وهم ووهن

by محمد دراز

أتدرين؟
هناك صوت يصرخ فيَّ:
أيها الأحمق هذه حياتك لقد خلقت وانتهى الأمر.. وأنا لا أقبل بتلك الحياة ولا أرغب في الفرار من واقعي لأنكِ كنتِ أجمل شيء فيه وبات اليوم دونكِ وحل. وأعلم حق العلم أن الحمقى فقط هم من يُعانون لأنهم الصادقون. ولكن يهون على أن أتناساكِ.
حاولت كثيراً أن أمرر تلك الفترة، وأمنح قلبي لغيرك، مجرد محاولة فاشلة رأيت فيها خيانة وشعرت بألم يقتلني، طوقني فلم أقدر على الفرار منه، تلك الراحة وأنا معها شعور بالخيانة تجاهك حتى وإن خسرتك للأبد، أنا أعيش على أمل عودتك كي تجمعي حطامك هذا؛ فتنفخي فيه من روحك فيصير بشراً كاملًا بوجودكِ

280 pages, Paperback

First published January 23, 2019

Reviews

[Shams Hakam · Rating 5 out of 5]

حاسه بحاجات غريبه اول مره احسها و اعيشها و انا بقرأ كتاب فى حاجه مختلفه كده حاجه عجيبه يعنى روايه بتحمل كل معانى الآسى و الوجع بس حلوه جداً مش الروايات اللى تقفل بالعكس كان عندى شغف إنى اخلصها، كتاب مختلف فى كل حاجه و ظهر فيه سواد و ظلمه الدنيا جداً، بيثبت إن الدنيا هى اللى بتغير للأسوأ و إن فى ناس وحشه جداً و ضعيفه جداً قدام الحياه، روايه بتعكس الواقع جداً و دمعت كتير و انا بقرأها يعنى و فضلت طول الكتاب تقريباً مصدومه من اغلب الأحداث و لمستنى صدق المشاعر و الإحساس اللى اتكتب بيه الروايه جداً
الكتاب حلو جداً و عظيم و الكاتب ابدع فيه جداً حقيقى

[Mai · Rating 5 out of 5]

روايه حلوة جدا ومؤثرة اوى ، طريقة اختيار الكلمات والتعبيرات مختلفة اوى،واتعلقت بكل الشخصيات وحسيتهم بيلامسونى وكأنى اعرفهم ، برغم انها خلتنى ادمع كتير اوى بس هتبقى من الروايات اللى اتحفرت ف دماغى وبتأثر فيا ..والنهايه حلوة اوى 💙 وكفايه اسم الروايه فالكتاب بيبان من عنوانه⁦🌺

[Elhassan Adel · Rating 4 out of 5]

فالغربة شعور سئ يملك علي المرء حواسه ويجبره علي البكاء أحيانًا إذ يري في كل ليلة طيف من أهله وأحبائه ويشعر بوخزة ألم تتفاقم مع الوقت فيبحث عمن يُطيبها إليه.
بداية كويسة اللي جاي صعب علشان ده اللي هتتحكم بيه بقية حياتك يا تكمل في الكتابة يا لا هنا هيبان جمهورك الحقيقي من جمهور المجاملات .. ربنا يعينك وبالتوفيق وفي إنتظار العمل القادم إن شاء الله.

[Omar Abd Alrhman]

كتاب اكثر من رائع بجد... الكاتب قدر فعلا يلمس حاجات جوانا كتييير اوووي معظمنا مخبيها جواه او بمعني عاش معانا واقع معظمنا عاشه وحكي تفاصيل واقعيه فعلا بتحصل بجد كتاب تحفه وشاااابوه لاستاذ محمد دراز علي كتابه الاكثر من روعه وانتظار المزيد من كتبه ورواياته ان شاء الله
❤️❤️🌸بالتوفيق دايما

[Shimaa Rezk · Rating 5 out of 5]

"وهم ووهن "كسرت حاجز بُعدى عن القراءه و خلصتها فى اقل من ٢٤ ساعه.
واقعها بنعيشه احاسيسها لمستنى،
عجبنى جدا تفاصيل وصف الشخصيات،
من احلى الروايات اللى قرأتها فعلا،
ومتأكده انها هتسيب أثر فى الناس،
ومستنيه بشغف كتابات محمد دراز اللى جايه

[Gehad Abd Elrao'F · Rating 5 out of 5]

رواية جميلة جداً قدرت انها توصل احساس الصراع بين الماضي والحاضر💔
بين القلب والعقل💔
وللاسف بنكون خسرانين حاجة معينة في النهاية🥀
شكراً ع الرواية وجمال
معانيها ومشاعرها♥
والاسم كان موفق جدا الحقيقة
💙

[Ashraqet Elashry · Rating 5 out of 5]

يمكن مش اول مره أقرأ روايات بس اول مره أحس إني عايشه جوا الروايه بحزنها و فرحها حسيت تقريباً بكل كلمه مكتوبه ولا كأني جوا القصه ..حكيت عن واقع بنلمسه و نعيشه بطريقه سهله و سلِسه كأنك قاعد وسط ناس بتحكي حياتهم و ظروفهم ..كلام كان بيلمس الواحد لانه مش متكلف طالع من القلب و حقيقي ابدعت فيها جداً و ربنا يوفقك في اللي جاي و أكيد مستنيه حاجه جديده 🌸