Чинагийн Галсан Туужууд

by Ч.Галсан

Герман хэлээрх зохиол бүтээлээрээ дэлхийд нэр хүндийг олсон Монгол зохиолч Чинагийн Галсаны бүтээлийн эмхэтгэл. Уг бүтээлд дараах туужууд агуулагдсан.
1. Аянгат цагийн тууж
2. Арван сарын тэнгэр доор
3. Ноомой эрийн мөрөөр
4. Тэнгэрийн зүүд (өгүүллэгийн түүвэр)

342 pages, Paperback

Published January 1, 2017

Reviews

[Б. Долгорсүрэн · Rating 5 out of 5]

Амттайхан аяллын минь хачир байлаа. Тува хөвгүүн Галсангийн богино туужуудын эмхэтгэлийг Туватай залгаа Улаан тайгад 5 хоног рашаан усанд амарч аялахдаа уншиж дуусгалаа. Монгол аж амьдрал ахуй, байгаль хүмүүний байр байдлыг уран үг, ухааны цараагаар хоймсолж томжээ. Орчин үеийн зохиолуудаас арай л анги байна шүү.

[Оддбаяр · Rating 5 out of 5]

Хэт өндөр хүлээлт тавих нь урам хугаралтын гол шалтгаан болдог тухай мэдэх ч, номын зохиолчын талаар уншиж, дуулж байсны хувьд хүлээлтийг доогуур тавьж чадсангүй. Гэсэн ч хүлээлтийг маань давсан бүтээл байсанд талархаж байна. Хүн бүрийн бичгийн хэв маяг өөр байдгийн адил зохиолч бүрийн бичвэрийн хэв маяг өөрсдийн онцлогтой, тэр онцлог нь бүтээлийн гол орц болох юм.

Өмнө нь 20-р зууны сонгодог монгол романуудыг уншсаны дараагаар монголын туужуудыг уншиж эхлэхэд төрөл хоорондын ялгарал маш тод харагдах шиг болов. Тууж илүү амттай, сэтгэл хөдөлгөм юм. Түүхэн романуудын тусламжтайгаар түүхэн үйл явдлын мэдээллийг авдаг, урт хугацааны өрнөлтэй байсан бол роман тухайн бичвэрийн тухайн цаг хугацааг илүү хүчтэйгээр, илүү бодитоор мэдрүүлдэг бололтой.

[Gombosuren · Rating 2 out of 5]

Энгийн , бидний эргэн тойрны амьдрал дунд тохиолддог зүйлсийг хүүрнээд байгаа юм шиг мөртлөө нэг тийм хүн ёсны асуудлыг хөндөөд байгаа шиг санагдлаа