308 ونشستر

by محمود وهبة

"لم يكن أسود من الداخل هكذا ولكنه امتلأ بسواد نفوسهم المظلمة فأصبحت رسالته المقدسة هي نشر السواد والدماء قربانا لإله اتخذه قهرا و لم يؤمن به قط".

Genres: Audiobook, Thriller

260 pages, Paperback

Published January 23, 2019

About the author

كاتب روائي وسيناريست
ولد فى القاهرة عام 1989
تخصص فى كتابة أدب الرعب والجريمة
صنف من افضل 10 روائيين فى مجال ادب الجريمة فى مصر والوطن العربي
كتب العديد من السيناريوهات المختصة بأفلام الجريمة و الرعب.
Novelist and screenwriter
Born in Cairo in 1989
Specialized in writing horror and crime literature
Ranked among the top 10 novelists in the field of crime literature in Egypt and the Arab world
He wrote many scripts for crime and horror films.

Reviews

[Yousra · Rating 1 out of 5]

اشتريت الكتاب يمكن لما لقيت النسخة طبعة تانية ... رغم إن ليا أصدقاء في مكتبات ودور نشر رسوني على حوار الطبعات دة

حاولت بصراحة بس مقدرتش أكملها ولا عندي فضول! وصلت لصحة ٧٥ تقريبا وقلت خلاص أخدت وقتها وزيادة

البداية عجيبة جدا بس قلت معلش كملي ... جت جريمة القتل قلت يمكن تحلو رغم انها جريمة هوليودية

في كل سطر تقريبا جرائم لغة والله ... ضمائر وأسماء إشارة وأسماء موصولة مخالفة في النوع ... يعني بيتكلم على مذكر مثلا وتلاقي بعده التي أو ذات ... المثنى في الضياع ... كلمة وجهه في كل موضع اتكتبت وجه زي وشه كدة

شخصيات كتير كتير جدا وتواريخ بقى وأنا لسة طالعان عيني من رواية فيها تواريخ ولا ماشية مع التسلسل ولا المضمون

فيه بطلة اسمها يسرا ومعاها شخص بإسم ملفق تلفيق عظيم إسمه أيسر ... يعني حتى الأجانب مش هايكتبوا أسامي كدة

شخصيات دمها تقيل ... حوارات عجيبة ... ردود أفعال غريبة ... غلطات في اللغة لو لقيت ولادي كاتبينها مش عارفة ممكن أعمل فيهم إيه وطبعا لأنها من نوع بحب أقراه وهو الأدب البوليسي فكان صعب بصراحة أستمر كنت هابقى بأذي نفسي

معرفش هفضل لحد امتى اقرا كتاب هايل يليه كتاب ضعيف ... نفسي في كتابين كويسين ورا بعض :(

[Safaa Nasser · Rating 3 out of 5]

How do you sympathize with a hired assassin?
كيف تتعاطف مع قاتل محترف؟
تبدأ الرواية كفيلم أمريكى ... و تنتهي كفيلم هندي!!
كان من الممكن الغوص أكثر في نفيسة الأبطال دلا من التركيز على الحركة و التشويق.

[Hadir Elsaeedy · Rating 5 out of 5]

بداية كدا اللي مقرأش الرواية ميقراش الريفيو لأني هحرق فيه الأحداث غصب عني 🙊🙊

إنجاز الحمد لله إني إشتريت الرواية من المعرض السنادي وخلصتها وبكتب الريفيو دلوقتي 👏👏🙈 مش بعدها بسنتين 😂 لأني بقالي فترة مش بقرأ كتير 💔💔💔

أستاذ محمود مش أول مرة أقرألك رواية .. فكون إني ألاقي رواية مكتوب فوقها محمود وهبة بجيبها بدون تفكير وبدون ما أسأل حد عن رأيه فيها لأنه ميهمنيش .. إسم حضرتك بالنسبالي ثقة كبيرة في عمل مش هندم أبداً إن شاء الله علي قراءته 👌👏

يوم ما جيت المعرض وكنت في دار ن وإشتريت الرواية جه الشاب اللي كان هناك تبع الدار وقالي الكاتب بتاع الرواية دي موجود .. بصتله بفرحة وعدم تصديق وقولتله أستاذ محمود موجود هنا ؟! 😮😮🙊 وفضلت أبص حواليا بدور علي حضرتك قبل ما أسمع رده

قالي أه موجود .. إتفضلي حاسبي وتعالي يوقعلك 🤗

روحت حاسبت وجيت وأنا مش مصدقة إني هشوف حضرتك 😌 وأنا أصلاً معاد حفل التوقيع مكنش مناسب معايا وكنت زعلانة جداً إني مش هعرف أجي ، فكون إني ألاقي حضرتك موجود وأنا رايحة ومش عاملة حسابي إني هقابل حضرتك كانت حاجة حلوة جداً فضلت أحكي لبابا وماما عليها 🙈🙈🙈

حضرتك وقعتلي وإتصورت معاك وكانت أمنيتي أنزل الصورة بس البرد كان مبهدلني جداً فبلاش أخض الناس 😂😂😂

أتمني السنة الجاية وقت المعرض أقابل حضرتك تاني وتكون فاكرني بقي .. هدير صاحبة البوستات الطويلة 🙈 وأكون بصحة جيدة عشان أقدر أنزل الصورة 😌

هدخل في العمل عشان إتكلمت كتير أوي فوق 🤗

الرواية بداية من غلافها الرهيب اللي بحيي المصمم عليه وإسمها اللي واضح إختياره بعنايه لحد سردها وحبكتها الأكتر من روعة تستاهل تتوج وتكون علي رأس أعمال حضرتك 👏👏

أنا من بداية الرواية وأنا واثقة إنها مش هتقل عن أي عمل لحضرتك قبل كدا .. تشويق في كل سطر 👌.. فضلت مع كل سطر بقراه أفكر وأرجع من تاني للصفحات اللي قبل كدا وأعيد قراءة بعض الأجزاء وأحاول أحل اللغز وكإني مسئولة زي عمرو ومروان عن الوصول للقاتل المجهول والكشف عن هويته 😌

من بداية ظهور أيسر وأنا شاكه فيه جداً .. شكوكي الحقيقة راحت لناس كتير بس كانت بتتلاشي بسرعة وتروح تاني لأيسر اللي شكوكي بدأت معاه من إنه إزاي بيعرف يصور الضحايا ومحدش من الصحفيين بيوصل للصور غيره وإزاي بيوصل لمكان الجريمة قبل الكل وشكوكي في النهاية طلعت صح وإتأكدت منها من ساعة ما راح للحاجة صفية وقالت في نفسها كان نفسي تطلع ظابط زي أخوك وعرفت وقتها إن مروان هو أخوه وكمان وقت ما عيط وراح ليسرا بعد موت إيناس وقالها حد عزيز عليا مات

متعاطفة معاه من أول ما إبتديت أشوف الواقع اللي نشأ فيه 💔 .. إتأثرت جداً بمشهده مع والدته وقرأته أكتر من مرة ومشهد موته ومشهد كلام مروان عنه ومشهده مع يسرا قبل ما يموت .. دمعت في مشهد مروان الأخير مع والدته وهو بيقولها

" أيسر ضحي بنفسه عشاني يا أمي ، فضل إنه يموت عشان أنا أعيش ، سمع كلامك وحماني ، هو في مكان أحسن دلوقتي يا أمي ، إدعيله "

حبيت مشهد يسرا وهو بتقرا الجواب .. إتأثرت بيه جداً وإكتشفت إن حضرتك تقدر تكتب رومانسي بطريقة حلوة جداً .. حسيت بحب أيسر من كلامه ليسرا .. شوفت الحب بجد في الحروف بطريقة أبهرتني 👏👏

فرحت إنه إهتم بحلمها وإنها تكون أكبر صحفية .. حبيت شخصية أيسر جداً وإتعاطفت معاه وحبيت إعترافه بينه وبين نفسه إنه وحش مش بيكابر ويقول لا أنا كويس وكنت أتمني يعيش 💔💔

كون إن حضرتك تخلي القارئ يحب القاتل اللي إتسبب في كل الكوارث دي .. دي حاجة أحييك عليها 👏👏👏

من الشخصيات اللي كرهتها جداً هو فادي واللي أعتقد إن كل القراء كرهته .. نهايته كانت حلوة جداً ومناسبة لبشاعته وجبروته

أمير مكرهتوش بس برده محبتوش وإتعاطفت معاه للدرجة اللي إتعاطفت فيها مع أيسر ، نهايته مأثرتش فيا أوي بس المشهد اللي صعب عليا فيه كان وهو بيتم إستجوابه وبيبكي وبيقول أنا آسف مكنش قصدك .. أنا ندمان 💔

كرهت سعدات ودلال جداً .. مكنتش أعرف إن في ناس كدا 💔💔

رشاد أنا مصدومة إنه عاش .. مش كرهاه أوي بس كنت أتمني يموت بدل أيسر 💔💔 .. متعاطفتش معاه غير في مشاهده اللي إتكلم فيها عن إيناس وحبه ليها

قولت لحضرتك كتير ولكتاب تانين متميزين زي حضرتك إن دي الأعمال اللي تستاهل تتحول لأفلام مش المهزله اللي بنشوفها حالياً

شكراً علي العمل الأدبي الراقي ده يا أستاذ محمود .. أتمني أقرأ عمل جديد لحضرتك عن قريب وأشوف حضرتك تاني إن شاء الله وألف مبروك علي إفتتاح المكتبة وإن شاء الله أجي في مرة 🌸


#هدير_الصعيدى
#كاتبه_مبتدئه_وقارئه_متعمقه
#٣٠٨_ونشستر
#محمود_وهبة

[أحمد عبادة · Rating 2 out of 5]

في بناية ما و في غرفة ما جلس شخص ما يمسك قلم ما ليسطر رواية ما كانت لتكون افضل لو عالجها بطريقة اكثر عمقا و اكثر حرفية
حقيقة ذهلت حين علمت انها ليست العمل الاول للكاتب و لكنه قد سبقها بأكثر من ٢٠ عمل قبلها
اتمنى للكاتب التوفيق لاحقا حيث لا انكر موهبته

[Nada Gaber · Rating 5 out of 5]

روايه جميله و ممتعه بس نقدر نتوقعها جدا مع كده كنت مستمتعه و انا بقراها اسلوب محمود وهبه فيه شد كده تخليك عاوز تكمل جدا روايه بجد حلوه

[Fady Mohamed Refaat · Rating 5 out of 5]

ويبقى لك الأسلوب الخاص والفريد بك.. تشويق من أول لآخر صفحة.
لو أملك أكثر من الخمسة نجوم لأعطيتكها بدون تفكير أو تردد.

[Shahd Abdel Hamid · Rating 5 out of 5]

_اولا اسم الرواية شدني جدا اني اعرف يعني أية اصلا ونشستر .
_ثانيا في حرق في أحداث الروايه.
اولا ..... الرواية اقل ما يقال عنها انها ابداع بجد من وجهة نظري الرواية حلوة جدا جدا تقريبا من اكتر الروايات الي عجبتني .
.....مبدئيا من اول الجمل الي ف بداية كل فصل طريقة السرد، الغموض الي كان بالنسبالي كبير وكنت تايهة لدرجة اني شكيت أن السبب اني مثلا مش مركزة بس ف برده حاجة بتشدني وخلتني اكمل كان الشخصيات المبهمة الي ف الاول مكنتش عارفة أية صلتهم ببعض واهم حاجة أية صلتهم بالقضية وصف طريقة الظلم الي أتعرض ليها سواء ايسر أو ايناس أو رشاد كانت فعلا تحفة اتاثرت بيهم جدا لدرجة اني خلاص نفسي انه كلهم يسامحوهم ويبتدوا حياه جديدة نضيفه حسيت انهم مش ذنبهم حاجة القدر كان ده قرارة صدمة بالنسبة ليا لما ايسر طلع هو الشخص الغامض الي مامتة سابتة هو الي اتربي ع الذل والمهانة هو الي قتل هو القاتل المجهول هو الصحفي الناجح النهاية اينعم هي بالنسبة ليا محبطة بس هو ده الي لازم يحصل عشان تبقي قصة ناجحة غير كده هيبقي خيال ومش هتبقي الحبكة حلوة .
ف النهاية احب اقول....
.....شابوة محمود وهبة 💜

[مديمان علي السيد · Rating 5 out of 5]

أؤمن أن على الروائي أن يحترم ذكاء القارئ،
ويترك له مساحة ليبني رؤيته الخاصة كونه شريكًا فيما حدث، وشريكًا في فعل التلقي الذي لا يقل شأنًا عن فعل الكتابة. و عندما يقدم الكاتب الوجبة الكاملة لتغذية العقل والذائقة الأدبية وتنمية القدرات وخلقها بداخل القارئ
فذلك هو الإبداع....
#٣٠٨ونشستر
تكمن الراوية في جذب القارئ ، وإدخاله في مغامرات عقلية، تجد معها النفس البشرية لذة اللعب ، وتمارين التفكير والاستقرار، والتعايش، فضلًا عن اندماجه مع الشخصيات في محاولة منه تفكيك اللغز ،
و إيجاد المجرم الحقيقي ...
اختار الكاتب توظيف ��برز التقنيات البوليسية
في إطار عمل أدبي لا يتخذ من الجريمة فقط موضوعًا لها، وإنما تتعانق مع قضايا سياسية في إطار بوليسي يتكئ بشكل رئيسي على التشويق والإثارة والمغامرة.
الأحداث تتحرك من الصفحة الأولى، الحوارات طويلة وظريفة وحيّة، مقاطع السرد قصيرة ومتوسطة الطول مواكبة لجريان الرواية...
تبدأ الرواية بجريمة ولا تعد خلال مسارها بحركة ولا تكاد عقدتها تنكشف إلا بعد قسم كبير منها،
جريمة مستعصية على التفسير، ضحية، محقق، استدلال افتراضي استنباطي، حل نهائي..
بحل عقدة النص ضرورة استثارة الفضول، وحبس الأنفاس لدى القارئ لضمان بقائه حتى النهاية،
ووصوله إلى حل الجريمة..
#٣٠٨ونشستر..
دراسة علمية عملية بعين واعية تسبر اغوار النص بكل تفاصيل ما سكت عنه وتفرد بساط البحث لدى المتلقي هكذا رسمها الكاتب ...
وفي الختام الرواية مشغوله بحبر القلب ومطرز بإبرة السحر ...
شكراً للكاتب /محمود وهبة
دمت تنتقي من المواضيع أرهفها وقعاً وأعمقها في النفس
#ترانيم ثائرة

[محمد الشافعي · Rating 4 out of 5]

ونشستر 308
محمود وهبة
النوع : بوليسي & دراما
دار النشر : ن للنشر والتوزيع
سنة الإصدار : 2019م
الطبعة الأولى
عدد الصفحات 259 صفحة
الغلاف : جيد
مصمم الغلاف : أحمد وهبة
العنوان : ونشستر 308 – قبل قراءة الرواية لم أكن أعلم معنى العنوان وهو نوع من أنواع الرصاص يستخدم في بندقية قنص " سافاج 10 "
الشخصيات : الجانب الأمني : عمرو – مروان – خبير الأسلحة
الجانب الفاسد : فادي هارون – رشاد – القاتل المجهول – العلايلي – كمال
الصحافة : شادي العمروسي- يسرا - أيسر
الضحايا : أمير – مريم مصطفى – مجدي فرحات - إبراهيم حلمي - ألبرتو
المكان : مصر
اللغة والحوار : باللغة العربية – هناك أخطاء لغوية بسيطة
الحبكة : رائعة
نحن نصنع مسخا .. بل مسوخاً .. الرواية تسير في جانبين زمنين متوازيين خط من 2017م وخط من 1988 من لحظة صناعة المسخ .. نوع جديد من الرصاص مع قناص لا يخطأ هدفة الهدف منه زعزعه الأوضاع في مصر وخصوصاً سيناء مع وضع الداخلية في مأزق وصنع الإرهاب
ولكن المسخ سينقلب يوما ما على صانعية .. وسيدمر نفسة ومن صنعة
ويستمر النجاح فقط استطاع محمود وهبة أن يعيشني في أجواء الرواية ووصفه بدقة للشخصيات والأحداث من الملاحظ تطور الأسلوب للكاتب بداية من خروج آمن
تقيمي :4/5

[Eng Mony · Rating 5 out of 5]

"ثم يبدأ كل شئ في التغيير وتتحد روحه مع السكون المريح وتتعلق عينه بعصاه وكل حركاته التي تنقله الي عالم آخر بعيد كل البعد عن عالمه القاسي"
اقتباس من الروايه وده الي بيحصل بالظبط اول ما تبدأ تدخل في جو الروايه
( اولا الحمد لله علي نعمة الامن والأمان )
ثانيا الروايات دي لازم تتحول لافلام كأنك بتشوف الروايه مش بتقرأها
وصف دقيق للاشخاص والاماكن والمشاعر كأنهم متجسدين
اسلوب منظم ومتقن جدا حتي اوقات استخدام الفلاش باك في وقتها بالظبط من غير قطع لتسلسل الاحداث او لخبطه
اللغه سهله وبسيطه بدون مشاهد خارجه
نحن نجيد صناعة المسخ
القهر الظلم الحاجه الفقر انعدام الدين والضمير
أخطاء لاتموت و ثمن لازم يدفع مش بيموت بمرور الوقت
نهاية حزينه جدا تتعاطف مع القاتل وتتمني القصاص والعدل لكن العدل ليس مكانه هاهنا علي تلك الارض

[محمد حياه · Rating 3 out of 5]

بداية مثيرة لجريمة غريبة .. تدفع القارئ للمكوث أمامها ملاحظًا لكل حدث ومراقب للتحقيقات حتى صتدم بالنهاية
تعددت الشخصيات والرسم لهم تضائل
النهاية جاءت سينمائية قديمة للاسف ليس على مستوى قوة البداية
ارجو من الكاتب أن يعود للقصص التي تتبنى قضية واحدة في مستوى قريب من المجتمع وان يبتعد عن القضايا التي تلمس القضايا السياسية والاجتماعية الكبيرة كما فعل في رائعته سفر القتل كانت جريمة بسيطة ليست ذات عمق او بعد سيادي ولكنها كانت وجبة بوليسية مشبعة

اشكرك وأنتظر عمل أقوى فأنا أثق أن بجعبتك الكثير الذي سوف يفاجئنا

أخيك
محمد حياه

[Mona El-gharbawy · Rating 4 out of 5]

جبت الرواية لسببين الاول اني قريت للكاتب سفر القتل وعجبتني جدا والتاني كنت عاوزة اعرف ايه معنى ٣٠٨ ونشستر.
الرواية حلوة ومشوقة خلصتها في قعدة لكن القاتل ماكانش مفاجأة لي على العكس توقعته بعد تاني جريمة.. احداث شوية كانت متوقعة وغيرها لا... لازالت بدايات كل فصل التي يبدو انها تميز كتابات الكاتب تروق لي كثيرا....
هى حلوة لكن بالنسبة لي سفر القتل افضل بكثير في الحبكة وعدم توقع اى حدث فيها فهناك كانت المفاجأة ... انا هنا شخصيا لم يفاجئني غير العلاقة الاخوية....

[Soha Ismail · Rating 3 out of 5]

هتكلم عن الأحداث .
بدايتها حلوة جدا، موضوع القنص و المطرة و الشتا ده أمريكانى شوية ، حسيت بكروتة فالنهاية و مفهمتش أهمية مروان أنه يتقتل مع أنه الضابط الصغير .
عجبتنى تفاصيل الفساد اللى فمختلف طبقات المجتمع و اللى بنسمع عن أحداثها من بعيد لكن الكاتب ربطهالنا ببعض سواء علاقة أطفال الشوارع بالبلطجة و أعضاء من محلس الشعب و الحكومة برجال الأعمال.
الرواية بتشد ، خلصتها بسرعة جدا، لكن أتمنى الانتباه للأخطاء اللغوية ، نفسى أن الكتب هى اللى نتعلم منها الصح مش العكس.

[Karim Elshaapany · Rating 3 out of 5]

الكتاب متوسط
متوسط الاحداث متوسط في كتابة الشخصيات متوسط في البداية و رسم السياق و تعريفنا بالشخصيات و اللي بداخلهم و متوسط في نهايته و احداثها شوفت افلام بالقصص دي و احلي كتير يمكن الحاجة الاحلي في الرواية نقل الاحداث و ترابطها لخدمة الرواية دي بتقول ان الكاتب شاطر و بصراحة انا دي اول مرة اقرأ حاجة ليك بس انا متأكد اني هدور علي حاجة للكاتب

[Khaled Mohamed · Rating 4 out of 5]

شابو يامحمود ياوهبة
مميز جدا فروايات الغموض والبوليسية
الكلمة الأخيرة اللي فالرواية لخصت حجات كتير وشايفها اهم مافيها
أعيب بس على المدقق اللغوي حقيقي عانيت بسببه كتير اوي وأنا بقرأ
ودة ملوش علاقة بالكاتب بس دي حاجة مميزة لدار نون للأسف

[Reham ali · Rating 3 out of 5]

احي الكاتب ع مجهوده الي حاول يعمق الاحداث وان تبدو مكرر ف معظم الروايات البوليسيه حاول يضيف بعد نفسي ييخليك تتعاطف مع البطل لغه حلوه سرد لطيف
الغلاف للاسف فقير جدا وظلم الروايه
ف المجمل بدايات كاتب موفقه استمر

[Karim Kassim · Rating 3 out of 5]

رواية جميلة ولكن مش بنفس جمال روايات محمود وهبه اللي معودنا عليها نهاية الرواية احلي ما في الرواية
اكتر حاجه كانت بتدايقني من الرواية الدلالات علي الغائب لدرجة اني مبعرفش مين الاشخاص اللي في المشهد الا في نهاية المشهد ده شئ ازعجني جدا بصراحه
بس في العموم رواية ممتعه وفيها اسقاطات كتير على مجتمعنا

[Kareem Ghareeb · Rating 4 out of 5]

رواية ذكية تنتمي لنوع أدب الجريمة جاءت الحبكة منطقية ومركبة مما زاد الأحداث تشابكاً تميزت الرواية بسرعة الرتم
طلقة واحدة تحدث اللغط وتصيغ أحداث وتصنع حالة خاصة في عمل يمتاز بالسرعة والدقة في التناول

[Wael · Rating 4 out of 5]

رواية شيقه أحداثها متلاحقه تستحق القراءة

[Sahar Osama · Rating 5 out of 5]

روايه محيره خليتنى اتوه مين المظلوم و مين الظالم ،مين الضحيه و قد ايه تعاطفت مع القاتل و شفته ضحيه..
اول مره اقرا للكاتب و اكيد مش اخر مره

[Asser elnokaly · Rating 5 out of 5]

ممتعه،مثىره و مشوقه
محمود وهبه ىبدع من جدىد

[Hassan Ezz ElDin · Rating 5 out of 5]

عمل رائع
سعيد أني قريته رغم تنوع المشاعر
داخل العمل ولكنه يتسم بالروعة
بالتوفيق دائماً يارب

[Alaa' Nabil · Rating 5 out of 5]

عجبتنى اوى و مفاجأة مين القاتل حلوة فعلا

[Ahmed Charisma · Rating 4 out of 5]

رواية حلوة جدا من المبدع محمود وهبة .. اسلوب سهل كالعادة .. معجبنيش المرادى الكلام اللى فى اول كل فصل .. كان الموضوع تحفة فى سفر القتل .. المرادى حسيته مش لايق اوى .. كمان معجبنيش انى توقعت القاتل من بدرى اوى عكس باقى رواياته .. بي كمجمل رواية جميلة جدا وتعتبر افضل رواية للكاتب بعد سفر القتل

[Flora Blanca · Rating 5 out of 5]

معلومات الرواية

اسم الرواية: 308 ونشستر
عدد الصفحات: 259
تصنيف الرواية: بوليسية تشويقية
الكاتب: محمود وهبة
الناشر: دار نون
تصميم الغلاف : أحمد وهبة


رواية تنتمي الى ادب البوليسي و الجريمة المنظمة حيث تبتديء الرواية بمقتل دكتور نفسي بسلاح متطور ليكون بداية لسلاسل القتل هدفها تشويه سمعة الأمن و ذلك تحضيرا لمهمة أكبر ،
كذا اتصال القاتل قبيل كل عملية قتل  بضابط الشرطة المسؤول عن القضية  لمشاركته تفاصيل بسيطة قبل التنفيذ  مما يضعه بفي وضع صعب و محرج أمام القيادات و الإعلام

* ما فائدة القاتل من اتصالاته، هل سيكون ذو فائدة في التحقيق ؟
*ما دخل رجل الأعمال الشهير بالأحداث التي يصر الجميع على توريطه بها  ؟


الاسم والغلاف :
جيدين  و عبروا عن الرواية بشكل عام  بوجود شخص مجهول حامل لسلاح التي يعتبر العقدة الأساسية فالرواية

اللغة :
السرد بلغة فصحى بسيطة 
الحوار بلغة عامية

السرد والحبكة:
تميز الكاتب برسم الأحداث تسلسلا ما بين الماضي والحاضر ليصنع تحفة متماسكة و خالية من الثغرات


الشخصيات :

تم رسم شخصيات الرواية بطريقة ممتازة  جمعت ما بين ماضيهم و حاضرهم المتحكم به من طرف طاغية ليقرر الجميع الخلاص بطريقته الخاصة لتتشكل الاحداث بمزيج متقن من التناقضات النفسية التي عايشها كل فرد باحترافية سيناريت، تميز بتصوير الشر في هيئة إنسان كما تميز في تصوير الإرادة الحرة في قمة عطائها  

النقد:
عتبي الوحيد الأخطاء الإملائية و هذا ما يعيب دار النشر و المدقق اللغوي 



من قرائاتي السابقة لأعمال الكاتب محمود وهبه والتعرف على أسلوبه جيدا ، أعماله دائما تحتوي على مقدمات لفقرات الرواية التي تقوم بدور المنبه الفكري الذي يجعلك متحفزا لما هو قادم،

إستمتعت كثيرا بهذه الرواية  التي خالفت كل توقعاتي  لن اقول سوى انى ارفع لك القبعة وأحييك  على عملك الحادي عشر المتميز  واتمنى لك التوفيق والنجاح دائما

اقتباسات من الرواية:

_يمكنك أن تنتزع كل ما تريده من إنسان فقد حريته، كل شيء حتى إنه يمكنك أن تنتزع روحه إذا أردت ولن يبالي؛ لكن احذر إن عادت إليه حريته فسيعود معها كل شيء فقده في يوم الإضافة إلى كل ما تملكه أنت؛ فكر جيدا قبل أن تسلب أحدهم شيئا...

_دائما ما تبهرنا الحياة بقسوتها و دائما ما يتركنا القدر وسط جراحنا ننزف المزيد من إنسانيتنا، نحن جنس تعس قد كتب علينا الشقاء في كل شيء حتى في شقاء قلوبنا ....
_ ضع أحدهم تحت ضغط نفسي قاسي ثم أغلق في وجهه كل الطرق المؤدية للخلاص، أفشل كل محاولاته لتعديل وضعه، اتركه مضطربا خائفا وبلا قوة ثم انتظر أن ترى بعد وقت قصير مسخ كامل الأوصاف لا يحتاج إلى الحلول كي يصل إلى مبتغاه ولا ينتظر خلو الطريق كي يمر إلى وجهته ولا يتأثر بأي ضغط و انتظر أن تحصي عدد ضحاياه الذين ستكون أنت من بينهم...

_بعض البشر خلقوا من طيب بارد لا يتأثرون بالضغوط و بعضهم خلقوا من طين عفن لا تصدر منهم سوى أعمالا كريهة الصدى والبعض خلق من مزيج من الاثنين ....

_تمنت أن نسانده طوال عمرهما حتى يشيخا سويا، تمنت الكثير والقدر يمنح القليل....

_ هو يعلم أن هنا في ذلك المكان ستكون النهاية، هنا في ذلك المكان أو بالقرب منه سيرحل إلى مكان أفضل، إلى مكان حيث العدل ولا وجود للمسوخ، لا وجود للمجتمع الذي يصنع كل يوما مسخا جديدا ثم يلفظه و يتهمه بالفساد و القسوة، الجاني الأكبر هو المجتمع...

[Mohsen_ayman · Rating 5 out of 5]

مراجعه رواية ونشستر308
***************************************
📌اولا معلومات عن الرواية:
الرواية من تأليف العبقري ا.محمود وهبة و التي صدرت عن دار نون في معرض الكتاب 2019 و الغلاف " الرائع " من تصميم ا.احمد وهبه و الرواية عدد صفحاتها259 📄📄
📌ملخص الرواية بدون حرق :
الرواية بتبدا بجريمة قتل لدكتور نفسي من قاتل مجهول الهوية جريمة القتل و التي يتبعها سلسلة من جرائم القتل ايضا لقاتل مجهول الهوية القضية بتوكل الى الضابطين عمرو و مروان و بينضم لهم أشخاص أخرى طوال أحداث الرواية و كل هدفهم حل اللغز الأكثر تعقيدا في تاريخ الداخلية فياترى هل هيقدروا يحلوا القضية و ياترى ايه الرابط بين كل الجرائم دي و ايه هو ونشستر 308؟؟؟؟؟
📌المناقشة :
الرواية من نوع الادب البوليسي و الجرائم المتعددة لاشخاص كتيرة الرواية على الصعيد الدرامي كان رائعة و أما عن جرعة الإثارة و التشويق فهي بدأت من اول و حتى آخر صفحه و دي حاجة تحسب للكاتب ،
الخطوط الزمنية : خطين زمنين خط رئيسي بيحكي الحاضر و كل اخر فصل بالضبط بنرجع فلاش باك للخط الزمني التاني و اللي عجبني اكتر هو كيفية الربط بين الزمنين في اخر الروايه
اللغة : السرد و التعليق بالعربية الفصحى و الحوار بالعامية الفصحى
النهاية : انت لو قرات قبل كدا للكاتب فانت بتنتظر النهاية علشان تعرف التغفيلة المرة دي جاية منين 🤔 لأنه مينفعش يكون دا العمل الخامس اللي اقراه للكاتب و في كل مرة يخدعني و مقدرش انا اعرف النهاية الا في الفصول الأخيرة فحقيقة نرفع القبعة للكاتب
📌التقييم : 9/10
📌📌📌 كلمتين عن الكاتب 📌📌📌
اولا الكاتب لغته بتتطور بشكل ملحوظ و دي حاجه تحسب ليه و كمان طريقته في صياغة الحبكة و خداع القارئ بتتحسن كتير و انا شايف بخبراتي القليلة في عالم القراءة أن الكاتب هو من أحسن اللي موجودين حاليا في الادب البوليسي إن لم يكن الاحسن و حقيقي بتمنى اننا في المستقبل نشوف له عمل سينمائي لان كتابته لو اتحولت لأعمال سينمائية هنشهد طفرة في
افلام الاكشن و الاثاره والتشويق

[أسماء أحمد عبد الله · Rating 5 out of 5]

"لم يكن أسود من الداخل هكذا ولكنه امتلأ بسواد نفوسهم المظلمة فأصبحت رسالته المقدسة هي نشر السواد والدماء قربانا لإله اتخذه قهرا و لم يؤمن به قط".
.
هكذا بدأ الكاتب روايته وخط البطل حكايته.
رواية في تصنيفها جريمة وغموض لكن تحمل من القصص الإنسانية الكثير.
.
القاتل المحترف الذي تم تدريبه وإعداده لذلك منذ نعومة أظافره.. ومن قبل ذلك أيضًا.
فهل لم يكن يملك خيار واحد طوال حياته؟
امتلك واحدًا بالفعل.
.
رواية تناقش فساد المجتمع الآثم الذي يصنع المسوخ ثم يشتكي من أذاها. انتبه فهذا المسخ كان صنيع يدك من البداية.
.
أطفال السِفاح ومصيرهم.. تجارة الأسلحة والإتجار بالبشر وفساد الطبقة المخملية. وغيرهم.
.
الرواية عبارة عن توليفة محترمة من القاتل المحترف الذي لا يخطئ وهو في حد ذلك خاطئ.. ومبارة سجال بين رجال الشرطة والصحافة ضد قاتلنا.
.
«الإنسان مخير لما سير إليه».
كل فعل سيعود عليك عواقبه ولو بعد حين.
إن سنحت لك الفرصة أن تصنع حسنة واحدة لا تستصغرها لا تدري كيف بإمكانها إفادتك في حسابك في الآخرة.
لا وجود للملائكة ولا الشياطين على الأرض.. نحن كائنات رمادية تحمل الجانبين ونتأرجح بينهم حتى نختار إلى أي جانب نريد أن نميل بعيدًا عن الأخر.
.
دون حرق للأحداث انهيت الرواية في خمس ساعات تقريبًا من شدة التشويق والخطوط التي تترابط بإحترافية لتنتج نسيج قوي ومتكامل وممتع جدًا.
ونهاية واقعية بجدارة.
.

[Hana Abdelmonem · Rating 2 out of 5]

‏‎308 ونشستر

محمود وهبة: صدر له: سفر القتل، ‎308 ونشستر ، خروج آمن.

دار النشر : ن للنشر والتوزيع.
عدد الصفحات:260.
اللغة: السرد بالعربية الفصحى والحوار بالعامية المصرية.

تقييمي للغلاف:3/5 by:Ahmed Wahba.
تقييمي للرواية :2,5/5

القصة نفسها حلوة وحبكتها مقبولة نوعا ما لكن فيها أخطاء لغوية كتير جدا +ألفاظ ومشاهد ملهاش أي تلاتين لازمة ودع في رأيي عيب الكاتب في كل أعماله.

[نورهان عصام · Rating 3 out of 5]

لذيذة و شيقة بس بالنسبالي كنت حاساها محروقة اوي يعني كنت بقدر اتوقع احداثها بسهولة وكمان ما حبتش فيها المشاهد الكتير الغير لائقة كانت كتير بزيادة الصراحة وماكانش ليها لازمة يعني لو اتشالت مش هتأثر تماما علي احداث الرواية هحاول اكرر التجربة مع روايات تانية لحضرتك بس اتمني انها تبقي افضل من التجربة دي

[Arwa Fathi · Rating 1 out of 5]

فيلم هندي رخيص اوي