ပျော်နိုင်ပါရဲ့နဲ့ ပျော်ဖို့မေ့နေသူများ

by ဒေါက်တာအရှင်ဓမ္မသာမိ

စိတ်ပျော်ရွှင်မှုဆိုတဲ့ Happiness ကို သက်ရှိသတ္တဝါအားလုံး လိုလားတောင့်တကြတယ်။ တချို့က ထင်ထင်ရှားရှား ရှာဖွေကြတယ်။ တချို့ကတော့ ရှာလို့ရှာမှန်း မသိဘဲနဲ့ ရှာနေမိကြတယ်။ တရားဘာဝနာ ကျင့်ကြံသူ သူတော်စင်များလည်း စိတ်ပျော်ရွှင်မှု စိတ်ချမ်းသာမှုကို ဦးတည်ပါသည်။

မပျော်ရွှင်သူမှာ သူများကောင်းကျိုးကို အလွယ်တကူ လျစ်လျူရှုနိုင်၏။ ကြောက်ရွံ့စိတ်အုပ်စိုးနေသူမှာ လူတိုင်းကို ပြိုင်ဘက် (သို့) အန္တရာယ်အဖြစ် မြင်နိုင်၏။ သူ့အတွေးအခေါ်များထဲမှာ တင်းမာမှု အလိုအလျောက် ရှိနေတတ်၏။ အသိပညာ အတတ်ပညာရှိသူ၊ အာဏာရှိသူ၊ ပစ္စည်းကြွယ်ဝသူများ မပျော်ရွှင်ပါက ယင်းကဲ့သို့သော တင်းမာမှုသည် လူများစွာသို့ ပို၍ ကူးစက်တတ်၏။ မပျော်ရွှင်မှု၏ negative energy သည် ခေါင်းမာမှုအသွင် ဆောင်၏။ အလွယ်တကူ မပြေပျောက်နိုင်ဘဲ ရှိနေတတ်၏။ ထို့ကြောင့် မပျော်ရွှင်မှု (ပါဠိဘာသာ - အရတိ) ဆိုသည့် စိတ်ခံစားမှု အကျင့်အကြောင်းကို လူတိုင်းလူတိုင်း သိနားလည်သင့်ပါသည်။

179 pages, Paperback

Published September 1, 2019

Reviews

[Phyoe Kyaw · Rating 5 out of 5]

ဗြဟ္မစိုရ်တရား ၄ ပါးထဲက ကရုဏာနဲ့ မုဒိတာရဲ့ အရေးမှုကို လေ့လာသိရှိနိုင်ပါတယ်။ သိရရုံမကဘဲ ဘယ်လို ကျင့်ရမလဲ ဆိုတာပါ သိရလို့ အင်မတန်မှ အကျိုးများပါတယ်။ တရားခွေအနေနဲ့ နာပြီးသား ဆိုပေမယ့် စာအုပ်အနေနဲ့ ဖတ်ရတာကလည်း အရသာတစ်မျိုးပါပဲ။