هي في نظرة عين

by مروة جمال

حين صمتت شهرزاد عن المباح!

2542 pages, Unknown Binding

Published February 2, 2019

Reviews

[Asmâa Silver · Rating 5 out of 5]

هي في نظرة عين 💙
رواية أعتبرها ملحمة إنسانية
رؤية و بحث في عمق النفس البشرية
لن تبحث عن من هو مخطيء أو من هو على حق
ستبحث عن الإنسانية
إختبارات نستطيع كلنا المرور بها
و تبقى ردة الفعل هي التي نجهلها ،، مع هي لن تتوقع ماذا ستفعل لأنه سيكون هناك تناقض في رد الفعل و في المشاعر
وحدها مروة جمال تستطيع ان تشعرك بالتناقض الداخلي
نصيحة إذا رأيت اسم مروة جمال على أي رواية فافتحها بدون أي تردد ،، و لن تندم
و #هي تستحق و بجدارة أن تفتحها و تلتهم صفحاتها و تستمتع من كل ناحية
السرد
الأسلوب
و الحبكة المميزة
مروة جمال أيقونة الحبكات المتميزة و غير المتوقعة ،، فمن يبحث عن التفرد يقرأ هي في نظرة عين ،،!
و هذه شخصيات الرواية بأشعار نزار قباني ♥
#زيد

✔ ‏أريد أن أهديكِ كنوزاً من الكلماتْ لم تُهْدَ لامرأةٍ قبلك ولنْ تُهْدَى لامرأةٍ بعدكْ، يا امرأةً ليس قَبْلَها قَبْلْ وليس بَعْدَها بَعْدَ

✔ ‏يُغيِّرُ حُبُّكِ طقسَ المدينةِ، ليلَ المدينةِ، تغدو الشوارعُ عيداً من الضوء تحت رَذّاذ المَطَرْ، وتغدو الميادينُ أكثرَ سحرا

✔ ‏لماذا أتحدث عن المدن والأوطان؟ أنتِ وطني، وجهُكِ وطني، صوتُكِ وطني، تجويف يدك الصغيرة وطني، وفي هذا الوطن ولدتُ، وأريد أن أموت

#سلاف

✔ ‏لو كنتُ أدري أنهُ نوعٌ منَ الإدمانِ ما أدمنتهُ
لو كنتُ أدري أنهُ بابٌ كثيرُ الريحِ ما فتحتهُ
لو كنتُ أدري أنهُ عودٌ من الكبريتِ ما أشعلتهُ

✔ ‏كلَ يومٍ أحس أنك أقرب، كل يوم يصير وجهك ُجزءاً من حياتي

#أدهم

✔ أنا في الهوى مُتَحكِّمٌ .. متسلِّطٌ
في كلِّ عِشْقِ نَكْهةُ اسْتِعمارِ
فاسْتَسْلِمي لإرادتي ومشيئتي
واسْتقبِلي بطفولةٍ أمطاري

✔ ‏إنني أحب بكل حماسة الأطفال، ونزقهم، وعنفهم، وبراءتهم، ومطالبي هي نفس مطالبهم

✔ ‏أحبيني بكل توحش التتر، بكل حرارة الأدغال، كل شراسة المطر، ولا تبقي ولا تذري

✔ ‏هل عندك شك أني حين عثرت عليك .. ملكت مفاتيح الدنيا؟
هل عندك شك أني حين لمست يديك تغير تكوين الدنيا؟
هل عندك شك أن دخولك في قلبي هو أعظم يوم في التاريخ
وأجمل خبر في الدنيا؟

#دعاء

✔ ‏كلَ يومٍ أحس أنك أقرب
كل يوم يصير وجهك ُجزءاً
من حياتي، ويصبح العمر أخصب
وتصير الأشكال أجمل شكلا
وتصير الأشياء أحلى وأطيب.

✔ ‏واحتضني مثل الشتاء.. فإني
في الهوى، لا أطيقُ ضعفَ الربيع ِ

#أمير

✔ ‏أحبك جداً وأعرف أني أعيش بمنفى
وأنتِ بمنفى
وبيني وبينك
ريحٌ
وغيمٌ
وبرقٌ
ورعدٌ
وثلجٌ ونـار
وأعرف أن الوصول لعينيك وهمٌ
وأعرف أن الوصول إليك انتحـار.

✔ ‏كلُّ الذي أعرفُ عن مشاعري
أنكِ يا حبيبتي، حبيبتي
وأنَّ من يًُحِبُّ لا يُفَكِّرُ

#مها

✔ ‏كلَ المنَافيِ لا تُبدد وحشتيَ ما دامَ منفايَ الكبيرَ بداخليَ

✔ ‏أريدُ استعادةَ وجهي البريءِ كوجه الصلاةْ ، أريدُ الرجوعَ إلى صدر أمّي ، أريدُ الحياةْ

✔ ‏هل ممكنٌ أَنْ نستعيدَ عُمْرَنا؟ من بعد ما هُمْ شَطَبُوا أَجملَ سَطْرٍ في كِتَابِ العُمْرْ!

#نائل

✔ ‏يا سيِّدتي: كم أتمنى لو سافرنا
نحو بلادٍ يحكمها الغيتارْ
حيث الحبُّ بلا أسوارْ
والكلمات بلا أسوارْ
والأحلامُ بلا أسوارْ

✔ ‏إني أُحِبُّكِ من خلال كآبتي
حسبي وحسبك أن تظلي دائماً سِراً يُمزِّقني
وليسَ يُقالُ

✔ ‏أنا متعبٌ .. ودفاتري تعبت معي
هل للدفاتر يا ترى أعصاب؟

#ضحى

✔ ‏أريد البحث عن وطن جديد غير مسكون وارض لا تعاديني، أريد أفر من جلدي، ومن صوتي ومن لغتي

✔ ‏وجاء الحزنُ يحملُ لي هداياهُ، ويتركُ عندَ نافذتي مدامعهُ وشكواهُ

#عصمت

✔‏ وكل قبلة على فمك تكون جهنماً أو لا تكون

✔ ‏معك ، لا توجد أنصاف حلول ، و لا أنصاف مواقف ، ولا أنصاف أحاسيس ، كل شيء معك يكون زلزالاً أو لا يكون

#لين

✔ ‏أنتِ لي رَحْمةٌ من الله بيضاءُ
أُحِسُّ السلامَ في أعتابِكْ.

✔ ‏انا احبك حاول ان تساعدني
فأن من بدأ المأساة ينهيها
وان من فتح الابواب يغلقها
وان من اشعل النيران يطفيها

✔ ‏أدمنت أحزاني
فصرت أخاف أن لا أحزنا
وطعنت ألافا من المرات
حتى صار يوجعني بأن لا أطعنا

#غازي

✔ ‏إختاري قدراً بين اثنينِ
وما أعنفَها أقداري
مُرهقةٌ أنتِ وخائفةٌ
وطويلٌ جداً مشواري
غوصي في البحرِ أو ابتعدي
لا بحرٌ من غيرِ دوارِ

✔ ‏علّمني حبكِ
كيف الحبُّ يغيّرُ خارطةَ الأزمان
علّمني أنِّي حينَ أُحِبُّ
تكُفُّ الأرضُ عن الدوران

#تميم

✔ ‏كئيب نعم
ملول نعم
نرجسي نعم
أنا المتناثر بين المنافي
أنا المتسكع في طرقات العدم.

✔ ‏وأنا أُرتِّبُ دولتي وخرائطي
وأنا الذي أختارُ لونَ بحاري
وأنا أُقرِّرُ مَنْ سيدخُلُ جنَّتي
وأنا أُقرِّرُ منْ سيدخُلُ ناري

#ماذي

✔ ‏لو مثلكُ امرأةٌ تكونُ حبيبتي
عمّرتُ للعشاق ألفَ مدينةٍ
وبسطتُ سلطاني على كل الممالكِ
واللُغاتِ

✔ ‏لا أستطيع أن أكون تقليديا
عندما أحبك
ولا أن أكتب نصا عاديا
لواحدة غير عادية
فأنت امرأة أخرى
ثقافة أخرى
حضارة أخرى
ولغة لم تتشكل مفرداتها بعد

#شريف

✔ ‏أنا الذي يعومُ في جُرْح هوىً لم يَنْشَفِ

✔ ‏أريد أن ألتصق بك قليلا
حتى أشعر بشيء من الدفء
وشيء من الأمان
وشيء من الكبرياء
و حتى أشعر أن هناك امرأة
تستطيع أن ترمم هذا الخراب
الذي يتراكم فوق قلبي
وفوق دفاتري.

✔ ‏مُبلَّلٌ قلبي كمنديل سفر
كطائرٍ ظلَّ قروناً ضائعاً تحت المطر

💙💙

[Alaa Ahmed · Rating 5 out of 5]

هبدأ بالثلاثي المخيف " عصمت وغازي ولين" ..

في أي حرب لازم يكون في ضحايا ، والحرب هنا لعنة ولين بقت طرف فيها بالخداع ، غازي عايز الإرث وعصمت عايزة الوريث ولين طرف مؤقت في معادلة عشان تكمل الناقص .

لعنة عصمت إنها ميبقاش ليها أولاد ولعنة غازي الإرث ولعنة لين الضعف أو اليتم ..


" ضحى وشريف ونائل "

اللحظة اللي بتهزم فيها الرغبة الفضيلة .

داخل كل انسان في ملاك وشيطان ، شيطان خلى نائل يقع في حب زوجة صاحبه ، شيطان ضحى لاحظ مشاعر نائل وبقى ليها صدى جواها وشيطان الانتقام اللي سيطر على شريف .

هل ضحى كانت خائنة ؟ لا ، هل ضحى ضحية ؟ للأسف معنديش إجابة .

شريف ضحية قررت الانتقام ، رغم إنه عارف حقيقة إن ضحى عمرها ما كانت خائنة لكن هو في موقف فقد فيه بوصلة التحكم في شيطانه !!

نائل بالرغم من إن حبه كان حقيقي بس ده ميمنعش إنه مذنب ، مذنب مينفعش التعاطف معاه مهما كانت مشاعرة حقيقية .

ضحى ملاك صادق ولا شيطان مذنب ؟!
حين شعرت الانثى بحب يفوق مشاعر الزوج ألف مرة ماذا فعلت ؟

قبل ما اتنقل على الثنائي التالي ، طول الرواية كنت متعاطفة مع ضحى ، شايفة إنها في لحظة صدق تناسب شخص واضح زيها خسرت كل حاجة ، طول الرواية كنت بقول لو إنها طلبت الطلاق بدون ما توضح أسباب مكنتش هتوصل للنقطه دي ، رغم معاندات المنطق بإنها شايلة جزأ من الذنب جراء مشاعرها ، فالعاطفة بتغلبني في الآخر بمنتهى المنطقية وهي إن عمرنا ما كان عندنا قدرة على التحكم في مشاعرنا .


"أمير ومها "

شهريار يرى كل النساء متشابهات ، شهريار لم يستوعب رفض شهرزاد ، شهريار مغتصب .

شهرزاد بريئة بتتعرض للمطاردة من مصمم الأزياء صاحب السلطة ، شهرزاد رافضة لأن قلبها ملك شخص تاني ، شهرزاد ضحية ، شهرزاد بتنتقم .

حتى لو النهاية مرضية بس ده ميمنعش إنك عشان توصل للنهاية دي هتمشي على فتافيت الكسر بتاع قلب مها ، والمعادلة هنا تخطت حدود القلب ، هتتابع تحول مها من البنت الكيوت البريئة لامرأة قوية قادرة تحقق انتقامها عشان تحظى ببعض السلام .


" دعاء وأدهم "

الرأسمالية والاشتراكية

الكاتبة بتقول إذا أردتِ من الرجل أن يفعل ما تريدين ، أسمعيه ما يود تصديقه .

شهريار عايز شهرزاد بشكل معين في حياته وشهرزاد رافضة الشكل ده ، صراع قائم لحد ما نوصل لنقطة مشتركة ويبدأ بعدها تاني ، صراع عمره ما أثر على الحب بالعكس الحب فيه كان دافع .


" زيد وسلاف "

الثنائي هنا بيناقش قصة بيرفضها مجتمعنا ، وهي فرق العمر ؛ إن سلاف أكبر من زيد بـ ٨ سنين .

في الآخر بقى عايزه أقول إن مروة جمال قلم قوي جدًا حبكاتها رهيبة والسرد ممتاز ولازم تحط القارئ مع أقصى مخاوفه وبعدها تصدمه بالواقع والمنطق .

[Shrouk Emad · Rating 4 out of 5]

#هي_في_نظرة_عين

⬅️ استنيتها لما تخلص عشان أقدر أقرأها كلها ع بعضها و ما أصدرش أي أحكام أو توقعات قبل ما أشوف الرؤية كلها و أكون وجهة نظر..

⬅️ أول ما نزلت السنة اللي فاتت و الاسم جذبني و التصميم ،، و قرأت أول فصل و بعد ما كانت بتنزل فصول حسيت إني هنحاز لطرف أو هتاخدني العاطفه و التسرع لاتجاه معين ،، و ده كان في كل القضايا مش قضيه واحدة بس و شوفت الجدال الرهيب اللي حصل ففضلت أوقف متابعتها لحد ما تخلص و بقيت بتابع من بعيد من غير ما أعرف تفاصيل أوي و استنى نهايتها عشان اقرأها براحتي..

◀️ لما شوفت اسمك ع الغلاف عرفت إن فيه حاجة مختلفة و مميزة و قويه و هتشبعني كقارئة أثناء قرائتها و خاصة إني عارفة طريقة السرد بتاعتك و بحبها جدا و واثقة في أفكارك اللي بتقدميها 💙

◀️ الغلاف بتاع العمل حقيقي حاجة وهمية و كل التصاميم اللي كانت بتنزل للرواية دي كانت بتعجبني جدا و تقريبا من أفضل التصاميم اللي اتعملت كانت من حظ #هي

◀️ السرد،، مفيش لحظة واحدة حسيت فيها بملل و ده اللي خلاني اتأخر في قرائتها لإني كنت بقرأ استمتاعا بالسرد و جماله حقيقي،، و أوقات كنت بعيد قراءة الفقرة و الجمل أكتر من مرة و دي ما بتحصلش معايا كتير أصلا 💙

◀️ التصميم الداخلي،، و طريقة كتابة الأحداث بالنظام ده كانت طريقة ذكية ؛ لإنها كانت بتحسسني بتفاعل مع الأحداث و المشاعر و الاندماج أكتر ف العمل و الدخول ف تفاصيل التفاصيل بتاع الشخصيات..

◀️ " أتمنى ما يحصلش سوء فه�� ف النقطة دي " بس هي حاجة لاحظتها أكتر من مرة و تقريبا مكررة هي بعض الأخطاء النحويه البسيطه جدا ممكن تكون سقطت سهوا منك بس هي لفتت نظري ؛ لإن عمل عظيم زي ده خسارة تكون فيه بعض الأخطاء البسيطه دي عشان ما تزعجش القارئ بس و تفصله و تضيع حلاوة العمل 💙

◀️ طريقة عرضك للعمل و مختلف القضايا اللي فيه من منظورك أو بنهج فلسفي حقيقي عبقري و عجبني جدا 💙 ؛ لإني في لحظات أنا شخصيا كنت بتلغبط هل تفكيري لو راح للاتجاه ده صح ،، هل لو فكرت ف الطرف ده من منظوره هو بس و اتعاطفت معه طيب ما انا كده ممكن بظلم الطرف الآخر ،، كنت بحس بحيرة شديده بالرغم من إن الصح و الغلط واضح بالنسبه لي ع الأقل ..

◀️ قضايا مجتمعية واقعيه شائكة و حساسة جدا و جريئة ،، إلا إن العمل محترم و مفيهوش شئ غير لائق مثلا أي نعم جرئ بس غير مبتذل و دي أهم نقطة 💙

◀️ اسم العمل ممتاز و مناسب جدا للمحتوى و مميز 💙،، أسماء الشخصيات البعض منها غريب بس جذبني و حسيته مختلف زي العمل بالضبط و أوقات كنت بحس إن كل اسم لايق ع الشخصيه و مناسب له..

◀️ ترتيب الأحداث ،، و التعريف بالشخصيات في المقدمة حقيقي مميز مختلف و غير تقليدي و يثير الفضول إن الواحد يكمل و منتظر بشغف الأحداث هتكون ازاي ،، بحيث حافظتي ع مستوى الشغف و الفضول ' بالنسبه لي' إني أكمل بنفس الحماس زي ما بدأت 💙

◀️ الحبكة مقنعه و منطقيه جدا و رائعه ،، ما كنتش بتوقع إن الشخصية دي هتوصل ل دي ازاي و العلاقة هتكون بينهم ازاي و هتوصل لإيه ،، مفاجآت كتير حصلت بس و لا مرة ظني خاب ف تقديم الحل أو اعترضت عليه ،، بالعكس كنت بشوفها إن ده الحل الأمثل حاليا و الأفضل 💙

◀️ بالرغم إن العمل بيناقش و يسرد قضايا حقيقيه ف المجتمع و بيلفت النظر لها ،، إلا إني حسيت إن العمل فيه جانب كبير من التوعية سواء للبنات أو العائلات أو الرجال و دي حاجة عظيمة إني أحس إنك مُلمة بكل الجوانب ع الأقل بالنسبه لي 💙

◀️ بتمنى إن العمل ده ينزل ورقي و الكل يقرأه ،، أي نعم هيحصل جدال عليه كتير بس دي هتكون نقطة نجاحه و شايفه إنه يستحق ناس كتير تقرأه..

⏪ #القضية_الأولي : الأكثر جدلا و جرأة و أهمية و حصل اختلاف و خلاف كبير جدا عليها ،، كل الأطراف مخطئين بغض النظر عن مين اللي بدأ ف الغلط ده أو السبب فيه بس كله أخطأ و حتى لو فية نسبة متفاوتة ف درجة الخطأ ؛ لإن دي النفس البشرية مفيش حد كامل و كله بيقع ف الغلط فما أقدرش ألوم ع طرف و أسيب الطرف الاخر ،، بس قضية جريئة و عرضتيها بذكاء عالي و منطق مقبول بالنسبه لي ،، و كل شخصية فيهم وصلتي لي دواخلهم النفسيه و مبرراتهم و انفعالاتهم و ردود الأفعال حتى لو البعض منها خطأ و بالغ ف رد الفعل بس برده زي ما قلت الكل هنا مخطئ و كل شخص فيه الجانب السئ و الحسن و اللوم لو هيقع فيقع عليهم كلهم بغض النظر عن الظروف أو العوامل لكل حد فيهم دفعهم للمرحلة دي ،، نهايتهم هي النهاية الوحيدة اللي كنت متوقعاها و بالرغم إنها أحزنتني شويه بس أرضيتني و حسستني بالتناقض لو للحظة إني كان نفسي يكون لها نهاية تانيه ،، لكنها واقعيه و تناسب المجتمع و الوضع 💔..و كل واحد فيهم لقى طوق نجاته و طريقه المناسب ،، ( #شريف_ضحى_نائل) تجربة واقعيه عظيمة و مؤلمة..

⏪ #القضية_الثانية : متداخله ،، معقدة ،، ممتعة ،، مفاجأه ،، ما كنتش متوقعة نهايتها و لا عارفه حتى أتوقع الوضع هيوصل لإيه ،، كل شخصية منهم كانت بتفاجئني و ما كنتش بتوقع ردود الفعل ايه ،، حبيت كل الأطراف و تعاطفت معاهم كلهم بلا استثناء ،، لحد نقطة معينة و شخصية واحدة بس وقفت تعاطفي معاها و ما كرهتهاش و لا حبيتها مجرد ' لا شعور' ،، له فلسفته الخاصة و إن كان محق ف بعضها بس رفضت جانب كبير منها ،، مبررات و ردود أفعال كانت غير العاده كشخصية استثنائية و فريدة من نوعها و أول مرة أقرأ شخصية زي دي بس بالرغم من كده جذبتني و إن كنت متعارضة أو متحفظة ع وجهة نظره في الحب و المرأه ،، أعتقد من خلاله قدرت أوصل و لو لجزء بسيط عن دواخل و طبيعة المرأة المفروض نقتنع بها و نتعامل معها بذكاء و حرص و الأهم من ده نتقبلها و نعرف نخليها لصالحنا مش ضدنا و الطرف الآخر ياخدها كنقطة ضعف لنا..
**التحول الرهيب و الممتاز و المتوقع ف شخصيتها كان لازم يحصل بشكل او بأخر ،، حصل بس بطريقة قاسية شوية و فيها بعض الخسائر إلا إنها كانت لازم تحصل ؛ لإن الحياة محتاجة الشخصية دي ،، و كان فيها درجة كبيرة من الوعي لكتير من البنات لازم تستفاد منها و تخرج بعبرة عظيمة زي ما #هي خرجت أقوى و تقدر تواجه الحياة بطريقه صح..
** شخصية متكاملة لصفات كتير ،، و كان له دور عظيم ف تغيير مسارها و تعتبر الشرارة اللي كانت مستنياها للتحول ،، حطيتي فيه لمستك الفكاهية لجو الرواية ،، و كانت عجباني شخصيته جدا ،، عناد ،، حب ،، حنين ،، جاد ،، الشخصية الوحيدة الأقرب للمثاليه 💙..
** جريئة و حكيمة و ذكية و قوية ،، ما كنتش متوقعه حبكتها أوي أو قصتها ،، و اتفاجئت من طرحك لفكرة شبه مرفوضة ف المجتمع كانت متمثلة ف الشخصية دي ،، بس قدرتي تفرضي وجودها و إن ده بيحصل عادي و لو بنسبة بسيطة ،، و إن الفوارق البشرية ف نظر المجتمع مش مهمة ف وجود الحب 💙 ،، و شخصية زي دي #هو كان محتاجها..
** غير متوقع و نادر و غريب ،، بس وجوده فارق جدا ف الرواية و عمري ما كنت أتخيل إنه يوصل ل #هي ازاي ،، حبيت شخصيته جدا و إنه ما بيدعيش الفضيلة و ف نفس الوقت بعد عن الرذائل و أعتقد إنه من أفضل الأمثلة الأقرب للنفس البشرية و مشابهه لها بالرغم من غرابته و ده قمة التناقض حقيقي بس عجبني جدا 💙..
(#أمير_مها_زيد_سلاف_تميم) قضية مثيرة و ممتعه جدا..

⏪ #القضية_الثالثه : عصرية و شائعة ،، و تعتبر مثال حي لبيوت و عائلات كتير و واقعية جدا ،، جسدت الرجل الشرقي و متطلباته و احتياجاته و كبرياؤه و حيرته بين حبه و ضعفه و كبرياؤه و كرامته و قوته ،، و #هي اللي أوقات تتنازل و أوقات تتمرد حالة من الشد و الجذب لمحاولة فهمهم لبعض بس بيقدروا ف أحيان كتير يوصلوا لنقطة التقاء مُرضية للطرفين.. ( #أدهم_دعاء) من الشخصيات المقربه للقلب لإنها شبه ناس كتير ما تعرفش تكرههم..

⏪ #القضية_الرابعه : غامضة ،، رعب نفسي ،، غير شائعة ظاهريا و لكن بتوصل حاجه مهمه منتشرة!! ،، الُسلطة ،، النفوذ ،، المال ،، الورث ،، الطمع ،، التحكم ،، القوة و الجبروت ،، الظلم ! ،، حتى لو الشر بينتصر و لو مؤقتا إلا إنه ما بيستمرش و لو استمر بيولد ظلمات أسوأ و لكنها مؤقته و لها يوم و تزول و لو طال عهد الظلم ،، تمثل قانون الغاب فعلا ،، القوي و اللي ف ايده كل حاجة شئنا أم أبينا هيكون له الكلمة الأولى و الأخيره ،، و مش هيدي فرصة لأي أتباعه بالتوبه أو الانسحاب و هيكون ف نظره أكبر خائن و لازم يتخلص منه عشان يستمر ف ظلمه و جبروته و تحكمه ؛ لإن تحت مبدأ القوي فيه الأقوى منه ده بند مرفوض للشخصية الجبروت ،، و هيطوع و ياخد كل متجبر ف صفه بحيث يزود من قوته و سُلطته و بكده الباقي يكتفي بدور المشاهد عشان يعيش ؛ لإن هيكون ده أنسب رد فعل للي بيحصل بغض النظر عن الضحايا عن اللي بتروح بدون ذنب ،، ف الأول استغربت النهاية و ممكن أكون ادايقت بس رجعت أعيد الحبكة تاني و أبعاد و أفكار كل شخصية منهم لقيت إنه هيكون من الورديه الزياده تحصل حاجه تاني غير كده ع الأقل ف الوقت الحالي عشان رد الفعل لما ييجي يكون مقنع بجد و الورديه لما تتحقق تكون عن منطق و اقتناع و واقعيه و إن دي أنسب نهاية و لو إن فيها بعض الألم بس حقيقيه لإنها بتحصل فعلا و احنا غافلين عنها ..
(#عصمت_غازي_لين_هيكل) كنت مراهنه ع دورهم و إنه مش صغير و مقتصر ع بعد واحد و إن الأحداث هتتقلب ف لحظة معينه و ده اللي حصل لإني استمتعت جدا بمشاهدهم و كنت بستنى دورهم و حوارهم لإنهم كانوا خارج توقعاتي ما عرفتش أحط نهاية لهم و انا بقرأ ...

↔️ العمل يستحق لفظ " ملحمة" لإني حقيقي اندمجت فيه و استمتعت به جدا و اتعلقت به ،، و عندي استعداد أقرأه مره تاني عشان أعيش جواه من تاني بالرغم من إنه مرهق نفسيا و ذهنيا و روحيا إلا إن هنا المتعه 💙 ،، منتظرة بفارغ الصبر "الملحمة التانيه" منه و ابداعك فيه كالعادة..

[هاجر حمدي حسن · Rating 1 out of 5]

النجمة علشان الأسلوب واللغة، غير كدا ف الكاتبة بتدمر مبادئ كاملة بالرواية، نتعاطف مع الجاني عادي، نشوف حاجات مش صح صح علشان هي عايزانا نشوفها كدا، ونكره واحد علشان هي عايزانا نكرهه، ودا أنا معترفة ذكاء منها أنها تخلي القارئ يعمل اللي هي عايزاه بغض النظر عن الحاجات اللي بتمررها في العمل دا مجتمعيا وشرعيا مقبولة ولا لا

[Kareeman El Feky · Rating 4 out of 5]

في ليلة قمرية سردت فيها شهرزاد حكاية اختلس فيها الراوي اللحظة واختزل بعضًا من الكلام فالإسهاب ليس فيها سوى زيادة الطين بلة، حكاية ليلية جمعت بين انتصار ملكة وقربان غادر، منصة قضائية لم تشهد سوى جلاد وقضاة وشهود عيان مزيفون أما عن الجماهير العريضة فآثرت المغادرة، فالرفض هو سيد الموقف ، الراوي انزوى بعيدًا يترقب الأجواء، وأجواء المحاكمة باتت مملة فمطلع المرافعة سمج.
هل كانت شهرزاد ضعيفة لتهشم مباحها أم أن الحاشية هي من ظنتها ضعيفة بأقاصيصها؟
أترى العوز ضعف، أم أننا اعتدنا معشر النساء على مباح معين وسلكنا نهجه منذ الصغر؟
"كوني له شهرزاد يكن لك شهريار"
كذب....
شهرزاد لم تكن يومًا مجرد امرأة عادية أُخرست عن مباحها في لحظة ضعف.
إنها ملكة وليست مجرد جارية، فالملكات كما اعتدن منذ الصغر لايسقطن أو حتى يحترقن في الجحيم، هن فقط يحرقن الأخضر واليابس ويزرعن الأشواك لنيل المراد.
حكاية هشمت فيها شهرزاد المباح وأخرى هدأت من ثوراته علها تستطع بخيالها تمرير الوهم لشهريار، لم تكن تعلم شهرزاد حين قرر عقلها سرد الحكايا أنها ستلقن شهريار مبادئ عشق لم يسبق له مثيل مزيج جمع بين الرغبة والعاطفة وللصدق الغريزة التي تتعطش للجسد والحب الأفلاطوني الذي يتعطش للروح، لم يكن يومًا قديسًا أو ناسكًا أو حتى راهب ولكنه قاتل مع سبق الاصرار والترصد.
كل ليلة كانت تلتقي سرًا بوريقات صغيرة تسطر فيها درزينة من المخطوطات التي إن ظهرت للعلن وقعت في المحظور، أتعلم ماذا خطت؟
أسطورة، نعم مجرد أسطورة خطتها عن عوالم غريبة يلتقي فيها الكنز المفقود وماوراء البحار وعوالم أخرى لكن ماذا عن سيف مسرور؟
سأخبرك سرًا، ببساطة أنا وأنت وجميعًا مسرور يسن سيفًا بانتظار الوقت المناسب لذبح شهرزاد، بالأحرى دون ثرثرة لاداعي لها بالتعنت ضد هي ليكون هو وهم جلادي ا��أرض....

[Romysaa · Rating 5 out of 5]

٤.٧٥⭐

ملحمة مُبهرة.

[سوهندة زكريا · Rating 5 out of 5]

مقياس من أهم مقاييس تقييم أي رواية بالنسبالي ..
انها تسيب فيا قصة أو جزء من قصة أو حتى موقف ضمن أحداثها مقدرش أنساه ، وأفضل فاكراه بنفس تفاصيل قراءتي الأولى مهما قرأت روايات تانية ، قصة تحدث فيا الانفعال والأثر اللي يخليني أحكيها لحد بحبه بمنتهى الشغف والتأثر .. أصلا من مقاييس إعجابي بالرواية اني أحب أحكيها وعينيا تلمع وانا بمرر تفاصيلها .

الله يسامحك يا مروة والله 😭

قلبي اتاخد مع نائل وفضلت مستنية انتصار قصة عقلي كان مقتنع تماما انها هتنهزم وتطوى ؛ عشان مدركة ان الواقع غير الروايات .. وان الأمير مش هيلاقي سندريلا كل مرة غير ف الفيلم بس - وان حدث - فهو من محض الصدفة " أو أجدر أن نسميه القدر " .

مش قادرة أحكم على شريف .. هو اتجرح ؛ لكن الجرح حوله لإنسان قاسي بيجرح وبيدوس ، حتى لما حب استنيته يفهم مشاعر غيره - لكنه مفهمش - !
" الخيانة بالمشاعر أصعب من الخيانة الجسدية "
وانا مؤمنة بده ؛ بس التمن اللي اندفع للتكفير عن الذنب كأن أكبر بكتير من الذنب نفسه .

أدهم ودعاء .. حبيتهم سوا ، بكل تفاصيل الشد والجذب .. واليوم الحلو واليوم المر .. وتأرجح أدهم ما بين الحب وشهريار اللي جواه ؛ ورسمته ف خيالي جان كدة بيزنس مان من بتوع التليفزيون دول 😂 ودعاء مثال للست المصرية الكوكتيل اللذيذ من النكد والحب والحنية والسترونج اندبندنت وومن والحب تاني وتفاصيل كتير كدة .

زيد أثبتلي وجهة نظري ف ان من أهم الصفات اللي المفروض الواحدة تدور عليها ف شريك حياتها خفة الدم 😌
عامل حس للرواية والله 😍
وجدع .. الجدعنة بتغفر عيوب كتير ف أي حد .

تميم .. الرجالة اللي دماغها حلوة جذابة للغاية الحقيقة .
" الانسان مهما حاول الشيطان يتملك منه .. بيفضل الملاك اللي جواه ينازعه ويحاول يظهر ولو نقطة نور يحارب بيها الشيطان "

هيكل .. حتى الحب ميقدرش يغير ديب عاوز يفضل ديب ومتعالجش من ندوب الماضي اللي عاش بيها سنين .
الحب مش دايما قوي بالشكل اللي اتمنيته لوهلة يحصل
" غير برده ف الافلام الهندي وبعض الافلام المصري القديمة " .

أمير المصري .. حالة الشد والجذب كانت ومازالت جوايا ناحيته .
" من الحب ما قتل "
لا قادرة اكرهه ؛ ولا قادرة متعاطفش معاه .

سلاف .. الاسترونج اندبندنت وومن كما يجب أن تكون ❤
وقت الجد جد ؛ وقت الحب نضحي بجزء من الجد - ولو كان كبيرا - من أجل لحظات من السعادة لن تحققها الاستقلالية التامة .

ماذي .. ميكس جديد مختلف نص مصري ونص روسي بخلطة مش أي حد كان ينفع يدوقها ويفهم طعمها غير حد حبها ولما حبها قدر يفهم ويحس بطعمها اللي كان غير .

ضحى .. حسيت اني عاوزة أقولها بحبك .
مش قادرة أحلل شخصيتها والتفاصيل اللي مرت بيها بس هرجع وأقول " التمن اللي دفعته كان أكبر من الذنب "
البنت بتيجي للدنيا وهي أم صغيرة وبتفضل تكبر والأم اللي جواها تكبر ، تكبر لحد ما تبقى أكبر من أي فطرة وأي عاطفة تانية - أما اللي بيرموا عيالهم فدول استثناء ملهوش لازمة عادي - !

مها .. احنا بنعيش سنين مستنيين تجربة واحدة عشان نتحول بيها من طفل ساذج بيشوف وردية الحياة وحالميتها وبراءة الاشخاص حواليه لشخص ناضج مدرك اننا كلنا شياطين بس بدرجات ؛ عشان نعبر من ثقب كل الناس زي ماما وبابا والبيت الحلو اللي اتربينا فيها علة القيم والمبادئ والحب والتفاصيل الدافية .. لحقيقة فوق انت مش عايش ف الجنة ، انزل وعيش معانا ع الارض وبعدين نبقى نتكلم .

لين .. هي مها بس للأسف ملحقتش تعدي الثقب ولا كان ف فرصة تفكر ف التجربة وتتغير " بمنتهى البساطة مكنش فيه اختيار " !

يارا .. لا داعي للذكر .. بين قوسين " ملهاش لازمة " .

عصمت .. ربنا ياخدها . نقطة ( . ) شكرا .
روح ...ربنا ياخدها برده " نفس النقطة " شكرا .

شكران .. قد ايه هي شخص غير عادي وفعلا مكانتش تناسبه الاحداث العادية " جميلة " جميلة بشكل متهور قلبه بيسبق عقله بخطوة .. وكأن عقله مسخر لمطاوعة قلبه ف الجمال .

جو " سوووكررررتي " حبيتشها حبيتشها حبيتشها حبيتشها خمسة حبيتشها 👋
بحب العيال اللمضة 😌 العسل 😌 والعرق يمد لأول عمة عادي 😂 طالعة لعمتها 😂❤

غازي .. خليته للآخر وقلت فوق الله يسامحك يا مروة 😭
عشان دي أكتر قصة تفاصيلها اتحفرت جوايا
" غازي ولين "
منتهى الوجع لانتصار قانون الغابة !
القوي اللي بياكل الضعيف ، والضعيف اللي معندهوش اختيار غير انه يتاكل .. مع انه حاول !
حاول وجرت الفريسة بالفعل بس لحقها الصياد .
عيطت !
ومش عارفة أصدق ان الرواية خلصت كدة بجد !
مع انها لو كانت خلصت غير كدة " كانت هتبقى أقرب للوردية والحياة مش بامبي يعني " بس ع الأقل كان جزء من الخير ينتصر !
كان طرف يحقق معادلة ان أحيانا الخير بيتفوق على الشر ف فصل من الحياة !

حبيت غازي .

" غازي شخصية الرواية بالنسبالي " وبجدارة .

مش ريفيو بقدر ما هو مكنتش هقدر مطلعش اللي جوايا وف لحظة ما أخلص القراءة .. وبانفعال لحظات الصدمة الأولى 😭
يعني اعتبريها " لحظة .. لحظة بالنسبالي مكنش ينفع تعدي من غير ما ألاقي متنفس عن ميكس المشاعر اللي أثارته الرواية فاكتب الكلام ده "

شكرا مروة 💙
شكرا انك مبتخذليش سقف توقعاتي في قلمك كل مرة ، ومبتضيعيش وقتي على الفاضي ، ومبتحسسنيش اني قاعدة بقرا عشان اسلي وقتي واملا الفراغ وخلاص .

دام قلمك .. منتظرة " مس من عشق " رغم مآساتي ف كون أحد الأبطال مش هقول مين عشان محرقش الرواية 😂 باعتبار اني محرقتهاش يعني 😎 مش هيكون موجود وهفضل أفتكر ده وأزعل واتقمص وافتكر ان " الحياة ليست عادلة على الدوام " 😢
ليست عادلة والله .

[Aya · Rating 1 out of 5]

الكاتبة لا تقبل النقد لا داعي لأي ثرثرة عن العمل

بقرأ حاليا فصول مس من عشق ومش حابة أعلق في الحروب بسبب فظاظة المتابعات بس الكاتبة زعلانة عشان شهد مش محبوبة رغم أن هي اللي عملاها ضعيفة وعديمة الشخصية نفس الكاتبة اللي مسخت جومان وكانت مسمياها أرنبة رغم أنها قبل ما تتجوز عاصف كانت أقيم بكتير اتحولت لجارية معدومة الكرامة تحت مسمى وبريق لماع لكلمة الذئبة وأنا شايفة أن على الأقل شهد بضعفها ثابتة على موقفها الدور والباقي على جارية عاصف عديمة الشخصية اللي بتتصرف حسب المحيط اللي حواليها وحتى مخدتش موقف صارم بعد اغتصابها بامتهان حقير.

[Iman Samak]

عن موجز النظرات ، وملخص الحكايات، وموجع النهايات كانت هي، وعندها هي الصمت أوفي من كل الكلمات.

[Aya Badr · Rating 5 out of 5]

رواية #هى من اكتر الروايات المميزة اللى قرتها من فتره طويلة
رحله نفسيه شاقه جداا وعميقه جداا تاخدك فيها الكاتبه لتتعرف على تفاصيل دقيقة من النفس البشرية بين احداث واقعيه وحوادث ممكن تكون بتقرا عنها كل يوم وبين معالجة موضوعية مميزة بقلم محترف يعرف تمام المعرفة اختلاف البشر فى التعامل مع القضايا المطروحة
مش اول مره تقرا رواية لمروة وجمال وتستمتع بيها ده اكيد ،لكن ان روايه تسيطر على حواسك كلها من اول المقدمة مرورا بالحبكه مستمتعا بالحوار ووصولا لنهاية ليست كما اى من النهايات هنا لابد ان تقف
فى المنهاية حبيت اشكرك جدااا يامروة على اعمالك المميزة على مجهودك
المحترم وعلى المتعه اللى بتمنحيهالى فى كل عمل وان زاد التألق فى اكثر من رواية على راسهم #هى وفى انتظار التتمة باذن الله
متعة القراءة تبدأ بعمل مميز يزيد من شغفك ولا ينقصه
وانتى مبدعتى خير مثال
لكى منى كل احترام ودائما فى انتظار ابداع حروفك لتزيدى من شغفنا للقراءة 😍😍

[Emma_star10yahoo.com · Rating 5 out of 5]

رواية هى ملحمة بكل ماتحمله الكلمة من معنى
تشابك العلاقات الانسانية فيها يشكل حياة حقيقية بعيدا عن الخيالات والتفاهات. مروة فعلا قدرت تدخل جوه كل واحد فينا من خلال شخصياتها . بنخرج من كل مشهد بأن النفس البشرية دايما فى صراع بين الخير والشر. خاصة حوار شريف ونائل مشهد عالمى بيوضح ان مفيش حاجة اسمها مطلق .كل واحد صح وخطأ من وجهة نظرنا مين ظالم ومين مظلوم. حقيقة رواية تستحق القراءة والتعمق فى احداثها وفلسفتها

[Rahma · Rating 5 out of 5]

حينما تعزف حروف مروه على مشاعرنا وانسانيتنا
حبنما تنصر المراه امراه غيرها فهو انتصار
حينما يحكم العقل لا التقاليد ولا الاعراف
حينما تسمو انسانيتنا على كل شي
حينها فقط تكون هي من نظرة عين
رحله ستتحدى فيها تابوهات المجتمع
ستختلف نظرتك لكل حدث
ستتوحد مشاعرك مع يقينك
ورغم عدم انتصار كل هي
ورغم انه لم تكن كل النساء شهرزاد
الا ان بعض الانتصارات ستفتح انتصارات اعظم
وستتحول كل هي لشهرزاد

[Oosha Halim · Rating 5 out of 5]

رواية من أقوى وأروع ما قرأت وخاصة انها لم تقتصر فقط على القصص والحبكات الاجتماعية والدراما العالية بل انها غاصت بفلسفة متفردة في عمق الشخصيات وطرق رسمها وطرحها.
الرواية عميقة تطرح الكثير من الحبكات والقضايا التي يختلف حولها الكثيرون ومع ذلك قدمت الكاتبة من خلالها وجهة نظر مختلفة اعجبتني بشده.
اما السرد فكان فوق الممتاز مع كاتبة تتمتع بأسلوبها المميز وحرفةانتقاء الكلمات وترتيب الأفكار

[Manal Mohamed · Rating 5 out of 5]

ماذا يحدث ان امتنعت شهرزاد عن المباح اذا اوقفت المنح والعطاء هذا ما روته لنا مروه جمال في حبكه رائعة وسرد ممتع لمجموعة من الحكايا المتنوعة لشخصيات مرسومه بحرفية
تاثرت كثيرا بمشاعر البطلات على وجه الخصوص ضحكت وبكيت فرحت وحزنت
منهن من انتصرت وأخرى صمدت وأخرى استوعبت الدرس وعادت من محنتها بوجه اخر واخيره تعرضت لنهاية ماساوية حيث لا مكان للضعفاء فاصبحت عرضه للافتراس

[Hager Lotfi · Rating 5 out of 5]

حقا روايه رائعه فهناك رقي الاسلوب ودقه الوصف تخطف انفاس القارئ ,عصمت وجبروتها لين صعبت عليا جدا واكتر مشهد كان صعب لما عصمت قتلت غازي
وكمان الكينج ادهم ودعاء 😘
والشقيه ماذي
😂ومش هنسي زيد الفرفوش
بجد استمتعت بيها وعلمت جوايا
احسنت ومنتظرين المزيد👏👌

[Rewan Abd Elkader · Rating 4 out of 5]

من اجمل الروايات اللي قريتها 💙 رواية مختلفه بكل المقاييس . فيها
قصص كتير ممكن تكون فكرتها متكرره لكن معالجة القضايا فيها مختلفة بشكل كبير عن اي روايه تانيه 💙💙
شابووه مروة ومستنيين كل جديد ليكي اكيد 😚😚😚

[لحن الغروب · Rating 5 out of 5]

ملحمة إنسانية تغوص بك فى دواخل هى تعيش بها صراعاً محبباً بين منطق العقل و أحكام القلب
تجربة لن تخرج منها أبداً كما كنت
سرد يحمل لمسة فلسفية ممتعة
وحوار يمنحك شعوراً بلذة المواقف و دواخل الشخصيات

[Dody Mody · Rating 5 out of 5]

هي... ليست مجرد روايه ولكن هي ملحمة
انسانيه.. رحله في داخل النفس البشريه..
اختبار ذاتي لكل منا..
استمتعت بها سردا وحوارا وحبكة
..
دمت مبدعة يا مروة

[Naira Hussin · Rating 5 out of 5]

الرواية تحفة بجد يا مروة
سرد وحوار وصف تفاصيل التفاصيل كان كل حاجة بتحصل قدامي
رواية كشفت النفس الانسانية بشكل كبير
كل عمل بيكون واجهة مشرفة ونضج كبير ليكي
منتظرة الجزء التاني بشغف كبير جدا

[Kindle Nourhan · Rating 5 out of 5]

تابعتها فصول وعشقتها بصراحة وحبيت الشخصيات كلها وتفاعلت معاها وحملت الرواية بعد مخلصت بجد بجد روايه لا يعلى عليها وبتناقش مشاكل و مواقف مهمة جدا ❤❤❤❤❤

[Princess Mory · Rating 5 out of 5]

ليه ضحى اتظلمت علشان اختارت تكون صادقة؟؟

[Reham Elaidy · Rating 5 out of 5]

من اجمل ما قرأت..
فلسفة الحب وجنون العشق...مأساة الأنثى في عالم الرجل وعيون المجتمع...
..تأرجح مشاعر الرجل بين عشق ممنوع..ذنب
هوس الحب حد الايلام
في انتظار الجزء التاني

[Aya Rayan · Rating 3 out of 5]

تم سحل الابطال بنجاح.. في انتظار مس من عشق

[Esraa Mohammed]

جميله

[Omniah Shawky · Rating 5 out of 5]

هي في نظرة عين رواية من اجمل واروع ما قرأت لملكة الفلسفة مروة جمال
رواية الأحرار التي أثارت الكثير من الجدل واختلافات كثيرة في الرأي
كان لي شرف متابعتها وقت نزولها على جروب شخابيط وردية وانصح كل عاشق للقراءة بقراءة هذه الرواية وسيخسر كثيرا من لم يقرأها
أحبك مروة جمال وأعشق قلمك وفي انتظار الجديد أن شاء الله