‫الهانم ديفورسيد‬

by مها سامي

- إلا قوليلي، انتي فسختي الخطوبة؟ - ما اسمهاش كدا، اسمها فركشت! - وخطيبك عامل ايه دلوقت، ومين هون عليه الوقت؟ - اسمه الإكس، وبعدين خلاص، هو دمرني وعاش حياته! - وانتي يا اللي هناك مطلقة؟ - اسمهاdivorced ! كلمة مطلقة شكلها ست واقعة من فوق السطوح، أمهاتي في نفسها كدا، إنما divorced تديكي إحساس بالـ strong independent woman! -والمدام؟ جوزك سافر وسابلك العيال، ولا متوفي، ولا عايش معاكي بس كبر دماغه وشيلك الشيلة؟ - أولاً انفصلت، ثانيًا اسمها single mom! ثالثًا أنا شكلي لبست في حيطة! - طيب طيب خلاص، المهم إن كلنا مشتركين في إننا بقينا سناجل، بغض النظر عن المسميات اللي بتتقال علينا وبتضايقنا.. لكن احنا اللي هنحط لكل مسمى معنى مختلف تمامًا عن اللي الناس مقتنعة به بقالهم سنين، وكمان هنقنعهم به.. وهنخليهم كمان يحسدونا إننا حصلتلن

Kindle Edition

Published October 7, 2018

Reviews

[Fatima Saker · Rating 1 out of 5]

بعد ٦٠ صفحة من الكتاب، لم أتمكن من متابعة القراءة.
الكتاب محاولة جديدة في التنمية البشرية وتحفيز المطلقات والأرامل على مقاومة نظرة المجتمع بطريقة تحاول أن تكون كوميدية ولكنها لا تصل إلى ذلك أبدًا.

الكتاب يخاطب القارئ بطريقة تُشعره بالسطحية والتفاهة. الأسلوب المستخدم أقرب ما يكون لأسلوب الحوار مع الأطفال لإقناعهم بأمر ما.

[ReMyz_3li · Rating 1 out of 5]

اول مرة ف حياتي اعمل ريفيو من غير ما اخلص الكتاب ..
بصراحة الكتاب مستفز جدااااا يعني مع انه كان شاددني جدااا وانا بشتريه سبحان الله
لكن ما هو الا كتاب عبارة عن مواعظ بتدفسها المؤلفة دفس وصراحة محسساني انها هولاكو عشان معاها كورس كوتشنج او عشان اتطلقت مابقاش في حد فاهم زيها :/
"ده بنسميه ف الكوتشينج (التعميم)" على اساس انه بره الكوتشينج ما اسموش كدة :/
اغلب الكلام كل البنات عارفاه او انا هتكلم عن نفسي.. انا كنت فاكرة اني هقرأ حاجة حلوة حقيقي وهستمتع بيها وكتاب نسائي متأنتك بقى وكدة لكن صراحة اللي شفته مخيب للأمال جدااا جدااا بدايةً من الأسلوب اللي كلمة بشششع قليلة جداا عليه, إدخال العامية مع الفصحى سداح مداح كله على بعضه كدة سمك لبن تمر هندي كان مضايقني جدااا لأبعد درجة.. انا كنت ف الصفحة 40 بس وعمالة ازق نفسي زق عشان اكمله وندمت اني كملت شوية كمان :/
ده غير كمية استظراف مش طبيعية معلش يعني انتي فارضة علينا خفة دمك اللي هو من وجهة نظرك انه خفيف ليه؟؟؟ ومفيش اي حبكة او طريقة سرد كأنك بتهذي بأي كلام وعايزانا نجمعه جمب بعض
ده غير تكرار جملة "تابعيني لأخر الكتاب وانتي هتفهمي أو انا هفهمك" كأن اللي بيقرأ ده معدوم المعلومات أو معلوماته ضحلة وماصدق لقى الدكتورة عشان تنوره، وزي ما تكون هي نفسها حاسة ان الدنيا ملخبطة وسايحة منها وعايزانا نكمل معاها ونسندها :/
ده غير كمية الخيال اللي مش طبيعية وافورة وتضخيم الوصف على مواقف تافهة برضوا محسساني انها مدير المخابرات المصرية وبتعامل ندى المساعدة بتاعتها على انها ضابط عندها.. ده انتي صاحبة بيوتي سنتر ياحبيبتي مش ف مهمة لرجل المستحيل احنا -_-
والة زمن ايه اللي هيركبوها دي!!!
واختيار الاسماء السيء جدااا حناطة وفكهات وغيره!!! انا عارفة ان قصدك تهزري بس مش كدة يعني مفيش اسم عدل يوحد ربنا يعرفنا انتي بتهزري ولا بتتكلمي بجد!!! استخفاف واستظراف اووفر الصراحة يعني
بصراحة بفكر اروح ابدل الكتاب من المكتبة
بجد أنا عايزة ال60 جنيه بتوعي
ايه القرف ده هي اي واحدة تاخدلها كورس تيجي تعملنا فيها كاتبة

[Gehad]

كتاب تنموي مختص بكل امرأة تعيش حياتها بدون رجل لأي سبب كان طلاق موت او لم يأتي نصيبها بعد
فكرته هو عبارة عن رواية او حكاية لشخص الدكتور مها المطلقة وقامت بعمل جمعية تهتم بشئون المرأة المطلقة والتي تعاني تحديدا نتيجة لافكار المجتمع التي تضع المطلقة في زاوية مغلقه تنهرها تبعدها عن الحياة وكأنها وأدت قبل أن تولد وليس سوا جسد يسير في الحياة ولا يعيش او يتعايش مع الآخر
ف هذا الكتاب بداية لمحاولة لمساعدة المرأة بالتفكير الجدي وبشكل هادئ بما يتناسب مع شرائع ديننا وليس ما يرضي البشر

[Waleed Mohammed · Rating 4 out of 5]

أفضل كتاب قريتة في موضوع (الطلاق و الإنفصال) الكتاب عملي جدا و فية خطوات علمية ممزوجة بتجربة ذاتية
شكرا د. مها , و ربنا يجازيكي خير و يجعلك نقة تحوّل لكتير من المطلقات أو اللي لسة هياخدوا الخطوة دية و هية صح أو اللي هياخدوها و هية غلط , و يكتب ليكي و لأولادك حياة سعيدة

[شيماء فؤاد]

الكتاب حلو وعجبني خفة دمه
و أفكاره الواضحة والواقعية
و رسالته جميلة وانسانية
بس مسهب شوية بدءا من منتصفه
انتي مثال حي للمثل اللي بيقول اذا الحياة ادتك ليمون إعمل ليموناضة
Bravo

[Amira Khalifa · Rating 3 out of 5]

كتاب خفيف لذيذ يبخاطب المطلقات وما يعادلهم من النساء.

[Ahmed Ramadan · Rating 3 out of 5]

ملخصي :
‎موضوع الكتاب عن الازمات التي تعاني منها الاناث غير المتزوجات والمطلقات والأرامل .. تبدا المؤلفه بعمل جميعه للتعامل مع الاناث العانت مع ازواجهم
‎لغه الكاتبه بين الجديه والفكاهه و تعرض المشكله
‎في شكل قصصي بس في حقيقه هو زي دليل لكل واحدة اتعرضت لازمه عدم وجود الزوج في مجتمعنا
‎هناك عده مشكلات نقاشها المؤلف:المجتمع-الدعم المادي-البحث عن السند والأمان والدعم العاطفي- الأبناء بعد الانفصال
•••
Threads: arnsar2000