قبل الحقيقة بساعة

by Hadeer Ezzat

أنا بين الرّايح والآتي قلبي فلاتي
بيضيَّع أجمل أوقاتي بين حاضر حيّ ومفقود
أنا ثورة ف عود بوتر مَوؤود مالمسش شعور أي آلاتي
مش أيّ عمود ساندَك مسنود
ولا كلّ الخلق بتِوفي وعود
من غير ما تقولّك حساباتي
وإليكم شيء من خَيباتِي
(..........................)

*** قبل الحقيقة بساعة ***

ديوان بالعامية المصرية عبارة عن 4 أجزاء
ال 3 أجزاء الأولى محاولات للوصول لحقيقة مشاعرنا وصراعها الدائم بين الماضي والحاضر
و ده هيكون في إطار درامي بين شخصيتين مفيش حاجة جمعتهم غير الرسايل ورفضهم للواقع
.أما الجزء الرابع هنكون وصلنا فيه للحقيقة أو موصلناش .. ده هيكون على حسب رؤية كل شخص

160 pages, Paperback

First published January 23, 2019

About the author

شاعرة مصرية من مواليد محافظة دمياط

قبل الحقيقة بساعة ..
السبع خطايا ..

Reviews

[Hager Abdelmonem · Rating 4 out of 5]

ديوان شعر بالعامية المصرية
اسم الديوان: قبل الحقيقة بساعة
للشاعرة: هدير عزت
عدد الصفحات: 160 صفحة
دار النشر: الهدف للنشر والتوزيع.
مصمم الغلاف: عبير محمد طوسون

🌸 نبذة عن الديوان:
ديوان رومانسي خام، بتتكلم فيه عن التجارب الـ عاصرتها مع الحب سواءً بشكل شخصي أو شافته فحركها تكتب والـ أدت بالوقت لفقدها هويتها ومشاعرها فيه، فيه إسقاطات كتير وسُخط على العادات والتقاليد الـ بتعيب البنت وبتقيِّدها وبتحكم عليها بالعنوسة وما إلى ذلك.

بتقول:
"جيت بعد إيه..
الوقت متأخر أوي
لا شعوري لسة في مطرحه
ولا عندي قلب يروح عليك فتذِّله قد ما تجرحه"

🌸 الديوان من اسمه متقسم كل ربع ساعة بحدث معين كأساس للقصائد المذكورة في خانته.

🌸 فيه تفاوت زمني في كتابة القصائد ودا هيتلاحظ لما تقرأ الديوان على بعضه، وعليه كان فيه قصائد عظيمة جداً وفيه قصائد حسيتها مفككة حبة "ودي كانت ظاهرة في الربع الأول"

🌸 حبيت فكرة الديوان ورسالته، وحبيت ثقافة الكاتبة فيه، وقدرتها على التنقل بسلاسة بين الأبيات

🌸 من ضمن الأبيات العظيمة هنا بتقول:
"يا تائب مهوِي بالقِشرة
وعابد ربنا على حرف
ياريت وقت امَّا تنوي تتوب
ماتمسكش الإيمان م الطرف"























"مكتوبالي
كل حد حسبته غالي يبقى مصدر خام لحُزني"

تقييمي للديوان: 3.5/5
تقييمي للغلاف: 4.5/5
ودا لإن الطباعة قللت من جودته.

[MahmoudAtyah · Rating 5 out of 5]

إنتي مبدعه
بس مش هقول حاجه تاني