المغضوب عليهم

by Mohammed Zu Al-Faqqar

رواية تشويقية إجتماعية تدور في أرض الأجداد، في محافظة الأقصر بين آثارها الخالدة، حيث تنقلب حياة أسرة كاملة حينما يقع سائحا في غرام إحدي بنات العائلات الكبيرة هناك، وتتوالي الأحداث في إطار من التشويق والإثارة

400 pages, Paperback

Published January 1, 2019

About the author

كاتب مصري شاب، تجربته الأولي كانت سيناريو مسلسل "الوسواس" في2015 وصدر له اولي رواياته "المغضوب عليهم" في يناير 2019 والتي تدور احداثها في إطار اجتماعي معاصر تشويقي حول الآثار المصرية بالاقصر

Reviews

[أيمن طه الشاعر · Rating 5 out of 5]

أول معرفة لى بالكاتب محمد ذو الفقار. وأتمنى الأ تكون الأخيرة. اعتبرها من أفضل الأعمال التى قرأتها. حبكة درامية رائعة وأكثر ما اعجبنى لغة الكاتب وتشبيهاتة التى لم تمر علي من قبل.

[Amera Ibrahem · Rating 5 out of 5]

بمناسبة التطبيع افتكرت الرواية دي اللي قريتها الصيف اللي فات وفعلا من الروايات القليلة المشوقة بجو مصري من اول جزءها المصري القديم للثورة والوقت المعاصر مخلوطة بقصة حب جميلة وعالم المقابر الفرعونية واسرارها وخطط اليهود الخبيثة
ملحمة تستحق القراءة بجد

[Noura Shawki · Rating 5 out of 5]

وقد علمت ما لا يعلمه الجميع عبر السنين، علمت أن كيم الحكيم لم يكن أبدًا تحوتًا ولا ملكًا ولا فرعونًا.. كان رجلًا عاديًا من المصرين، محبًا للجميع ينشر الخير والحب والأمل أينما خطت قدماه، غدر به من ساعدهم، ليس لأنها قاعدة ( اتقي شر من أحسنت إليه)، بل لأن من أحسن إليهم هم قوم غدارون. لم يقتلوه فقط، بل بهتوه بعد موته بأنه فرعون، كما بهتوا مريم العذراء من بعده، وقتلوا أنبياءهم فاستحقول أن يكونوا.. المغضوب عليهم...


" نشكر معرض الكتاب والصدف اللي جمعتنا بكتب وكتّاب رائعين"❤

[Noora · Rating 5 out of 5]

ليش مو مسويها مسلسل؟؟
تجنن تجنن حسيت نفسي اتابع مسلسلة بل ملحمة
العيب الوحيد وجود بعض الأخطاء الاملائية اما كلشي ثاني مثالي من ناحية القصة والحوارات والاقتباسات الرائعة

[Mai · Rating 1 out of 5]

روايه 400 صفحة انهيتها في ليلة واحدة .. الرواية اعطيت لي للقراءة تحت بند انها روايه هتعجبك و الحقيقة انها رواية بحاجة للترميم .. بداية من الإسم "المغضوب عليهم " اقتباس قرآني استفزني منذ البداية في اشارة منه لليهود و كأنه التفسير الوحيد للآية ..
لن اتكلم عن المط و التطويل فى الاحداث بشكل ممل بجد .. لكن هقول ان الروايه كلها اخطاء

اولا : تبدأ فى العصر القديم و يحكي حكاية كأنها
حقيقة يبني عليها كل احداث الرواية.. بيقول ان فرعون خرج متعقبا قوم سيدنا موسي منذ سته ايام و لا يعلم احد مصيرهم .. و الكاهن المصري الطيب كيم اخفي في بيتة عائلتين يهوديتين لم يخرجوا مع موسي و قرروا الهرب الى انجلترا " اة و المصحف انجلترا " 🙈 و كنوع من رد المعروف قتلوا الكاهن المصري قبل هروبهم ليندثر اخر خيط لاختفاءهم و لا يتعقبهم فرعون اللي مايعرفوش اصلا حصلة ايه !! و يدفن الكاهن بمقبرة تليق به بالأقصر و تغلق و يشاع بين اليهود ان مقبرة كيم هي مقبرة فرعون الخروج !!
الكاتب عايز يقول ان دي الحقيقة ؟ يا راجل ؟؟؟؟ اولا فرعون مش ملك مصري و كان فى هواريس يعني الشرقيه .. لما يجي يندفن يودوة الاقصر ليه للمصريين اللى هو محتل شمال بلادهم و يدفنوة لية و يحنطوة يا مؤمن؟ و انت بنفسك قولت علي لسان ميريت "اسخف شخصية اتوجدت في رواية " ان فرعون مصر مش مصري و تاريخ مصر ليس اسمه الفرعوني و شطبت بأديها كلة فرعون و كتبت ملك قبل تحتمس الثالث فى امتحان التاريخ ؟؟ نصدق مين احنا ؟

ثانيا: ميريت الابنه المدلله لعمدة القرنة بالاقصر التى تعشق التاريخ المصري و ناوية تكتب التاريخ الحقيقي لأجدادها بس هى انشغلت شوية بالحب و ما شوفنلهاش اي عبقريات غير غباء و تفاهه و ملل

ثالثا: ايوة بتجيب سيرة الثورة ليه ؟ الافادة ايه؟ ذكرت ان بحر العاشق المتيم بابنه عمه ميريت كان فى التحرير و رجع قبل جمعه الغضب اصلا و صاحبة مات و خلاص
كدة .. استفدنا ايه ؟ حشو و خلاص
اما شخصية بحر نفسة فهو العاشق الغلس .. ما بحبكش .. طيب اتجوزيني .. لاء مش هتجوزك .. تحرمي عليا ليوم الدين .. الموضوع اتكرر مرتين بالنص و كل مرة يحلف و اقول العرق الصعيدي هيبان .. و يرجع تااني يقولها اتجوزك

رابعا : مين الكاهن كيم دة .. و مين ويليام انجلو ؟ الشخص الوحيد اللى لاقتلة وجود على جوجل كان هنري سولت

خامسا: قصة حب مملة اوووي بجد

سادسا : صاحبة البطلة الحاقدة عليها تقتلها بانها تحطلها شريط منع حمل فى الشربات ؟؟ دة كلام يا راجل ؟؟يعني هي بالغل دة كله و لما تفكر تموتها تديها شريط منع حمل ؟؟ انا فطست ضحك بجد

سابعا: اليهود عايزين المقبرة دي ليه ؟ ما بيقولوا رمسيس التاني هو فرعون الخروج و الناس فرحانه .. ليه الحوار دة من الاساس

ثامنا: شوافه ؟ و اتنقلت القدرة السحرية من الجدة للحفيدة و الحمد لله بقت تفتح مقبرة كيم و تقفلها وراها ؟ الكاتب بيهرج بجد

و اخيرا معلش .. داوشني بخلافات عائلية على الورث ليه يا ظالم .. و لا ليها مليون لازمة تفاصيل و قضية و طمع و مدخلنا فى كلام ما افدناش بشىء .. مجرد ملئ لصفحات ..
لا بجد عايزة كتاب حلو يعوضني اللي شوفتة فى الكتاب دة

[Bbc · Rating 5 out of 5]

سحرتني بلاغة الرواية و تسلسلها التشويقي .. واحبب شخصياتها الطيب فيها والشرير .. عشت معهم اجواء من المتعة و القلق والترقب فهي برغم الخيال الجامح الا انها كأنها حياة عشتها بالحقيقة بداخلها .. تعبيرات الكاتب جديدة و مبهرة جدا احببت صياغته لها .. حبكة الرواية جعلتني ادهش لفترة من الوقت بعدما انتهيت تماما من قراءتها .. فكل شخصية مرت بالرواية لها دورها الهام جدا و كل حدث مر لم يكن اعتباط .. حبكة لم اقراء مثلها .. هي رواية عظيمة .. تحية للكاتب الذي سحرني اسلوبه

[Houda · Rating 4 out of 5]

لقد فاق هذا الكتاب توقعاتي. كنت أظنه مجرد عمل سطحي بلا قيمة، لكنني وجدت نفسي مندمجة تمامًا في القصة والدراما العائلية. الحبكة كانت متقنة، لكن لا يمكنني وصفه بأنه مكتوب بأسلوب رائع، إذ بدت اللغة مبتذلة في بعض المواضع. أما النهاية، فكانت مُرضية.

على أي حال، ما زلتُ متفاجئة بأنني منحت هذا الكتاب 3.5 من 5 نجوم.