3 out of 5]

الكتاب لطيف .. لغته عامية بسيطة .. بيحاول يبسط المعلومات عن الاقتصاد لغير المتخصصين وخصوصًا الشباب الصغيرين .. الكتاب لا يخلو من بعض أخطاء الطباعة المتكررة

أول ٦٠ صفحة كانت الاستفادة بسيطة .. لكن من بعدها بدأت ألاقي استفادة من الآراء اللي الكاتب بيناقشها .. الجزء الأخير من الكتاب كان فيه إعادة لكلام اتقال قبل كده في الكتاب

اتعلمت شوية مصطلحات وتعريفات .. عجبني مناقشة الكاتب وانتقاده لسلوكنا وتفكيرنا إزاي بنتعامل مع الفلوس واقتصادنا الشخصي ..

الاستفادة العملية منه بسيطة .. لكن كان فيه أفكار وآراء ونصايح مفيدة الكاتب بيعرضها خصوصًا للشباب الصغير وإزاي نربي أولادنا بعقلية اقتصادية تفيدهم

[Mostafa · Rating 3 out of 5]

قبل قراءة الكتاب ده قراءت كتاب كاش لنفس المؤلف و اتسأل حتي اللحظة ما الفرق بين الكتابيين
نفس الأفكار والنصايح مفيش اي اختلاف
المحتوي طبعا جيد ومهم لاي حد معندوش فكرة عن ادارة حياته المالية وفي معلومات تاريخية حلوة عن نشاة العملات برده لو حد معندوش فكرة عن الاقتصاد خالص
نفس مشاكل كتاب كاش الكتب مفيهوش فهرس و مش مرتب بصورة مريحة وان كان افضل من كاش
دار النشر بعتب عليهم الكتابين اتقطعوا مني وانا بقراهم الملازم اتفكت و في اخطاء املائية

ومع ذللك الكتاب مدخل جيد لاي شاب صغير في مقتبل حياته او اي حد فعلا عنده مشاكل مالية نتيجة سوء ادارة

[Khaled Torkmani · Rating 4 out of 5]

الكتاب يقدّم طرحًا مبسطًا لفهم القوانين الاقتصادية التي تؤثر في حياة الفرد اليومية،
ويركّز على كيفية التعامل الذكي مع المال من خلال استراتيجيات عملية للإدارة والادخار والاستثمار.

قوة الكتاب تكمن في أسلوبه التفاعلي الذي يقارب المال على أنه "لعبة" بقواعد يمكن تعلّمها وإتقانها،
مما يجعل الأفكار أقرب للقارئ العادي.

بالمجمل، الكتاب يُعد مدخلًا محفّزًا وعمليًا لكل من يريد بناء وعي مالي واقتصادي شخصي بطريقة سهلة وقابلة للتطبيق.

رغم أني لا أميل ولا أحبذ اللهجة العامية المصرية التي كتب بها الكتاب

[Ahmad Ashraf · Rating 2 out of 5]

كتاب يقرأ على مرة واحدة رفيق رحلة سفر بسيطة إلى القاهرة تقريباً خالي تمامآ من إي أفكار مهمة ثرثرة إقتصادية في شكل نصائح من عقل المؤلف أو قرأها هو من مصادر غربية كتاب خفيف و إن كنت أري إنه بلا فكرة كان من باب أولي إن الكلام ده يقال في محاضرة مسموعة او مرئية علي سبيل الدردشه لكن كتاب بصراحة لا دي مش افكار تقدم في كتب احد المشاكل طبعا اللغة الردئية جداً للكاتب و التكرار عموما تقييم يمتد لنجمتين فقط و كده انا عامل معاك واجب يا عم شريف و في انتظار كتابك القادم و اتمنى لك الأفضل إن شاء الله :)

[سامح دعبس · Rating 3 out of 5]

كان هدف الكتاب تبسيط مفاهيم الاقتصاد الجزئي والاقتصاد السلوكي، لكن بعد عرض بعض المفاهيم الاقتصادية في أول الكتاب، تحول محتوى الكتاب إلى الكلام على الثقافة المالية، في نفس خط الأب الغني والأب الفقير وأشباهه من الكتب.
الكتاب المفيد على الحقيقة، لكن أعطيته ٣ نجمات لأنه بالعامية المصرية، ولا أحب نشر الكتب بالعامية - وإن كنت أكتب مقالات بالعامية، لكن أشعر أن الكتب لها وقار فلا يعجبني أن تكون بغير الفصحى.
والسبب الثاني أني قرأت الكتاب على كيندل، وصفه في غاية السوء!

[مروان العقــّــــــــاد · Rating 3 out of 5]

كتاب سلس و بسيط و فيه محاولة جيدة لضرب امثلة من واقعنا بدل الامثلة الغريبة الموجودة في الكتب الاجنبية المترجمة في هذا المجال
كنت اتوقع منه نصائح عملية اكتر و أمثلة أكثر عمقاُ
نصيحتي لو كنت ناوي تشتري نسخة الكترونية فلا تستخدم موقع نيل و فرات لأن النسخة تفتح من تطبيق موبايل فقط و التطبيق سيء و غير عملي للقراءة و مليء بالمشاكل

[Demian Matta · Rating 4 out of 5]

كتاب استفدت منه علي المستوي الشخصي، كونه مبسط وبالعامية سهل عليا فهم موضوعات اقتصادية ملعبكة بطريقة سهلة ووضحلي مفاهيم كتير مكنتش اعرفها قبل كدا.
فهم الإدارة المالية في حياتك بيصنع منك شخص عارف اهدافه محدد أولوياته كل شيء بيعمله محسوب مفيش حاجة متروكة للظروف بحيث تقدر تواجه أي تحدي جديد يواجهك وأنت متأمن مادياً.
ياريت يكون فيه كتب كتير من النوعية دي لخلق ثقافة التدبير المالي بين المصريين.

[Tarek · Rating 3 out of 5]

د/شريف سعيد من أصحاب المعرفة الاقتصادية الكبيرة في مصر ؛رغم كده مظهرش الكلام ده في الكتاب بشكل كبير
الكتاب موجز و بسيط وربما يكون ده الهدف منه
فيه مواضيع الكتاب مغطهاش بشكل كافي

أكيد اللي جاي هيكون أفضل ❤

[عبدالعزيز زايد · Rating 4 out of 5]

كتاب شفرة اللعبة
اتقان لعبة الاقتصاد وإدارة حياتك المالية
للكاتب: شريف سعيد

الكتاب يقدم مجموعة من القواعد والنصائح الاقتصادية التي من خلالها تتمكن من إدارة أموالك ومشاريعك المالية بصورة جيدة.

أسلوب الكاتب جيد، وقد اتجه للكتابة العامية ليستهدف شريحة أكبر من القراء، نتمنى قراءة كتاب آخر للمؤلف.

[Ahmed El-wakeel · Rating 5 out of 5]

كتاب متميز واسلوب وتحليل مفيد

[Nessma · Rating 4 out of 5]

الكتاب رائع جدااا لاى حد مش دارس اقتصاد ولغتة بسيطة وفى نصايح بالفعل مفيدة جدااا فى اقتصادنا اليومى او لاى حد بيبتدى بيزنس
شكرا د.شريف

[أحمد عبادة · Rating 3 out of 5]

كتاب جيدد في مجمله و ان كانت معلوماته بسيطة و مكررة
على الاقل بالنسبة لي

[Wahiba]

رغم انه بالعامية الا انه جيد

[Omnia Al-robea · Rating 4 out of 5]

كتاب رائع في الاقتصاد والبيزنس والادخار بطريقة بسيطة
يمكن معرضش كل شيء
بس ع الأقل بيساعدك تختار ايه
وايه أولوياتك

[Abdelrhman El Sayed]

amazing golden rules