الكتاب الأسود

by Muhammed Salah

دكتور نفسي في جامعة القاهرة ( ماجد ) يستقيل من منصبه بسبب عدم إهتمام الطلاب بالعلم الذي يقدمه
ولكن يأتي عرض عمل مصحه ٩٠٩٠ و الذي يكتشف حاله من المبني الأحمر وهي الكاتب الروائي الكبير أ/محب ويبدأ ماجد رحلة البحث عن سبب وجود حالة الكاتب محب في المصحة ولكن صمت الكاتب المستمر لمدة خمس أعوام جعل ماجد يبحث عن من كان حوله قبل الذهاب للمصحة ..ليجد فتاه تسمى سيلڤيا عاشقة محب قبل التدهور ليعلم ماجد بوجود كتاب كان يقرأه محب يسمى الكتاب الأسود، الكتاب الذي ظهر عن طريق ساحر يمني عام ١٨٤٨ ليتخلص من قوه أرض بابل، ثم يجد نفسه عالقًا تحت أخطار هذا الكتاب..

Genres: Horror

295 pages, Paperback

Published March 28, 2019

Reviews

[Kħâlêđ Ḿøħšên · Rating 2 out of 5]

حسيت لما جبت الرواية اني هقرأ حاجة مختلفة ، رواية غير اى رواية قرأتها ، لكن للأسف واخدة أكبر من حقها ، بصراحة انا عمرى ما انتقدت حد بس عارف احساس انك اتغفلت كدة مرة واحدة ، او حد كب عليك مية سقعة وانت مش واخد بالك ، اهو ده نفس احساسي لما انتهت الرواية ، نجمتين عشان طريقة سردك كويسة وعشان عيشتني شوية فالقصة ، وعشان تصميم الغلاف وشكل الكتاب ، ونصيحتي ليك حاول تشوف مصحح لغة عربية كويس لأن في اخطاء كتيرة جداااا جدااااا فالرواية ، غير طبعا الصفحات المكررة ، ، واتمني ليك التوفيق في الأعمال القادمة

[Khaled Mohamed · Rating 4 out of 5]

الرواية مشوقة جدا
بدأتها نص الليل وخلصتها بعد الفجر
فكرتها جميلة فكرة الطب النفسي مع العالم السفلي وبيكون في رابط بينهم بشكل او باخر
بس الفصل الأخير اما ماجد أتعرف على الف كان ممكن يتعمل احسن من كدا
طبعا في جزء من الفكرة شبيهة بالفيل الأزرق (الفكرة بس) وجزء تاني من الفكرة حسيت انها جاية من مسلسل ونوس بس الكاتب مبدع الحقيقة
بس رجاء المدقق اللغوي يضبط الاداء شوية في كمية غلطات إملائية اوفر جدا

[Manar Ezz · Rating 5 out of 5]

الكتاب اكثر من رائع و مُشوق و غامض و اثار فضولي و اتمني يكون فى جزء اخر للكتاب لأنه يستاهل القراءة، احب اوجه شكر كبير للكاتب لأنه جعلني استمتع بوقت كبير و انا بقرأ هذا الكتاب

[Wesam Mahfouz · Rating 1 out of 5]

للاسف من أسوأ الكتب اللي قرأتها ...الأفكار غير مترابطة والكتاب نفسه غير مفهوم وكله اخطاء إملائية...حتى اللغة سيئة وبعض المصطلحات لا تصلح انها تذكر...والوصف جدا ركيك..
صحيح في الكتابة نطلق العنان لمخيلتنا لكن بذكاء بحيث ما نسخر من القاريء ...للاسف عنوان الغلاف وحتى شكله ما الهم علاقة بالمضمون واساسا ما اله هدف إلا صف حكي ويا ريت صحيح

[Kerolous Samir · Rating 2 out of 5]

لطالما كان يتسارع عقلي و تتحمس اصابعي لكتابة ريفيو بعد قراءة كتاب أو رواية جيدة و لكن تلك المرة العكس !

اشتريت تلك الرواية من معرض الكتاب الذي تم إنعقاده في سوهاج للمرة الأولي ، وياليتني ما أشتريت ، لا أعلم هل بالفعل تم مراجعة تلك الرواية قبل نشرها ولو من قبل شخص في الصف الأول الإعدادي ، أم دار النشر كانت معصوبة العينين؟!

دعني أكمل الريفيو بالعامية ... ❗

(١) مفيش ٣ سطور هيعدوا عليك الا لو كلمة أو اتنين أو خمسة غلط .

(٢) أجمع فكرة الفيل الازرق علي فكرة فيلم fight club و اتعشيت علي كده .

(٣) إصرار الكاتب علي انه يحاول يخوفك و يعيشك جو من الرعب ، بيخليك تقف في اجزاء معينة و تقول ايوه أنا المفروض أخاف ؟؟

(٤) بعد ما الرواية بدأت بكذا صفحة بيجي يقولك ها جاهز ؟ علشان لسه الرواية هتبدا !! .. لا ياخي .

(٥) اصراره علي حشر الديانة المسيحية و خلاص !

(٦) حاطط صور اغلبها مش باين من الطباعة و الظاهر زي صورة الراهب ملهوش علاقة بالمحتوي اصلاً .

(٧) الرواية مناسبة ليك لو انت شخص بتحب الحاجات ( الخفيفة جدا ) لكن لو علي الاقل قريت روايتين تلاته قبل كده فبلاش منها .

أتمني الكاتب ياخد باله من الحاجات دي و يطور من نفسه ، مش عيب انه يتعلم من اخطائه و ربنا يكرمه في عمل تاني يبقي افضل .

🔴 اخيراً الرويات في وجهة نظري زي الملابس ، ازواق ممكن الـ ميعجبنيش يعجبك و ممكن العكس .

[Marwa Abol Ela · Rating 3 out of 5]

في نظري كمحبة و عاشقة لأدب الرعب و سينما الرعب تقييمي أن الرواية متوسطة جدا لعادية. بداية الغلاف السيء الذي يخلو من التشويق و الإبداع لكني تغاضيت عنه أملاً في الاستمتاع برواية جيدة. الأخطاء الإملائية أفسدت الكثير من المتعة و بعض الجمل غير مفهومة بالمرة ولا تتماشى مع السياق العام. أكثر ما أعجبني هو أن السرد جيد و تتابع الأحداث لا بأس به لا هو بطيء ولا سريع. الحوار بين الشخوص يحتاج لبعض التنظيم حتى لا يتشتت القاريء. كنت أتمنى أن يتم ذكر معلومات أكثر عن الكتاب و عن عبد الله الحظرد لإن فعلا الموضوع أعمق مما ذكر بالرواية . لم أرتعب البتة ولم تبهرني النهاية و شعرت أن الرواية في المجمل متشابهة في الأحداث و الموضوع مع رواية الفيل الأزرق و أنتيخريستوس و بعض ڤيديوهات عن السحر الأسود على اليوتيوب و بعض أفلام الرعب الأجنبية. لقد حاول الكاتب مزج علم النفس مع السحر و الجن و الشياطين و هي فكرة ليست سيئة و كان من الممكن تناولها أفضل و أعمق من ذلك. بالتوفيق للكاتب و أتمنى أن يتجنب تلك الأخطاء في المستقبل.

[Ahmed Medhat · Rating 5 out of 5]

من اكتر الروايات تشويق

[Youssef Omran · Rating 1 out of 5]

خرة بس بيتقري

[hiba halouane | هبة حلوان · Rating 4 out of 5]

اسم الكتاب: الكتاب الأسود
الصنف: رواية
المؤلف(ة): محمد صلاح عبد الكريم
عدد الصفحات: 295

الدكتور "ماجد" دكتور
نفسي في جامعة "القاهرة " يقدم استقالته من منصبه بسبب عدم اهتمام طلابه بعلمه الذي يقدمه لهم..تأتي لماجد بعد استقالته فرصة عمل بمصحة ٩٠٩٠ ،ماجد شخصية محبة للاكتشاف لاتحب الأشياء الذي يستطيع الجميع فِعلها، وافق الدكتور على فرصة العمل ، بعد ذهابه للمصحة قرر تتبع أصعب وأخطر حالة موجودة فيها رغم رفض مدير للمصحة إلا وأنه استطاع إقناعه. الكاتب "محب" كانت كانت هي حالة الدكتور ماجد ..بعد امتناع محب عن الكلام يحاول ماجد جاهدا للبحث عن سبب دخول الكاتب للمصحة ليكتشف
وجود أشياءاً تدمر حياته بالكامل

رأيي الشخصي: فكرة الرواية شبيهة بفكرة رواية الفيل الازرق ، تمتلك رواية الكتاب الاسود بعض الأخطاء الإملائية.. رواية تناسب من يحب روايات الغموض

[إيمان العليلي · Rating 3 out of 5]

الرواية جميله.. لكن للأسف بها كمية أخطاء إملائية و لغوية فظيعه، غير الجمل اللتي صعب فهمها لنقص الكلمات بها او لضعف صياغتها

[Nour Sayed · Rating 5 out of 5]

فظيع

[Sarah · Rating 3 out of 5]

2.5/5.0 Stars

[Yazan Algarawneh · Rating 5 out of 5]

حلوه
وتستحق القراءه
رواية رعب

[Angelique ༺♡༻ · Rating 5 out of 5]

كتاب ممتع جدا ً قرأته في يومين من كتر ما هو بيجذب القارئ و الplot twists غير متوقعة

[Hadeer Edris · Rating 2 out of 5]

اسلوب الكتابه ركيك الي حد كبير
اخطاء املائيه في كل صفحه تقريبا
كتاب اندم علي وقتي فيه

[Salma ✧˚.࣪ · Rating 1 out of 5]

كتاب سئ جدا
رغم اني خلصته ف يومين بس سئ جدا
اخطاء املائية كتير، الافكار غير مرتبه و الحوار ضعيف وغير مرتب كنت بتوه مين بيقول ايه
القصه نفسها مش حلوة و عادية جدا
بائع الكتاب بالغ ف قد ايه هو جميل ومحصلش و ان كاتبين كتير قروه و كان نفسهم يبقى اسلوب كتابتهم زي ده ويعملو كتاب زيه