Nýja íslenska stjórnarskráin

by Þorvaldur Gylfason (introduction), Vigdís Finnbogadóttir (introduction)

Vigdís Finnbogadóttir, forseti Íslands 1980-1996, ritar formálsorð þessarar fallegu bókar, sem hefur að geyma nýju stjórnarskrána ásamt ítarlegum sögulegum inngangi eftir Þorvald Gylfason prófessor. Nýja stjórnarskráin var samþykkt í þjóðaratkvæðagreiðslu 20. október 2012 af yfirgnæfandi meiri hluta kjósenda.
Bókin lætur ekki mikið yfir sér en lýsir þó afreki þjóðar, afreki sem almenningur á Íslandi vann í kjölfar áfalls sem hann varð fyrir árið 2008. Það á vel við að gefa þessa bók, bæði sjálfum sér og öðrum.
Í sögulegum inngangi Þorvaldar er útskýrt hvers vegna þörf var á nýrri stjórnarskrá og af hverju Alþingi hefur ekki enn fullgilt hana. Í formálsorðum sínum segir Vigdis Finnbogadóttir af því tilefni: „Að mínu mati hefur íslenska þjóðin beðið nógu lengi eftir nýrri stjórnarskrá …“
Þekktasti lagaprófessor Harvard-háskóla, Lawrence Lessig, spyr af sama tilefni: „Er þjóðin fullvalda eða er hún það ekki? Ef þjóðin er fullvalda, krefst hún þess þá ekki að vilji hennar sér virtur?“
Elvira Pinedo, prófessor í lögum við Háskóla Íslands, segir réttilega: „Þessari spennandi sögu er sannarlega ekki lokið. Lesið endilega!“

97 pages, Paperback

First published January 1, 2018

Reviews

[Viktor Árnason · Rating 5 out of 5]

Já þessi bók hjálpaði mér að skilja afhverju Ísland þarf nýja stjórnarskrá, sérstaklega ef lesin samhliða með núverandi stjórnarskrá.

[Þórður Atlason · Rating 4 out of 5]

Skýr og fræðandi samantekt á atburðarásinni og ferlinu, sem leiddi af sér smíði nýrrar stjórnarskrár með áður óþekktri og lýðræðislegri aðferð.

Mér er núna ljóst mikilvægi þess að Ísland öðlist nýja stjórnarskrá, því að í henni er
- vald og hlutverk forseta skýrt afmarkað
- þjóðareignarréttur auðlinda landsins tryggður
- atkvæðavægi gert jafnt

Við Íslendingar búum við gott stjórnskipulag en lengi má gott bæta.
Með þessari nýju stjórnarskrá væri auðvelt að vera stoltur af Íslenska Lýðveldinu.

Mæli með lestrinum