ஆஷா - 60 நாள்

by Rajeshkumar

Thriller Based Fiction Written By Rajeshkumar

85 pages, Kindle Edition

Published February 9, 2018

Reviews

[Priyadarsini · Rating 3 out of 5]

நல்லதொரு காதல் கதைக்கு ஏற்ற களம், கிரைம் மன்னரிடம் சென்றதால் கொஞ்சம் சஸ்பென்ஸ், ஒரு கொலை என்ற பாதையில் செல்கிறது.

வேலை தேடி அலையும் ஆஷாவிற்கு ஒரு கம்யூட்டர் நிறுவன முதலாளியை காதலிக்கும் பொறுப்பு ஒப்படைக்கப்படுகிறது. அதற்காகக் கொடுத்த பணத்தைப் பாலியல் தொழிலில் இருந்து விடுபட்டுப் புதுவாழ்வு வாழ விரும்பும் தோழிக்கு அளித்துவிடுகிறாள்.

தன்னைத் தீண்ட விரும்பிய தாதாவை கொன்ற ஆஷா பெயர் மாற்றித் தமிழ்நாட்டில் இருப்பதைக் கண்டுபிடித்த போலீஸ் அவன் தீவிரவாதியாக இருந்ததால் அதற்காக அவார்ட் கொடுத்து இவளை கௌரவிக்க விரும்புகிறது.

உயிர் போக இருக்கும் நேரத்தில் கூடத் தன்னிடம் கொடுத்த பொறுப்பைக் காப்பாற்ற போராடும் ஆஷாவிற்கு அதன் பிறகு அனைத்தும் நல்லதாகவே நடந்தேறுகிறது.

ஆஷாவை திருமணம் செய்ய விரும்பிய கம்யூட்டர் நிறுவன முதலாளியான ஹரீஷ் அவளைச் சோதிக்கவே தன்னைக் காதலிக்கும் வேலையை அவளிடம் கொடுத்தது தெரியவருகிறது.

[Waves._.Diary · Rating 4 out of 5]

ஒரு சாதாரண வேலை, சாதாரண வாழ்க்கை என்று இருந்த ஆஷாவின் உலகம், ஒரே சம்பவத்தால் முற்றிலும் புரட்டிப் போடப்படுகிறது. வேலை இழப்பு, பொருளாதார நெருக்கடி, தங்குமிடப் பிரச்சனை—எல்லாமே ஒரே நேரத்தில் அவளை அழுத்தத் தொடங்குகின்றன.
அந்த நெருக்கடியான காலத்தில், அவளது வாழ்க்கையில் எதிர்பாராத ஒரு வாய்ப்பு கதவைத் தட்டுகிறது. யாரென்று தெரியாத ஒருவர், வேலை, சம்பளம், எதிர்காலம் என நம்பிக்கை தரும் வார்த்தைகளுடன் ஆஷாவை அணுகுகிறார். ஆனால் அந்த வாய்ப்பு உண்மையிலேயே ஒரு தீர்வா? இல்லை அதற்குள் மறைந்துள்ள வேறு ஒரு விளையாட்டா?
ராஜேஷ் குமார் வழக்கமான க்ரைம் பாணியில், நம்பிக்கை–சந்தேகம், பயம்–தைரியம் என்ற இரு முனைகளுக்கிடையில் ஆஷாவை நிறுத்தி, வாசகனையும் அதே பதற்றத்தில் இழுத்துச் செல்கிறார்.
“ஆஷா 60 நாள்” — ஒரு பெண்ணின் மன உறுதி, முடிவு எடுக்கும் தருணங்கள், மற்றும் சூழ்நிலை அவளை எவ்வாறு சோதிக்கிறது என்பதைக் க்ரைம் பின்னணியில் சொல்லும் நாவல்.