What do you think?
Rate this book
زي كل سنة
شاب يهرب من قصة حب ليقع في قصة أغرب و اخر تصله مكالمة تغير له كل حياته، فتاة تستيقظ لتجد بطل افلامها المفضل أمام عتبة منزلها يكلفها بأمر غريب،رجل يرث شيئا لم يكن في الحسبان وعجوز يفعل المستحيل من أجل قطة! ومن بين كل تلك القصص كاميرا مسحورة تربط كل هؤلاء في رواية لم يعرف حتي الآن إن كانت حقيقية أم تنتمي لعالم الخيال ..
100 pages, Hardcover
Published January 26, 2019
5 people are currently reading
93 people want to read
About the author
عبدالرحمن حجاج
14 books220 followersعبدالرحمن حجاج كاتب وروائي مصري (مواليد الاسكندرية ١٩٩٢) تخرج من كلية الاعلام قسم اذاعة وتلفزيون، يعمل في مجال الاعلام كمدير ابداعي، معد برامج، صحفي ومخرج.
صدر له ( حنين اضطراري-آخر أيام آدم-زي كل سنة- ثلاثية كوابيس قبل النوم-في حضرة الموت-السكان الأصليين للقلب-بتوقيت الفراق).
صدر له ( حنين اضطراري-آخر أيام آدم-زي كل سنة- ثلاثية كوابيس قبل النوم-في حضرة الموت-السكان الأصليين للقلب-بتوقيت الفراق).
Ratings & Reviews
Friends & Following
Create a free account to discover what your friends think of this book!
Community Reviews
Displaying 1 - 14 of 14 reviews
May 17, 2024
حبيت الفكرة بس ما احبيت التنفيذ
مجموعة من القصص المنفصلة المتصلة وفي النهاية الرواية رح نعرف الرابط.
فكرة الكاميرا عجبتني كثير وكنت أتمنى أنه الكاتب يتوسع بالفكرة أكثر، بس تنفيذ النهاية ما عجبني وما فهمت الرابط بين كل الشخصيات
مع أنها ما عجبتني كثير بس عجبتي أسلوب الكاتب وأفكاره، فقرأت له كوابيس ما قبل النوم وعجبتني كثير
مجموعة من القصص المنفصلة المتصلة وفي النهاية الرواية رح نعرف الرابط.
فكرة الكاميرا عجبتني كثير وكنت أتمنى أنه الكاتب يتوسع بالفكرة أكثر، بس تنفيذ النهاية ما عجبني وما فهمت الرابط بين كل الشخصيات
مع أنها ما عجبتني كثير بس عجبتي أسلوب الكاتب وأفكاره، فقرأت له كوابيس ما قبل النوم وعجبتني كثير
July 22, 2025
طبعا طريقه السرد بالنسبه للكاتب عبد الرحمان اختلفت حاليا عن الروايه دي و حقيقي الروايه تحفه و لكن طبعا مع التقدم تقدم الكاتب ف دي يعتبر من اوائل أعماله ورغم كده الكتاب روحه و ليه مغزي و حقيقي يلمسك من جواك حقيقي الكتااااااب جميل اوي و انصح بقراءة الروايه اوي ♥️
February 3, 2020
رغم صغر الرواية دى الا انها مليئة بالتفاصيل ، مليانه خطوط و شخصيات
قدر عبد الرحمن حجاج انه يعمل رحلة وعمق كدة فى الاحداث بشكل ممتاز جدا
ورغم بعد الازمنة و كمان الاماكن الا انه بشطارة كبيرة قدر انه يعمل ربط بينهم
حكاية كاميرا غريبة قديمة .. كاميرا هى اللى بتختارك مش انت اللى بتختارها
كاميرا بتتكون من 24 لقطة او 24 اختيار مع كل اختيار او صورة بتلقطها
بيقل عداد الصور و بتحتفظ انت بأى حاجه فى الكادر ده و بتختفى اى حاجه تانيه
حوالين الكادر ده ، فلو قدام فرصة ان يبقى ليك اختيارات معينة و محدودة فى حياتك هتختار ايه
ويترا كل اللى بنشوفه حقيقى بيبقى حقيقى ولا اللى عايزين نشوفه حقيقى هو اللى بيبقى حقيقى
تجربة جميلة و خفيفة جدا و متشوف اقرا تانى للكاتب
قدر عبد الرحمن حجاج انه يعمل رحلة وعمق كدة فى الاحداث بشكل ممتاز جدا
ورغم بعد الازمنة و كمان الاماكن الا انه بشطارة كبيرة قدر انه يعمل ربط بينهم
حكاية كاميرا غريبة قديمة .. كاميرا هى اللى بتختارك مش انت اللى بتختارها
كاميرا بتتكون من 24 لقطة او 24 اختيار مع كل اختيار او صورة بتلقطها
بيقل عداد الصور و بتحتفظ انت بأى حاجه فى الكادر ده و بتختفى اى حاجه تانيه
حوالين الكادر ده ، فلو قدام فرصة ان يبقى ليك اختيارات معينة و محدودة فى حياتك هتختار ايه
ويترا كل اللى بنشوفه حقيقى بيبقى حقيقى ولا اللى عايزين نشوفه حقيقى هو اللى بيبقى حقيقى
تجربة جميلة و خفيفة جدا و متشوف اقرا تانى للكاتب
March 14, 2019
شاب فقد حبيبته فبيحاول ان يجدها فى كل ما كانو يفعلو مع بعض... رجل عجوز فقد حبيبته فيحاول يجد فيما كانت تحب... ابن فقد ابوه فيحاول ان يجده فى تنفيذ وصيتة.. بنت منبوذ تحاول ان تجد حياتها فى تغير من حولها
كاميرا غريبه تلغى ما تكره وتبقى ما تحب فهل النظرية صح ام لا
الموضوع اقرب منه الى مجموعه قصصية او نفيلا
الموضوع بسيط وخلص بسرعه قبل ما اتعلق باى من الشخصيات وكان محتاج الكثير من التفاصيل
الغلاف فكرته حلوه والعنوان مش قادر اوصل للغرض منه
كاميرا غريبه تلغى ما تكره وتبقى ما تحب فهل النظرية صح ام لا
الموضوع اقرب منه الى مجموعه قصصية او نفيلا
الموضوع بسيط وخلص بسرعه قبل ما اتعلق باى من الشخصيات وكان محتاج الكثير من التفاصيل
الغلاف فكرته حلوه والعنوان مش قادر اوصل للغرض منه
May 6, 2024
تحفه بجد بس حوار القصص ده توهني بس اتعودت
December 23, 2021
رواية زي كل سنة
للكاتب عبد الرحمن حجاج
اصدار عن دار الرسم بالكلمات
عدد الصفحات : ٩٥ صفحة
التقييم : ⭐⭐⭐
بطل الرواية هنا مش شخص .. بطل الرواية هنا (كاميرا)!!
الرواية بتدور في اكتر من حكاية، كل حكاية مختلفة في الزمان و المكان واكيد الأشخاص الا اننا بنكتشف في آخر الرواية انهم كانوا مشاهد و صور في ذاكرة كاميرا واحدة هي اللي اختارته مش هما اللي اختاروها.
أشخاص كتير و حكايات مختلفة تماما عن بعضها الا انه في النهاية هيربط بينها نفس الشيء وهو (الكاميرا).
الرواية على الرغم من قلة عدد صفحاتها الا انها مليانة تفاصيل و مواقف كتير كملت اللوحة اللي رسمتها في خيالي.
في البداية حسيت بالملل من الرواية بسبب الأشخاص الكتير اللي قابلوني وانا بقراها واختلاف الازمنة لغبطني لحد ما قربت اوصل لنص الرواية وانا مش فاهمة اي حاجة.. اللي هو ايه علاقة الأشخاص دول ببعض؟؟!
لكن كالعادة اصريت اكمل الرواية عشان اعرف النهاية من باب إشباع الفضول والحقيقة الرواية ابهرتني وحبيت جدا فكرتها وكانت تستاهل الوقت اللي قريتها فيه ومن حماسي مقدرتش مخلصهاش 🤗🖤
الرواية مكتوبة باللغة العامية حواراً و باللغة العربية سرداً، لغة الكاتب كانت بسيطة بدون اي تعقيد بالإضافة لجمال تصويره فحسيت اني فعلا عايشة أحداث الرواية بالإضافة لاهتمام الكاتب بربط بعض الأحداث بجزء من اغنية او بيت شعر عامي، كلها حاجات دخلتني في جو الرواية وخلتني استمتع جدا بيها لآخر صفحة وكنت هندم جدا لو مكملتهاش.
رواية جميلة وخفيفة انصح بيها. 🖤🖤
للكاتب عبد الرحمن حجاج
اصدار عن دار الرسم بالكلمات
عدد الصفحات : ٩٥ صفحة
التقييم : ⭐⭐⭐
بطل الرواية هنا مش شخص .. بطل الرواية هنا (كاميرا)!!
الرواية بتدور في اكتر من حكاية، كل حكاية مختلفة في الزمان و المكان واكيد الأشخاص الا اننا بنكتشف في آخر الرواية انهم كانوا مشاهد و صور في ذاكرة كاميرا واحدة هي اللي اختارته مش هما اللي اختاروها.
أشخاص كتير و حكايات مختلفة تماما عن بعضها الا انه في النهاية هيربط بينها نفس الشيء وهو (الكاميرا).
الرواية على الرغم من قلة عدد صفحاتها الا انها مليانة تفاصيل و مواقف كتير كملت اللوحة اللي رسمتها في خيالي.
في البداية حسيت بالملل من الرواية بسبب الأشخاص الكتير اللي قابلوني وانا بقراها واختلاف الازمنة لغبطني لحد ما قربت اوصل لنص الرواية وانا مش فاهمة اي حاجة.. اللي هو ايه علاقة الأشخاص دول ببعض؟؟!
لكن كالعادة اصريت اكمل الرواية عشان اعرف النهاية من باب إشباع الفضول والحقيقة الرواية ابهرتني وحبيت جدا فكرتها وكانت تستاهل الوقت اللي قريتها فيه ومن حماسي مقدرتش مخلصهاش 🤗🖤
الرواية مكتوبة باللغة العامية حواراً و باللغة العربية سرداً، لغة الكاتب كانت بسيطة بدون اي تعقيد بالإضافة لجمال تصويره فحسيت اني فعلا عايشة أحداث الرواية بالإضافة لاهتمام الكاتب بربط بعض الأحداث بجزء من اغنية او بيت شعر عامي، كلها حاجات دخلتني في جو الرواية وخلتني استمتع جدا بيها لآخر صفحة وكنت هندم جدا لو مكملتهاش.
رواية جميلة وخفيفة انصح بيها. 🖤🖤
April 14, 2021
رواية زي كل سنة.. عن دار الرسم بالكلمات.. تأليف عبد الرحمن حجاج .. عدد صفحاتها 95
طيب لو هنلخص الرواية دي في جملة واحدة هقول انا النسخه اللايت من الغرفة 207 لاحمد خالد توفيق رحمه الله
الرواية هنا بتقدملنا اربع قصص او خمس قصص لاشخاص مختلفين على مدار سنين مختلفة و بنتنقل ما بين الماضي و الحاضر و نشوف الاطار اللي بيربط القصص دي ببعض وهو عبارة عن كاميرا ملعونة .. بنبدأ نعرف ايه حكاية الكاميرا دي و ليه هي ملعونة.. وازاي الكاميرا بتتنقل بين الاشخاص دول وهما ملهمش علاقة ببعض ولا يعرفوا بعض... و نعرف نظرية ال 24 صورة.. الكاتب بيستعرض معاك فكرة اختياراتك في الحياه و ايه اللي يحصل لو اخترت غلط و مفيش حل انك ترجع في اختيارك تاني ...
الرواية لغتها بالعامية المصرية و احيانا في جمل و كلمات بالفصحى فا مش هنتكلم في حتة اللغة كتير
الرواية بسيطة جدا فالاول هتقرأ و تحس ان الكاتب عمال يتكلم في حكايات ملهاش علاقة ببعض لحد ما تبدأ الاحداث تتربط ببعضها فلازم تصبر و متحكمش عليها من الاول
طيب لو هنلخص الرواية دي في جملة واحدة هقول انا النسخه اللايت من الغرفة 207 لاحمد خالد توفيق رحمه الله
الرواية هنا بتقدملنا اربع قصص او خمس قصص لاشخاص مختلفين على مدار سنين مختلفة و بنتنقل ما بين الماضي و الحاضر و نشوف الاطار اللي بيربط القصص دي ببعض وهو عبارة عن كاميرا ملعونة .. بنبدأ نعرف ايه حكاية الكاميرا دي و ليه هي ملعونة.. وازاي الكاميرا بتتنقل بين الاشخاص دول وهما ملهمش علاقة ببعض ولا يعرفوا بعض... و نعرف نظرية ال 24 صورة.. الكاتب بيستعرض معاك فكرة اختياراتك في الحياه و ايه اللي يحصل لو اخترت غلط و مفيش حل انك ترجع في اختيارك تاني ...
الرواية لغتها بالعامية المصرية و احيانا في جمل و كلمات بالفصحى فا مش هنتكلم في حتة اللغة كتير
الرواية بسيطة جدا فالاول هتقرأ و تحس ان الكاتب عمال يتكلم في حكايات ملهاش علاقة ببعض لحد ما تبدأ الاحداث تتربط ببعضها فلازم تصبر و متحكمش عليها من الاول
June 18, 2024
رواية بكل ما تحمل الكلمة من وصف في دماغك.
مجموعة من القصص غير العميقة مربوطة بطريقة ما حول بعض الأفكار البسيطة التي يريد أن يوصلها الكاتب.
بها لمحة كوميدية من أول سطر جعلت الأجواء مرحة وخفيفة.
خيالية إلى أقصى حد بما في ذلك التفاعلات بين الشخصيات أو المشاعر الفياضة الصادقة التي منحها الأبطال كمبرر لتصرفاتهم.
إقحام شخصية فنية حقيقية ضمن الأحداث زاد من روائية هذه الرواية!
نهايةً هي عمل خفيف مسلي حالم قد تستمتع به في طريق سفر طويل أو حين تود الهروب إلى العالم الذي لا يمكن أن يحدث أبدًا، وكذلك قد تعطيك فكرة جديدة عن قيمة الصور وفرصة للتغيير إذا كانت نفسك مستعدة لهذا.
مجموعة من القصص غير العميقة مربوطة بطريقة ما حول بعض الأفكار البسيطة التي يريد أن يوصلها الكاتب.
بها لمحة كوميدية من أول سطر جعلت الأجواء مرحة وخفيفة.
خيالية إلى أقصى حد بما في ذلك التفاعلات بين الشخصيات أو المشاعر الفياضة الصادقة التي منحها الأبطال كمبرر لتصرفاتهم.
إقحام شخصية فنية حقيقية ضمن الأحداث زاد من روائية هذه الرواية!
نهايةً هي عمل خفيف مسلي حالم قد تستمتع به في طريق سفر طويل أو حين تود الهروب إلى العالم الذي لا يمكن أن يحدث أبدًا، وكذلك قد تعطيك فكرة جديدة عن قيمة الصور وفرصة للتغيير إذا كانت نفسك مستعدة لهذا.
February 26, 2025
الرواية حلوة جداً ، طريقة عبدالرحمن تحفة فالكتابة ، كنت مستمتعه جداً وأنا بقراها ، الكلام بين الناس واقعي ، فيه حاجات لزيزة ، بس كنت متوقعة نهاية اقوى من كدة عشان الفكرة فعلاً حلوة اوي ، كنت متوقعة ان كل الشخصيات يكون ليهم علاقة ببعد ، يعني الكامرا تختار ناس مثلا علشان حاجة معينة ، مش عشوائية و ناس ملهومش علاقة ببعض ، يعني عجبني جدا العلاقة بين نوح و هند ، كانت احست واحدة فيهم كلهم .
الرواية توحفة ، بس نهايتها كانت ممكن تكون احلا من كده !!😊
او ممكن جزء تاني ؟💁🏻♀️
الرواية توحفة ، بس نهايتها كانت ممكن تكون احلا من كده !!😊
او ممكن جزء تاني ؟💁🏻♀️
February 18, 2024
"اللي احنا عايزين نشوفه حقيقي هو بس اللي حقيقي"
رواية مكتوبة بابداع و عظمه كعادة طريقة حجاج المبهرة سواء في السرد او في الحوار.. شخصيات قادر تتعلق بقصصهم و بافعالهم في كتاب لا يتعدي ال١٠٠ صفحه.. قصه تشدك انك تفضل قاعد و تقرا الكتاب و تفهم قصته و قصة الكاميرا.
زي كل سنة
4/5⭐️
Tiktok/Booktok
@adamreads
رواية مكتوبة بابداع و عظمه كعادة طريقة حجاج المبهرة سواء في السرد او في الحوار.. شخصيات قادر تتعلق بقصصهم و بافعالهم في كتاب لا يتعدي ال١٠٠ صفحه.. قصه تشدك انك تفضل قاعد و تقرا الكتاب و تفهم قصته و قصة الكاميرا.
زي كل سنة
4/5⭐️
Tiktok/Booktok
@adamreads
July 31, 2024
3.5
الرواية لذيذة اووي و عجبتني فكرة القصص المختلفه اللي بتتقابل خلال نقطه معينة في الروايه لكن كنت متلخبطه في الاول اوي من الاماكن الكتير و في الحوارات اللي بتحصل ساعات كنت بتلخبط مين اللي بيتكلم او مين اللي بيرد بس بجد استمتعت بيها اوي🫶♥️
الرواية لذيذة اووي و عجبتني فكرة القصص المختلفه اللي بتتقابل خلال نقطه معينة في الروايه لكن كنت متلخبطه في الاول اوي من الاماكن الكتير و في الحوارات اللي بتحصل ساعات كنت بتلخبط مين اللي بيتكلم او مين اللي بيرد بس بجد استمتعت بيها اوي🫶♥️
September 27, 2020
معجبتنيش خالص
ملقتش ترابط واضح مع الشخصيات الكتير
كمان الايام لانها من غير السنه لغبطتني
مفهمتش حكايه الكاميرا معاهم كلهم بعضهم فقط
حكاوي مش متكامله قصه مش كامله
ومش حلوه
ملقتش ترابط واضح مع الشخصيات الكتير
كمان الايام لانها من غير السنه لغبطتني
مفهمتش حكايه الكاميرا معاهم كلهم بعضهم فقط
حكاوي مش متكامله قصه مش كامله
ومش حلوه
September 3, 2025
اية التحفه دييييي
بجد ابدعت كالعادة يا استاذ حجاج
وفعلا دي افضل رواية قرأتها لحد دلوقتي
الربط بين الشخصيات تحفههه زي الرواية
انت تستحق لقب المبدع فعلا يا حجاج، عاش❤️
بجد ابدعت كالعادة يا استاذ حجاج
وفعلا دي افضل رواية قرأتها لحد دلوقتي
الربط بين الشخصيات تحفههه زي الرواية
انت تستحق لقب المبدع فعلا يا حجاج، عاش❤️
October 26, 2019
أول حاجة قرأتها ل #عبدالرحمن_حجاج وكانت بداية المعرفة هي ...آخر رواياته
#زي_كل_سنة اللي حقيقي عجبتني جداً
أسلوب الكتابة جميل طريقة سرد الأحداث والتفاصيل مشوق .. فكرة القصة نفسها حلوة جدااااااً
بتدرو حوالين كاميرا بتختار شخص ما يدخل اختبار
ب انه يصور الحاجات اللي عايزها تستمر معاه .. تبقى ملكه وفي المقابل الأشياء التانيه حتختفي
الموضوع مش بالسهولة دي لأن الكاميرا كانت بتخلي اللي قدامها خاضع ليها ولسيطرتها ...!
زي ما تكون الكاميرا ليها قوة عظيمة هي اللي بتحركك ..
رجعت قرأتها تاني قبل ما اكتب عنها الكلام ده.
جواها شخصيات واحداث في أماكن مختلفة بالتدريج خيوطهم حتتشابك مع بعض ..
جوا الرواية جمل كتير حتستوقفك ... زي ...
دايمًا الشخص الغريب بيبقي أقرب إنسان ليك ...
زي دكتورك النفسي مثلًا ...
* * *
قال احدهم ...احتاج الي شخص غريب عني اخبره عن معاناتي وما بداخلي ثم يمضي كل منا الي طريقه وفي رواية اخري " ثم اقتله "
____________
الإسقاط في الحوار ده ...
عارف ايه الفرق بين كاميرات زمان وكاميرات دلوقتي !!!
كاميرات زمان الفيلم بيبقي فيه 24 صورة .. بتبقى خايف أوي على كل صورة منهم ... بتبقى عارف إن لو صورة قلشت منك مش حتعرف تعوضها ولو حاولت تعوضها يبقى بتضيع فرصة صورة تانية كان ممكن تصورها في رحلتك ..كان الصورة ليها قيمة ...
* * * *
الحوار ده يبان انه ع الكاميرا والتصوير بس لو شوفت اللي بين سطورها أو لو طبقت الكلام ده ع المعاملات بينا وبين الناس اللي بنحبهم
تخيل ان يبقى ليك رصيد معين عند الشخص اللي قدامك .. عدد مرات معينه يقدر يسامحك فيها لو غلطت او ضايقته أو غيره
لو أنت عارف رصيدك ده عنده اللي هو محدود بالمناسبة
تفتكر حتفضل تتعامل معاه زي ما أنت !
ولا حتاخد بالك كويس أوي عشان ماتستنفذش رصيدك عنده ع الفاضي !!!!
سؤال يستحق التفكير...!!!
__________
العبقرية في الجملة دي ..
ايه في الدنيا دي حقيقي ؟
اللي احنا عايزين نشوفه حقيقي هو بس اللي حقيقي ...
* * *
حاجات كتير بتحصل قدامنا ومعانا لو احنا مش مقتنعين بيها ومصدقينها عمرنا ما حنشوفها حقيقية ...
قناعتنا بالأشياء هي الوحيدة اللي بتحكم عليها وعلى مصدقيتها.
__________
السُلطة وان كانت السُلطة دي متمثلة هنا في الإختيار بس ..
اد ايه هي إدمان...
* * * *
تخيل نفسك في مكان ما...صاحب نفوذ وسُلطة وقادر تتحكم في مصاير حاجات كتير .. حتفضل زي ما انت ؟....
ولا السُلطة والتحكم في الآخرين حيغيرك ...!!!
___________
احساسك ومشاعرك وانك تمشي وراهم ياتري نتيجتهم بتبقي صح ؟
حاجات كتير ممكن تحسها صغيرة او تافهة وان انت أقوي منها بس مع الوقت لقيتها بتتحكم فيك من غير ما تحس!
______________
#زي_كل_سنة رواية يمكن تبان من برا بسيطة او مجرد قصة مشوقة وبس ... بس بالنسبالي انا اللي بين سطورها عظيم جداً ومش بسيط ابداً
#عبدالرحمن_حجاج غير انه موهبه رائعه جداً فهو من وجهة نظري انه كاتب مش سهل على الأطلاق.
كنت اتمني ان الرواية تبقى أطول من كده شوية لأني كنت مبسوطة جداً بيها وبالحاله اللي عيشتني فيها بس حنقول ايه بقي في البخل😅.
#حجاج عنده روايتين كمان
#حنين_اضطراري، #آخر_ايام_آدم
حرجع اقرأ #حنين_اضطراري تاني عشان اتكلم عليها لوحدها 😁
وفي رواية جديدة المعرض الجاي ان شاء الله... منتظراها بشده ... لان الكلام عنها مشوق جداااااً 😍😍
#حجاج كمان بدأ يكتب قصص قصيرة حلوة جداً الحقيقة أتمني إنها تستمر ...
آخر حاجة كنت عايزة اقولها .. ان #حجاج شخصية محترمة جداً وبيتقبل النقد والآراء بصدر رحب وده شئ عظيم بصراحه..
في انتظار الرواية الجديدة وفي انتظار التعديلات علي رواية #آخر_ايام_آدم
ربنا يبارك في موهبتك ويزيدها 🌸💙
#زي_كل_سنة 💞🙈
#عبدالرحمن_حجاج 💙
Displaying 1 - 14 of 14 reviews