الضريبة

by أحمد الطحان

للناس والحكاوي المِتْكرّرة
للّي جَرّبُوني
وجَرّبتُهم
ل فران التجارب بشكل عام
لأيّ فِرقة فيها حَرّيفة ومفيهاش انسجام
للنشيد
وللطابور
وللعَلَم
ولأيّ واحد اتخَبَط على ضهره فـ لَفّ.. اتضَرَب بالقَلَم
للشِعر.. وطاووسُه
للناس اللي بيجلدها.. مع إنها بتبوسُه
للّي عَلّمونا الشِحاتة.. وسَبَقونا بالغياب
للّيالي الرخيصة
والتَعَب
والعتاب
للّاوعي الحقيقي
والوعي الكدّاب

Genres: Poetry

160 pages, Paperback

First published December 1, 2018

Reviews

[Sara · Rating 2 out of 5]

فيديو المراجعة:
https://www.youtube.com/embed/jXOF7Xc...

ممم
مش عارفة!
من الصعب تقييم كتاب لشاعر بتحبه وكنت مستني أي ديوان منه بعد غياب سنوات!
الديوان في أوله حلو أوي وماشي كويس وبعدين جه انتكس كدا من تلته الأخير!
آخر قصيدة ظبطت موودي شوية بعد ما كنت فقدت الأمل بس كتجربة أولى مجهود حلو.

[Ahmad Hussien · Rating 2 out of 5]

ماقدرش أقول إن شعر الطحّان هو المفضّل بالنسبة لي، التجربة نفسها ككل لا بأس بها، لكنها ماعجبتنيش أوي. الجزء الأخير في الديوان بالنسبة لي كان أفضل من أوله والجزء اللي في النص، وحسيت إن عدد القصائد في الديوان كبير ودي حاجة خلّتني أتوه شوية مافتكرش حاجة من أغلب القصائد اللي قريتها. اتمنى له اللي جاي يبقى أفضل.

[Manar · Rating 5 out of 5]

مينفعش تكتب ريفيو عن حاجة حافظها من أول فؤاد حداد اللي احنا ولاده بالفطرة و ل عمرو ابو اليزيد الجميل اللي لسه هيعاني بكرا لروح يوسف و هو قلب حنين للسما مندوه و للحق من حقي مرة أخيرة اني أحضنك لكن من امتى باخد حقي بدراعي !
لعلي علي الجميل ! و انتصارات ملهاش معنى و ليكِ انتِ و للمحبة من ورا ستارة
للأمل ! في رجوعي و انا الهارب لما اتلم زينة الخلق ع اللي مالهش عزيز ! تجارة؟ كسبانة بشكل يغيظ !
مين يجرؤ يوجع عفريت !
هو إحنا سوا ؟يا جنين و جنان و حنين و حنان و حبيب و امان و طبيب و دوا؟ هو إحنا سوا !
و يا ريت متجيليش شارب متجيليش غير لو تكون تايب !
لو تعصري اكتافي تتبلي من الاحضان ! بس انت بتخافي ..
و لما دخلنا المصحة و الزعل كان الحق الوحيد المُكتسب
كنت بحلم بالرفاهية لحد الهروب إنكاري مش هيفيد ..
..
أحمد كتب كلماته بدم قلبه فشكرًا له بجد .
تحزن لأنك خسرت الجميع ،
تفرح لأن الديوان اكتمل ..

[Samar Heshim · Rating 5 out of 5]

بعتذر يا احمد عن تأخير قراية الديوان لبعد خبر موتك ❞ عادة بنقول

‫ البقاء لله

‫ ولا للأقوى

‫ ولا للي معاه

‫ ولا اللي لسه باله طويل

‫ الوداع يا أحمد

‫ الوداع يا جميل ❝

‏

[Nour Elhoda · Rating 3 out of 5]

كنت مستنيه جدا.. وحبيته اعتقد بس ان الحاجات اللي موصلتنيش اوي هي كانت حاجات بتمس الشاعر بشكل شخصي اوي بس ف المجمل حبيته جدا 💜

[ghada MarȜe · Rating 3 out of 5]

‫ بكيت بحُرْقَة كأني مشيت كل الطريق..
‫ وحد غيري وَصَل

‏

[Ayman Badr · Rating 2 out of 5]

زي ما الطحان نفسه بيقول عن نفسه
"وإني بقول الكلام أحسن ما بكتبه"

الديوان بشكل عام جميل ومؤثر، بيبدأ بشكل جيد وبعدين في خلل في النص وبعدين بينهي بشكل جيد وحتى ايقاع الكلام بيتحسن.
الديوان بيكي رحلة شخصية من الادمان الى التعافي، وبيتعرض لأحداث شخصية جداً واماكن وأشخاص محددين بيحكي نصايحهم او مأساتهم او بيهدي كلام ليهم.

[فرح الملاح · Rating 4 out of 5]

فرحتي بصدور ديوان للطحان أخيرًا أكبر من إنها تسمحلي بتقييمه بموضوعية. هو كشاعر بالنسبالي تجربة مهمة باحاول اشوف صورتها الكاملة اللي بتعميني عن كسور الوزن وغموض بعض المعاني، ببساطة هو بيكتب لنفسه وعن نفسه، مش لينا، مش للشهرة والمعجبين ومش عن تجربة الجيل والأحداث المعاصرة، وده أميز ما فيه.

[Abeer Alshabrawy · Rating 3 out of 5]

أحمد الطحان بالنسبالي من الأسماء اللي مينفعش تبقى على كتاب ومقراهوش يمكن على قد الحماس جه الإحباط لما محسيتوش زي ماكنت متخيلة مع ذلك حبيت التجربة ولسه اي حاجة يكتبها هبقى متحمسة اقراها

[Safa Dalal · Rating 4 out of 5]

❞ مين اللي ساب روحك تهون؟
‫ مين اللي يعمل فيك كدا؟ ❝

أحمد الطحان شاعر جميل، صوته يشبه الاستراحة من التعب بالصمت الحزين، ذلك الوقت الذي يلجم الحزن فيه قلبك وتنحل أوصالك، فتصمت.
قصائده ونس.
أذكر مرة كنت وصديقتي في نهاية يوم متعب، ذوت الكلمات وضاعت، حاولنا اعادة رتق الحروف فاختفت، فانصتنا سويا واستمعنا للطحان يتلو قصيدة زينب، تلك القصيدة التي لم تفشل يوما أن تعيد صياغة الأحزان بأبلغ ما يكون، وكانت ذكرى من الأغلى على قلبي.

❞ اتورطت في حزني عليكي
‫ حزن زيادة عن الموجود
‫ حزن زيادة عن المفروض
‫ اتعلمت ب حزني عليكي
‫ واتعلمت في حزني عليكي
‫ إن الحزن نهايته برود ❝
محزن جدا أن الخسارة بهذه القسوة، وأن العالم مظلم وحزين على هذا النحو، الخسارات تكاد لا تنتهي وكل يوم يسابق أخاه في جمال المفقودين وصعوبة تعويضهم، ليصبح عالمنا قاحلا فارغا ليس فيه سوى الحزن.
ربما ما يهون علينا أن "هذا الجسد قربان" وأن القلب مهما ظننا أنه وصل لأقصى طاقة احتماله سيتسع للمزيد، وأننا جميعا "نعرف إزاي الأحزان بتدوم".

"الوداع يا أحمد
الوداع يا جميل"

[Mariam Hamdy · Rating 5 out of 5]

مش لاقية جملة مناسبة أكتر من "هذا الرجل لن يعيش طويلًا، لأنه ينحت من قلبه"

الوداع يا أحمد
الوداع يا جميل
عادة بنقول
البقاء لله
ولا للأقوى؟
ولا للي معاه!
ولا اللي لسه باله طويل
الوداع يا أحمد
‫الوداع يا جميل

[رضوى منصور · Rating 2 out of 5]

متضايقة إنه ما عجبنيش زي ما كنت عايزة، خاصة إني بحب أحمد الطحان ولكن كان واضح جدًا إن الديوان جه في الوقت الغلط.

[Fady Hana · Rating 3 out of 5]

كعادة الطحان ، أفكاره تتغلب على ملكة الشعر عنده ، وده ما يميزه وما يقربه خطوة إلى قلبي

[Mohamed Karem · Rating 2 out of 5]

••• تفصيلات بتبان قصاد عينك
زرعوا تاج من شوك على جبينك

••• أزمتك إنك تكون عارف
وكل ما تعرف تتضايق

••• بكيت بحرقة كأي مشيت كل الطريق .. وحد غيري وصل

[Youssef El-Fendi · Rating 3 out of 5]

ديوان فيه من اربع ل خمس قصائد حلوين والباقي متوسط أو أقل.

[عبدالرحمن · Rating 3 out of 5]

”بكيت بحُرقة كأني مشيت كل الطريق
وحد غيري وصل!“

[محمد الحويف · Rating 3 out of 5]

كديوانٍ أول جيد، ولكن كديوان أول لموهبة أحمد الطحان ولأنه كُتب في سنين فليس جيدًا بالدرجة التي كان يتوجب أن يكون عليها.

[Mohamed Amr · Rating 5 out of 5]

قصائد كتبها شاعر محترف ، كل الشكر و التقدير لك. ليس ديوان و كل قصيدة بموضوع مختلف و لكنها قصائد متصلة يظهر ارتباطها ببعضها في النهاية.

[Mohamed Shorepagy · Rating 5 out of 5]

رحمة الله عليك يا أحمد

[Randa · Rating 3 out of 5]

الوداع يا أحمد
الوداع يا جميل ،،

[Habiba Mustafa · Rating 5 out of 5]

متجليش هارب💙

[Eman Shaltoot · Rating 5 out of 5]

للناس والحكاوي المِتْكرّرة
للّي جَرّبُوني
وجَرّبتُهم
ل فران التجارب بشكل عام
لأيّ فِرقة فيها حَرّيفة ومفيهاش انسجام
للنشيد
وللطابور
وللعَلَم
ولأيّ واحد اتخَبَط على ضهره فـ لَفّ.. اتضَرَب بالقَلَم
للشِعر.. وطاووسُه
للناس اللي بيجلدها.. مع إنها بتبوسُه
للّي عَلّمونا الشِحاتة.. وسَبَقونا بالغياب
للّيالي الرخيصة
والتَعَب
والعتاب
للّاوعي الحقيقي
والوعي الكدّاب

[Moaaz Mousa · Rating 4 out of 5]

وأنا بقرأ الديوان مجاش في بالي غير جمله واحده
"هذا الرجل لن يعيش طويلًا إنه ينحت من قلبه"
وبالفعل مات أحمد
ربنا يرحمك يا أحمد
ربنا يرحمك يا جميل