Ljónið

Ljónið #1

by Hildur Knútsdóttir

Kría er að byrja í MR. Þar þekkir hún engan og enginn veit um það sem gerðist á Akureyri. Hún hefur litlar væntingar en kynnist Elísabetu, og þrátt fyrir strangt nám er menntaskólalífið frábært. Þegar Elísabet finnur gamalt skrín í földum skáp fara þær Kría að rannsaka undarlegt mál stúlku sem hvarf sporlaust fyrir 79 árum. Kría hittir líka hinn dularfulla Davíð sem kemur og fer eins og kötturinn. Brátt kemur svo í ljós að hvarf stúlkunnar gæti haft óvænta tengingu við líf Kríu.

Ljónið er fyrsta bók í nýjum þríleik eftir margfaldan verðlaunahöfund; hörkuspennandi ungmennasaga sem gerist í samtímanum en teygir anga sína aftur til óngvekjandi atburða í fortíð.

Genres: Young Adult

410 pages, Hardcover

First published January 1, 2018

Reviews

[Inga Ingvarsdóttir · Rating 3 out of 5]

Það er margt sem mig langar að segja um þessa bók. Vandamálið er að vita hvar ég á að byrja.

Það er margt í þessari bók sem kallast á við þekkta bókaflokka sem hafa verið vinsælir. Við getum byrjað á Twilight. Ég geng ekki svo langt að segja að Kría og Bella úr Twilight séu hliðstæður en það má sjá líkindi með þeim sem og Davíð og Edward Cullen. Svipuð stef þarna kannski á ferð.

Skápurinn í herberginu hennar Elísabetar fær mann til að hugsa um Narníu. Hvernig MR skólaárið ramma inn söguna, minnir smá á það hvernig skólaárið í Hogwarts rammar inn bækurnar í þeim bókaflokki. Svo fannst mér tilfinning Davíðs minna mig pínulítið á álfa Tolkiens. En þetta er kannski svolítið yfirborðskennt og hefur minnst um upplifun lesanda að segja.

Hvað varðar plottið sjálft, þá er margt vel heppnað í fléttunni sem slíkri. Það að við fáum ekki að vita strax um ástæður þess að Kríu fannst henni ekki vært á Akureyri, jók á spennuna og ráðgátan um Sylvíu Snæhólm keyrði söguna áfram.

Hins vegar fannst mér að það hefði mátt skera niður í lýsingunum. Það var ansi mörgum smáatriðum lýst, bæði hvað varðar lífið í MR og svo heimildaöflun þeirra Kríu og Elísabetar. T.d. voru lýsingarnar á því hvernig þær fengu upplýsingar á skjalasöfnum nánast eins og leiðbeiningarit um slíkt (og mér fannst svolítið skrítið að hafa raunverulegt nafn á skjalaverði Þjóðskjalasafnsins í sögunni nema hann hafi gefið leyfi fyrir því sjálfur en þá finnst mér það hafa átt að koma fram í þakkarorðum eða einhverju slíku). Svo má bæta við öðrum lýsingum, t.a.m. því sem viðkom fjölskyldu Kríu sem tengdist ekki beint söguþræðinum um ömmu hennar. Allavega annað boðið hjá Heddu hefði mátt stytta um blaðsíðu eða tvær.

Einnig verð ég að viðurkenna að mér fannst Kría undarlega litlaus persóna. Ég er að velta því fyrir mér hvort að lýsingar á kvíða hennar gagnvart því að kynnast nýju fólki og því að upplifa aftur einelti eins og hún varð fyrir á Akureyri spili þarna inn í. Kvíði er oft vandmeðfarinn í persónusköpun þó svo að það sé eitthvað sem margir lesendur myndu tengja við. Mér fannst Kría helst fara á flug sem persóna þegar henni var lýst sem kynveru. Þeir partar í bókinni voru verulega vel heppnaðir.

Ég velti því fyrir mér hvort að orðfærinu í lýsingunum á innra lífi Kríu sé ekki of almennt. Til dæmis eftirfarandi setningar í eftirmálanum.

Henni leið eins og fótunum hefði verið kippt undan henni. Henni leið eins og heimurinn hefði hringsnúist svo nú vissi hún ekki hvað sneri upp og hvað sneri niður.

Davíð fannst mér pínumikið dreamboy. Ég átt mig á því að við eigum að sjá hann í gegnum augu Kríu en þrátt fyrir lesandanum sé "sagt" að hann geti sjarmerað fólk, þá virkar hann frekar flatur á mig. Karlkyns persónur á borð við Birki og Stefán, bekkjabróðir Kríu, virðast hafa mun litríkara tilfinningalíf. Að vísa þurfti að halda raunverulegum fyrirætlunum Davíðs frá okkur sem lesendum en það hefði verið gaman að fá meira fútt í hann.

Elísabet var velheppnuð persóna og jafnvel þegar hún gerist málpípa, virkar hún sannfærandi.

Mér fannst vanta ögn meiri dýpt í samband Kríu við ömmu sína, á stundum er Kría eins og henni finnist amma hennar eingöngu vera ósamvinnuþýtt vitni. En Gerða sjálf er áhugaverð og vel heppnuð persóna og öldrun hennar og viðbrögðum dóttur hennar, mömmu Kríu, vel lýst.

Ég viðurkenni fúslega að ég er spennt fyrir framhaldinu. Hvað er málið með þennan Narníuskáp í herberginu hennar Elísabetar og hvað er Davíð eiginlega? Og mig langar alveg að upplifa meira af vinkonugenginu hennar Kríu.

Í stuttu máli er Ljónið fín lesning sem hefði orðið enn betri ef það hefði meiri ritstýring og að vera sirka 100 blaðsíðum styttri.

[Nína · Rating 4 out of 5]

Æði, serstaklega ef þú varst í MR þá er nostalgíukast allan tímann nánast. Fyrstu jólaprófin, stafsetningarprófin með mínustölu í einkun😅 En bókin var öðruvísi, original og skemmtileg, gaman að lesa íslenska unglingabók!

[Unnur · Rating 2 out of 5]

Þessi bók fór gjörsamlega með mig.

Mér fannst sagan hafa marga möguleika til að verða góð en þessir möguleikar virtust oft á tíðum illa nýttir. Mér fannst sagan verulega óspennandi að mörgu leyti. Verandi nýútskrifuð úr framhaldskóla og hafandi verið í tónlistarnámi samhliða því, að þá skil ég ekki hvaðan Úlfhildur hafði allan þennan tíma til að vera í skólanum, æfa sig, læra fyrir prófin og samt að vera svona mikið með vinkonum sínum eftir skóla!! Ef höfundur getur sagt mér hvernig það er yfirhöfuð mögulegt að þá vil ég endilega vita hvernig. Fyrir utan það að Antwerpen er í Belgíu en ekki Hollandi! Þangað sem Úlfhildur átti að fara í æfingabúðir um sumarið.

Höfundur á þó hrós skilið fyrir persónusköpun Elísabetar. Sterk og heillandi kvenpersóna sem stóð með sjálfri sér.

Ég stefni á að koma aftur að þessari gagnrýni og gera bókinni betri skil.

[Birgir Aðalbjarnarson · Rating 4 out of 5]

Hildur er sjálfasagt okkar besti ungmennabókahöfundur. Hér er stíllinn lifandi og flottur. Auðvelt að tengja við hann og lesturinn líður áfram hratt og örugglega. Sagan er sterk og persónurnar vel skapaðar og auðvelt að tengjast þeim. Ég mun glaður halda á fram að benda fólki á að lesa bækurar hennar Hildar. Vel gert!

[Cory · Rating 4 out of 5]

Great book! I am reading children's/Young Adult books to improve my Icelandic, and Hildur Knútsdóttir is one of my favorite authors. The ending, not to give anything away, seemed to be a bit of a Deus ex machina, but the book was well written, the characters were well developed, and the story was excellent.

[Kollster · Rating 4 out of 5]

Mjög flott unglingabók sem vert er að mæla með. Fyrsta í þríleik sem ég sjálf býð spennt eftir að lesa meira.

[Hrönn · Rating 4 out of 5]

Enn ein frábær unglingabók eftir Hildi, mun hiklaust mæla með þessari.

[Hrafnhildur Guðmundsdóttir · Rating 4 out of 5]

*4,5* I am in love with this book and the story is so well written. Can’t believe that I will have to wait for the next book in the series.

[Selma Ósk · Rating 4 out of 5]

⭐️4.25

[Dabbi · Rating 1 out of 5]

frekar langt gengið að stela beint úr Chronicles of Narnia ef þú spyrð mig og meira segja nafnið og á næstu bók og svo kemur skápur við sögu. Haltu þig við eitthvað annað vina.

[♡ YellowBirb · Rating 4 out of 5]

Geggjuð bók. Fílaði ekki endirinn samt.

[Hilmar Óskarsson · Rating 4 out of 5]

Vönduð og flott bók. Of mikið af ástarpælingum og menntaskóladramatík fyrir mig, en ég er karlfauskur á fimmtugsaldri þannig að sem lesandi er ég kannski ekki ídeal.
Hefði viljað meiri mysteríu og hroll, annars mjög vel unnið með það í bókinni. Meira af Davíð, krossum sem snúast og glefsum yfir í ókunnan heim. Minna af félagslífinu í MR
Fléttan skemmtileg, snyrtilega hnýtt í lokin og togar mann í átt að framhaldinu.

[Bolli Thor · Rating 4 out of 5]

Þessi bók kemur mjög þægilega á óvart. Góður og mjög læsilegur stíll, gott plott og ekki skemmir umhverfið sem er mjög kunnuglegt, þ.e. Þingholtin og MR o.fl. Get hiklaust mælt með þessari bók.

[Sigríður Langdal · Rating 1 out of 5]

hjálp, ég er með margar skoðanir á þessari bók. ég var svo spennt að loksins væri einhver búinn að skrifa svona ya íslenska bók, því við eigum allt of margar þunglyndislegar bækur og glæpasögu bækur. en ég varð fyrir svo miklum vonbrygðum.

fyrsta lagi: antwerp er í belgíu ekki hollandi.

öðru lagi: mér er svo sama um hana kríu. sem manneskja sem hefur búið á íslandi og hefur verið lögð í einelti og átt enga vini þá var mér alveg sama um hana. hún kvartaði svo mikið um þetta en girl??? þú varst boring??? ég skil alveg afhverju hún átti enga vini. líka það að hún kveikti ekki í skólanum??????? það hefði verið miklu meira cool af henni???? síðan vinkonur hennar í MR eru svo bland líka?? eina áhugaverða er elísabet eða hvað sem hún hét. allar hinar???? hvað??????? líka eftir að sjá fólk sem er í MíT og skóla þá skil ég ekki hvernig hún var með svona mikinn tíma að hitta vinkonur og fara á kaffi hús???? líka kría er svo dense hún tekur ekki eftir neinu hjálp. það eina sem er rétt við einhverja karaktera er birkir, hann er eins og allir íslenskir unglings strákar.

áhugaverðasti karakterinn var örruglega amma kríu og það segir mjög margt um þessa bók. ég hélt að kanski mér myndi líka við theu en mér var líka bara alveg sama og hversu auðveldlega kría fyrirgaf henni var svo óraunhæft.

en ég er ekki einusinni byrjuð á að segja hvað ég hataði mörg óviðeigandi djók í þessari bók. það eru nokkur skipti sem er gert grín af anorexíu og búlemíu og þetta er bara alls ekki fyndið. þessi bók var gefin út 2018!!! hjálp!!! svona djók ættu ekki að vera!!! og síðan er gert grín af öðrum hlutum sem eru svo óviðeigandi og ófyndin.

síðan PLÍS getur rithöfundurinn ákveðið sig hvort hún vilji að þetta sé skrifað á góðri íslensku eða "unglings" íslensku því hjálpi mér þetta var ekki gaman að lesa. maður ákveður hvort maður vill hafa góða íslensku í öllu eins og að segja "ég send henni vinabeiðni á facebook og síðan fylgi ég henni á instagram reikninginum hennar" ekki segja "elta hana á instagram" það er bein þýðing og við vitum að það vitkar ekki. líka hvað var það að setja inn "ég slepti andanum frá mér sem ég vissi ekki að ég væri að halda" ?????????? BEINNT ÚR ENSKUM YA BÓKUM OG ÞETTA ER EKKI EINUSINNI GÓÐ SETNING. líka í byrjuninni á bókinni þá stendur að kría hafi verið í spænsku tíma í síðasta tíma en síðan er einhver annar kennari fyrir annað fag sem hún kveður????? ég veit ekki hvaða kennari það var því ég SJÁLF fór með leiðréttingar inn í bókina í byrjun.

mér fannst þessi bók bara ekki skemtileg og ég vil ekki að fólk lesi hana nema að þessir hlutir hafa verið leiðréttir. plís hildur fáðu þér betri editor sem sér svona hluti. annaðhvort helduru þér við góða íslensku og notar bara tökuorð þegar unglingar eru að tala saman eða að senda hvor öðrum skilaboð EÐA þú notar það í öllu. EN bókin er ekki einusinni frá sjónarhorninu hennar kríu beinnt svo það meikar meiri sens ef öll bókin væri á góðri íslensku en þegar fólk talar þá væru nokkur tökuorð. líka fallbeygingin stundum er svolítið spes.

ég hef miklu meira að segja um þessa bók en ég man það ekki núna.