جريمة في الفندق

by نهى داود

امرأه في منتصف الخمسينات تذهب في رحلة استجمام الي الغردقه و تختار فندقا عريقا لتستمتع بإقامة شامله كليا
بحر و هدوء و طعام جيد و فوق ذلك كله بشر لتتسلي بمراقبتهم

اجواء مثاليه لا يعكر صفوها سوي سقوط احد النزلاء صريعا

Genres: Audiobook, Crime, Fiction, Novels

158 pages, Unknown Binding

Published January 1, 2019

About the author

نهى داوود هي مؤلفة روايات بوليسية، مواليد ١٩٧٥م في لندن، كانت تعمل في الهندسة وقررت التوجهه في مهنة الكتابة، وأصدرت 7 أعمال روائية ناجحة في أدب الجريمة.

أولهم : رواية جريمة في الفندق التي كتبتها الكاتبة تأثرا بإقامتها في فندق عريق بالغردقة صيف 2017. وصدرت في معرض القاهرة للكتاب 2019 عن منصة كتبنا للنشر. وتدور أحداثها حول امرأه في منتصف الخمسينات تذهب في رحلة استجمام الي الغردقه و تختار فندقا عريقا لتستمتع بإقامة شامله كليا، بحر، هدوء وطعام جيد وفوق ذلك كله بشر لتتسلي بمراقبتهم اجواء مثاليه لا يعكر صفوها سوي سقوط احد النزلاء صريعا.

الرواية الثانية هي: رواية مشهد سيما التي أصدرتها في عام 2019م عن دار كتبنا، والتي تدور أحداثها حول فتاة خجولة، تحيا حياة باهتة ما بين صراع مع وزن زائد وأحلام مؤجلة وعلاقات إنسانية مرهقة، فماذا تفعل إذا وجدت نفسها تائهة في منطقة مهجورة ثم ارتطمت بشوال به يد دامية!

رواية رضا التي أصدرتها عام 2020م عن دار كتبنا.

ورواية جريمة في ليلة ممطرة صدرت عام 2020م عن دار تويا للنشر والتوزيع، وتبدأ الرواية بجثة منكفئة وتساؤل حائر وعيون محدّقة، وتنتهي بالحقيقة، وبين البداية والنهاية تتشابك الأحداث، ما بين حب مستحيل، ومعاملات مالية مشبوهة، ودوافع غير أخلاقية، وقلوب بالأمل معلّقة، وقاتل مجهول، ومطر كاشف !!

رواية جريمة السيدة هـ هي الرواية الخامسة للكاتبة من اصدارات معرض الكتاب ٢٠٢١ عن دار تويا للنشر والتوزيع وتصدرت قوائم الأكثر مبيعًا حتى وقتنا هذا.

الرواية السادسة هي رواية جريمة العقار 47 لصادرة عن الدار المصرية اللبنانية يناير 2022 وقد حققت أيضا الأكثر مبيعا على قوائم الكثير من المكتبات.

الرواية الثامنة هي رواية جثتان والثالثة عند قدمي الصادرة عن الدار المصرية اللبنانية أكتوبر 2022.

حازت الكاتبة على جائزة الكاتبالأكثر مبيعا من منصة iRead
لسنتين على التوالي عام 2021 وعام 2022

Reviews

[ESRAA MOHAMED · Rating 1 out of 5]

ما هو أنا لو قاعدة في فندق وقابلت الولية اللي اسمها نادية كنت ضربتها على بؤها، ايه الحشرية والتناحة دي 🤬
ولا عفاف اللي ماشاء الله من أول قعدة جابت الجديد والقديم ولا كأنه بيت العمدة مش فندق.🙄
محاولة تشبيه البطلة بميس ماربل بطلة أجاثا كريستي كانت فاشلة بالنسبة لي ومحبتهاش أبدا.
نادية ست خمسينية بتقرر تسافر الغردقة عشان تستجم واختارت فندق قديم للإقامة، قررت تراقب في خلق ربنا وتفرض نظريات غريبة، بعد العشاء بتحصل حالة تسمم لمعظم النزلاء وبعدها بتموت واحدة بس بتقضي شهر العسل.

الرواية فيها ملل كتير ومحاولة جعل نادية أذكى واحدة أو الشخصية اللي بتاخد بالها من التفاصيل سطحية وسخيفة خلتني أحس اني بتفرج على فيلم عربي قديم البوليس جاي آخر مشهد بعد ما كل حاجة خلصت.
دا غير كمية المصادفات اللي بتحصل كأنها بتمطر صدف، شووف إزاي!

بالرغم من عشقي للصوتي وخاصة إعجابي بتطبيق أوديوهات إلا اني كنت زهقانة وأنا بسمع الرواية دي.
تجربة غير موفقة.




حرق ⚠️
ياجماعة الخير واخدينها في الكيلاس أول مشتبه به في جريمة قتل بيبقى الزوج أو الزوجة وبيتهري استجوابات وتحريات عن الماضي مش عشان عيط ونوّح شوية خلاص كده براءة. 😃

استمتعوا ..
دمتم قراء ..❤️❤️❤️

[مصطفي سليمان · Rating 2 out of 5]

نفس الأزمة زي رواية
مشهد سيما
هنا يمكن بشكل أكبر في بناء الشخصية الرئيسية اللي بيحصل ليها تغير علي مستوي أهداف الشخصية فجأة بدون اي منطق غير توريطها في الاحداث
يعني البناء بيقول أن الست رايحة تفصل عن كل حاجة وبتحاول تبتدي حياة جديدة ولكنها الحقيقة بتتورط بشكل مقحم كبير في الأحداث وتاني منطقية الأحداث هي الأهم عندنا هنا مكان شبه واحد والجريمة بتحصل وتبدأ الاسئلة
لكن الملحوظة أن هنا وفي الرواية الخاصة ب مشهد سيما المشكلة التانية الكبيرة هي الحبكات الفرعية
دايما بتكون ثانوية وملهاش دور حقيقي وبالتالي بيتسرب الملل ومش بنبقي فاهمين مالهم دول غير أنهم بس كوبري ما بين الحدث والشخصية الرئيسية في الأحداث
فقط لا غير، ودي مشكلة كبيرة في مثل تلك النوعية
الازمة علي تركيز علي خط واحد وهو هنا خط الجريمة بيخلي باقي الخطوط ضعيفة
ف بيبقي فيه ملل واسئلة عن منطقية الأحداث
وزي ما بقول فيه تطور مع تقدم السنين واكتساب الخبرات فيه تطور بيحصل وده شئ كويس

[Shimaa Allam · Rating 4 out of 5]

#قراءات_٢٠٢٢

رواية جريمة في الفندق للكاتبة نهى داود.

رحلة صوتية جديدة مع عمل بوليسى ممتع نبدأه مع نادية ... امرأة فى منتصف الخمسينات ، تعيش وحدها بعد زواج ابنتها و سافرها للخارج ، تقرر السفر فى رحلة استجمام لمدينة الغردقة ليقع اختيارها على فندق ذو طراز مميز يجمع بين العراقة و المعاصرة.

فجأة تجد نادية نفسها فى خضم أحداث غير متوقعة و ذلك عندما تلقى إحدى النزلاء مصرعها بسبب تسمم غذائى أصاب عدد كبير من قاطنى الفندق ، لتبدأ نادية بدافع الفضول البحث وراء ما حدث ، لتتجمع امامها الدلائل المختلفة و تنكشف الأحداث تدريجياً برتم متصاعد ... فهل ما حدث هو سبب الوفاة حقًا أم أن هناك سبب آخر؟

نجحت الكاتبة فى خلق قصة ذات حبكة مميزة و تصاعد أحداث سريع ، استخدمت لغة سهلة و جاء رسم الشخصيات متقن و قريب للنفس بشكل يحبب القارئ فى متابعة القراءة ، و كالعادة تنتهى الأحداث بمفاجأة كبيرة عكس التوقعات.

عمل لطيف استمتعت بسماعه صوتيًا على تطبيق اوديوهات.

#جريمة_فى_الفندق
#رقم_٢١

[Yousra · Rating 5 out of 5]

سمعته النهاردة أوديو على أوديوهات... بالنسبالي ألطف من عملها الثاني على نفس التطبيق... الاحتمالات كانت كتير وفكرنا شوية وحبيت أوي شخصية يحيى الصغنن الحبوب الشغوف... أنا عندي الكبير اسمه يحيى والوسطاني إسماعيل والصغير صالح وحسيت إن الطفل في الكتاب هو ميكس بين ولادي التلاتة 😅 فكنت حاسة بمحبة البطلة نادية له ومتفهماها جدا وخوفت عليه معاها والله 😅 النهاية وردية شوية بس لايقة على شخصية نادية عموما 😁❤️

متنفذ حلو حقيقي على أوديوهات👏🏻👏🏻

[Dalia Fayez · Rating 4 out of 5]

رواية جميلة اوي و مشوقة .. فيها تطويل شوية بس في الاول بس بعد كده شدتني جدا و ماسبتهاش غير لما خلصتها .. حلوة جدا فعلا

[Mona El-gharbawy · Rating 4 out of 5]

مشوقة وغير متوقعة النهاية لكن الصدف اللي ادت للاكتشاف غير مقنعة... رغم ذلك خلصتها في قعدة واحدة وعرفت معلومة جديدة اول مرة اعرفها عن قنديل البحر المربع، وبكده اكون خلصت قراءة كل روايات نهى داوود. بالتوفيق دائما🌹🌹

[Maather Shouhdy · Rating 3 out of 5]

القصه كبدايه حلوة اوي بس هي عيبها ان المصادفات فيها كتير
و ان في تفاصيل كتير فيها ملهاش علاقه بمحتوي القصه زي حب البطله للتكييف مثلا
و ان الروايه البوليسيه اعتقد محتاجه عدد ورق اكبر شوية... بس هي لدايه مبشرة جدا

[OLa · Rating 1 out of 5]

حبكة في غاية السذاجة، اي ربط لأحداث مش مترابطة

[zahraa esmaile · Rating 4 out of 5]

#رخلات2022
#جريمة_في_الفندق
من جديد مع الكاتبة نهى داود، ورواية من أدب الجريمة، وهذه المرة كانت الحكاية مع"نادية" السيدة الستينية التي قررت السفر لأحد المنتجعات السياحية على البحر الأحمر لقضاء بضعة أيام في أحضان الطبيعة البكر، بدأت الحكاية بفندق عادي ومجموعة من النزلاء يجمعهم جميعاً محاولة الإستمتاع والخروج من دائرة العمل

ولكن فجأة يصاب الجميع بنزلة معوية، وتوفت على إثرها إحدى النزيلات ف الفندق، فهل كان السبب هو الطعام؟؟أم أن هناك سبب آخر أكثر بساطة مما يتصور الجميع؟؟


رواية جميلة بسرد رائع وفصول قصيرة سريعة للغاية، حوار جيد بين الشخصيات وإن تمنيته أكثر قليلاً، رسم ممتاز لكل شخصية، نهاية غير متوقعة على الإطلاق

في النهاية، وجب الإعتراف بأني لم أتوقع هذا المستوى لأول روايات الكاتبة، ولكنها أثبتت وبجدارة موهبتها من أول عمل منشور
رواية جميلة، تنتهي في جلسة واحدة
#الكتاب_رقم75
#أدب_جريمة
#رواية_لجلسة_واحدة
75/120
2-اكتوبر

[Hader Kames · Rating 4 out of 5]

مراجعة رواية "جريمة في الفندق" للكاتبة نهى داوود
التصنيف: جريمة وغموض
الرواية بتبدأ بسيدة راحت تغير جو في فندق. ومع قعدتها كانت بتراقب الناس اللي حواليها وبتتخيل قصص لكل شخص قاعد على الترابيزات في المكان.
لكن فجأة بتحصل جلبة في الفندق وبيموت واحد من النزلاء، ومن هنا تبدأ الأسئلة: هل اللي حصل مجرد حادثة؟ ولا جريمة قتل؟ ومع تطور الأحداث بنلاقي إن أي شخص في الفندق ممكن يكون هو القاتل.
الرواية بسيطة وخفيفة، وممكن تخلص في وقت قصير. مناسبة جدًا لو عندك بلوك قراءة وعايز تقرأ حاجة سريعة ومشوقة.
تقييمي للرواية: 4/5 ⭐

[Amir · Rating 3 out of 5]

ظن القاتل ان خطته مُحكمه، وانه سيمر من على الفندق مرور الكرام.. ولكن أمرأة ستينيه وصلت الغردقة لتقضي بعض الوقت بمفردها، كان لها رأي آخر !

[Ali Elsayed · Rating 4 out of 5]

روايه كويسه ومشوقه بس عيبها الاطاله فى بعض الاحيان بس فلعموم روايه حلوه اوى

[Hana Abdelmonem · Rating 4 out of 5]

جريمة في الفندق :

نهى داوود :كاتبة مصرية تخرجت في كلية الهندسة بجامعة القاهرة ،صدر لها من قبل عدة روايات منها :رضا ،مشهد سيما، جريمة السيدة ه، جريمة في الفندق .

تاريخ الإصدار :2018
دار النشر : منصة كتبنا
عدد الصفحات :156
اللغة : السرد بالعربية الفصحى والحوار بالعامية المصرية.

تقييمي للغلاف:2/5
تقييمي للرواية:4/5

بصراحة الجو العام اللي كنت بقرأ فيه الرواية كان مشجع جدًا، لوحدي بالليل ،طبق رز بلبن بالقرفة والمكسرات خلاني مندمجة مع الرواية وكإني بتفرج على فيلم ، عيبها الوحيد في نظري إن السرد كتير ومش نقول ممكن اختصاره لإن مش ممكن اختصاره ولا حاجة بس انا مش بحب ان الحوار بين الشخصيات يبقى قليل كدا، لكن في المجمل الرواية قمر وصاحبتها قمرين .

[Tarek Refaat · Rating 5 out of 5]

ريمة في الفندق
رواية بوليسية للكاتبة المميزة نهى داوود التي تشرفت بقرائة هذا الكتاب كأول عمل يعرفني بها
أولاً الكلمة الأولى التي جالت بخاطري بعد إنهاء الرواية هي "برافو" صدقاً فقد شعرت بسعادة و متعة فائقين عند قراءة هذه الرواية لأن أسلوبها شيق للغاية و جذبني بشدة
الكاتبة ذكرتني بالمسلسل الأمريكي " Murder she wrote "
و هو مسلسل يدور حول سيدة بسيطة و لكنها تستطيع حل الجرائم و هو ما شعرت به عند قرائتي للرواية و ما أعجبني في شخصية بطلة الرواية الأستاذة نادية !
القصة و الحبكة رائعتين ، و أسلوب الكاتبة يجعلني أريد أن أرى السيدة نادية في أعمال أخرى و ربما يجب أن تتحول إلي مسلسل مثل ذاك الأمريكي
اللغة المستخدمة ممتعة و سهلة مما يتناسب مع نوعية الرواية و هي البوليسية و وصف الكاتبة شديد الدقة و ستجد نفسك تستمتع بمغامرة شيقة
لا نجد الكثيرين في مصر و العالم العربي الذين يتبعون نهج الرواية البوليسية و ذلك يضع الكاتب أو الكاتبة الذين يخوضون تلك المغامرة في محل المقارنة و النقد بالروايات الأجنبية
أعترف أنني كنت متوجس من خوفي من التجربة لأنني أعتقد أن محاولة خلق الشخصية التي تحقق في الجرائم في كي تكون ناجحة و مستمدة من عالمنا شئ في منتهى الصعوبة
و لكن لقد أبحرت الكاتبة نهى داوود في تلك المياه دون صعوبة و خلقت شخصية مميزة و ممتعة و من بساطتها و أسلوبها ربما عزيزي القارئ يمكنك تخيلها و رسمها من شخصيات قد تعرفها في أرض الواقع
و أعتقد أن نجاح الكاتب البوليسي يعتمد على إمكانيته في مفاجأتك بشخصية القاتل التي أعترف أنني لم أستطع تحديدها حتى بدأت في كشف الأسرار في نهاية الرواية
عزيز القارئ إذا أردت مغامرة شيقة ، ممتعة ، و لغة سلسة و وصف ممتع و تستمع بالجرائم و التحقيقات فهذه الرواية لك
شكرأ أستاذة نهى على تعريفي بالأستاذة نادية !

[Moataz Ali · Rating 5 out of 5]

تقييمى بالنجوم دائما بيكون كل نجمة ليها حاجة وانا فعلا اديت ٥ نجوم لهذه الرواية كالاتى
*نجمة لتحقيق متعة القراءة ( يعنى تستمتع بالكتاب بين يديك لا يشعر بهذه المتعة غير محبى القراءة هى بمثابة نعمة من الله انعم بها على القراء مثلا أن تنسى همومك ومن حولك وتعيش بين دفتى كتابك من إثارة وتلاحق احداث وتفكر وتعيش وكانك مع الابطال.... هذا ما أقصده وأغلب الكتب تكون كذلك مع اختلاف درجة المتعة )
*نجمة سهولة الاسلوب مع الاحترافية اللغوية( يعنى مبحبش اتوه وارجع صفحات عشان افهم وكده اللى هو ترابط الشخصيات يعنى)
*نجمة لعدم توقع النهاية ولكن بدون نهايات غير منطقية أو محبطة
*نجمة للمنطقية يعنى لازم اقتنع بالنهاية بالاحداث يعنى احس باحترام عقليتى مبحبش الكروتة 😁
*والنجمة الأخيرة هى ما هو الرسالة المرسلة فى هذا الكتاب أو الرواية لابد من وجود رسالة اكيد يريد الكاتب ارسالها للتوعية والتثقيف حتى لو كانت بين السطور معلومات عامة مثلا نصائح مثلا تغيير طريقة تفكير بعض الناس وهكذا
لذلك أخذت هذه الرواية منى ٥ نجوم لانها اكتملت بالنسبة لى اركان ال٥ نجوم
وعجبنى كمان فى اسلوب أستاذة نهى انها لا تتخذ طريقة السرد بتاعة س و ج إنما نعيش بداخل نفسية الشخصيات
ولكن لابد من اختصار وصف المشاهد والاماكن اختصار بسيط لانه كان يخرجنى من الأجواء فى بعض الأحيان
ولكن عندى سؤال للكاتبة إلى ماذا توصلت مدام ناية فى من كانوا يتحدثون فى حديقة الفندق ( خدلك حقك) ؟؟؟

[Hoda Oraby · Rating 4 out of 5]

الرواية: جريمة في الفندق
النوع: بوليسية إجتماعية
الكاتب: نهي داود
رواية خفيفة وسلسة جدااااا
السيدة "نادية"قررت علي غير العادة الذهاب في رحلة إلي الغردقة للاستجمام، اختارت أحد الفنادق وانطلقت لتنعم بجو ملئ بالراحة والهدوء والاسترخاء ولكن تأتي الرياح بما لا تشتهي السفن...
مصرع أحد النزلاء بطريقة تشكك أن هناك يد أثيمة تلوثت بذنبه..
"نادية" امرأة تملك من الحب والمشاعر الإنسانية ما يدفعها لفك شفرة الحادث محاولة البحث عن خيوط الجريمة التي نسجتها معا لتنسج ثوب الحقيقة لينال المجرم عقابه
أبدعت الكاتبة في وصف معالم الفندق وبالأخص مطعمه وما يحويه من أكلات شهية (سال لها لعابي كلما قرأت هذه الجزئية)، وتنوعت شخصياتها..وتفوقت في وضع حبكة درامية للأحداث
أرشحها بشدة لمن أصيب بملل في القراءة

[Mohamed Shawara · Rating 3 out of 5]

التجربة الثانية لي مع الكاتبة نهى داوود - وهي أيضاً قصة بوليسية تدور أحداثها في فندق من فنادق الغردقة.
استمعت إلى هذه الرواية من تطبيق storytel - استخدمت الكاتبة الفصحى في السرد والعامية المصرية في الحوار. اللغة جيدة بصفة عامة لكن ومثل تجربتي الأولى فإن الكاتبة تكثر بل تسهب من وصف الملابس والوجوه والتفاصيل التي تجعلني أمل من الرواية - يمكن هذا احساس شخصي لكن رائحة الكتابة الأنثوية تظهر بقوة في كتابات الأستاذة نهى.

الرواية ظريفة لو تناسينا الإسهاب والإطالة - لكن الصدف كانت عامل أساسي في حل القضية - مجموعة متتالية من المعلومات التي سقطت من السماء على رأس البطلة فجأة لتحل اللغز وتجعل الأمور أوضح وهو ما لم استسغه!

[Khaled Mokhtar · Rating 4 out of 5]

An easy reading book. I liked it. Though in the beginning wasn't really exciting but when the main action starts, the art of thrill making was really nice and you will get hooked to finish.

[Ghada · Rating 3 out of 5]

اول قراءاتى لنهى داود
١- الرواية فيها تفصاصيل زيادة مش مفيدة ولا اديت عمق لا للشخصية ولا للاحداث

٢-كمية مصادفات غير منطقية او صعب تصديقها

٣-استبعاد اشخاص منطقيا انهم يبقوا اول المتهمين من غير اى اسباب منطقية للاستبعاد اولهم الزوج

٤- الاشتباه فى اشخاص بناء على اسباب ضعيفة اوى

٥-تهميش او الغاء دور الشرطة بشكل غريب خاصة بعد تأكيدهم ان فى شبهة جنائية ، ده حتى ماعملوش اى نوع من الاستجواب لاى حد

٦-فى نوع من الكروتة الغير مريحة بشكل عام فى القصة

٧- برغم الملاحظات دى الا ان الرواية ماقفلتنيش من الكاتبة ، اديتنى احساس اكتر انها مبتدأة اكتر من اى شئ اخر، وان شاء الله الروايات الجاية تبقى احسن

[Marwa · Rating 4 out of 5]

لم أقرأ روايات بوليسية من زمااان ...

استعرت الرواية من مكتبة ابني حيث كنت أبحث عن رواية خفيفة ...


يا الله ... لم أستطع ان أتركها حتي أعرف من القاتل .. ممتعة جدا بلغة متماسكة .. كان هناك بعض الوصف الطويل نسبيا ف الأول لكن بعد كدة الأحداث بقت مشوقة جدا جدا.

بس منكرش ان مدام نادية ومدام عفاف استفزوني جدا بتدخلهم الزائد في حياة من حولهم 🙄😂😂😂

[Dorian Gray · Rating 5 out of 5]

الرواية في رايي رائعة ومشوقة ومليئة بالمفاجآت ومن اكثر مميزات الكاتبة انها تضع القاري كأنه يعيش في داخل القصة فعلا ويشارك الأبطال احساسهم وتوقعاتهم. القصة رائعة والكاتبة موهوبة بشكل رهيب ونادر في محال الرواية البوليسية العربية

[Tamer Nada · Rating 3 out of 5]

أسلوب الكاتبة جميل ومشوق بلا شك، إلا إن الرواية ضعيفة جداً من حيث البناء والسرد. من قزاءاتي لها ارتأيت وكأنما تلك الرواية ليست لها إنما هي لشخص آخر ليس بالأديب وإنما امراءة خمسينية تحاول ملء وقت فراغها بالكتابة.
ولا تزال الكاتبة مفضلة لدي لما لها من اعمال جميلة

[Rofida Mansour · Rating 3 out of 5]

رواية بوليسية وكعادة روايات نهى داوود بتحمل طابع اجتماعى
الأحداث حماسية وحبكتها مفيهاش غلطة بالإضافة لأسلوب نهى داوود البسيط إلى بيحمل طابع مصري أصيل والي دايما بيحسسك بقرب الشخصية منك بالإضافة للنهاية الغير متوقعة كالعادة
الرواية حلوة وتقييمي ليها 3.5/5

[Ehab Katamesh · Rating 5 out of 5]

رواية جميلة جدا افتقدنا اللون البوليسى المضبوط في الروايات العربية لكن نهى داوود اعلنت عن نفسها بقوة ككاتبة محترفة في اللون ده

[Eman Moustapha · Rating 1 out of 5]

إيه الملل ده؟
إيه الصدف العبيطة دي؟
إيه الحبكة الساذجة دي؟
ما هذا السوء بجد؟؟؟

[Donia Darwish · Rating 4 out of 5]

نادية خمسينية حلوة وشقية 😄
السن بالنسبة ليها مجرد ارقام ومش حطاه فى الدماغ .. بعد جوازة بنتها مقفلتش على نفسها ولا اعتمدت على مين يأنسها فى وحدتها
ولا لعنت الناس وقالت هو ده الحال
كله بتاع نفسه ومحدش حاسس بالأحوال
لا ديه تفهمت الإنشغال وماستسلمتش للإكتئاب
ضربت شنطتها على كتفها
وحجزت وقالت تفرفرش نفسها
فكت القرشينات وطلعت على البحر الأحمر فى فندق ما … و all inclusive كمان
نادية اتهورت يا جدعان 😄

وصلت وعملت check in واديتها فرجة على اللى رايح واللى جاى
وبدأت تتابع الناس وتحلل تصرفاتهم و الـBody language كمان ما هو الفراغ بيعمل عمايله فى الدماغ هتشغل نفسها ازاى غير بمراقبة الناس
لحد ما جتلها الفرصة تعمل فيها كرومبو
لما حصلت حالات تسمم بين النزلاء
وبدأت نادية فى سيناريوهات
ياترى ديه مدبرة ولا غلطة شيف 👨🏻‍🍳 من الشيفات
بس ديه ضربت من الشوربة اللى عليها الكلام وايه مقولكمش بكميات … اصل طعمها كان يهبل يا ناس …

لا لا ده اكيد مقصودة ومدبرة كمان
انتوا اصلكم ماشوفتوش نظرة محمد لـ مروة وهما قاعدين فى الفطار متعصب ومتنرفز من هزارها مع حسام
ولا يمكن بسبب خناقة ياسر مع العامل اياه
ولا والد يحيى ده كمان شكله مكشر ومش هادى البال
اهدى يا نادية ومتعمليش أفلام 🎥
ركزى فى الأكل و سيبك من اللى بيحصل بسبب الحالات
ده انتى صارفة ومكلفة all inclusive يعنى يادوب تلحقى تاخدى سناك وترجعى تمرسى هواية الفرجة على الناس 😄
تفتكروا نادية كانت عندها تهيؤات وشوربة البصل كان مفعولها قوى على الأمعاء ولا فعلا الموضوع فيه شبهة وبفعل فاعل كمان 🤷‍♀️
المهم ان البوفيه كان تحفة ومايتقاومش واحنا كقراء جُعنا احنا كمان وركزنا مع الشيفات ياترى هيحضرونا ايه على الفطار ولا هيقدموا ايه كحلويات 😄

كالعادة بشوف ان الجريمة مع نهى داود زى السكينة فى الجاتوه 😄
حاجة رايقة وهادية ومتوترش
ولا كأنك قاعد على بحر
جريمة نظيفة خالية من طرطشة الدماء🩸
مفهاش تقطيع ولا د*بح ولا عنف كمان ..
مفيش مشاهد ++
يعنى تنفع لكل الأعمار … تناسب الصغار والكبار 😄
وديه ميزة كبيرة تحسب ليها انها عرفت تخاطب كل الناس
بس لو تخفف من جرعة 🧪 الأكل فى الروايات كله هيبقى تمام احسن الميزان ⚖️ عمال يضرب ⬆️⬆️ مع قرايتنا للروايات بسبب وصفات الاكل اللى مغرقة الصفحات 😋

#جريمة_أكل_مش_جريمة_قتل
#نهى_أجاثا_الشربيني
#قراءات_٢٠٢٢
#مكتبة_دنيا

[أحمد إبراهيم · Rating 3 out of 5]

نبدأ المراجعة مع الغلاف اللي كان جيد وندخل على الأصوات والتمثيل وطبعا كل التحية والتقدير لفريق أوديوهات على التجربة وخصوصا القائم بصوت يحيى.
وندخل بقى على المقدمة والافتتاحية واللي كانت للأسف مملة خالية من التشويق والإثارة.
وعندي سؤال:
اسم الرواية أو الحلقة الإذاعية "جريمة في الفندق" طب ليه نضيع وقت في تقديم بطلة العمل اللي هي "نادية" امرأه في منتصف الخمسينات ونشرح حياتها وبيتها ودوافع الرحلة وشرح طريقة لبسها؟
ليه؟؟؟
وبعدين مقدمة تانية في الفندق نتعرف على كل النزلاء فيه، لدرجة إني بدأت ادخل مع نفسي في تحدي بعنوان "خمن من هي الضحية"
وهنا ممكن نتكلم عن اللغة في العمل والسرد كان بالعربية الفصحى البسيطة غير المتكلفة والحوار كان بالعامية المصرية.
ممكن نتكلم عن الوصف هنا إنه كان كثير جدا من غير ضرورة لكنه كان جذاب وفاتح شهية للخيال وبسرعة تعالوا نتكلم عن الجريمة اللي جت متأخرة والي هي موت عروسة في شهر العسل.
من الواضح مع بداية الرواية وتمهيد الكاتبة لشخصية نادية إن في تأثر كبير بشخصية "ميس ماربل" مع الاختلافات طبعا لكن واضح إن الكاتبة كانت عايزة تقدم شخصية مصرية في نفس النمط.
بشكل عام انا أستمتعت بالتعرف على عالم الكاتبة وكنت متوقع بشكل عام الجاني بمجرد ما عرفت الضحية.
الأحداث كان فيها قدر كبير من المصادفات لكن مقبولة في نطاق الاستمتاع بحل اللغز والترقب.
الخلاصة إني مبسوط بالتجربة وعارف إن الأعمال القادمة للكاتبة أحسن بكتير وأفضل.
لازم أقول هنا كلمتين.
لو أنت قرأت قبل كده للكاتبة فالعودة للبدايات غالبا هتكون غير مرضية لك ولو أنت مقرأتش قبل كده للكاتبة فممكن تعجبك جدا الرواية دي.
بالنسبة ليا مبسوط إني تعرفت على العمل وانصح بيه بشدة.
#أحمدمجدي

[هند أحمد السيد · Rating 3 out of 5]

الرواية: جريمة في الفندق.
الكاتبة: نهى داود.
دار النشر: كتبنا.
المدة: ثلاث ساعات و 14 دقيقة على أوديوهات.
في قراءة جديدة للكاتبة نهى داود، حيث استمعت إلى روايتها جريمة في الفندق على منصة أوديوهات، حيث تبدأ الأحداث بقيام نادية بالسفر إلى الغردقة بعد شعورها العارم بالوحدة خاصة بعد سفر ابنتها سالي وزوجها شريف إلى العمل بالخارج، لتقطن بين الأشياء التي توحي بالزمن الماضي مع إشباع فضولها العميق ورغبتها في معرفة أحوال الناس من حولها من خلال مراقبتهم وتحليل أفعالهم وأقوالهم، ولقد كانت صدفة رائعة بالنسبة لها التعرف على مدام عفاف، والتي أحضرت لها كل ما تعلمه عن النزلاء، وفي تزامن مع ذلك، حدثت حالة من الآلم المعوية بين النزلاء جميعاً عدا نادية ومن لم يتذوق من شوربة البصل، ولكن بعد مرور الوقت تم اكتشاف وفاة أحد النزلاء في ظروف غامضة، وتورط طفل صغير بالأمر الذي كاد يودي بحياته.
أحسنت الكاتبة في وصف الرواية بالاجتماعية، فعلى الرغم من وجود عنصر الجريمة والتشويق، إلا إنها احتوت على تفاصيل أكثر من الناحية الاجتماعية، على الرغم من عدم حبي لصفة الفضول الشديدة التي تميزت بها نادية وعفاف، والتي أراها حشرية لا أهمية لها، وحيرتي من كيفية إدراك نادية لكل هذه التفاصيل وصولاً للقاتل؟ هل من الفراغ الذي تعانيه؟ أم أن كثرة فضولها أدت إلى زيادة حدة ملاحظتها؟
على الرغم من الأداء الصوتي الرائع للرواية، إلا إنه شابها الملل في بدايتها، خاصة مع ظهورها بمظهر من يقرأ الكتاب على عكس أسلوب منصة أوديوهات المعتاد، إلا إنه كان جيداً بدرجة عالية في المجمل العام، خاصة مع التأثيرات المحيطة ودقة اختيار أصوات الشخصيات الملائمة.

[Sozan Ebrahem · Rating 2 out of 5]

جريمة في الفندق
نهى داود
دار كتبنا
الطبعة الأولى 2018
158صفحة.

**امرأة في منتصف الخمسين ، تذهب في رحلة استجمام إلى الغردقة ، وتختار فندقا عريقا لتستمتع بإقامة شاملة كليا . بحر وهدوء وطعام جيد ، وفوق ذلك كله , بشر لتتسلى بمراقبتهم أزواج متحابون وأزواج متشاكسون ، أصدقاء وعمال وأطفال ومدام عفاف ! أجواء مثالية , لا يعكر صفوها شيء سوى ... سقوط أحد النزلاء صريعا ! أهو القدر ؟ أم هي يد بشرية أثيمة ؟ إنها رواية بوليسية ، يمتزج فيها البشر بالبحر ، والحب بالكره , والأمل بالانتقام ... فهل تنجح مدام نادية التي لا تملك سوى الحب والإيمان ، في فك شفرة الأحداث وإنقاذ ما يمكن إنقاذه؟**
هذا الملخص القصير على غلاف الكتاب.

نادية بطلة الرواية شخصية واقعية حقيقية تفكيرها أسلوب حياتها منطقها كلها تجدها بيننا دائماً بل و أحياناً في أنفسنا، تمر بمواقف نفسية تجد نفسها قد قررت إنها تذهب للغردقة وتتقابل وتتعرف على بعض نزلاء الفندق التي أقامت به وتبدأ في الدخول بعالمها إلى عالمهم وبتفكيرها إلى أفكارهم وعندما تحدث الجريمة تجدها منطقية جداً في تحليلها.
شخصية البطلة أعجبتني جداً و أعجبني تفكيرها وتحليلها وحوارها الدائم مع نفسها. كنت أتمنى ألا تنتهي الحكاية فهي شخصية جميلة جداً وممتعة.
**ادخلت مفتاحها في الباب وفتحته ... وضعت حقائبها وأغلقت الباب من خلفها ... تأملت بھو شقتها ... لقد تغير كثيرا منذ أن شاهدته للمرة الأخيرة منذ عدة أيام ... لا ... بل مهلا ... لم يتغير بالبهو شيء ... بل هي من تغيرت ... تغير فيها شيئا لم تدرك كنهه ... ربما بسبب الرحلة ... وما مر بها من أحداث ... ربما بسبب الشر الذي وقع ... **

أبدعت الكاتبة في وصف مشاعر البطلة جعلتنا نشعر وكأننا هي.

**سمعت نادية صوت باب يغلق ، فتحركت مسرعة واختبأت أعلى السلم ونظرت ... رأت رانيا ووالدتها يخرجان من إحدى الغرف ... وتراقصت في عينيها جمجمة ذهبية كبيرة متدلية !**

السرد والحوار والحبكة الدرامية جميلة جدا، مفردات اللغة العربية المستخدمة رائعة ورقيقة.

**انطلقت نادية نحو شاطئ البحر ... طالعها اللون الأزرق الصافي المتدرج معانقا الأفق ، وأطراف الأمواج تلتمع تحت أشعة الشمس القوية ثم تخفت لمعتها في حركة خلابة متجددة ، معلنة وجودها وتفردها ... هذه هي البهجة الخالصة .
تمشت نادية بطول الشاطئ باحثة عن مظلة أمام البحر مباشرة ، فهي لا تعترف إلا بالصف الأول ، وقد بدأت تشعر بالندم أن فضولها لمعرفة حكاية ياسر وياسمين قد جعلها تتأخر في الوصول للشاطئ حتى تعذر حصولها على موقع متميز ، ولكنها وجدت أخيرا مظلة مثالية على أطراف الشاطئ فاستلقت على الكرسي الممدد في استرخاء ... وبرغم وجود رواية جميلة في حقيبتها ، إلا أنها لم تشعر بالرغبة في إخراجها ، بل اكتفت بمراقبة الشاطئ في كسل ودعة . **
#books_shams_2021

[Maha · Rating 5 out of 5]

جريمه في الفندق
الروايه دي اجلتها كتير قبل كده بعد ما كنت سمعت جزء كبير منها و كنت في فندق في الغردقه ساعتها🙈 و قلت لا هستناها ورقي علشان اقراها من حلاوتها
لكن مقدرتش استني توفرها
سمعتها علي تطبيق اوديوهات
روايه بوليسيه اجتماعيه مشوقه بدرجه عاليه حبكه رائعه الاحداث شدتني لأخرها بدون ذره ملل و احلي حاجه عجبتني ان الكاتبه ضللتني في براعه في وجهتي في معرفه القاتل و فاجأتني ب نهايه غير متوقعه و الدوافع المختلفه
تقييمي لها ٥/٥
الاداء التمثيلي اضاف للروايه اثاره اكثر