كتاب التعافي

by حسام مصطفى إبراهيم

كتاب التعافي التعافي من العلاقات المؤذية مش معناه إنك هتطلّع نار من بُقك وتعرف سر الثقوب السوداء وتوقّع شاكيرا في غرامك وتاخد نوبل في الكيمياء، لكن إنك تقدر تدير وجعك وتفهمه صح، وتتعامل معاه بلا مبالغة أو صعبانيات ومظلومية، إنك تحدّد أخطاءك وتتحمّل مسؤوليتها، لأننا دايمًا بنبقى مساهمين في وجعنا، سواء بتطنيشنا العلامات، أو الانبطاح تمامًا أمام الطرف التاني، أو سوء اختيارنا من الأوّل خالص! التعافي رحلة.. أوّلها أصعب من آخرها، ملهاش كتالوج ولا وصفة سحرية، بنكتشف فيها نفسنا كأنّما لأول مرة، وبنعيد ترتيب الأهل والصحاب والعلاقات على مقياس جديد من واحد لعشرة، لكن الأكيد إن سعينا خلالها أرحم ألف مرَّة من وقوفنا مكتوفي الأيدي بنتفرج على حياتنا وهي بتتسرسب منّنا بلا حو&

Genres: Self Help

203 pages, Paperback

First published December 1, 2018

About the author

كاتب وصحفي مصري
تخرج في كلية التربية، جامعة المنصورة، قسم اللغة العربية، عام2001.
- عضو اتحاد الكتاب.
- مشرف صفحتي "السلم" بجريدة التحرير.
أشرف على تحرير صفحة "في الغميق،" المتخصصة في التنمية البشرية بجريدة الدستور.
يعمل Team leader بموقع جود نيوز فور مي، بالإضافة لعمله محرر ديسك ومراجعًا لغويًا بالعديد من المواقع الإلكترونية، والمجلات المطبوعة.
صدر له:
1.اللحاق بآخر عربة في القطار، قصص قصيرة، دار اكتب 2010
2,نعيق الغراب، مختارات لشباب القصاصين المصريين،ودراسة نقدية لكل قصة.
2.جر شكل، أدب ساخر، الطبعة الثانية، دار المصري 2012
3.قراءة في كف الحب، دار أجيال، 2010.
4.من غلبي، أدب ساخر، دار كيان، 2009.
5.لولا وجود الحب، دار أجيال، الطبعة الأولى 2009، الطبعة الثانية 2010.
6.يوميات مدرس في الأرياف، الطبعة الأولى دار ليلى 2008، الطبعة الثالثة دار اكتب 2009.

Reviews

[Nourane Khaled · Rating 3 out of 5]

قريته بعين تجاربي جالي في وقت ممكن أكون كنت محتاجة اقراه ... كانت رحلة جميلة لكن البعد النفسي والعلمي إللي فيها مش قوي بصراحة.
هى كانت أشبه بكتابات فضفضة من حد عنده وعي نفسي واجتماعي عميق وتجربة تحترم جدا في الحياة والعلاقات.

المواضيع بعضها كان صير ومش متسلسل ويمكن دي اكتر حاجة كانت مضايقاني في الكتاب ... بس في المجمل كان حلو

[الزهراء الصلاحي · Rating 2 out of 5]

الفكرة كويسة لكن أسلوب عرض الفكرة "التلقائي البعيد عن المنهجية والأسس العلمية" ولغة العرض "العامية" مش كويسين خالص.

[Islam Ahmed · Rating 5 out of 5]

الحقيقة ده من الكتب اللي قرأتها على مدة طويلة نسبيا
لأن كل ما كنت أحتاج دفعة وشحنة نفسية كنت بلجأ لعدد لا بأس به من الصفحات
تقييمي للكتاب هو بمقدار المشاعر التي تمت ملامستها في حياتي الشخصية

الكاتب امتلك خبرات حياتية شخصية وتلقى أنباء عن حياة الآخرين وقد أحسن التوظيف والتعبير في هذا الكتيب الذي سأطلق عليه اسم "دستور التعافي
بالتأكيد هرشح الكتاب ده لكل واحد مر بتجربة خذلته
تجربة دخلها ومش عارف يخرج منها رغم انتهائها

[Mrwa Kabeel · Rating 3 out of 5]

تشعر وكأن أخ كبير يدردش معك عن رؤيته للحياة بعد أن شمر عن ساعديه وألقى نفسه بين غمارها.

ممتنة لأنه ساعدني في قرار مهم في حياتي، ودائمًا ما كانت الكتب كذلك بالنسبة لي، الحمد لله على نعمة الكتب.

[Rana Abd Elaziz · Rating 5 out of 5]

كتاب التعافي...
كتاب بيوصف كل حاجه عيشناها وحسينا بيها
باب الحب مليان حب وواقعيه ومشاعر كلنا حسينا بيها وحتى لو محسناش اكيد شوفنا صحابنا وقرايبنا حسوا بيها واحنا عيشناها معاهم
باب الخذلان..ده احسن باب قريته في حياتي
بيوصف حاجات عشاناها ومواقف اتحطينا فيها ومكناش عارفين نعديها ازاي ...حسام اتكلم في الباب ده عن حاجات كانت جوايا ومعرفتهاش غير لما قريت كلامه
عن مشاعر وجع مكنتش عارفه مسمى ليها وعرفته من كتاب التعافي
باب التعافي وده اخر باب في العبقريه اللي كتبها حسام
الصراحه خلاني اشوف الحياه بطريقه الطف واحسن
عرفت هكمل ازاي في شغلي وحياتي عرفت ازاي هقدر اقرر امتى ادخل علاقه وامتي اخرج منها
شكرا جدا جدا جدا علي الكتاب ده بجد
من احلى واوقع واجمل الكتب اللي قريتها في حياتي
كتاب يستحق اكتر من ٥نجوم
شكرا ياحسام جدا♥️♥️

[Candleflame23 · Rating 2 out of 5]

.
.

"كتاب التعافي من الحب " العنوان أكبر بكثير من محتوى الكتاب الفعلي الذي جاء كما وصفه أحد الزملاء في القود ريد بالـ " الطبطبة" ، الكتاب معروض بلهجة عامية بسيطة يكتب بها المؤلف ما يمكن وصفه بالسرد العاطفي / الدرامي / الساخر في بعض الأحيان.
وخلال القراءة وردتني معلومة مصحوبة بسؤال من أحد الزملاء قال فيها " الكاتب معلم لغة عربية، كتب الكتاب ده بالعامية ليه؟! " .


ماذا بعد القراءة ؟
في الحب لا يوجد قالب واحد أو نمط محدد مسبق تسير عليه القصص كلها، لا.
الحب حالة عاطفية وتجربة وجدانية تخضع رغماً عنها لكل الصفات المصاحبة لشخصيات الطرفين، لذلك قد لا تجد ما كان نافعًا مع صديقك في تجربته العاطفية نافعاً معك، والعكس حتمًا صحيح.

#أبجدية_فرح 2/5🌷📚
‏#candleflame23bookreviews
#كتاب_التعافي #حسام_مصطفى_إبراهيم
#عادل_أحمد_الماجد
#غرد_بإقتباس
#مراجعة_كتاب

[مـيّ رفعت · Rating 2 out of 5]

الكتاب لطيف ومش لطيف
لطيف إنه بيوصفنا بشكل بسيط وممكن يكون تهدئة وطبطبة لنفوسنا.
مش لطيف لكونه جامع بين العامية والفصحى، وغير مبني ع أسس علمية ومنهجية، وأشبه ببوستات الفيس بوك.

[Mahmoud KHoolef · Rating 3 out of 5]

جميل وسلس ومريح واقعي لكن ليس علمي
اول قراءة للكاتب انقصت نجمة بسبب اللغه وهذا غريب من متخصص في اللغه
والنجمه الأخرى بسبب عدم المنهجيه والعلميه
فالعفويه والسلاسه في الكتاب كانت سلاح ذو حدين

[Marwa Fathy · Rating 3 out of 5]

لا تباه بقوة لم تختبرها، ولا ابتلاء لم تجتزه، ولا شرف لم يوضع علي المحك، ولا صبر لم تبلغ منتهاه، ولا عصمة لم تحرق في أتون الشهوة.
كل أولئك الذين سقطوا.. كانوا يرددون نفس كلماتك، قبل أن تقودهم يد الله إلى التجربة، فيظهر لهم كيف ضل سعيهم في الحياة وهم يحسبون أنهم يحسنون صنعا!

[ريم · Rating 4 out of 5]

الكتاب عبارة عن نصوص بين العامية والفصحى ..وأجمل ما فيه إنه مافيهوش افتعال ..النبذة عن الكتاب لا تعدك بأكثر مما يقدمه الكتاب فعليًا ..والدعاية له في محلها تمامًا وده شيء مريح لأقصى درجة .
ليه حبيت الكتاب ده ..لأنه ببساطة شبه قعدتي مع صحابي بعد كل مطب في حياتنا ..الدروس بعد كل مقلب بناخده في الناس أو في نفسنا ومحاولة التخطي .
الكتاب ونسني قوي وحسسني إن القريبين الغايبين مش غايبين قوي كده ..وده كان شيء مريح ومطمئن بالنسبة لي .

الكتاب بأرشح له لأي شخص حاسس بالوحدة ..بس يقرأه على فترات لأنه مينفعش يتقرأ كله ورا بعض كرواية أو قصة مثلًا .

[Esraa Fahmy · Rating 1 out of 5]

...

[Dina mohamed ahmed · Rating 3 out of 5]

الكتاب دا زي طبطبة كدا عالقلب
فصلة كدا بين كتب كتيرة
ممكن بداية في القراءة أصلًا
بس هو لطيف بشكل عام وممكن تهديه لصديق متعب أو تقراه لو أنت تعبان من الحياة

[Raghda Adel · Rating 2 out of 5]

الكتاب بيحكي تجارب وفضفضة
محستش اني داخلة اوى مع الكاتب مش عارفة لية مقدرتش اكملة
لون الطباعة مع طريقة تنظيم الصفحة مش احسن حاجه للعين

[Marwa Abou Seeda · Rating 2 out of 5]

خواطر و فضفضة ليس لها عمق كافي بالنسبة لي

أول تجربة قراءة للكاتب حسام و أعتقد آخر تجربة

ربنا يوفقه

[Marwa Qassem · Rating 3 out of 5]

"مرايا"
شئ لطيف إنك من وقت للتاني تبص في المرايا دي، مرايا تسمحلك إنك تشيل الغمامة من على عينيك و ترى الأشياء كما هي دون تجميل القلب الأعمى، قلم يفوقك و يسمح لعقلك إنه ينزل ساحة المعركة و يوقف قلبك الأعمى عند حده و بعد ما تخلص معركتك مع نفسك..
تطبطب عليها و تقف على رجلك و قلبك يقوى و تقف قدام الناس و كأن شئ لم يكن بنسخة جديدة لا يوجد لقلبها مفتاح مع أحد سواك

[Yasmin · Rating 5 out of 5]

٤ نجوم للكتاب
والنجمة ال٥ للكاتب

الكتاب عبارة عن حد زى الدكت��ر النفسى بيكشف دواخلك ويطبطب عليك
حد فاهم وحاسس انت مريت بإيه
بيواجهك بالحاجات الى بتهرب منها بس بحب
بيفهمك انك دائما الٱهم والأهم رحلة التخلى والتجلى
حسام فى الكتاب ذكر خطوات تعملها عشان تبقى احسن
وبرضو ساب لك أبواب مفتوحة أنت اكتر واحد تقدر تقرر تعدى من خلالها ولا لأ
الكتاب جميل ومعايا بقاله فترة ..ميتقراش مرة واحدة
هو عامل روشتة كدة تتجدد وقت ما تحس انك متعور أو مش فاهم ايه اللى بيحصلك
الخذلان كان أهم حاجة كنت محتاجة اسمع منه والحقيقة هو مقصرش أنه يتكلم فى كل حاجة ممكن تأثر على إنتاجنا أو إننا نبقى لينا لازمة ..عايشين ولينا قيمة
مش مجرد ناس بتصحى وتاكل وتنام وهكذا دواليك
كانت تجربة لطيفة جدا انى اكون بين صفحات كتاب التعافى بكل الطبطبة اللى كانت فيه

[Hind Gomaa · Rating 5 out of 5]

كالعادة حسام مصطفى إبراهيم أما بيقرر يكتب كتاب بيبقى عارف إزاي يعبر عن اللي جوانا ويصيغه في جمل وكلمات عمرها ماجت في بالك وانت بتحاول تعبر عن نفسك.⁦❤️⁩

[Nihal Sharaf El-Din · Rating 3 out of 5]

جه في وقت أنا كنت محتاجاه فيه الحقيقة

[ضحى طارق · Rating 1 out of 5]

باسم الله..
بداية أنا اشتريت الكتاب ده السنة اللي فاتت من معرض الكتاب، مش فاكرة السبب تحديدًا، لكن اللي كنت فاكراه إني كنت بمر بأزمة نفسية شديدة وشفت إعلان عن الكتاب وكانت بتشجع على شراؤه الحقيقة، وبما إني بحب دايمًا أجرب في الجديد فقررت أجيبه، وربنا قدَّر إني أقرأه بعد سنة من شراؤه.
أول صدمة كانت لما لقيت الكتاب بالعامية، وأنا ما بصتش فيه وأنا بشتريه للأسف، ودي كانت غلطة مني.
الصدمة الثانية لما لقيته مجرد فضفضة وشوية كلام يطلعوا من شخص مرهق نفسيًا، لا أكثر ولا أقل، كل اللي موجود في الكتاب شوية كلام، كأنه بيوصفك وبيوصف وجعك يعني وكده، بس هو في الحقيقة عمال يكرر نفسه وخلاص، ده بالإضافة للألفاظ المستخدمة زي بعض الشتائم، واللي مش معنى إنك استخدمت العامية يبقى ينفع تستخدمها.
كنت فاكرة إني هطلع من الكتاب بخطة تساعدني على التعافي وكده، أو حتى مشاعر إيجابية تجاه مأساتي، لكن وللعكس طلعت بمشاعر سلبية جدًا نتيجة استيائي من الكتاب.
ف صـ١٠٣ــ مكتوب "ولما حد يخذلك ويستغلك.. عادي، إحنا نزلنا الأرض عشان تفاحة أصلا!"، هو للأسف حضرتك محتاج تراجع معلوماتك العقائدية لأننا ما نزلناش الأرض علشان تفاحة ولا حاجة.
فيه ملحوظة بقى خاصة بالطباعة، وهي إنه الطباعة سيئة جدًا، والكتاب شبه اتفتت في إيدي مجرد ما اتفتح، رغم إني كنت حافظاه في مكان آمن جدًا.
نجمة للغلاف الممتاز جدًا ولبعض العبارات الفصيحة الجميلة اللي كانت ف وسط الكتاب. على فكرة حضرتك بتكتب فصيح أحسن من العامي بكتير.
وبس كده.

[Esraa L deeb · Rating 1 out of 5]

نجمة واحدة..
الكتاب ممكن يكون لطيف لحد مش بيحب القراءة لانه شبه Facebook posts..
الأفكار مش متحددة. اوى ومهلهلة واحيانا فيها تناقضات اللى هو اعمل ايه يا استاذ غسان .. اعمل الصح!! واحيانا تانية الألفاظ والتشبيهات كان مبالغ فيها واستخدام المعطوفات كان مرهق وبيشوش عليك فى فهم الفكرة
اللغة العامية اللى مكتوب بيها متعبة جدا و في تعريب لكلمات أجنبية خلتنى احس انى بقرا خواطر بخط حد مش كتاب
الكتاب لم يساعدنى على التعافى إطلاقا ولم اجد فيه ولم اشعر باى منطق أو أسلوب علمى
نعتبره رأى شخصى للكاتب لتعامله مع العلاقات لكن مش بالضرورة تصلح للقارئ
أخيراً لون الكتابة مزعج جداً وممل ولكن دار النشر مشكورة وعدت بأخذ الموضوع فى الحسبان فى الطبعات الجديدة ..

[Yusra Salama · Rating 5 out of 5]

ده خامس كتاب اقرأه احسام مصطفى إبراهيم.
اعتقد إن حسام هنا وصل لقمة النضج. النضج بتاع سن الوحي. شاف الدنيا على حقيقتها. اختبر ناس. ولاد ناس وولاد كلب. اختبر الألم والحب.
الكتاب يصلح إنه يكون كتاب الحياة وليس التعافي فقط. لأنه ببساطة يصلح للجميع. للمرتبكين وللخارجين من علاقات فاسدة سواء حب أو صداقة. لليأسين. للمشككين في جدوى الحب. الكتاب ببساطة بيضع النقاط فوق الحروف زي ما بوسي سمير ما بتقول. بيعمل ده بلغة عامية تدخل القلب وبلغة فصحى بتقولنا إن الكاتب شخص مطلع وعنده قاموس ثري بكلمات مترابطة ومناسبة.
اعتقد إني هرجع اقرأه مرات ومرات. ولو لا قدر الله قابلت أي شخص مر بتجربة سيئة هجبله نسخة من كتاب التعافي.
شكرا يا حسام على وجودك معانا.

[Aya Khaled · Rating 1 out of 5]

الكتاب ده لا يصنف على انه كتاب ، يصنف على انه دردشة ، بوستات مجمعه ، مقالات ممكن لكن وضعه فى اطار الكتاب يقلل منه قيمته ومحتواه جدا لئنى معتبرتوش كتاب اصلا
هو شويه رغى وكلام بوستات متنقى بشكل كويس من الفيس بوك ومجمع فى كتاب وبس
اسم الكتاب لا يدل على محتواه اطلاقا هو يدوبك جر رجلك عشان تفتح الكتاب وتقراه لكن الكتاب مبيقدمش بأى شكل من الاشكال اى موضوع يناقش من خلاله كيفيه التعافى زى ما بيقول العنوان ! او اى شىء يدل على المساعده او الدعم النفسى
فى مجموعه عبارات كويسه وحلوة منكرش ده ولكن كإنك بتقلب على الفيس بوك واستوقفك مقال او بوست يلمسك بشكل م الاشكال فبتكمل قراءته
والمفروض ان التعامل مع الكتاب يكون أكثر قيمه واثراء فى المحتوى أكتر من كده

[Nora · Rating 1 out of 5]

بالرغم من الاسم والغلاف الجذابين، فالحقيقة المحتوى مفيهوش حاجة على نفس مستوى الجاذبية، فمن ناحية الأفكار فهي أقرب لمجموعة بوستات عالفيسبوك مبيربطهاش حتى تسلسل معين يخليها تسيب أثر أو تساعد فعلا شخص يبحث عن خطة للتعافي، لدرجة إن في مقاطع متكررة في أكتر من مكان في الكتاب. وعلى مستوى اللغة فهي مرهقة للغاية للأسف ومش بس لاستخدام العامية، يمكن من أكثر الحاجات اللي مش مفهومة هو استخدام متعاطفات كتير للتعبير عن نفس المعنى، في جمل كاملة كان ممكن الاستغناء عنها من غير ما تأثر عالمعنى. أنا كملته على أمل ألاقي حاجة تنور بس في الحقيقة كتاب للنسيان.

[heba rezk · Rating 3 out of 5]

هو مش كتاب ، ولا خواطر ، هو فضفضة وبوستات مجمعة كدة ،
ف العادى مبحبش النوع دة من الكتابة
وبحسه بيقدم بديهيات فى ورق مطبوع بفلوس كتير.
بس يمكن أنا محتاجة فى الوقت دة بالذات إن حد بدينى قلم على وشى وفكرنى ببديهيات كنت نسياها وناسية نفسى معاها.
هصدق فى القدر إلى وقعه فى طريق وأنا ماشية فى الشارع معيطة.
وهسيب هنا كام حاجة بديهية عشان لو نسيت
غالبا لو رجعت قريته تانى مش هيعجبنى.
وهعتبره عآدى وساذج ، بس يمكن أنا محتاجة العادى دلوقت

[Heba Ajamieh · Rating 1 out of 5]

هو ينفع اكتب الرفيو دا بالعامية ؟
الكتاب بالعامية المصرية للاسف صاحب مبادرة اكتب صح يعلمنا نكتب صح ويكتب هو غلط.
يعني مثلا في سطر في الكتاب متبقاش ولا مؤاخذة فانيلا !
كل الي كتبوا رفيوز قبلي يعني هم صغار كتير سنة أولى جامعة مثلا ؟ مش معقول..
الكتاب معلوماته وافكاره واسلوبه وكل اشي فيه مستهلك تقريبا..زكرني بكتاب كمشة حكي..يمكن عشان هيك صار طبعة 6

نجمة للغلاف الي أعجبني ولفقرات معدودة جدا ممكن تفيد شباب صغار كتير بعانوا من قصص الحب الفاشلة.

[رضوى · Rating 2 out of 5]

مش بطال.. يعني نجمتين لشوية الكلام اللي عجبني فيه.. وأنا سمعته ككتاب صوتي فدا ساعدني أكتر أدخل ف المود.. حسيته زي جلسة علاجية فيها فضفضة تجربة ونتائجها..
بس فيه حاجة ضايقتني ع مدار الكتاب وهي المسميات 'الدحلاب.. البسكوتة.. " استفزتني بصراحة 😂

بس طبعًا كتاب كويس إلى حد ما عن علاقات الحب الفاشلة وكمان فيه بعض الأجزاء ممكن نعممها على العلاقات الإنسانية دي مش بالضرورة حب.

[سامح شاهين · Rating 2 out of 5]

كنت انتظر أن يكون الكتاب بلغة عربية سليمة بعيدة عن العامية خاصة أنى كنت متابع للكاتب على فيسبوك ومبادرته اكتب صح لكن الكتاب جاء فى أغلبه بلغة عامية يتخللها بعض الخواطر باللغة العربية
شئ آخر لم يعجبنى ولم يكن مريحا أثناء القراءة ألا وهو لون الخط المستخدم فالمعتاد اللون الأسود سيد الألوان ومريح للعين لكن اللون الأخضر المزرق بخلفية بيضاء لم يكن موفقا

[Eslam Sami · Rating 2 out of 5]

بناتي اكتر.. مش عميق.. مش علمي.. ولا منهجي.. عبارة عن ارشادات عامة.. طبطبة ..

[Ahmed Hamdy · Rating 2 out of 5]

لم ادخل إلى مرحلة الحب او العشم حتى يكون هناك خذلان و تعافي بل انا إلى الان احاول ان اتعافي بنفسي مما فعلته بنفسي و ذلك لنفسي

و عند الدخول في علاقة خاسره يوما ما فمن المؤكد انه سيكون اولى اختياراتي

[Nada mohammed · Rating 3 out of 5]

و الله هو مش وحش بس حسيته مش منظم يعني شوية يكتب بالمصري و شوية بالفصحي فالموضوع كان مزعج
لكن في المجمل الكتاب كان لطيف حسيته دردشة ما بين أتنين صحاب