علاقات مؤلمة

by داليا الشيمي

كتير مننا دخل في علاقة من غير ما يسأل نفسه هو عاوز إيه من العلاقة دي.. ممكن يكون انجذب ليها أو أُجبر عليها، لكن مسألناش نفسنا إحنا فعلا عاوزين نكمل؟! هو ده الشخص المناسب؟! هو الحب كل حاجة في العلاقة؟!
لكن الأكيد إننا مش عاوزين نتجرح أو نجرح حد معانا، إحنا مختلفين ويمكن اختلافنا يكون سبب نجاح أو فشل العلاقة.. كل شخصية ليها صفاتها اللي ممكن تزعج الطرف التاني، بس ممكن تكون حلم حياة حد تاني.. وده اللي خلاني أفكر أكتب الكتاب ده.
"علاقات مؤلمة" هنعرف من خلال عرض بعض مشكلات الشخصيات صعبة العلاقات أسباب ودوافع كل شخصية لفشل علاقتها أو فشل الطرف التاني في التجاوب معها، وهنقدر نحدد أي شخصية ممكن تناسب اهتمامتنا وصفاتنا وازاي نحل مشكلات علاقتنا علشان ما تبقاش علاقات مؤلمة

232 pages, Paperback

Published January 1, 2019

Reviews

[Mohammed omran · Rating 1 out of 5]

الكتاب. عامل زي افلام المقاولات في الثمانيات.
في حاجه. مشابهه. ممكن ميكنش ليها علاقه. لكن عامله زي الكتاب

فيه فيلم شوفته اسمه #رجال_من_مصر رهييييييييب ...بطولة النجم أحمد سعيد عبد الغنى ..بيقوم فيه بدور ظابط مباحث بيحارب عصابة أجنبية عاوزة تدفن نفايات ذرية فى مصر😂😂 ، ودى أهم نقاط فى الفيلم:

1- الفيلم بدأ بالعصابة وهى بتتجسس على تليفون أحمد سعيد عبد الغنى .. فسمعوا رئيسه بيقوله "روح الميناء اعرفلى مواعيد وصول كل المراكب خلال الشهر "... فالعصابة أول ما سمعت كده ..رئيس العصابة قالهم اقتلوه بسرعة😂😂 ....على اساس ان أحمد سعيد عبد الغنى هو الوحيد اللى بيعرف يجيب المواعيد من المينا ...طب ما هو يا ولاد الذكية لو مات المباحث هتبعت أى حد تانى عادى مكانه!! بس نقول ايه بقى .. فيه ناس بتفكر بحجات غير المخ زى ريهام سعيد كده ...اللى هو قومى يا بت أطلعى ع الصحرا عذبى فى التعالب اللى مبتعملش حاجة هناك.

2 - المهم شوفوا بقى هيقتلوه ازاى... واحد وواحدة من العصابة وقفّوا أحمد سعيد عبد الغنى وهو سايق عربيته على الطريق الصحراوى ... وقفوه مش بقوة السلاح ولا حاجة ... لا قالوله أقف عادى😂😂 ... وقامو مدينله علبة عصير جوافة وقالوله اشربها .. فأحمد سعيد عبد الغنى خدها ورايح العربية ... فقالوله لا اقف اشربها هنا معانا كلنا مع بعض وبعدين ابقى امشى 😂 ... طبعاً اى انسان عنده بأتنين جنيه IQ كل جنيه لوحده هيحس ان فيه حاجة غلط وهيشك إن العصير ده فيه حاجة ...لكن أحمد سعيد عبد الغنى شربها عادى خالص لآخر شفطة وبعدين داخ فشالوه رموه على جنب.

3- بالصدفة سبحان الله كانت فيه واحدة بتصور فى الصحرا شافتهم...والواحدة دى طلعت مين بقى؟ ...دكتورة التلوث الذرى بتاعت نفس الميناء اللى كان احمد سعيد عبد الغنى رايحلها...بتعمل ايه ف الصحرا بالكاميرا فى وقت زى ده معرفش؟! ...المهم الدكتورة راحت لحقته وعالجته من العصير.

4- من اعظم ما قيل فى الفيلم:
- (احمد سعيد عبد الغنى): انتى متأكدة ان دى النفايات الذرية يا دكتورة؟
= (الدكتورة): ايوة متأكدة النفايات الذرية بتبقى صناديقها " ألمونيا " كده

5- من أعظم ما قيل فى الفيلم 2:
= (رئيس المباحث): المجرم ده أخطر راجل شوفته فى حياتى .. ده معاه جهاز لاسلكى بيتكلم منه يعنى مستحيل نوصله.

6- رئيس العصابة أدى أمر بقتل الدكتورة ... فأتنين من العصابة راحو اتسللوا بليل ودخلوا شقتها عشان يخلصوا عليها ... تخيلوا كده أول مكان فكروا يدوروا عليها فالشقة فيه هو ايه؟ ...أوضة النوم بإعتبار اننا بليل وهى اكيد نايمة؟ لأ .... الحمام ؟ لأ .... قدام التلفزيون ؟ لأ ....امال فين؟ .... أول ما فتحوا باب الشقة دخلوا على الصالون دوروا تحت كراسى الصالون ....والمفاجأة بقى انهم لقوها تحت الكراسى فعلا! 😂😂

7- بس وفجأة بيظهر من اللاشىء الفنان أحمد سعيد عبد الغنى وبيقبض على الاتنين اللى جايين يقتلوها وبيتجوزها والفيلم بيخلص والراجل اللى بيتكلم فى اللاسلكى فعلا محدش قدر يوصله زى ما رئيس المباحث قال❤️

حرام عليكوا جبتوا لينا الشلل

[واضحة السعيد · Rating 3 out of 5]

استعد لتتعرف على نفسك بعد اختبارات كثيرة في حياتك
ان كنت تائها فهذا الكتاب احتمال أن يقدم لك المساعدة تعرف نفسك ونفوس الاخرين أيضا
علاقات دائما ماتسبب لك الحيرة في تبرير تصرفاتها ويتبع الحيرة الألم في الغالب

في نهاية الكتاب ملخص ونصيحة أرجوا أن تستفيد منها
الكتاب لغته سهلة أحيانا عامية
أي شخص غير متخصص يمكنه الفهم بسهولة
لتكن نيتك اصلاح نفسك أولا قبل الاخرين
نصيحتي استخدم الكتابة للتعرف على نفسك أكتر
مما اخذه على الكتاب أنه لم يشرح في بعض الحالات ان كان هناك أمل في الاصلاح وأي طريقة يمكن الاصلاح وهل يمكن اصلاح أنفسنا دون وجود متخصص أم لا ؟

[Mostafa Seleem · Rating 4 out of 5]

كتاب جيد في النصف الأول من الكتاب تحكي المؤلفة عن شخصيات مختلفة نقابلها في معترك البحث عن شريك الحياة و تحاول أن تشرح أسباب تكوين الشخصيات و إذا ما كانت هناك وسيلة لتخفيف وطأة الإحتدام معها او للتعايش .. و في النصف الثاني تخبر الكاتبة كيفية النجاح في العلاقات تعتمد على البحث في النفس بطريقة منهجية .. الكتاب لطيف غير دسم و لكنه شيق .. يعاب عليه وجود الكثير من الأخطاء الإملائية التي قد يتم تدقيقها لغويا في طبعة جديدة

[Nouran Gamal · Rating 1 out of 5]

مش مفيد.. اسلوب الكتابه سخيف.. الحكايات اللي بالعامية مكتوبه بطريقة عجيبه غير مفهومه بالمره وجمل ملضومه في بعض.. والتعليق عليها كأنه comment او ملاحظات مفيش تحليل دقيق ولا حلول ولا حتي نصايح

[Dina Badawy · Rating 3 out of 5]

الكتاب جيد صراحة، بيعرض انواع كتير من الشخصية، ليس للتحليل أو الحل، ولكن عشان الواحد يشوف نفسه فيهم أو يشوف اللي على علاقة معاهم، الجزء الثاني الخاص بفلسفة العلاقات لم استفد منه.

[Eman Tabbaa · Rating 5 out of 5]

كتاب مهم جدا" في العلاقات الإنسانية.
يلقي الضوء على شخصيات صعب التعامل معها، وتصبح العلاقة معها مؤلمة اذا كنت لا تستطيع الاستغناء عنها...
تطرح الكاتبة صاحبة الخبرة الطويلة في المجال النفسي بعض طرق التعامل مع بعض الشخصيات.
خبرتها لا تقدر بثمن، وقد وضعت جزءا" منها في هذا الكتاب...
أنصح باقتنائه 😉