Queue: 100 Dagling BPO

by Al Joseph Academia Lumen

136 pages, Paperback

First published January 1, 2018

Reviews

[Janaber · Rating 4 out of 5]

Hindi ako nagtatrabaho sa BPO, at wala ring balak (gaya ng laging sinasabi), pero may dalang bigat ang aklat na ito.

Para kang dumaan sa isang shift nang hindi mo namamalayan—gising sa dis-oras, nilalamon ng pagod, pero kailangang humarap, kailangang magsalita, kahit sa likod ng linya, kahit sa pagitan ng sipi at sagot, kahit wala kang boses sa tunay na buhay.

Madalas tayong maglakad sa mga kalyeng puno ng ilaw pero hindi natin napapansin ang mga aninong dumadaan. Iyan ang ginagawa ng QUEUE: 100 Dagling BPO—hinihila tayo papasok sa isang mundong madalas lang nating marinig, pero hindi natin lubos na nauunawaan.

Hindi lang ito tungkol sa mga call center agent; tungkol ito sa bawat manggagawang nabubuhay sa pagitan ng deadline at obligasyon. May mga linya sa aklat na tumatatak, at may mga linyang tumatagos—hindi dahil maganda silang basahin, kundi dahil totoo sila.

At sa dulo, hindi mo maiiwasang magtanong: Sa industriyang itinayo sa boses ng tao, sino ba talaga ang pinakikinggan?

(thank you sa prof namin sa Creative Writing for sharing this for our readings!)

[Gigi · Rating 4 out of 5]

Parang nagta-time travel ako habang binabasa ko ang librong ito. Noong unang panahon, nagtrabaho din ako sa call center at para sa akin, nakuha ng libro ang dusa at ligaya ng buhay bpo. Maiikli ang mga dagli at parang kulang ang isang daan para pagkasyahin ang more than 10 years of experience pero tingin ko, matagumpay itong nagawa ng akda. Nakuha nito ang maliliit na detalye, mga kultura at ang mga buhay ng mga tao sa loob at labas ng call centers. Gusto ko ang ginawang istilo na medyo hindi linear ang order ng mga dagli, may mga bigla na lang mawawala, may babalik, may dadating, parang laging may nangyayaring hindi inaasahan ng reader. Akala ko rin noong una ay koleksyon ito ng iba't ibang calls na natatanggap ng agent, pero natuwa naman ako nang malamang mas tungkol ito sa mga agents at ang buhay sa likod ng Avaya.

[Andrea Dreana · Rating 5 out of 5]

Hindi ko pa siya natatapos basahin dahil pinahiram at hindi na naisoli sakin ang libro. Pero i would really recommend it to anyone who has worked in the BPO industry. Kahit hindi galing sa industriyang iyon ay makakarelate.. I would really want to have another copy of this book, so AlJo, nasabi ko na to. 😝😁😝 ill buy another copy pramis. 😝😁😝

[Jiezzz · Rating 4 out of 5]

Dinala ako nito sa mundo ng bpo industry, na kahit hindi ako pamilyar ay naging pamilyar sa lahat sa atin dahil tayo rin naman ay manggagawa at iba iba lang ang binebenta.