الكتاب الأصفر

by محمد جـلال, عادل بو حسون (Narrator)

عندما تنظر حولك إلى كلّ هذه التفاصيل التي تجتاح حياتنا بشكلٍ يومي ستجد خيطًا رفيعً مشتركًا فيما بينها.. هذا الخيط هو الجنون !! وإذا ما حاولت جمع هذا الجنون في كتاب سيخرج أمامك هذا "الكتاب الأصفر" الذي ليس سوى محاولة للتعبير عن السرايا الصفراء التي نعيشها بشكلٍ يومي ومحاولة إثبات أنَّ الدنيا ليست مسرح بل مستشفى مجانين ! "الكتاب الأصفر" هو خلاصة جهد ممميّز وروح ساخرة ونكاتٌ يومية تُلقى في وجوهنا ربّما لم نكن نبالي بها من قبل والقليل من الآراء السياسية التي لا تخلو من الفكاهة، فإذا أردت فسحة راحة بعد يومٍ طويل عليك أن تبدأ بالاستماع الآن ولن تفارق الضحكات وجهك..

Genres: Audiobook

Audiobook

First published January 1, 2014

About the author

مصري.. مواليد 1989..
حصل على بكالوريوس في هندسة الطيران..
شارك في كتابة والإشراف على كتابة العديد من البرامج آخرها "الليلة دي" ،"أسعد الله مساءكم"، "ساليزون"، "الأبواب المغلقة".
أعماله الدرامية: مسلسل "الأب الروحي جـ1" ، مسلسل "رحيم"

صدر له :متتالية قصصية بعنوان 4 2011
الكتاب الأصفر عن دار أطلس 2014
سِفر التحليق عن دار ن 2015
100 حلم قبل الموت عن دار ن 2016
حروب الجيل الضايع عن دار الرواق 2017

Reviews

[Kamal · Rating 1 out of 5]

كيف تكتب كتابًا للنسيان؟

هذه ليست مراجعة للكتاب فهو أبسط من ذلك، لكنها فرصة للكتابة عن الكتابة.

في كورس بـ 150$ (وشوف بقى الدولار بكام النهاردة) اسمه (The 2 hour writer) يقسّم (Dan Koe) المحتوى إلى ثلاثة أقسام: واسع/وسط/ وجيز.

المحتوى الواسع/الطويل يهتم بالتعمّق في الموضوع المطروح ويبني ثقة بين الكاتب والقارئ.
(المقالات والبودكاست والـ Newsletters وڤيديوهات اليوتيوب والكتب.)

المحتوى معتدل الطول يجمع بين العمق والنمو السريع.
(الـthreads، بوستات فيسبوك أو LinkedIn الطويلة، أو مراجعة كهذه.)

والمحتوى الوجيز/القصير لاختبار الأفكار وزيادة الانتشار.
(التويتات والستوريز والريلز والتيكتوكات وأي بريف في رغيف.)

ويمكن دائما تحويل تويتة أو فكرة إلى محتوى طويل إن أدت جيدًا ونتبسط كلنا.
لكن ما حدث في هذا الكتاب هو تكديس تويتات كثيرة في خيال مآته عله يصير إنسانًا، عافية كده.

والمشكلة في ذلك أن المحتوى القصير عمره قصير عادة، لأنه يجبر كاتبه على السطحية، فلا مساحة لديك للتعمق، خصوصًا وهذا المحتوى مُصاغ بالعامية التي تتغير يوميًا ويحكمها التريند الذي يبدأ ليندثر.

أمّا الكتب فهي باقية، وما يجعلها كذلك ليس كونها كتبًا، ولكن جودة ما تحتويه وعمقه.

وأمّا ما يُكتب على حوائط المواقع كتعليقات سطحية على أحداث معينة فهو للنسيان، تمامًا كهذا الكتاب.

[محمد عصمت · Rating 5 out of 5]

من أروع الكتب اللي أنا قرأتها في مجال الساخر
نجحت في رسم الضحكة علي وشي طول ما أنا بقراه لدرجة ان اللي حواليا خافوا مني و قلقوا خصوصا اني كنت بقراه في مواصلة

أحييك بجد و فرحان أوي إني من قرائك

[نرمين الشامي · Rating 3 out of 5]

كتاب لذيذ هو صحيح فيه بعض مواضع تحمل قدر من الاستظراف والفاظ صعبة واراء سياسية قد لا اتفق معها تماما لكن مجمل الكتاب مسلي والكاتب له مستقبل بإذن الله

[ريهام عطية · Rating 1 out of 5]

وجدت الكتاب عبارة عن تغريدات او استاتيوهات مجمعة من تويتر وفيس بوك .. لم يأتي بجديد او يطوي استفادة ولم يضحكني كثيرا ... بالأضافة اني لم اجد ان عبارة "محاولة لف السراية الصفراء في ورقة
بفرة" عبارة معبرة عن محتوى الكتاب ولم ينجح الكاتب اصلا في لف اي شئ في اي شئ!!! فضلا عن انها غير واضحة
اخيرا هي محاولة اولى لشاب مجتهد لم ترقى عن كونها محاولة اولى

[Nada Sobhi · Rating 1 out of 5]

كتاب خفيف وثقيل في نفس الوقت - ثقيل في إن "دمه تقيل"
مكتوب بالعامية وفي صورة نقاط
معظم محتوى الكتاب موضوعات قديمة وقُتلت بحثاً وكلاماً
هناك بعض الفصول الظريفة - بعض الشيء
هو كتاب أصفر فعلاً وكنت أتوقع أن يكون أظرف من ذلك

ربما يكون أفضل بعض الشيء عن كتاب "كتاب مبوش اسم"

أحلى حاجة إني مشتروتوش واستلفته

[Hazem Sharkawy · Rating 4 out of 5]

من المقدمة للخاتمة ..كتاب يخليك تبتسم علطول سواء ع نفسك أو ع الشعب أو على البلد وهاتكتشف فعلا اننا عايشين في سرايا صفرا كبيرة ...ماتحسش بالوقت او بعدد الصفحات مع الكتاب :D

الكتاب اللي جاي هايبقى أصعب بكتير .. بالتوفيق

[لقاء السعدي · Rating 1 out of 5]

كنت أريد قراءة كتاب خفيف،
لكن ليس لهذه الدرجة من الخفة التي تصل حد السخافة كمحتوى هذاالكتاب !

الكتاب أشبه بمنشورات موقع فيس بوك
ولا أعتقد أنها تستحق أن تُجمع لتُخلد في كتاب
حقًا لا أدري كيف تُنشر مثل هذه الكتب

الحسنة الوحيدة في الكتاب هو غلاف المصمم كريم آدم.

[إسلام عماد · Rating 4 out of 5]

ف الاول كنت مقلق من اراء بعض الناس على الجودريدز...بس افتكرت المقولة اللى بتقول متصدقش كلام الناس..كلام الناس لا بيودى ولا يأخر..

القراءة بالنسبة لى متعه...و الكتاب دا امتعنى فعلاً..الاسلوب بسيط وسلس و الجزء اللى بيضحك بيضحك و الجزء اللى بينصح بينصح...الاسفاف موجود ف بعض الجمل للى بيحب الاسفاف -وانا منهم- و الوعظ موجود برضو للى بيحب الوعظ -وانا منهم-

:3

عجبنى اوى 90% من المحتويات خصوصاً
"قبل ان يغلق باب المحرقة"
"قصة فصيلة" فشيخة بمعنى الكلمة
إزاى ننجح

شكراً يا جلال و سلامى ليك و لأصحابك و اولهم عم حسن :*

[Hager Moharram · Rating 3 out of 5]

I liked the book alot. I needed such a comedy. Just the right book at the right time. I enjoyed it and looking forward for other works by Mohamed Galal

[Ahmed Diab]

علشان ده سموه الكتاب الأصفر

[Sara · Rating 1 out of 5]

من أجل الجود ريدز نجمة
الكتاب مكرر حرفيًا .. الفكرة أنه اتكلم في الحاجات اللي كل ممن يطلقون علي أنفسهم كتّاب ساخرين أتكلموا عنها
نسخة الكتاب الأول ليهم كلهم واحده

كلهم شاركوا في أحداث يناير
كلهم مالهمش ميول سياسية غير التقدم
شويه سخرية علي حزب الكنبة و الفلول و العسكر و الأخوان
و ارحموا مصر يا أخوانا
2
نتكلم عن الذكريات بقي.. أواخر الثمنينات أوائل التسعينات
ربنا رحمني و أتولدت 94 عقبال ما كبرت مكنش فيه إلا بواقي ذكريات

3
نتكلم عن الأمثلة الشعبية
الزحمة و المصالح الحكومية

4
أي نصايح .. خطوات .. حاجات مرقمة و خلاص
و الأهم لازم ننصح بالقراية ده أساسي

5
نختم بالفيس بوك بقي

و مبروك بقي في كتاب يصلح لتحويله بوستات فيس بوك تجيب لايكات

***

مجرد سؤال .. أنتوا لما بتمسكوا أدب ساخر أمريكي أو ياباني أو فرنسي ، و تشوفوا المجهود المبذول في البحث و الدراسة و الكلام المفيد اللي أساسي بيضحك بتقدروا تمسكوا قلم و تكتبوا أزاي تاني ؟

أنا بعتذر لو أسلوبي بقي حاد بس يمكن ده الكتاب العاشر اللي في نفس المواضيع بنفس الأسلوب و وجهة النظر
فهل أنتم مش بتقرأوا حتى لبعض ؟

[Mennat Sayed · Rating 5 out of 5]

وعدت اكون شرسة وها انا افي بوعدي حتى النهاية
بس برضه الشراسة ملهاش علاقة باستحقاق الكتاب لخمس نجمات بتقديري الشخصي لكون الكتاب بيغطي النقط الاساسية اللي بالنسبالي بتصنف كتاب ادبي ممتع و بيحقق الهدف منه و كتوصيف الكاتب نفسه لكتابه كـ(استراحة ادبية بين عملين ادبيين قويين) انا بعتبر انه قدر يحقق ده بامتياز
احلى ما في الكتاب زي ما قولت للكاتب : انه مبيستظرفش ... و ان في توازن للافكار لو الكاتب بيحاول يكون ديبلوماسي في عرض افكاره فهو ناجح جدا في ده و لو هي دي افكاره الخام بدون اي تعديل فدي دماغ الصراحة تستحق اوسكار احسن موضوعية و حيادية
في نقطة ضعف صغيرة اوي في الكتاب و هي ان معظم موضوعاته معتمدة على السرد في نقاط و ده بيخليني اتمنى اشوف كتاب مكتوب بشكل مختلف يوضح قوة اسلوب الكاتب (اللي انا متاكدة انها عنده) لما يجي يكتب موضوعات طويلة ( زي ما عمل في فصل الدليل التسويحي )
و لاني كائن غلس فلازلت بقول ان الكتاب كان يستحق اهتمام اكبر من دار النشر احتراما منها للكاتب والقارئ

تحباتي :)

[Mahmoud Elmoustapha · Rating 5 out of 5]

مش هاكتب ريفيو عن الكتاب بصراحة ، لكن هالخّص اللي عايز أقوله في نقطتين :

● محمد جلال هيبقى واحد من أحسن وأهم الكُتّاب في مجال الكتابة الساخرة والكوميدية لو أستمر و طوّر من نفسه .. برغم اختلافي في أجزاء قليلة موجودة في الكتاب ، لكن طريقته تشِدّ الإنتباه ، وأسلوبه ممتع ، ظاهره هزل و باطنه يحمل معاني كتير.

● لو عايز تضحَك بجد و من قلبك - مش مجرد إبتسامات - .. ولو عايز شوية نصايح تفيدك مكتوبة بشكل جذّاب - مش على شكل التنمية البشرية الحمضانة - .. يبقى حاول تقرأ الكتاب دة وحاول فيما بعد تتابع بشكل ما مؤلفه.


شُكرا يا جلال على الكتاب اللطيف دة

[Ahmad Mohy · Rating 4 out of 5]

الكتاب الأصفر : مجموعة من الأفكار المثارة في ذهن الكاتب ، والكثير من جيله .. كما يتفق مع بعضها العديد من الأجيال الأخرى ، فهو كتاب يعكس واقعنا على صفحاته لنذكر ما نسيناه وننتبه لما غفلنا عنه ..
تحياتي للكاتب ، وتمنياتي له بالنجاح والتوفيق ، وفي انتظار لون مختلف من الكتابة أو تطوير مبتكر لهذا النوع الساخر

[Dedo Doda · Rating 5 out of 5]

اول كتاب اقراه فى حياتى ومدى استمتاعى بكل كلمه لا يوصف بجد من الكتب الى تخليك كل ما تخلصه ترجع تقراه تانى وتالت ورابع واسلوب ساخر جديد ... مع انى من الناس الى بتكره القرايه وعمرى ما خلصت كتاب بس الكتاب استفزنى انى اخلصه واحلى حاجه فيه ان كل فصل منفصل عن التانى ... بجد تحفه ماشاء الله

ربنا يكرمك وتمتعنا اكتر
شكرا محمد جلال :)

[Emy Maher · Rating 4 out of 5]

طبعا مش كل الجمل تفطس من الضحك بس عجبتنى قوى زكريات زمان والتريقة عالامثال الشعبية و جزء السياحة فى مصر وشوية جمل منطورة فى الكتاب :)

[Ahmed Ebrahim · Rating 3 out of 5]

كتاب لطيف جدا ًالحقيقه وممليتش منه واضح تأثير يحي حقي بس مين ميتأثرش بيه ؟

[Karim Abdullah · Rating 4 out of 5]

مسخره .. إنما عباره عن مجموعه تدوينات و ليس عمل ادبي متكامل
بس انا انبسط بيه اكتر من تدوينات سلامه و " شكلها باظت " لطاهر
مناسب جداً لو بتدور علي كتاب يغير مودك و خفيف و ساخر و تخلصه في ساعتين

[عمر عوده · Rating 5 out of 5]

ستيتس دمها خفيف حاجات كتير منها ضحكتني قوي مشروع كاتب ساخر متميز :)

[Eman Mobarak · Rating 3 out of 5]

تجربة مبهجة جدا في بعض الفصول لكن كان فية فصول تانية عادية ..منتظرين من الكاتب اكتر في مجال الادب .. بالتوفيق :)الساخر لان عدد البارعين في المجال دة مش كتير مع الاسف

[Tarek · Rating 3 out of 5]

تستطيع أن تنتهي من قراءة هذا الكتاب في أقل وقت ممكن، ومؤلفه مشروع كاتب ساخر أتمنى له التوفيق.

[Nabil Rady · Rating 4 out of 5]

شكراً يا جلال بجد كتابك فطسني من الضحك .. كتاب راااااااائع وجميل جداً

[Mohamed Hesham · Rating 3 out of 5]

أكيد فيه حاجات جميلة جدا لكن إجمالا 3 نجوم
لو كنت قريته علي النت كنت ممكن احبه اكتر.... و بشكل عام انت كتاباتك علي النت فيها حاجات اقوي كتير من الكتاب

[Omneya · Rating 3 out of 5]

أستمتعت و أتمزجت..
و حسيت أني مش لوحدي لسه عايزه ابني البلد دي!

[Dee · Rating 4 out of 5]

ف جزء ال ٨٠ اول مره كتاب ياخدنى كده وافتكر مرحله مرحله من السن ده مع ان الفكره مهروسه ١٠٠ مره

[Mohamed · Rating 3 out of 5]

كتاب ساخر باللهجة العامية
أوله كان شيق ومقتطفات من كلام المشاهير فى فترة مابعد الثورة لدرجة انى حبيت الكتاب وقلت هو ده
لكن بعد كده لقيت ابتذال وتقل دم اوفر اوى خصوصا فى منتصف الكتاب
بس ختامه كان كويس خصوصا من اول جولة فى معالم مصر السياحية حتى نهايته حسيته رجع للسخرية المعتدلة ذات خفة الدم وعجبتنى جدا
واضح ان الكتاب محاولة اولى للكاتب وفى المجمل مش وحش لكن مش حلو
ولكن اتوقع ان محاولته القادمة تثمر عن كتاب ساخر معقول وبالتوفيق

[Youssry Effat · Rating 3 out of 5]

كتابلذيذ و خفيف جدا
ممتع جدا و اظن كان وقت قرائته المناسب
هو يكون الفتره اللى كانت بعد الثورة

[Aysha__tr · Rating 5 out of 5]

بصراحة الكتاب لطيف جداً رغم انه باللغة العامية ولكن قدر الكاتب يرسم الضحكة على ملامحي

[عاصم رمضان · Rating 1 out of 5]

مش عارف اللي رشح لي الكتاب دة ع Reddit كان قصده ايه..
كتاب فارغ عبارة عن شوية نكت وبوستات قصيرة (من فيسبوك العِقْد الماضي) (aka نكت نورميز)
من الآخر محدش يضيع وقته فيه مش فايتك كتير

[Marwa · Rating 3 out of 5]

كتاب خفيف ولذيذ، أكتر جزئية عجبتني وهو بيكلم مواليد الثمانينات.
فرحت بكم الحاجات اللي ذكرها، وحسيت بالحنين والحُزن في نفس الوقت!