أخبار سارة

by سارة هجرس

يالقول الفصل وأهم العلامات .. لتفرقي سيدتي بين الحزن والهرمونات :
قاعدة : أى حزن بسبب أكل لا يعول عليه : لما تعيطي علشان علبة الحلاوة خلصت ، أو الديليفري اتأخر ، او ابنك الصغير أكل آخر كيس جيلي كولا ، أ, كوك دور مبقاش يحبك زي زمان ونسى إنك مش بتحبي مايونيز على السوبر كرانشي .. تأكدي ان حزنك مزيف واهبل وغير حقيقي

الفراغ العاطفي المفاجئ واحساسك الملح إنك محتاجة "إحتواء" : ولا الهوا بأه. انتي كده زي الفل ، اشتري مني ، انتي اصلا اخترتي كلمة "احتواء" بالتحديد علشان انتي مش محتاجة أى حاجة خالص وبتلوشي ! هو الانسان ممكن يجيله نقص احتواء إزاي لا مؤاخذة ؟ بيحس بإيه ؟ محدش بيحتاج إحتواء ، احتواء مش كلمة أصلاً! ده لفظ فضفاض كده لجر الشكل
- احتويني
- أيوه يا ست الكل أنا عينيا ليكي بس اللي هو ازاي
- معرفش ! احتويني وخلاص ! مش عارف تحتويني ؟ طب طلقني

حزنك على شكلك : اللي أكيد ملحقش يتغير عن الخميس اللي فات لما كنتي نازلة وحاسة إنك برلنتي عبد الحميد! اطمني واهبطي ! انتي لا تخنتي ولا عجزتي ولا فيه فيفتي شيدز أوف هالات سودا ولا حاجة

(يتبع جوا بقى علشان مفيش مكان )

316 pages, Hardcover

Published January 1, 2019

Reviews

[نهى داود · Rating 4 out of 5]

ممتع ومسلي 😂😂

[Hiba Raad · Rating 1 out of 5]

بصراحة الكتاب بدأت بقراءته في بداية هذه السنة وتركته بسبب الملل القوي الذي واجهته عند قراءته وعدت اليه قبل ساعة لكي انهي الكتاب واتخلص منه لكونه ظل مركوناً على مكتبي لفترة طويلة
وبالطبع لم يتغير رأيي فيه ولم اجد محتوى ذو فائدة والاسلوب احسست انه مأخوذ قليلا من اسلوب الكاتبة هبه السواح ولكن بشكل رديء جدا لذلك لم استطع التأقلم مع المحتوى واكمال الكتاب
النجمة فقط لرسومات الغلاف الظريفة

[Mohamed Yehia]

كتاب لطيف يضحكك في بعض المواقف ويجعلك تتامل في بعضها ، هناك مواقف مكثفة يتصاعد فيها الضحك ، واخرى تبدو كقفشة واحدة مطولة ، الأكثر اضحاكا هي مواقف نظرة الطفل للمحرمات لدى الكبار مثل فكرة الموت والبعث ، أو من هي الست المحترمة ومن هي الرقاصة

[Shimaa Allam · Rating 3 out of 5]

حكايات بالعامية المصرية
و مواقف يومية من حياة أم معاصرة مكتوبة بحس فكاهي ساخر استمتعت بمعظمها و إن
استشعرت في القليل منها ببعض
الاستظراف الزايد لكن اجمالا
كتاب مسلي و دمه خفيف

[Hager Moharram · Rating 4 out of 5]

An extremely hilarious book. I sure needed that laugh. The writing style is so cool as it made me visualize the scene with how it is said and it cracked me up

[Salma Saeed · Rating 4 out of 5]

یحیی: خلاص خلاص فهمت.. بتصرخي ليه؟
أنا (صارخة): الصريخ حلو.. أنا بحتاج أصرخ كل شوية كده علشان أقدر أكمل. 😂😂😂
كتاب لذيذ ضحكني كتير..

[Manar Mostafa · Rating 3 out of 5]

الكتاب جميل و ضحكني كتير بصراحة😄😄😄 مواقف كلنا بنمر بيها، سارة عارضاها بس بطريقة ساخرة لطيفة و بتضحك.
.
.
بس ليه في ألفاظ خارجة في النص، انتي شاطرة و بتعرفي تضحكينا، بس الكلمات دي لو اتشالت من النص مش هتضعف من جمال الكتاب.
أرجو مراعاة، ان لسة في ناس ما بتدخلش الألفاظ دي في بيتها ⁦☺️⁩

[Reem Albdeed · Rating 5 out of 5]

التجرد من المثاليه هو ما ميز هذا الكتاب .. قريب من القلب .. تعيش مواقفه بكل سعاده.. من قبلت ان تشاركنا حزنها بفرح ..
لابد لكل ام ان تقرأ هذا الكتاب الدي يعد موسوعه في التعامل مع الابناء بحب بعيدا عن مثاليه
شكرا لك ساره هجرس🤍

[Shaymaa · Rating 5 out of 5]

الكتاب ده ضحك بس. من أول موقف لاخر موقف وانا بضحك متواصل. كتاب خفيف ولطيف كأسلوب الكاتبة اللي اتعودت عليه من حسابها على الفيسبوك وجزء كبير من الضحك نابع من اني كأم بواجه المشاكل دي والمواقف مع أحباب الله بتوعي فقادرة اعيش الموقف واشوف الكوميديا السوداء احيانا اللي فيه

[Ahmed Abdalla · Rating 3 out of 5]

اول قراءاتي ل الكاتبة سارة هجرس
كتاب خفيف الظل اضحكني كثيرا فهو عن يوميات الكاتبة مع اولادها و زوجها وهي ترويها بسخرية و بطريقة فكاهيه
اعجبتني شخصة ابنها يحيي و طريقة نقاشة و تفكيره و افكارة السهله البسيطة
الكتاب فكاهي ساخر سهل القراءة من كل افراد الاسرة
تقييمي للكتاب 5\10

[Ahmed · Rating 4 out of 5]

كتاب خفيف يتناول يوميات أم مع أولادها بأسلوب ساخر وكوميدي

[Dina EL-Nady · Rating 5 out of 5]

انا ضحكت كتير اوي وبصوت عالي، حلو اوي يا سارة ❤️

[Samiha elsawaf]

الكتاب جميل والضحك فيه ذكي وغير مفتعل ، انا كل ما ببقي متضايقه بدخل اقري منه حبه او اعيد قراية مواقف ضحكتني واضحك تاني ❤️🌹 كل التوفيق ليكي يا سارة يا جميلة ❤️

[Reemjouzef · Rating 5 out of 5]

كتاب خفيف و لطيف و ضحكني كثيررر ❤️

[Bookworm · Rating 4 out of 5]

اكثر كتاب ضحكت فيه بحياتي
مواقفها مع اولادها و خاصة يحي خفة ظل غير متناهيه
الكتاب علاج فعال للأكتئاب

[Abir · Rating 5 out of 5]

ينصح به فى حالات الاكتئاب و الزهق العام سينجح الكتاب بأن يضع ابتسامه بلهاء كده على وشك.

[τλιϓλ · Rating 4 out of 5]

ممتع ولطيف، مضحك مبك في آن معاً
أحببته ^_^

[خالد عبد · Rating 4 out of 5]

كتاب جميل و ضحكت فيه كتير و ما شاء الكاتبة من أحسن الكاتبات في مجال الأدب الساخر و السيناريو