يوميات كوكب القرود

by دينا أمين

هذا الكتابُ ممنوعٌ لأصحابِ القلوبِ الضعيفةِ... ممنوعٌ للسناجل وأهل الساحل... أو أي شخص مُقبل على الحياة وعنده أمل يخلف أطفال هاديين وكيوت وبيسمعوا الكلام وبيقولوا حاجات من نوعية (حاضر) و(نعم) و(بعد إذن حضرتك) و(آسف يا ماما) و(مش هأعمل كده تاني يا بابا).
فما بداخل الكتاب هو تجسيدٌ للواقع المرير الذي نعيشه كأمهاتٍ لهذا الجيل العجيب، من الآخر كده... الكتاب مسموحٌ فقط لسكان كوكب القرود المساكين واللي تم اختطافهم قسرًا... نوع من المواساة والطبطبة عليهم إنهم مش لوحدهم وإن فيه قرود أصعب من ولادهم، وإن موضوع (البنات ألطف الكائنات) ده عبارة عن أسطورة خيالية إوعوا تصدقوها أبدًا.
إحدى ساكنات كوكب القرودِ..
دينا أمين

Genres: Audiobook

197 pages, Paperback

First published December 31, 2018

Reviews

[Aya Ibrahim · Rating 4 out of 5]

مضحك كتير 😂

[Candleflame23 · Rating 4 out of 5]

وفي الأدب الساخر لا يُعلى على القلم المصري أبداً..
في الكتاب هتسمع صرخات استغاثة🌝من الأمهات! لأن القردة هنا وصف يُطلق شعبياً في مصر بين النساء ومن باب الفكاهة على الأطفال، الكاتبة تتحدث هنا عن تجربتها في الإنجاب والتربية بطريقة كوميدية ساخرة.
اذا كنتِ على وش جواز "أوعي تقربي على الكتاب" نصيحة🌝؛ لأنك مش هتكلمي المشوار لآخره بعد القراءة.

ماذا بعد القراءة ؟
ابتسم :).

#أبجدية_فرح 4/5 🌸📚
#candleflame23bookreviews
#يوميات_كوكب_القرود #دينا_أمين
#كتاب_صوتي


#غرد_بإقتباس
#حي_على_القراءة
#ماذا_تقرأ #ماذا_تقتبس #القراءة_حياة
#القراءة #القراءة_حياة_أخرى_نعيشها

[Maria Sherine · Rating 4 out of 5]

الكتاب بيكلم عن أم وبناتها الثلاثة بتحكي الأم منذ ولادة الطفلة الأولى حتى الثالثة وما تمر خلاله في فترة الحمل وصولا للمدرسة والامتحانات بطريقة كوميدية وساخرة
وبجد الكتاب مضحك جدا
دار تويا للنشر والتوزيع ♥️
كتاب لذيذ قوي خلصته في يومين ♥️💙

[Hakeem Tarabulsi · Rating 5 out of 5]

كتاب رائع جداً جداً؛ قصص ومغامرات شيقة، يُبقي القارئ مشدوداً من أول صفحة لآخر صفحة، وكمية كبيرة من الكوميديا الخفيفة، والمواقف العائلية الطريفة.

وأود هنا أن أُثني على "شيماء الصغير" التي منحت الكتاب روحاً بطريقتها الإحترافية في الإلقاء، حيث أني قد إستمعت للكتاب كنسخة صوتية.

ملاحظة: كان في الكتاب موقعين تمّ فيهما الإشارة إلى الصومال في مَعْرِض الحديث عن المجاعة، وهذا في الواقع مرفوض تماماً، أدبياً وذوقياً وإحترافياً، فقد تغيّرت المعادلة وبدأ الصومال خطواته الحثيثة في تجاوز عددٍ من دول الشرق الأوسط.

[Mohamed Awad · Rating 5 out of 5]

أسلوب الكتابه مشوق وممتع وطريقه السرد مبهجه وسهله

[zahraa esmaile · Rating 4 out of 5]

#مراجعات
عندك اولاد؟؟ولاد اخ او ولاد اخت؟؟
اطفال ف العيلة عموما؟؟؟
يبقى انت شئت أم أبيت من سكان الكوكب
بتاخدنا دينا فى رحلة لطيفة جدا
عبر مغامراتها مع 3 بنات بمراحل عمرية متقاربة
بدات من الاول بمرحلة الحمل والولادة والنكت الى بتحصل فيهم
بعد كدة مراحل نمو وتطور البناويت
دينا اسلوبها سلس
بتعرف توصف الموقف بشكل حلو وبدم خفيف
ف النتيجة انك بتقرا مواقف بتشوفها طول الوقت
ولكن بطريقة مختلفة من دينا
وتفاصيل طبعا مختلفة من بناتها
4 نجوم لكتاب ادى دوره
وكان فاصل خفيف..ورحلة ممتعة على الكوكب
انتهى الريفيو
#الكتاب_رقم_63_لسنة_2019
#كتب_فوق_التحدى
#أدب_ساخر

[Amira Ragap · Rating 3 out of 5]

كتاب خفيف بالعاميه المصريه موجهه بشكل اساسي للامهات الجدد، ممتع ومناسب لأوقات ال Reading block.
انصح بالاستماع للكتاب افضل بكتير من قرأته.

[Rehab Ali · Rating 5 out of 5]

أسلوبه ممتع جدا ويشد ان نكمل قراءته كله علي بعضه غير انه اسلوب كوميدي ومش ممل ويزهق القارئ
أنا خلصته في يومين بالظبط

[Aya Zain · Rating 4 out of 5]

الكتاب حلو جداا و كوميدي و بيحكي مواقف اتكررت مع أغلبنا رغم اختلاف التفاصيل
حبيت شقاوة البنات 😂😂👏

[Shaimaa Zakaria · Rating 4 out of 5]

كتاب يسرد يوميات الام المصريه منذ لحظة الزواج وحتي الانجاب وتربيه الأبناء وما تعانيه الامهات مع أبنائها بصورة فكاهيه ساخره.
كتاب دمه خفيف ولم اشعر فيه بالضجر أو ثقل الدم اعتقد انني ساعيد التجربه للكاتبه مره اخري اذا تصادف ذلك.

[Marwa Tharwat · Rating 5 out of 5]

أنا لسه مش أم بس بنوتة عادية في الجامعة، بس بجد بقالي كتير مضحكتش كدا
الكتاب تحفة لدرجة اني معرفتش امسك نفسي في المواصلات والناس بصتلي باستغراب
شكرا للكاتبة و شكر عزيز للمقدمة الصوتية❤️

[Ręddą Othmąn · Rating 3 out of 5]

كتاب لطيف

[Abeer · Rating 3 out of 5]

ودا بعد ما شوحت كدا وقالت لنفسها الست ملهاش إلا بيتها وجوزها وعيالها😂😂

[Demian Matta · Rating 5 out of 5]

كتاب تحفة فعلا وجميل جدا جدا وفريد من نوعه
الكتاب بيتكلم عن حياة أم من بداية جوازها وحملها لغاية ما ربنا يرزقها بتلات قرود (اقصد تلات بنات) يطلعوا عينها
بتحكي في صفحات الكتاب كم معاناة كل ام حرفيا مع اولادهم ومواقفهم الغريبة والمضحكة في نفس الوقت واسئلتهم الجدلية اللي مبتنتهيش ابدا
وردودهم العفوية التلقائية البريئة اللي ممكن تجيب جلطة لامهم في اي وقت
كتاب واقعي خفيف لطيف في اطار كوميدي جميل
واجمل ما فيه نصيحة الأم " الكاتبة" في اخر الكتاب للوالدين بانهم يدونوا مواقفهم مع اولادهم اليومية لأن في يوم من الأيام هتكون ذكري جميلة تفكرنا بأيام عشناها مع أولادنا