Опишувач

by Ермис Лафазановски

Романот "Опишувач" целосно ги потврдува најавените стојности во претходните три книги на овој автор. И не само што ги потврдува, туку и го проширува веќе усвоениот простор во современата македонска литература. Писателот кај Лафазановски не е пишувач, туку е опишувач. Пишувачот обично е измислувач, преправач на вистината, на реалноста, додека опишувачот е како фотографски апарат-покажува и изнесува она што е пред објективот, односно она што е пред очите на опишувачот - чистата вистина, вистинската реалност... "Опишувач е дело со свежина, модерен пристап, јасната мисла во потрагата по многуслојните облици на вистината", се вели во образложението на жирито.

110 pages, ebook

Published January 1, 2001

About the author

Ермис Лафазановски е роден на 8 декември, 1961 година во, Клуж, Романија. Тој е доктор по филолошки науки и работи во Институтот за фолклор „Марко Цепенков“ во Скопје. Член е на Друштвото на писателите на Македонија од 1994 година. На 17 декември, 2014 година, Лафазановски бил избран за претседател на македонскиот ПЕН-центар.

Лафазановски има дадено значаен придонес во современата македонска проза. Поради иновативниот пристап во раскажувањето, тој е добитник на неколку книжевни признанија, како што се: наградата „Стале Попов“ на ДПМ и наградата „Прозни мајстори“ која ја доделува фондацијата „Македонија презент“. Неговиот книжевен опус се состои од повеќе романи, збирки раскази и научни студии.

Половина божилак (раскази, 1992)
Традиција, нарација, литература (монографија, 1996)
Благородник (роман, 1997)
Кога во Скопје ги беа измислиле чадорите (раскази, 1999)
Македонските космогониски легенди (студија, 2000)
Текст и менталитет (зборник, 2000)
Опишувач (роман, 2001)
Анрополошки дијалози (студија, 2002)
Роман за Оружјето (роман, 2003)
Храпешко (роман, 2007)
Недела (роман, 2010)
Историја на луѓето кои умреа од страв (роман, 2012)
Туја (раскази, 2018)