Horfið ekki í ljósið

by Þórdís Gísladóttir

Andvaka sögukona rifjar upp ævi sína, segir frá samferðafólki, raðar saman minningabrotum og gerir tilraun til að greina samhengi hlutanna.

Horfið ekki í ljósið er leiftrandi skemmtileg skáldsaga sem sýnir kunnuglega atburði í nýju ljósi. Hún fjallar um svefnleysi, kjarnorkuvá og beinagrindur sem leynast í skúmaskotum.

Þórdís Gísladóttir hlaut Bókmenntaverðlaun Tómasar Guðmundssonar fyrir sitt fyrsta verk og hefur síðan hlotið fjölda viðurkenninga, meðal annars þrjár tilnefningar til Íslensku bókmenntaverðlaunanna. Þetta er hennar fyrsta skáldsaga.

Genres: Fiction

160 pages, Hardcover

First published October 25, 2018

Reviews

[Magnús Jochum Pálsson · Rating 3 out of 5]

Fínn lestur og skemmtilegur stíll. Finnst samt sem áður vanta kjöt á beinin og bókin skilur ekkert sérstaklega mikið eftir hjá mér. Hefði verið til í meiri vangaveltur höfundar inn á milli kafla og sömuleiðis að saga hennar væri rakin betur.

[Katla · Rating 4 out of 5]

Þetta er yndisleg bók sem ég átti erfitt með að láta frá mér

[Sölvi · Rating 5 out of 5]

Mér finnst þetta brilljant bók, mjög haganlega uppbyggð frásögn sem leynir á sér þó allt sé í rauninni sagt berum orðum. Auk þess mjög skemmtileg og látlaus í gegn.

[Siggeir · Rating 3 out of 5]

Stutt og skemmtileg saga. Las hana í einum rykk fyrir hádegi og fannst tíma mínum ágætlega varið.

[Skuli Saeland · Rating 3 out of 5]

Léttleikandi og lipur stíll. Kona situr andvaka og grípur til þess ráðs að pára niður línur um líf sitt. Niðurstaðan verður nokkuð heildstætt safn frásagna um líf hennar af hamförum í heiminu á borð við kjarnorkusprengingu, fundi löngu látins fósturs, fyrstu kynlífsreynslunni o.m.fl. Fannst helst vanta betri tenginu við sögupersónuna.

[Rakel Solros Johannsdottir · Rating 5 out of 5]

Áhugaverð innsýn inn í líf ungrar konu í Reykjavík á 9. áratuginum sem skrifar niður minningar sínar á næturnar vegna svefnleysis. Við hennar líf fléttast aðrir atburðir í heiminum. Kómískur og léttur stíll gerir lesturinn auðveldan til að grípa í og vekur forvitni hjá lesandanum. Læt ekki segja mér það tvisvar að lesa meira eftir þennan höfund.

[Elinóra Guðmundsdóttir · Rating 4 out of 5]

Var búin að vera lengi á leslistanum og þegar ég byrjaði áttaði ég mig á því að ég hafði þegar lesið hana. Var alltaf að fá einhverja dejavu tilfinningu. Var jafn hrifin í annað sinn, full af smáatriðum innblástri. Svona bók um allt og ekkert sem ég kann svo vel að meta

[Axel · Rating 3 out of 5]

Þrjár og hálf. Senni helmingurinn mjög góður sem og efnisgreinin á bls. 57-58.

[Ása · Rating 3 out of 5]

Skemmtileg aflestrar en skildi ekki mikið eftir sig.

[Gunnella Kaaber · Rating 4 out of 5]

Skemmtileg endurlesning - að mestu gleymd

[Fjóla Ósk · Rating 4 out of 5]

Bók að mínu skapi! Las hana í einum rykk í sólbaði, mjög huggulegt ☺️