Психоанализ

by Л.Энхтүшиг, Билгүүн. Б (Designer)

Фройдыг 160 жилийн өмнө энэ хорвоод ирэхэд эцэг, эх нь хүүхдийнхээ ирээдүйг гэрэлтэй сайхан байна гэдэгт итгэлтэй байсан нь гарцаагүй, гэхдээ дэлхийг эргүүлэх агуу сэтгэгч болно гэж төсөөлж ч байгаагүй биз. Өдийг хүртэл Фройдын бичвэр, судалгааны ажил, үзэл санааг үгүйсгэсэн онол сургаал, үзэл санааны бүлэг ч бий болжээ. Зарим их, дээд сургуульд үл ойшоох нь ч бий. Гэсэн ч аливаа юм физикийн хуульд захирагддагийн адил хүний сэтгэц, ухамсарын үйл ажиллагаатай бүхий л ойлголт, нэр томьёонууд Фройдын хуулиас эхтэй гэдгийг санах хэрэгтэй.
Уншигч танаа психоанализыг системтэйгээр тайлбарлахын тулд номын агуулгыг психоанализын хөгжлийн он цагийн дарааллаар бүлэглэн хуваасан болно. Фройдын ажил мэргэжил, психоанализын хөгжил, зүүдний тайлал, ухамсарт бус сэтгэцийн тухай тайлбар, бэлгийн амьдрал, хүүхэд насны дурсамж, сэтгэцийн бүрдэл хэсгүүд, нийгэм соёл зэрэг психоанализын бүхий л тулгуур ойлголтуудыг багтаахыг хичээсэн болно.
Сэтгэл судлалын ном, бүтээлүүд монгол хэлнээ хэвлэгдсэн нь тун чамлалтай. Орчин үед ментор, көчинг зэрэг мэргэжлийн чиг хандлагууд дэлгэрч байгаа ч бие хүний зөвлөгөө, сэтгэц заслын суурь болох, уншигчдад “инсайт” өгөх бүтээлүүд нь тун ховор байна. Аливаа зүйл дэс дарааллаас бүтдэг. Цэцэрлэгийн хүүхэд алгебрын бодлого бодож чадахгүйтай адил психоанализын утга санааг бүрэн уншаагүй, ойлгоогүй хүн сэтгэц заслыг ойлгох, түүнийг хэрэглэх хийгээд ерөөс хүний мөн чанарыг ойлгоход нэн бэрх хэмээн мөхөс оюундаа тунгаалаа. Суут сэтгэгч Фройдын психоанализыг нэг мөр болгосон ном бүтээл өдийг хүртэл монгол хэлнээ хэвлэгдэн гараагүй нь харамсалтай ч энэхүү бүтээлээр эрдэмтэн судлаач, их дээд сургуулийн оюутнууд, сонирхогч уншигчид психоанализид хүрэх гүүрний багана модыг тавилаа хэмээн найднам. Уншигч таныг уг гүүрээр гэтлэн, хүний мөн чанарыг ойлгох аян замд гарахыг урьж байна.

192 pages, Paperback

First published August 30, 2019